paroman pias
pasemon alum
nyalindung di suku gunung
nyantél dina wiati kaasih nu moal panggih
nguniang ti Burangrang
mapay-mapay jurang kamelang
kairid angin
kaeurad méga
mawa haté nu marojéngja
YP
Randukurung 24082018
DIRGAHAYU NEGERIKU
“Merdeka”
“Hidup atau Mati”
slogan yang tak pernah terucap
di generasi kami
Merdeka....
walau tanpa kutebus dengan darah
walau tanpa kubayar dengan jiwa dan air mata
slogan merdeka bagai mantera yang tak setiap kami bisa
Jasamu pahlawanku
tetesan darahmu pahlawanku
dan hembusan nafas terakhirmu telah menghancurkan belenggu penjajahan atas negeri ini
Ibu Pertiwi
mengantarkan kami pada kebebasan
sampai hari ini
merdeka
dirgahayu negeriku....
YP
Baros 17082018
PISAH
pileuleuyan
ringkang sakedapan digurat watesan mangsa
sok sanajan narah nyebat pisah
teu werat mun nyebat pegat
geuning ayeuna katineung mangsa lekasan
pataréma urang silih wilujengkeun
wilujeng angkat jungjunan
....
teu kedah ngumbar tibelat
da cisoca mo saat-saat
teu kedah ngumbar kawaas
da kangangres mo laas-laas
urang luaskeun ku ihlas
tanpa citangis marengan
pileuleuyan
wilujeng angkat jungjunan
Endah panineungan
Mangka iklas dipungkas ku lambak Pangauban
Kiwari lain bihari
Ayeuna lain baheula
Aya mangsana datang dipapag ku pangharepan
Aya mangsana mulang dijajap ku panineungan
Pondok dipitali waton, panjang dipitali walang
Keur sono kapegat lalakon, keur senang kudu paturay
Pileuleuyan
Pileuleuyan
ringkang urang sakedapan
geuning ayeuna katalimbeng mangsa lekasan
sanajan narah kedah pisah
taya basa anu wasa mapalangan
sadrah pataréma urang silih wilujengkeun
wilujeng angkat
kantétan carita rundayan mangsa
ngembat ti padasuka ka pangauban
ngalongkéwang nyarungsum mahpar walungan
hambar diri leungiteun pamuntangan
sirna kapegat kecap papisah
pisah....
pileuleuyan
sapunyéré pegat simpay, mugia paturay patepang deui
YP
Randukurung 11042019
Langit Panineungan
Wilujeng angkat
Aya mangsana datang dipapag ku pangharepan
Aya mangsana mulang dijajap ku panineungan
pileuleuyan
kantétan carita rundayan mangsa
kapegat tugas anu wekasan
pidu’a dina hate langit nu wening
mugia ginulur rahayu mayunan pangsiun
MATA CINTA
Yogaswara PermanaYP
YP
Tangsel 25092019
SUDUT BANGUNAN
ANDAI
MUN KONGANG