Buka lanse

Jumadil awal n amonyo bulan

Hari duo puluh masuk bilangan..
Sedikit nazom…
Abang sampaikan… tolonglah sambut
Dengan kereloan…
Bedayung mudik ke sunge tabir
Limaulah manis namo dusunnyo
Aduhai dayang… bukalah tabir
Yang hitam manis hendak bajumpo..
Dengan bismillah kami mengarak…
Pemduda pemudi belajar mengarang…
Nenek mamak.. segalo nang datang…
Siapokah konon nan jadi pawang…
Bismmillah itu mulonyo tabir…
Takbir itu awalnyo solat…
Bukannyo takbir… sembarang takbir…
Takbirnyi iko takbir beradat..
Pergi ketebat menjalo ikan
Dapatlah ikan lais nyo pepak
Berapo adatnyo dek oi..
Cubo katokan… supayo senang…
Abang membayar..
Bulan depan jumadil awal… muharam safar
Bulan nag sudah
Tidaknyo kami… memintak mahal
Sebentuk cincin cukuplah sudah…
Ikolah dio dek semangkuk lilin
Lilin selalang merantip sapat
Ikolah dio dek oi…
Sebentuk cincin untuk pembuka
Takbir beradat…
Delimo buah delimo
Masak sekok jatuh ke tebat
Pemberian abang… lah kami terimo
Untuk pembuka lanse nang beradat…
Hari iko bertepung tawar besok pagi barulah mandi
Janganlah lamo … bang oi tegak diluar silokan masuk
Si jantung hati…