MAENA ROHANI KOMISI PEMUDA

BNKP SIFAORO’ASI
Fanema: He ama he ina hegoi nasi bohou ebua data omusoio dododa
bawa atumbu zoaya

1.Bada maborotaigo khoda doi maena

Bada mawao khoda zambua helooya
2.Hadia mboro fefu waowulo ita
Hana waoi muhi’a-hi’a dododa
3.Boro wanolo Lowalangida Ama
Auri ita baro zi dofi fa’ara
4.He fefu ya’aga Komisi Pemuda
Mendrua mano ndra ama he ira ina
5.Meno ahakho dodo nia fefu ita
Ba hegoi banoso hegoi ba mbotoda
6.Andro ma duno-duno fefu ba maena
Ya’aga onomi Komisi Pemuda
7.Meno fanoro todo khoda ma’akha
Wa’a tumbu Yesu Soaya yaita
8.Meba kandra tumbu ba Mbetilekhema
Meha ndru’u wololo yawa ba Luha
9.Meno fondrege khonia wa’alumana
Ira Kubalo zi ofona mangila
10.Meno haboro wangorifi yaita
Boro wangoholi ba huku horoda
11.Andro itaogo fefu wa’anumana
Andro iroi naha Sorugo siyawa
12.Moi tou ia khoda ba Gulidanoda
Yaia wolawa fa’a bolo Gafokha
13.Andro lo sulo khoda si’oroi ita
Hafo lulu boto fao gera-erada
14.Andro taroi fefu dodo sitohona
Andro tafalalini gera-erada
15.Andro talulu wa’aurida khonia
Data be’e amatorowa Zoaya
16.Bada ta’andro saohagolo kho Nama
Melo ifaigi ita boro horoda
17.Hiza noiabolo’o ndra Enoni
Bawama’ema khoma sa Taromali
18.Ena’o boi aroro ita boi faroi
Bawamalua fefu khoda faomasi
19. Hiza sazatuama Guru Jemaat
Da’e sazamaeri samahao ya’aga
20.Balo goisulo fefu sioroi khoma
Waerege dodou zi dofi fa’ara
21.Baha soaya zi tola manuloini
Fefu bahalowo ba mbua faomasi
22.Hegoi ira Ina Komisi Perempuan
Sino mamalului same era-era
23.Andro tola alua wahasara dodo
Yaia bahalowo da ba fondroniao
24.Hegoi ira ama Majelis Jemaat
Andre zame’e khoma bua Gera-era
25.Bada mabato khoma fefu doi maena
Matohu nafuri bazisofona da