Tonah

GEREJA KRISTEN PROTESTAN SIMALUNGUN (GKPS)

SIMALUNGUN PROTESTANT CHRISTIAN CHURCH
Pimpinan Sinode GKPS
Ephorus : Pdt. Dr. Deddy Fajar Purba
Sekretaris Jenderal : Pdt. Dr. Paul Ulrich Munthe

Pematangsiantar, 21 Agustus 2022

Nomor : 521/3-PS/2022
Hal : TONAH PIMPINAN SINODE GKPS BANI MINGGU SAHABAT KHUSUS
(NAMABALU, NAMATUA, TADING MAETEK, PAKON DIFABEL)

Nahinaholongan:
Haganup Kuria GKPS
Tiba Pengantar Jemaat
Bani iananni bei.

Salam hasadaon pakon pangidangion na marbuah!

Isuratkon apostel Paulus do bani 2 Korint 1:3-4, “Puji-pujian ma bani Naibata, Bapa ni Tuhan Jesus Kristus, Bapa
paridop ni uhur ampa Naibata sipangapoh in, na mangapoh hanami ibagas sagala sitarononnami, ase tarapoh
hanami hasoman na ibagas bagei ni sitaronon, hinorhon ni apoh-apoh na jinalonami sandiri humbani Naibata.”
Hata on do homa na manjuljul uhur pakon pingkirannami padaskon piga-piga panotap hubani nasiam bani Minggu
Sahabat Khusus GKPS (Namabalu, Namatua, Tading Maetek, pakon Difabel) panorang on.
1. Tema pakon Sub Tema Kegiatanta bani tahun 2022 on mangojur hita ase totap marhasadaon pakon sirsir
mangidangi, pataridahkon buah na madear, janah marsitungkolan pakon marsipatoguhan ampa marsipardiateian
mandompakkon paruntolon ni goluh. On do homa na gabe onjolan ampa na mambere pangarusion banta
ibagas na mandalankon ampa memaknai Minggu Sahabat Khusus GKPS sadari on. Minggunta sadari on sihol
do patugahkon hubanta paboa haganup do hita tardilo gabe tangan-tangan, nahei ampa pangkawah ni Jesus
Kristus laho mangidangi pakon mangurupi hasomanta i dunia on. Salah sada horja na utama janah na banggal
bani ha-Kristenon aima horja paridopniuhuran, holong pakon hasirsiron mampardiatei hasoman songon na dob
ipataridahkon Kristus hubanta.
2. Kuria ni Tuhan totap do mansarihon na musil, na marsitaronon, na boritan, na mabalu pakon na tading maetek,
mamungkah humbani parjongjong ni nari. Tangkas do pasal on ipagolpa apostel Jakobus bani suratni na
mangkatahon, “On do parugamaon na borsih anjaha na so dong sihataon bani uhur ni Naibata, Bapa in, ai
ma manorih na tading maetek ampa na mabalu ibagas hamarsikonni,” (Jak. 1:27a). Horja sisonon torus do
idalankon kuria bani ganup panorang ampa zaman. Halani ai, Minggu Khusus GKPS sadari on sihol do homa
pagolpahon hita ase horja pangidangion na madear on boi lambin ipadoras hita i tongah-tongah ni kurianta.
3. Talup do hita marmalas ni uhur halani totap do idalankon hita horja na madear on i tongah-tongah ni GKPS
anjaha lambin taridah do buahni marhitei parjongjong ni buei tumpuan ni inang namabalu pakon lansia i sab
kurianta. Totap do homa mardalan ibagas na dear horja diakonianta marhitei Panti Asuhan Bumi Keselamatan
Margaritha (BKM) GKPS, Rehabilitasi Berbasis Masyarakat (RBM) GKPS, Panti Karya Remaja (PKR) GKPS,
pakon Dana August Theis GKPS na gabe piga-piga dalan banta pataridahkon perhatianta hubani niombah ni
kuria na mamorluhon pangurupion bani goluhni. Halani ai, lambin padoras hita ma horja diakonia na gabe
hataridahan ni na dob tongon marbuah hasadaon pakon pangidangionta na irahut holong ampa idop ni uhur, na
mambahen seng dong atap ise pe na hurangan i tongah-tongahta (Lah. 2:44-45; 4:34).

Salam pakon tonggo,

Pimpinan Sinode GKPS:

Pdt. Dr. Deddy Fajar Purba Pdt. Dr. Paul Ulrich Munthe
Ephorus Sekretaris Jendral
Tembusan:
1. Praeses GKPS Distrik I s/d XI
2. Pendeta/Pengurus GKPS Resort
3. Pertinggal
Edisi 576
Agustus 2022 59