RELA

SCN 1 : Di jalan - sore

Fela : hmm. Kamana ini kang sadap? Cuma sandiri leh.

(Nando lewat)

Nando : Permisi. Boleh mo tanya?

Fela : (diam). bboleh.

Nando : Warong di sini dimana kang?

Fela : warong? Oh warong. Trus jo ka sana. Seblah kiri tu warong.

Nando : oh ok. Makase neh.

Fela : sama - sama.

Nando : em. Boleh mo kenalan?(Kase tangan)

Fela : (Ragu - ragu). boleh.

Nando : (ambe Fela pe Tangan). Kita Pe nama Nando. Lahir di London 17 agustus 1945.

Fela : (Muka heran) ha?

Nando: (Senyum) Nda katu. Kita lahir di Manado tanggal 5 Mei Tahun 2003. ngana pe nama
dang sapa?

Fela : Fela.

Nando : oh. Cuma Fela

Fela : (Senyum)

Nando : (Senyum)

SCN 2 : Warong - Pagi

Fela : ba bli dang!

PW : bli apa Fel?

Fela : mo bli sampo laifboy dang deng sabong lux

PW : Brapa mo bli?

Fela : sampo dua saset. Kalo sabong satu batang jho.

(Nando datang)

Nando : Selamat pagi, ci. Ada jual pulsa data?

PW : oh. Ada de. Tungggu neh.

PW : napa Fel depe kembalian.

Fela : makase neh. Nan, kita somo duluan neh.

(Fela kaluar dari warong)

PW : Mo bli pulsa data brapa de?

Nando : (ba pikir) biar jho ci. Nda jadi. Maaf neh ci.

(Nando langsung kaluar ba kejar pa Fela)

Nando : (Berteriak) Fela!tungggu Fel! FELAA!!

(Fela langsung diam)

Nando : huh! Pe cepat skali ngana pe bajalang ehh.

Fela : kyapa dang ngana dusu dusu pa kita? Pe capat lehh ngana da ba bli.

Nando : ada gangguan kata tu ci pe hp.

Fela : oh.

Nando : cuma oh?

Fela : kong mo jawab apa dang?

Nando : Nda noh. Mo ka mana ngana dang?

Fela : Mo pulang noh. Mo ka mana tre?

Nando : Sama sama jho dang.

Fela : minjo dang.

(Di jalan Sambil Ba crita)

SCN 3 : Jalan - Pagi

Nando : pe sepi kang disini?

Fela : (Diam)

Nando : (Haga pa Fela) bicara kwa sadiki. Masa ngana cuma mo ba diam akang pa kita.

Fela : nintau kwa mo bicara apa.

Nando : daritadi dang kita da bicara bicara pa ngana. Ngana nda suka deng kita pe cara
bicara?

Fela : bukan! Tapi..

Nando : io dang. Kita somo ba diam jo.

(Ta badiam sejenak)

Fela+Nando : ngana..

Fela : em. Nda jadi. Ngana jo duluan.

Nando : Biar jho. Ngana jo duluan.

Fela : (diam). ngana sibuk sbantar?

Nando : Tunggu mo pikir. Nda. Kyapa so?

Fela : nda no. Kalo boleh, sbantar kita deng kita pe teman mo lari sore. Ngana suka mo iko?

Nando : boleh. Npp to klo kita mo iko?

Fela : (Senyum)Nda kwa. Malah lebe bagus.

Nando : Siap

Fela : somo duluan neh Nan.

Nando : Oh io. Nda rasa leh so pa ngana pe rumah. Oke dang.

Fela : Jangan lupa sbantar neh. Nanti kita kase kabar di inbox tu tampa kita mo tunggu akang.

Nando : oke dang. Dahh.

(Fela masuk ka rumah)

SCN 4 : Tribun - Sore

Amanda : Fel? Daritadi ngana rupa cemas skali. Ada masalah apa ngana so?

Fela : Nda eh. Kita cuma ada ba tunggu pa kita pe teman.

Amanda : Teman sapa leh?

Fela : ada kwa. Tunggu jo.

(Nando datang)

Fela : sana dang dia. (Berteriak)Nando! Sini kwa.

Amanda : oh. Dia dang. Boleh jo.

Fela : ha? Maksudnya?

Amanda : Nda.

(Nando ba dekat)

Nando : sory neh lama.

Fela : nda apapa. Eh, nan. Ini kita pe teman Amanda.

Amanda+Nando : (senyum)

Nando : lama ngoni da tunggu pa kita?

Fela : nda talalu.

Nando : oh. Tadi kwa kita ta tidor.

Fela : io kita tau.

Nando : masa leh ngana tau?

Fela : kalo kita suka bilang (Senyum)

Nando : (Cubit Fela pe pipi)

Nando : Amanda? Bicara kwa. Cuma ba diam trus.

Amanda : (Senyum). io

Amanda : eh io kote Fel. Tadi kita ada baku chat deng Vigo. Kong dia tanya - tanya trus
tentang ngana.

Fela : kyapa dia tanya - tanya pa kita?

Amanda : Tau leh pa dia.

Nando : sapa so tu Vigo.

Fela : Kita pe Teman.

Amanda : Nda katu. Dia pe Mantan tu Vigo.

Fela : (Bise pa amanda) ih ngana ini.

Nando : oh.

(Vigo datang)

Amanda : Fel. Sana dia ehh.

Fela : Dia Sap...

Fela : Astaga. Ba apa dia ka sini?

Vigo : Hai beb.

Fela : ih. Sapa kang ngana?

Vigo : ohh. So bagitu dang

(Vigo deng Nando baku haga)

Vigo : Dia ini sapa dang?

Amanda : Fela pe teman baru pa dia.

Vigo : Teman ato apa ini?

Fela : Ih vigo. Kyapa so ngana?

Vigo : ngana tu kyapa? Kita telfon nda ja angka. Kita chat nda ja balas (Marah)

Nando : wey cs. Sabar dang. Jang emosi bagitu. Cewe dia kong ngana beking bagitu.

Vigo : kyapa dang ngana! Bukan ngana pe urusan eh klo kita mo bking apa pa dia. Ngana
depe sapa so kwa?(dorong pa Nando)

Nando : Heh. Kita cuma bilang eh.(Balas dorong)

Fela : sudah jo kwa vigo. Pigi jho ngana.

Amanda : io Vig. Supaya nda mo jadi masalah.

Vigo : Diam jo kwa ngana (tola pa Fela)

Nando : (tola pa Vigo) jang main kasar dang pa cewe.

Vigo : (pukul pa Nando)kapa dang ngana!

(Vigo deng Nando Berkelahi)

Fela : wey!stop jo kwa

Amanda : Vigo! Stop jo vigo.

Vigo : Bangsat ngana! Orang baru di sini kong so cari-cari masalah.

Nando : ngana yang duluan cari masalah mo bilang kita

Vigo : Tunggu ngana ehh

(Vigo pergi)

Fela : Nan? Ngana nda apa apa? Maaf neh.

Nando : io. Npp.

Amanda : ni vigo leh nintau mo ba apa kong kamari.

Fela : duhh. Sory neh Nan. Karna kita, ngana dia so pukul.

Nando : sudah jo bahas Fel. Nda apa apa kwa.

SATU BULAN KEMUDIAN

SCN 5 : Puncak - Siang

Fela : Nan. Minjo pulang. So dari pagi torang di sini

Nando : Tunggu Fel. Ada yang kita mo bilang

Nando : (Pegang Fela pe tangan)

Fela : apa Nan?(Senyum)

Nando : Sebenarnya...

Fela : (Senyum)

Nando : Sebenarnya kita mo minta maaf pa ngana

Fela : (Heran)ha?Maksudnya?

Nando : Maaf kalo selama ini kita so dekat pa ngana.

Fela : kiapa mo minta maaf?

Nando : io. Itu justru beking ngana jadi nyaman pa kita.

Fela : terus? Apa depe masalah? Bagus tre kalo kita nyaman pa ngana.

Fela : (Senyum)sebenarnya, kita suka pa ngana Nan. Tapi kita nimau bilang. Karna kita suka
ngana yang mo bilang. Selama ini kita tunggu ngana mo bilang. Tapi kyapa baru hari ini nga
mo bilang pa kita?

Nando : Hm. Sebenarnya kita pangge ngana ka sini bukan karna kita mo bilang itu pa ngana.

Fela : (terdiam)

Nando : Maaf kalo kita bicara beking saki pa ngana. Tapi kita musti bilang dari skarang. Jang
mo jadi masalah leh.

Fela : Maksudnya masalah apa?

Nando : kita sebenarnya so suka pa Amanda. Minggu lalu kita so bilang kita pe perasaan pa
dia. Kong dia leh sama.

Fela : Jadi, selama ini ngana ba dekat pa kita bukan for kita dang.

Nando : bukan Fel. Tapi...

Fela : (Langsung lepas Nando pe tangan)

Fela : Biar jho dang Nan. Kita terima. Yang penting ngana so dapa ngana pe keinginan

Nando : mar ngana nda marah to?

Fela : untuk apa kita mo marah kalo bukan kita pe hak?

Nando : (senyum)makase neh Fel.

Fela : Sama sama.(Sedih)

Nando : minjo dang torang pulang.

Fela : ok.

Nando : besok datang ulang kasini neh.

Fela : mo ba apa?

Nando : nda no. Cuma mo jalan jalan.

Fela : Amanda dang?

Nando : sudah kwa. Nanti kita pangge.

Fela : Hm. Io dang.

SCN 6 : Puncak - Siang

Nando : mana ini Fela? Pe lama skali

(Fela datang)

Fela : Sory neh lama. Susah kwa mo nae. Jadi kita ada istirahat

Nando : oh. Io.

Fela : Mana Amanda dang?

Nando : yah. So dapa lupa

Fela : cewe sandiri kong mo lupa

(Fela ba lia pemandangan)

Nando : makase neh Fel

Fela : makase for apa

Nando : karna ngana nda marah

Fela : oh.nda apa apa

Nando : tapi, lia deng ngana pe cara kemarin, kita blajar satu hal. Bahwa lebih baik merelakan
dengan tulus daripada bertahan tanpa perasaan.

Fela : Maksudnya?

Nando : kita suka pa ngana

Fela : Ha?

Nando : kita nda ada perasaan pa amanda. Kita cuma suka tau. Ngana tulus ato nyanda.

Fela : jadi ngana pe maksud...

Nando : io. Untuk apa torang mo cari orang yang sempurna di mata torang kalo so ada orang
yang sempurna di mata Tuhan.

Nando+Fela : (Senyum)
- TAMAT -