Anak Polah Bapa Kepradah

Anak nduwe perkara, wong tua bakal melu nyangga. Tindak-tanduk, muna-muni,
subasitane anak bakal dadi tanggungane wong tua. Jaman kang wis modern iki tata krama lan
Basa Jawa kang bener arang ditrepke. Apamaneh tumindake bocah jaman saiki wis adoh saka
budhaya timur. Jhono, putrane kepala desa ananging ora nduweni tata krama. Asli wong jawa
ananging ora njawani. Urip kecukupan ananging ora nduweni sopan. Saben polahe agawe
mangkel guru, kanca uga wong tua. Amarga polahe, wong tua gupak pulute.

Ing omahe Mariyem

Koor : “ wuaaah” (gumun )
Mariyem : “ Apik nemen HP mu jhon?”
Jhono : “ Lhooo ya apik, ngeneki tulit-tulit e isa banter. Jajal piye? (Jajal HP ne)”
Koor : “ Wuuaaaahhh iyo, uaaaaaaaaaapiiik e rek!”
Saminem : “ Nge.. ngeneki re... regane pi.. pira jhon?”
Painem : “ Kenek dinggo yutupan jhon?”
Mariyem : “Pollowermu pira Jhon?”
Saminem : “ Di..dinggo nde..ndelok korea ke..kenek Jhon?”
Painem : “ Nyilih Jhon !”
Jhono : “ Mengko dhisik!”
Mariyem : “ Aku yo nyilih !”
Saminem : “ A.. akuuu!”
Raikem : “ Hooooooooopppp!!!!!!!!!!!!!!! Wis bar ! Jalaran sinau kelompok, malah gupuh
perkara HP !”
Jhono : “ Heleeeeh! Santai wae lah!”
Raikem : “ Santai... santai... sesok iku tugas wis kudu ditumpuk, ulangan pisan.Awakmu apa
wis rampung?”
Mariyem : (ndelok buku tugase Jhon o) “Ealah alah, ya panggah durung... Jhon o ! Tugas gak
tau nggarap, ulangan gak tau sinau! Ngono kok arep nyanding Raisa, sampek lumuten ya
panggah raisa Jhon!”
Jhono : “ ewek ewek ewek... Lha awakmu? Gaweane ndelok korea, sopo kae jenenge
Jungkok lah, songkok, mangkok lah.”
Bu Lasmi : “ Jhooooooooooooooooooonnn! (nggolek i Jhon o) Jhon ooo! Jhoooon !”
Painem : “ ssss so..sopo i..iku ?”
Jhono : “OMG Hello ! Kuwi mami ku! Aduh njur piye iki?”
Mariyem : “ Awakmu wis pamitan durung?”
Jhono : “Durung! Aduh aduh !”
Bu Lasmi : “Jhooon ! Lhaaaaaaaaaaa iki bocahe !”
Jhono : “yes, mami...”
Bu Lasmi : “ yes mami, yes mami! Bola-bali diwarahi Basa Jawa kok pancet ae! Dolan gak tau
pamit, Kelompokan gak tau pamit, pitik e diculke... diumbaaar ora tau dipakani! Sinau malah
dolanan HP ! Ayoo muliiih! (Njewer Jhon o)”
Jhono : “Inggih mamiiiiiii, ngapunten”

Sesoke ing sekolah....

Raikem : “ Cah cah, wis padha ngerti apa durung? Siaran berita JTV wingi?”
Koor : “ Ana apa ?”
Saminem : “ a... ana apa?”
Painem : “ Siswa Walanda kang nyinau gamelan iku ta yem?
Raikem : “ Iya.. iya.. Negara manca wae gelem nguri-uri budhaya Jawa lo lur!”
Mariyem : “Ealah.. Aku wingi yutupan ndelok BTS, Jungkok... Dadi gak ngerti kabar kuwi”
Saminem : “ U..umpamane BTS la..lagune ganti Se.. sewu ku..kutha ngono, mu..mundak
sangar ketok e “
Raikem : “ Omong apa ta nem.. nem..”
Ijah : (gupuh) “ Masuuuuuk! Pak guru rawuh !”
Jhono : (Telat) “ Hehehehe Pak guru... I’m so sorry Pak...”
Pak Jari : “ Telat maneh? Hmmm... Nyangapa telat le?”
Jhono : “ Ngojek dhateng SMANDA pak... ehhh.. mboten begitu pak...ehh”
Pak Jari : “ Tugase wis rampung le?”
Jhono : “ hehe.. dereng pak”
Pak Jari : “Jhon oo.. Jhon oo... Tugas ora tau digarap, telat, Basa Jawane amburadul. Ealah
ngger.. ngger...”
Koor :” Lhaaa nggihhh.”
Pak Jari : “Wis, Lungguh dhisik le!Murid-murid.. Tugas e yen wis rampung dikumpulake “
Koor : “ Inggih pak.”
Pak Jari : “ Kertas ulangane dicepakake !”
Koor : “ Inggih pak.”
Wektu ulangan Jhon o gupuh amarga ora sinau, clingak-clinguk golek turunan kancane.
Jhono : “ sssstttttt ... ssssstttt, Nem iki piye?”
Saminem : “ A..Apem nggo..nggone Bbbu..Bu Bag empuk enak!”
Jhono : “ Halah suwi! Yem iki piyeee yem?”
Mariyem : (ora nggagas)
Pak Jari : “Yen wis rampung dikumpulake .”
Kabeh murid wis ngumpulake, kajaba Jhon o.
Jhono : (ngumpulake lembar jawaban).”wis embuh wis..”
Pak Jari : (Nyimak lembar jawabe Jhono) “ Lhooooo, kok ora ana isine Jhon?”
Jhono : “ mboten saget pak, dereng sinau... hehee”.
Pak Jari : “ Nduk... Le... Dadi siswa iku sing taberi, luwih prayoga sinau sregepana. Aja
nganti bodho lenga-lengo kaya kebo! Paham?”
Koor : “ Inggih pak.”
Pak Jari : “Tata krama lan sopan santun iku kudu dijunjung dhuwur. Jaman saiki pancen wis
rubedo. Jaman kang wis modern iki, pro mudha wis lali marang tata krama lan kabudhayane.
Dadi siswa iku kudu mikul dhuwur mendem jero asmane wong tua. Amarga, tindak tandukmu
iku, wong tuwa kang nyangga nduk, le...”
Koor : “Inggih pak.”
Teeet teet ........
Pak Jari : “ Jhon, pimpin donga le !”
Jhono : “ Siiiiiap grak! Ndonga awit.............. Rampung”
Koor : “ Sugeng siang pak.”
Pak Jari : “ Sugeng Siang... (Ngampiri Jhono) Jhon... iki ana layang kagem bapakmu.”
Jhono : “ Inggih pak.”

Ing ngarep kelas...

Ijah : “Lho..Kok ngembang kacang wae Jhon?”
Jhono : “ Bingung Jah... Aku njur piye ngeneki?”
Ijah : “ Ealah Jhoon.. Jhon...”
Jhono : “ Lho, lha bocah-bocah padha menyang ngendi?”
Ijah : “ Kabeh padha menyang alun-alun ndelok bal-balaan. Tak balik dhisik ya “
Jhono : “ Ealah, iya.”
Jhono : “Aduh, Piye ikii ... Gak usah dicaosne bapak apa piye ya?”
Malaikat : “ Uluh uluh uluhhh... Eling Jhon, tumindak jujur iku utama !”
Iblis : “ Hasssss!Ora usah digagas! Diguwak bae layange ! Losssssss! hahahahaha”
Malaikat : “Le cah bagus, urip iku ngutama tumindak becik”
Iblis : “ Lossss doll ae Jhon! Slowkendomelowoyowoyo ! Takgintung-gintung
ik..ik........Hahahahahaha”
Malaikat : “ Eling Jhon! Eling!”
Iblis : “ Ora usah digagas Jhon!”
Parlena : “ Hoooooooooooooooop ! wis.. wis... dak wehne wae !”

Isuke ing Ruang BK..

Pak Kardi (Bapa neJhono) : “ Sugeng Enjing pak.”
Pak Jari : “ Enjing ugi pak, panjenangan Pak Kardi nggih?”
Pak Kardi : “ Inggih pak. Kula bapane Jhono. Wonten napa nggih pak?”
Pak Jari : “ Ngaten pak.. niki perkawis Jhono dhateng pawiyatan .. ngapunten nggih pak..
lare niku tata kramane kirang, tugas-tugas saking bapa kaliyan ibu guru nggih mboten
dirampungke. Pramila, kula nyuwun Pak Kardi mangke saget tegesipun ngaturi supados Jhono
saget tumindak becik tumrap tiyang.”
Pak Kardi : “Oalah makaten, inggih pak. Perkawis punika leres.Jhono menika pancen bandel
pak. Ngapunten nggih pak kagem yuga kula. Maturnuwun pak kagem pawartosipun, mangke
kula kandhani lerene .”
Pak Jari : “ Inggih pak, kula nyuwun pangapunten ugi mbokbilih wonten lepat.Sampun Pak
Kardi... Naming niku ingkang badhe kula aturaken dumatheng panjenengan.”
Pak Kardi : “ Inggih Pak. Kula titip yuga kula menawi wonten napa-napa malih. Kula nyuwun
pamit nggih pak.”
Pak Jari : “ Inggih pak. Ngatos-atos nggih.”
Pak Kardi : “Inggih pak.”

Ing omahe Jhono

Pak Kardi : (mangkel) “ Jhhhhhhhhhhhooooooooooooonnnnnnnnnnnnnn oooooooooooo!!!!!!!!”
 KELOMPOK

FARIS IRFANSYAH
KAIS FAQIHUDDIN AHMAD
M. YOGA HIDAYATULLAH
ACHMAD FARFAN FIRMANSYAH
BAGUS ARDIANSYAH
M. REIFAN BAIHAQI
ADITYA BAGUS PERMANA