Nama : Youlindra Siringoringo

Nim : 18.04.12.7244
Prodi/Grub : Teologi/B
Mata Kuliah : Praktek Khotbah
Dosen Pengampu : Dr. Arip S Sitompul,M.Th

“Mangaradoti Nasa Na Tinompa”

(Mengasihi Bumi dan Segala Isinya)
Mazmur 146: 1-10

Shaloom…
Patujolo
Huria ni Tuhan na hinaholongan ni Debata,mangihuthon sejarah somalna buku Psalmen
marrumang ende pujipujian na ni endehon ni bangso Israel topet di Bagas Joro ni Debata. Ihut
tusi ganup psalmen sai dihamham do sintuhu ni haporseaon ni namangendehon i (horong
manang marsahalak) dohot hata na asing sai ondol do di psalmen I songon dia do rumang ni
haporseaon ni na mangendehon i. suang songonima nang di turpuk ta sadarion ima sian Psalmen
146 :1-10. Ima psalmen na marrumang ende pujipujian jala mangihuthon angka pande tafsir ia
psalmen on tubu di hamamasa ni zaman dung simpul habuangan tarida ma I sian pangorhon ni
bahasa Aram dohot angka hata manang pandohan na di bagasanna . ihut tusi molo disagi bindu
on dibagi ma gabe tolu bagian, ima : ayat 1-2 tarigot joujou laho mamuji Tuhan. Ayat 3-4 ima
sosososo manang sipaingot tu angka ruas (bangso Israel) jala ayat 5-10 ima pandohan “martua”
dohot bagian penutup.

Isi
Ayat 1-2. Di ayat on digoari do psalmen on ima psalmen marsahalak (mazmur pribadi), tarida
ma I marhite ayat 1: “Haleluya! Ale tondigku, puji ma jahowa!” jala laos dipatorang ma muse di
ayat 2: “pujionku ma jahowa saleleng au mangolu “ on mana patuduhon haporseaon ni par
psalmen I jala patuduhon hatuaonna. Dang apala didok dison aha do sibonsiri umbahan na didok
ibana tu tondina “pujima jahowa” ala torang do Alani haporseaonna sandiri do umbahen na giot
rohana mamuji Tuhan. Dang marlapatan ngolu on yanggo so mamuji Tuhan. Ihut tusi didok
ibana ma:”sai endehononku do debataku saleleng adong dope ahu”. Pandohan on marrumang
doxology (ende nna jempet pasangaphon Tuhan) na marisihon baga-baga ni psalmen i
Ayat 3-4. Di ayat on didok do sosososo manang si pasingot tu ruas (bangsa Israel ) asa unang
marhaposan nasida tu angka pangarajai, tu anak ni jolma na so umpeot panumpahion di bagasan
ibana. Boasa? Ala ingkon holan marhaposan tu debata jahowa sandiri do nasida jala holan ibana
do sipujion, songon na didok na di ayat 1-2 domu tu si didokdo di psalmen 118 ayat 8-9:
“denggan marhaposan tu jahowa asa marhaposan tu jolma . denggan marhaposan tu jahowa, asa
marhaposan tu angka raja”. Boasa didok songoni? Alana angka jolma manang raja
pasatongkinan dongolu ni I (manusia fana), jala na tinompa ni debata do I. ido umbahen na didok
di ayat 4: “ia ruar sogot tondinai mulak ma ibana tu tano na di ari nasasadai pesan ma sude angka
sangkap-sangkap nai. Jadi angko jolma I ala daging do mulak tuu tano doi.
Ayat 5-10. Di turpuk on di on dohon do hatuaon ni sasahalak molo jahowa dibahen panghirimon
manang pangurupion na. di ayat 5 didok : “martua ma manang ise na mambahen debata ni si
jakkob pangurupina, marpanghirimon ibana di jahowa debata na!”. ise do debata na didok na
dison? Jala boasa ingkon marpanghirimon jala marhaposan tu ibana? Alusna di ayat 6-9 : ai
ibana do sitompa langit dohot laut ro dinasa isina, jala ibana do sipatingkos uhum tu angka na
nirupa, jahowa patonggor mata ni angka na mampitung, jala pahehe angka na tungki, jahowa do
manghaholongi angka partigor, jahowa do mangaramoti halak na buro, manggogoihon angka na
soppot ro marama, na so marina dohot angka na mabalu. Huria na di halolongi debata jahowa.
Jala di ayat na parpudi (ayat 10) di ondolhon do jahowa do raja ro disalelengna. Ibana do debata
ni bangsa Israel marsundut sundut. Di ayat on didok “sion” patuduhon bangsa Israel. Alani I tung
denggan situtu ma bangso Israel porsea jala marpanghirimon tu ibana saleleng lelengna.
Ilustrasi
Marhite turpuk on disosohon do tu hita asa mamuji Jahowa di tongatonga ni ngolunta nang di
parmingguon pe. Boasa ingkon mamuji jahowa hita? Tontu ala naung tatanda do ibana marhite
haporseaonta. Tarlumobi ma nunga tatanda ibana secara pribadi marhite Jesus Kristus Tuhanta i.
tangkas do holong ni roha ni jahowa na balga I di hita, marhite naung diseahon ibana anakna na
sasada I, Jesus Kristus, pola mate tarsilang ibana asa dapotan hasesaan ni dosa hita jala
hangoluan sisalelenglelengna. Alani I I anggo panggulmiton ni ngolunta ingkon ma mamujimuji
dohot pasangaphon jahowa.
Ihut tusi dapotan hatuaon do hita molo marsigantung jala marpanghirimon hita holan tu jahowa.
Huria na ni haholongan ni debata jahowa songon na didok di turpuk on : “martua ma manang ise,
na mambahen debata ni si jakkob pangurupina, marpanghirimon ibana di jahowa”. (Ay5) . jadi
holan di bagasan jahowa do dapot hita hatuaon na sintong jala songkal (kebahagiaan yang sejati
dan kekal). Sada pambahenan ni debata na balga I diportibion ima: ibana do sitompa langit dohot
tano on dohot laut ro di sude isina. Alai ndang holan manompa ibana, huhut do mangaramoti
sude jadijadianna I, songon tema ni jamitanta di tingki on. Jahowa do sitompa nasa na adong laos
huhut do ibana mangaramoti. Molo tung pe sahat hita tu tingki on marpungu jala hipashipas,
salhutna I holan asi ni roha ni jahowa do I hita. Antong tadok ma tu tondinta: “ale tondingku,
puji ma jahowa” amen.