JAKU ADJEKTIF

Jaku adjektif nya leka jaku ti nerangka pasal jaku nama.

Dikena nerangka
 gaya,
 tukuh,
 chura,
 peragam ati,
 sukat,
 pengasai,
 penyampau
 maya jam
 JAKU ADJEKTIF TI NERANGKA
GAYA
Chunto :

manah , rajin, lemi, takut, mangah, berani, pintar, buruk, gerai, sakit, regas, runggu,
sengian, inggar, ragak

1. “Enda inggar agi sida meda Mr.Banta datai, endang baka api dipanjah ai,” ku Gawing.
2. Apai Entebang pintar ngidupka diri.
 JAKU ADJEKTIF TI NERANGKA
TUKUH
Chunto ;

segala, bingkuk, tinggi, mipis, jai, bungkuk, lurus, mit, besai, baruh, segi empat, segi tiga,
lunching, kempis, ngelembu, gentung

1. Pun sawit nya chundung

2. Bol ti dikena orang bemain nya segala ina

 JAKU ADJEKTIF TI NERANGKA
CHURA
Chunto :

burak, chelum, biru, mirah, kuning, kelabu, biring, puchat, kalas banda, gadung

1. Kerita burak nya enggi Menijar Kilang Sawit.

2. Daun sawit nya kuning laban kemarau.

 LATIH
Giga lalu tulis jaku adjektif ti bisi ditemu dalam teks di baruh tu.

Sawit, asal iya tumbuh ba kampung tebal savanna enggau tropical ba tanah ti ami sereta bepasir.
Sawit ditanam sechara komersal ba dandang mit ulih M.Adrian Hallet dalam taun 1911 di Sumatra.
Belabuh ari nya, dandang sawit ti besai pan berengkah ngerembai ba Asia Tenggara. Nama saintifik sawit
ari Afrika Barat tu Elaeis guineensis sereta sebilik enggau bansa kayu ti bedaun gadung dikumbai palmae.

Ba dandang besai iya ditanam antara 9 meter ari sepun-sepun. Ba dandang sehektar, 125 pun sawit
ulih ditanam dia. Sawit berengkah bebuah maya umur iya lima taun. Iya ulih tumbuh nyentuk ke
peninggi 10 meter. Sehektar sawit ulih ngasilka 6 000 kg buah setaun. Penyakit ti selalu ngachau sawit
iya nya perintik oren, wilt enggau blast.
 LATIH 1
Pilih leka jaku ti engkeman dikena ngisi lapang ba ayat-ayat di baruh tu.

1. Nembiak nya (pandai, tinggi, kurus) lalu ulih belajar ke university

2. Semua kuli ba ladang sawit nya (gerai, bagas, mangah) gawa

3. Lori ti mai buah sawit ke kilang nya (regas, takut, besai) bendar.

4. Semua kerani indu ti gawa dalam opis kilang sawit nya (sesigat, bebajik, bebingkuk)
magang.

5. Buah sawit ti udah mansau bechura (kuning, banda, gadung)

 LATIH 2
Gaga ayat ngena leka jaku di baruh tu.
1. Takut
2. Sengian
3. Bajik
4. Segi tiga
5. Chelum
6. Kering
7. Laju
8. tegar