DRAMA BAHASA BALI

KARMA PHALA

Nama Kelompok :

1. Ni Putu Gita Wangi (01)

2. Kadek Dyah Utami Dewi (02)
3. Tjokorda Istri Agung Dwi Pradnyani (03)
4. Ni Kadek Dina Ardani Asih (04)
5. Komang Ayu Triska Prabandari (07)
6. Luh Rosita Arsani (16)
7. Ni Ptu Sinta Pramesti (25)
8. Ni Putu Lissa Angga Christina (26)
 KARMA PHALA
Kacerita ring pondok, wenten keluarga Men Sari sane madue
pianak luh 3 diri.

Meme : Mimih ratu, kene ngelah pianak luh 3 sing cagerang ngujang.
Jek pragat meplayana hp dogen, mai mai tulungin meme
nyakan.

Kadek : Aduh meme,,, sing nawang panake nu sibukne?

Putu : Nah nah Me, mangkin pun.

Komang : Me yang kar ke pasih nyanan jak timpal timpale yange.

Meme : Konden pragat gaene jumah be nangih indeng indeng, ne

nake malu pragatang tanding malu jotanne, ne Putu tanding
malu canange, Kadek yen patutne sampatang malu natahe,
jek pocol pesan ngelah panak kene.

Sesampunne I Komang pragat nanding jotanne, lantas I Komang

mebanten di sanggah lan di natahne

Meme : Mih Komang komang kenken to mebanten keto dogen bisa

ulung, benehang nake ngabe nare, sekenang kenehe, jek de
nake ambul ambul kene, nah kene sube dadine yen anak
meyadnya sing seken seken ngelaksanayang.

Putu : Yee, mebanten keketo dogen sing bise, ken ken mbok
nugtugang.

Komang : Sangkalange bang nake nanyan yang melali ke pasih, iiyuhh

meme ne nak sing nawang jaman jani, mun ade hari libur melali
ke pasih, foto fotoan, jek pragat nyemak gae dogen orahine
ngeot,,, ngejot.

Meme : Nyen sing maang, sangkalange pragatang malu gaene jumah

mare nake melali.

Kadek : Saje mang, pragatang malu gaene, jek melali dogen

itungange.
Komang : Mihh gaya dogen, ii to the yuhh.. perjani ngorahang keto,
yen sing ade I Meme jek pragat ye masih melali.

Kadek : Ehh,, melaang ke nyai meraosang nah, nyen taen melali?

Yang nak sing je melali, nak tuah jalan jalan doen, yee juari
san

Meme : Eeh ehhh,,, ne ngujang saling dengkikin, meme nak ngajain

cening cening jak telu pang dadi nak luh magune, biin pidan
di tuane pang biasa nyemak gae.

Putu : Nggih Me, tiang lakar nuutin munyin memene, tiang lakar
melajah megae pang biin pidan tiang bise megae.

Komang : Aduuhhh,,, munyin Memene tenget san! Nah to nak gae

durian, nu joh to, de ne joh joh itungange.

Kadek : Ngelah adin paling cenike, jek pragat ngelawan doen.

Risedek I Meme nuturin pianak pianakne, timpal timpalne I

Komang teka lakar ngajak melali.

Osik, Dina,Botak : Komang,, komang payu melali?

Komang : Oke broo... antiang akejep, Me yang kar melali malu,

durinan biin jemak gaene.

Meme : Eee,, eee,, Mang.. (I Komang melaib ngalih timpalne) keweh

Meme kene, ngelah panak sing dadi petain baan bungut.

Tekedne I Komang di malun umahne lan nepukin timpal timpalne

Ia lantas ke pasih bareng bareng.

Komang : Payu melali?

Osik : Payu dunk kan suba mejanji.

Dina : Kar kije melali ne?

Botak : Melali ke pasih neh?

Komang : Mihh, med yang melali ke pasih, ke bukit gen melali meh?

Osik : Mai nae, yang nak nyak nyak doen.

Sedek I Kadek meplayana HP, I Meme nglantas ngeraos.

Meme : Dek, meli uyah malu neh di Men Juenge

Kadek : Nah Me.

Teked I Kadek di dagangane Men Jueng, Ia mekesyab ningeh

munyine Men Jueng.

Kadek : Dong, tiang meli uyah, ne memen tiange nunden.

Men Jueng : Akude ngalih Dek?"

Kadek : Duang tali dong.

Men Jueng : Neh Dek. Eee,, kije to I Komang jak timpal timpalne
melali? Jek gradag - grudug

Kadek : Ahh, nak ye melali jake timpalne, ngaku melali ke pasih.

Men Jueng : Yee, sing melali ke pasih ye, ditu tepuk di bukit tengah jak
ke pat, luh luh sade, yeape kaden gaene

Kadek : "Nah yen saje keto, jani lakar yang alih keme.

Lantas I Kadek mejalan ke bukit tengah lakar ngalih I Komang.

Di subane Kadek neked ditu, tepukine I Komang jak timpal timpal ne
sedeng mefoto.

Kadek : Eeehh nyai,, kene gaen nyaine aee? Ngaku nyai melali ke
pasih, ne dije adane? Ne madan pasih?!

Komang : Eehh, ngujang bise mai? Nyen ngoraang yang ade dini?

Kadek : Sing perlu nawang nyen mbok ngorain. Mai mai mulih.

Lantas I Komang kaoros saking I Kadek.

Osik : Ehh, mbok de make keto carane, pedalem adine.

Dina : Ngudiang kasar keto ngajak adi?

Botak : Sabar sabar bro de kenyat kenyat keto, mai mai

mulih.

Kadek : De munyi munyi dogen, mai mulih!

 Lantas, I Kadek, Komang, Osik, Dina, lan Botak mejalan mulih.
Ring len tongos I Men Sari ngalih Kadek ke dagangan Men Jueng krane I
Kadek tusing muih mulih uli meli sere.

Meme : Men Jueng. Ade panak tiange I Kadek meblanje mai?

Men Jueng : Yeeh I Sari, ade tunian ye mai meli uyah.

Meme : Kije ye jani? Kanti jani konden mulih.

Men Jueng : Yeh, anak ye ngorahang ngalih I Komang ke bukit tengah.

Meme : Mih ratu ye ngujang melali kemu? Pegug pesan to ngelah

panak besik.

Men Jueng : Tunyan nak tepukin tiang ye ke bukit tengah ajak timpal
timpalne.

Meme : Nah, nah, yen tepuk ye ngliwat, orain mulih Men.

Men Jueng : Nah, nah, nyanan yen tepuk kar orain mulih.

Nglantas I Men Sari mulih ke umahne. Kadek, Komang lan timpal

timpalne ngliwatin dagangane Men Jueng.

Men Jueng : Yee, ne ye I Kadek, tunyan Memene ngalih

Kadek : Ne yang nu ngalih I Komang ke bukit tengah, ne kar ajak

mulih jani, pang tawange jak I Meme.

Komang : Aduh aduh sakit

Men Jueng : Yehhh, kenape to, ngujang aduh aduh?

Kadek : Nak kenape ne?

Osik : Yee,, ngujang batisi pesu getih?

Botak : Coba tingalin batise.. (Botak ningalin batisne I Komang)

mimih ratu batise tebek paku.

Men Jueng : Nah dong,, ajak malu kemu ke puskesmas. Pang sing
enggalan enjeksi to.

Dina : Ape enjeksi, infeksi keto nae..

Kadek : Mai, mai ajak malu ke puskesmas, Dina, dina, mulih malu
orain jep I meme.

Lantas I Kadek, Osik, Botak, ngajak I Komang ke puskesmas.

Neked ring puskesmas, lantas I Komang kaajak ke UGD. Sesampune Dina
neked ring umahne I Komang, lantas ngalih memene I Komang.

Dina : Me Sari, me Sari kemu malu, kemu ke puskesmas.

Meme : Nak kenape ne? Ngujang ke puskesmas?

Dina : Keto Me, keto I Komang batisne tebek paku, jani

sube ajake ke puskesmas.

Meme : Mai, mai nake ke puskesmas.

Gelis cerita, I Meme, Putu lan Dina sampun teked ring

puskesmas. Lantas ngenggalang ke UGD ngalih I Kadek.

Meme : Kenken I Komang?

Kadek : To ape ye Me di tengah.

Lantas I Meme mecelep ke tengah

Meme : Mih. Komang komang, nak kenape bisa kene? Ape jemak
gaene?

Kadek : To nak ye melali ke bukit tengah.

Meme : Kaden ye ngaku melali ke pasih?

Kadek : Ahhh.. nak ye nguluk nguluk to Me

Meme : Mihhh Kene nah pianak memene mekejang, keto masih

Osik Dina lan Botak, yen kar melali kije kije, seken seken
yen meorahan jak memene jumah, de pati nguluk nguluk,
kene suba dadine yen anak demen nguluk nguluk, sing taen
nyak meyadnya, yen orain ngejot jek pragat demen ambul
ambul dogen, nglawan nglawan meme. Jani melahang ngabe
awak, be dingeh ne jak mekejang?

Osik, Dina, Botak : Sampun Me

Osik : Nggih mangkin tiang pamit dumun nggih, saantukan sampun
lingsir gumine.

Dina : Pamit pamit sareng sami.

Botak : Mang enggal seger nah, ajake biin ke bukit tengah.

Kadek, Putu : Yee, biin ke bukit tengah, jek pegug.

Botak : Yang penting kan morahang, nak meme sing ade ngorahang
sing dadi melali kemu, nak oraine morahang dogen.

Meme : Nah, nah Suud nake miegan, jani melahang ngabe awak
nah mulih nake de melali indeng indeng biin.

Osik, Dina, Botak : Nggih Me.