Nama : Ida Ayu Dea Sastra Dewi

NIM 2112051018
Matkul : Penulisan Fiksi

Teks Drama sane mamurda "TEN JUARI" gubahan saking teks Cerpen Ten Juari olih Made
Kridalaksana.

TEN JUARI
Pagruéng munyin montor lan mobilé nganginang ngauhang di jalan bypass Bualuné. Ada
ané ngebut sambilanga ngamunyiang bél keras-keras kanti ngempengang kuping, ada masih ané
adéng-adéng pesan ngawinang anaké durinan kéweh pesan nyalip. Di samping tiangé supiré nyetél
gending rock keras-keras uli radioné apang tusing kiap ngenjek gas kenceng-kenceng nuju mulih.
Buin dingeh tiang munyin radioné, buin tiang engsap. Nanging supiré itep masuir-suir sambilanga
nuutin munyin gending di radioné.

Sedeng I Made ngidema saget mamunyi happen tiange. Ada anak nelpun. Prejani matan I Made
ngedat.
Made : "Haloooo!"
Gustu : "Sibuk mangkin,Bos? Tiang jagi mrika wenten sane ortaang tiang"
Made : "Tiang mara suud ngateh tamu dinner, Jani tiang kal mulih. Wenten napi,jagi
ngaryanang travel , Gustu?.
Gustu : " Jam kuda wénten di kos?"
Made : “Sawatara jam tengah solasan,”
Gustu : “Mani jam pitu dini nah, Made!”
Made : "Oke Bos!"

Dapetang tiang Gustu suba di natah kos tiange sedek negak di duur sadel motor metik pelungne.
Made : "Sampun tunian? Mriki-mriki!, kanggiang malinggih driki!"

Gustu negak ditu sambilanga mesuang roko mabungkus barak ane merekne suba kasub uli tas
gandongne.
Made : "Punapi gatrane?, mekelo sing taen tepuk. Kari makarya drika?."
Gusu : “Mangkin tiang ten magaé, Dé. Sampun wusan tiang ring travel nika. Polih taler ring
travel Jepang ajebos kémanten, komplin tamuné. Tiang suudanga santukan kari
training drika. Sujatinné wénten senior tiang daweg undukné nika, sakéwanten tiang
dogén sané pecata,”
Kurenan Made : "Rarisang, kanggiang ten wenten napi"
Gustu : "Suksma Mbok "
Made : "Ngae nake travel sik pang maan tiang magae"
Gustu : “Dugas niki Mister Kim okana ngaba grup mriki. Hotél sampun pesen tiang. Okana
Dé bang ngaba. Yén kénkén kadén unduké buung ia ka Bali,”
Made : "Saja suud magae ne?"
Gustu : “Ada gaé di kargo. Kémanten joh. Di Ubud. Gajihné tuah tuju ratus. Tiang mayah
kos dén tiga ratus. Nika konten anggo meli kaperluan sawai-wai. Ngoyong di Dénpasar
biayané gedé gati,”
Made : “Kanggoang malu Gus Tu. Jemak gén pang ada anggo biaya ngoyong di Dénpasar
sambil ngalih-ngalihin gaé ané luungan. Kéweh ngalih gaé ané misi maan kenehé jani. Nyak-
nyakné ada gaé, kéwala gajihné abedik. Di kénkénné ada gaé ané magajih gedé, nanging i
raga sing sanggup nyemak,”
Gustu : "Denu inget ken Gus De timpal beli tiange?"
Made : "Nguda ten, sering katemu raganne?"
Gustu : “Dugas tiang enu magaé di travel-é, Bli Ngurah ngorahin tiang nyéwa montor ané
lakar anggona aminggu.
Made : "Uli travel-e ento booking-e tiang"
Gustu : “suba liwat pitung dina terus tiang télpuna téken pegawai penyéwaan montor totonan
apang ngulihang montorné. Laut takonang tiang Bli Ngurah dija montoré anaké, orahanga
baanga Gus Dé. Tiang bingung. Télpun tiang Gus Dé, ten ada pesaut. Hapéné setata mailbox"
Made : "Terus. kenken?"
Gustu : “Mailehan tiang nakonang ragané. Paman tiang ané dadi polisi ngorahang taén
nepukin ragané di Buléléng. Kéwanten mangkin ten kari drika. Takénang tiang ring ajinné
di geria, nikanga Gus Dé sareng rabinné ring Nusa Dua. Makita tiang mrika, sakéwanten ten
tawang tiang tongosné. Dé nawang tongos rabinné ento?”
Made : “Tiang taén mrika sareng ragané dugas teka uli ngatehang tamuné. Nika sampun
dumun pisan. Minab wénten sampun nem tiban. Sampun engsap tiang dija kadén tongosné
mangkin.
 Gustu : “Sampun maganti kénkén nomer ragané. Terus télpun tiang, nanging pepesan sing
taén nyambung. Dikenkené nyambung, sakéwala ten sautina. Beneh niki nomerné?”
Balinin I Made masih nomer télpun ané kasimpen di phonebook Made. Lantas adungang
Made ajak nomer ané édénganga ka Gus Tu busan. Mara saihang tiang melénan nomerné. Suud
Gus Tu nyatet nomer ané di télpun Made e, tiang negarang nyambungang mirib nu ragané inget
tekén Made e. Pang telu pang pat Made mecik nomeré totonan, setata patuh. Tuah munyi tuuut…
tuuut… tuuut dogén madingehan. Sambilanga nyiup rokonné, Gus Tu ngerosang téh botolé sada
adéng……
Made : "Mangkin dija motere nika?"
Gustu :"Di Tabanan, Gadéanga aji dua juta. Pang nyidaang ngulihang montor totonan,
mangkin montor tiang drika anggén pasilur sadéréng mrasidayang nebus,”
Gustu : “Inguh tiang, Dé. Montor tiangé nika kari nyicil. Mangkin montor métik niki boya
ja gelah tiangé. Montor Bli Ngurahé,”
Made :"Sampun jam tengah roras"
Gustu :" Ampurang dumun Dé, ba peteng. Tiang mapamit dumun. Suksma,”
Made :"Nggih Gustu, suksma sampun malancaran mriki"

Buin maninné sawatara jam roras tengai guminé sedeng panes sajan. Tamuné ané di tengah
mobilé ané misi AC dogén ngilih-ngilihang awakné baan buku krana kebus bas kaliwat,
apabuin anaké ané negakin sepéda montor. Neked di pempatan dangin bandarané lampu lalu
lintasé ngendih barak mawinan mobilé marérén. Sedeng iteha tiang nerangang patung I Gusti
Ngurah Rai ané ada dangin jalan, sagét mamunyi buin hapén tiangé. Tit… tulitut… tit….

SMS : “Ampurang tiang Dé, dibi sandé tiang mrika pacang nyelang jinah, kéwanten tiang
ten juari, wénten kurenan Déné. Tiang perlu empat ratus ribu kémanten. Wénten?”

Digubah olih

Ida Ayu Dea Sastra Dewi

NIM 2112051018