SATUA BAWAK

“PAWIWAHAN WONG SAMAR”

OLEH:

Gusti Ayu Nepiliana Widia Dewi

04

XII IPA 7

NIS 5627

GURU PENDAMPING:

I Made Rai Arta, S.Pd.M.Pd

TAHUN AJARAN 2020/2021

PEMERINTAH PROVINSI BALI

DINAS PENDIDIKAN

SMA NEGERI 1 KUTA

Alamat : Jalan Dewi Saraswati Seminyak-Kuta, Telp/FAX (0361)737925

Website :http.//www.smansaku.com email:info@smansaku

 PAWIWAHAN WONG SAMAR

Kaceritayang wenten anak makurenan madan Men Iluh teken Pan Made. Ia ngelah
pianak mewasta I Ketut Sirna. Ia mayusa telu likur warsa. Geginane tuah megarapan ditegale
ngarap jangalan. Ia masih sai nulungin reramane miara sarwa ubu – ubuan sekadi sampi ,celeng,
lan siap. Ketut Sirna menyama ajake dadua. Ane cenikan mewasta Luh Ngarti. Ane kelihan
madan Komang Krina. Nyamane ane paling kelih tur I Nengah ne suba ngalain krana kene
penyakit sane tusing ngenah ring balian. Luh Ngarti jani suba mayusa limolas warsa ia jani suba
menek bajang tur suba kelas telu smp. Geginane sebilang wai tuah pules dogen tur main hp lan
sing taen ningeh munyin reramane. Sakewale mbok ne ane madan Komang Krina jemet pesan
megarapan suba meyusa selae warsa nanging ia suba mekurenan.

Sedek dina kajeng kliwon uwudan sasih kepitu nuju sandikala, I Ketut Sirna enu
megarapan ditengah tegale. Nanging reramane sampun budal. Krana Ketut Sirna bes keliwat
suluk megarapan ia kanti engsap teken galahe suba peteng, kirang langkung suba galah kutus
peteng. Reramane jumah merasa jejeh pesan ngantosin Ketut Sirna mulih. Lantas meme
metakon teken bapa, “Bli adi Ketut kali jani konden suud megarapan di tegale, yadiastun jani
galahe sampun peteng”. Lantas bapa mesaut “Ketut konden mulih ye?” lantas meme “ae bli
konden mulih Ketut, uli tuni kanti kali jani konden neked jumah”. Bapa mesaut “nah… minab
ye enu meli roko di warung dajane sambilang ngorta ajak anake ditu”.

Selanturnyane I Ketut Sirna mare inget teken galahe suba peteng tur matan surya ne sube
ten ngenah. Ditu mare ia ngencolan mejalan mulih. Selantangin memargi ia matemu teken anak
bajang jegeg ngoyong disisin punyan tiinge. Ditu lantas ia maekin anak jegeg ento. Lantas ia
metaken “luh adi kali jani dini ngoyong peteng - peteng?” lantas anak luh ento mekenyiran
dogen teken I Ketut Sirna. Krana merasa lek teken I Ketut, anak bajang jegeg ento megedi uling
diarepane Ketut Sirna. Selanturne I Ketut Sirna ngelanturang pejalane mulih. Lantas neked
jumah meme metakon “tut uling dije adi kali jani mare mulih? Sing inget jani anak rainan kajeng
kliwon uwudan, nak tenget jani gumine tut”. Lantas I Ketut ngorahang “nak tuni Ketut bes
keliwat suluk megarapan me kanti sing inget matan surya ne sube sing ngenah” memene mesaut
“mihh jeg keliwat jemet meme ngelah pianak. Nah mu nake jani manjus lan mebanten malu nak
jani rainan, suud ento mare medaar. Meme sampun nyakan tuni dipaon” lantas I Ketut
ngorahang “nah me jani lakar manjus ”.

Raris I Ketut Sirna mejalan lakar manjus lan mambuh. Lantas I Ketut Sirna ngaturang
banten. Rikala ia muspa di sanggah Ketut setate inget teken anake bajang ane jegeg ngoyong di
sisin punyan tiinge ento. Sesampun nyane Ketut Sirna sirep dibale kirang langkung ento jam 12
peteng. Nanging uli plongpong umahne ngenah anake jegeg ane tuni tingaline. Lantas ia maekin,
nanging anake ento ilang tan palaad. Ento ngranayang Ketut Sima dadi paling “ ngilang kije
anake bajang jegeg ento nah “. Lantas krana kenyel uli semeng megarapan di tegale Ketut Sima
ngelanturang sirep.

Buin mani semengan I Ketut ngaryaning sane dadi geginane sebilang wai. Ia masih enu
sai matemu teken anak jegeg ento dipunyan tiinge sane nampek teken tegal I Ketut. Krana ento
Ketut sai mulih uli megarapan peteng tur ngaenang reramane jumah jejeh ngantosin I Ketut
mulih. Ketut masih sai ngemig - mig pedidi dibeten punyan tiinge merasa ade ane ajakine
ngorte. Ento mawinan liu anake ane curiga teken Ketut ulian solah ne sane tawah.

Ring galahe dina mangkin sandikala I Ketut Sirna matemu teken anake bajang ento.
Lantas anak bajang ngorahang “bli nyak melali ke kubu tiange bli?” lantas I Ketut Sirna “la nake
melali kemu, dije umah adine ?” keto I Ketut nyautin. Lantas anake ento ngorahang “dini be bli
di durin punyan tiinge” lantas punyan tiing lan tegal epesalin dadi perkampungan luih sane
maju. I ketut sirna lantas kejud ditu ade tongos ane tusing taen tepukine. Lantur nyane Ketut
Sirna metaken “dije ne luh, adi mare beli nepukin ade care kene dini?” anak bajang mesaut “niki
be bli desa tiange. Mai bli ajake mulih keumah tiange”. Raris ia ajake dadua mejalan lakar
kaumah reramane anak jegeg ento. Di subane neked jumah Ketut kecapatin teken reramane
anake bajang. Ketut ngorahang ia tunangane Iluhe. Nanging anake bajang ento mekesyab demen
ningehang Ketut ngorang keto. Lantas reramane anake bajang ngorahang “Tut mai dini nginep
nak galahe suba peteng, nyanan tusing nepukin napi dimargine’. Lantas I Ketut mesaut “inggih
pak dados mangkin nak rainan jejeh tiang memargi”.

I Ketut Sima nginep dikedituan, ngranayang reraman asline jumah paling ulian Ketut
tusing mulih suba alemeng. Nika mekade memene mekraik ngeling tusing nepukin Ketut
dikamare sirep. Lantas memene mesadu teken bapa “Bliiiiiiii! Ketut bliiiii… adi tusing mulih ye
alemeng kije ye lakune?! Pianak tiange bli aduhhhh bliiii tulungin aliang panak tiange blii”.
Keto I meme mesadu sambilanga ngeling sig - sigan. Lantas I bapa mesaut “Mimihh luh biin
tusing ade jumah I ketut? Jeg kije ye lakune nginep” lantas memene “kije jani ngalih ketut bliii?
Mai blii ngelapor teken pak kaling jani?!” bapane mesaut “de malu luh nyen nawang I ketut
nginep jumah timpale. Suud monto ngeling luh, nyanan men kanti bin mani ye sing mulih lan
ajake ngelapor ajak pak kaling”.

Selintang duang dina I Ketut digumi kedituan. Ketut tresna teken Iluh bajang ento.
Lantas ia merencana lakar nganten ajak Iluh bajang. Raris ia mataken “ Luh nyak ajak beli
nganten luh?” sambilanga nyemak bunga jepun ane mentik disamping Ketut ngoyong. Lantas
Iluh bajang mesaut “mihh adi enggal pesan blii, sekenan niki bli?” keto Iluh mesaut sambilanga
elek teken I Ketut care dugase mare matemu teken Ketut. Ketut mesaut “nggih luh, nak beli
seken ngejang tresne teken Iluh uling iraga mare matemu di beten tiinge luh” lantas Iluh mesaut
“nah men keto patuh je bli tiang nak patuh ngejang tresna teken beli, uling beli cenik sai
meplalianan di tegale nak tiang sampun demen teken beli. Sakewale beli tusing taen nepukin
tiang di sisin punyan tiinge” keto pesaut Iluhe. Lantas Ketut ngorang “nggih men keto iraga pada
- pada ngejang tresna mai ajake nganten luh apang iraga setate ngejang tresna abadi kanti mati”.
Lantas Iluh mesaut “ lan blii tiang demen gati jani men keto, lan jani mulih bli ajake
mesambatan teken meme bapa tiange jumah”. Selanturipune ia ajake dadua mejalan mulih.
Sesampun neked dijumah ia ajake dadua ngidih restu teken reramane iluh bajang nike. Lantas
reramane nyetujuang pawiwahan ipun makekalih. Selanturnyane ia ajake dadua nganten digumi
kedituan tusing kauningin teken rerama I Ketut digumi sekala.

Selanturnyane digumi sekala rerama I Ketut terus ngalihin Ketut ane tusing mulih-mulih
kanti telung minggu. Mekejang suba taen laksanayang uling ngelapor ke pak kaling, ngidih
tulung teken semeton anggone ngalihin I Ketut. Nanging enu masih tusing tepukine. Lantas
meme ajake bape metunasan kejero baliane. Raris jro balian ngorahang I Ketut Sirna ada di
gumi niskala ditu ia sampun nganten ajake anak jegeg ane sai ngoyong di sisin tiinge ane
nampek teken tegal I Ketut megarapan. Ditu lantas meme lan bapa tengkejud. Lantas meme
metakon “kenape panak tiange adi bise ade digumi kedituan?’ lantas jro mesaut “krana meme
pidan taen ngelah sesangi dugase I Ketut ilang dugas kari cenik, meme mesesangi ngaturang
rarapan rikala kajeng kliwon di tongos Ketut Sirna ilang dugase engkebang dadong - dadong”
ditu mare memene mekesiyab ningehin tutur jro ne, lantas meme mesaut “sampun napi pemargin
emangda panak tiange presida kepanggih?”. Jro balian mesaut “meme mangda naur sesangi
memene dugase pidan ento. Nanging ketut tusing lantas ia lakar ketemu krana kurnanne jani
sampun beling. Nyanan yen pianak Ketut lakar lekad mara ia mulih lakar ngelekadang panak
dijumah memene” keto balianne ngorahang, lantas jro balian ngelanturang “rikala ento meme
tusing dadi gedeg tur ngeling nepukin Ketut. Meme lan bapa mangda prasida ngerestuin tresna
nyane makedadua”.
 Selantur uli balian meme lan bapa mejalan mulih. Rikala kajengk liwon meme naur
sesangi di tongos I Ketut Sirna ilang dugase cenik. Ia ngidiha pang panake mewali mulih.
Seusanipun kirang langkung kutus sasih I Ketut Sirna mulih ke gumi sekala. Ditu ia pesu uling
sisin tiinnge dugase ia macelep kegumi niskala. Lantas ia simalu nepukin meme megarapan di
tegale sane nampek uli sisin tiinge ento. Raris Ketut ngaukin meme “meee Ketut mulih ngajak
Iluhh mee, ne jani Iluh lakar ngelekadang pianak Ketut dijumah”. Lantur meme paling krana
tusing ade anak luh ane ajake teken I Ketut. Lantas meme mesaut “mihh tut adi mare mulih, ibi
poan adi sing payu mulih kaden meme sube naur sesangi ditongos tut ilang dugase cenik?”.
Lantas Ketut mesaut “nak tiang ngidang mulih rikala pianak tiange lakar lekad me”.

Tunggelin carita Iluh kurenan I Ketut sampun galahe lakar ngelekadang pianak. Ditu
lantas dikamar ade munyin anak ngeden tur anak ngeling kesakitan ulian lakar ngelakadin
pianak. Sesampunipun ade munyin anak bayi ngeling nike metanda pianak Ketut sampun lahir.
Nanging mare meme mecelep di tengah kamare tusing ade nyen yadiastun kasuripuneleceki
depan care anak sekenan suud ngelekadang. Sawireh I Ketut Sirna sampun taen mulih, jani ia
dados ulah ulih kegumi nisakala lan sekala ulian meme sampun naur sesangi.

Krana ento meme lan bapa sampun nerima minab ento sampun karman idup pianakne.
Yening I Ketut lakar mulih keniskala ia lakar mejalan ngelinterin sisin tiinge pang telu. Nanging
yening I Ketut sirna lakar mulih kesekala ia lakar ngelinderin punyan tiinge pang telu mebading.