DRAMA BAHASA BALI

Olih :

Putu Dinda Trisnadewi

Putu Richa Wahyuni

Luh Sandya Natasha Sparingga

Putu Widhiarsa Sujiwa

Zahra Putri Chaniago

NYESEL DADI ASUPUTRA

Kacaritra ada anak madan I Made Jiwa negak di natahe ngaba suling. Ia nyuling

lagune I Teja sane mamurda Ratu Anom. Teke Mbok Dewi nyambat disisine. Mekesyab
Mbok Dewi ningalin I Jiwa negak sambilange nyuling, metakon ia :

Mbok Dewi : Mimih, dini cai ngoyong. Tulungin je I Meme ngalih saang di alase!

I Jiwa : Aruh! Mbok ne jeg mengganggu gen! Sing nawang hobi ape! Depang

gen suba I Meme ngalih saang pedidi!

Mbok Dewi : Kene gen bisan caine, sing pedih ningalin meme sing ada ane nulungin

biin?

I Jiwa : Sing peduli yang! (Macelep ke tengah umahe)

Sampun sandikala, Memene teke uli alase. Mbok Dewi ningalin pedih.
Meme : Tu, De, mai je madaar malu, ne meme maan meli nasi jinggo.

Kanggoang ne gen ade.

Mbok Dewi : Mih, Me.. mai tiang tulungin ngaba aba-abaanne. Meme maluan gen be

macelep, tuyuh tiang tingalin.

Meme : Ten napi. Mai madaar malu. Ije Made?

Mbok Dewi : Duh, de be runguange rare babinjat totone, Me..

Meme : Ten dados keto ajak adinne, Tu.., (Teke langsung I Jiwa sambilangan

magending)

Meme : Ne ye I Made, mai madaar malu De! Meme be meli nasi. (Senep I Jiwa,
makejang langsung masuk ke umahe)

Suud madaar, I Jiwa mabaosan ajak I Meme :

I Jiwa : Me, rage kel ka kota bin mani semengan.

Meme : Mih, ngudiang kemu, De?

I Jiwa : Nagih magae ngalih pipis. Med ngelara idup dini.

Meme : Seken to, De? Nak di kota keras-keras gati ngalih pegae ditu.

I Jiwa : Meme sing percaya aja yang, Me?

Meme : Sing ye keto, De..

Mbok Dewi : Ngidang ci megae ditu? Awak sing taen nulungin meme megarapan di

jumah, engken megae di kota?

I Jiwa : Ngidang yang! Jek CGT to Mbok!

Mbok Dewi : Ape to CGT?

I Jiwa : Cenik Gae To

Meme : Nah, amon keto, gampilang nae nyanan barange ane aba kemu.

I Jiwa : Nah me..

Peteng matemu semeng. Siape makruyuk, matan ai manyunarin. I Jiwa majujuk di

arep umahne mapamit teken reramane.

I Jiwa : Me, yang kemu jani nah.

Mbok Dewi : Mih ajan ye o, sing salim ajak I Meme ne?

I Jiwa : Yeh aje.. Me yang pamit nah Me..

Meme : Nah adeng-adeng nah De, inget nyanan baang kabar nah De..?

I Jiwa : Nah ye, Me..

Raris I Jiwa majalan ka kota. Anteg di kota, ia kileng-kileng, paling ngalih gae.

Kije-kije I Jiwa ngalih gae sing maan-maan anteg sanje.

I Jiwa : Yeh, adi keweh sajan ngalih gae dini nah? Duh bedak nok. Pipis be telah

bin. Duh! (sambilangan negak)

Lantas ade anak luh teke.

Ni Luh : Ngudiang ditu to beli? (sambilanga negak disisin I Jiwa)

I Jiwa : Inguh sajan yang dini! Sing maan gae ape!

Ni Luh : Oh keto beli.., nyak beli megae di tempat yange? Asane nu ade

lowongan ditu.

I Jiwa : Yeh, seken ne?

Ni Luh : Seken beli, ne kartu namane.

I Jiwa : Duh matur suksma banget luh! Men sing ade iluh, mati sengsara tiang
dini.

Ni Luh : Nah, tiang mulih malunan nah beli, be sanje . (makenyem)

I Jiwa : Nah luh, adeng-adeng ye di jalan..

Buin mani ia teke, ngabe map lan sane lianan. Katerima I Jiwa ditu. Suba duang
bulan Jiwa megae ngaba bakul-bakul. Ngos-ngosan ia ngaba bakul kanti ulung.

Tepukine ajak bosne. Gedeg basang bosne ningalin, alihe I Jiwa lantas opakine ia.

Bos Chani : Ngudiang ulungin cai bakule?

I Jiwa : Yeh bos! (makesyiab). Sing nak tuni to batis yange kesemutan nok
bos..

Bos Chani : Uluk-uluk gen be cai..

I Jiwa : Mih ampura bos, nyanan yang sing biin keto..

Bos Chani : Arah! Yang be sai nepukin cai demen gati ngulungin bakule. Kaden
cepok gen cara keto, ne jeg sesai. Buin jani cai suud megae dini!

I Jiwa : Mih Bos de ye keto Bos ampura ye tiang ten bin keto! Ampura mbok.

Ampura!

Megedi bosne. Ia sing ningehin munyin I Jiwa be cara anak ngeling sigsigan.

Mejalan I Jiwa ngabe tas. Nagih mulih ke desa. Pisne telah anggon mayah kos- kosanne.

Asane sing ade ane ngidang gae dini. Lantas matemu ia teken Ni Luh. Takonine I Jiwa :

Ni Luh : Kel kije to beli? Ngudiang ngabe tas? Jam mune tusing megae beli?
I Jiwa : Suksma nggih luh, rage be suud megae ditu. Tiang jani kel mulih ke

umah yange di desa.

Ni Luh : Adi bisa keto, beli? Mai carita malu..

I Jiwa : Sing perlu luh, nyanan sanje teke. Buin mani rage mesti mejalan .

Ni Luh : Men menek apa bin mani? Ade pipis beli?

I Jiwa : Sing tawang kel menek apa, sing ngelah pipis beli, mejalan dogen nak
engken ye ditu..

Ni Luh : Ne abe anggon bekel ditu nyanan, beli (ngebaang pipis)

I Jiwa : Sing luh. Iluh suba liu nulungin tiang dini.. Lek atin tiange luh..

Ni Luh : Mih, sing nape beli, anggon gen malu nah, apang enggal neked di
jumah beli

I Jiwa : Matur suksma banget luh, liu sajan nulungin tiang, tiang mejalan malu

nggih luh.. (makenyem)

Ni Luh : Beli, dingehang ye tiang, hidup nikipun ada sane ngatur lamun keto I
raga masi patut ngusahayang. De nyesel idup kene, tetep bersyukur nah.

Beli nak nu truna, makelo pejalan hidupe, apang ngidang ngebahagiaan

meme bapa di jumah..

I Jiwa : Nak mule keto idup tiange luh.., tiang ten ngurusang meme lan mbok

biin, pang ye idup keto. Be jengah ne tiang

Ni Luh : Kene be. Ten dados mamunyi keto beli. Hyang Widhi pasti ngicenin

umatne kerahayuan. Inget beli nu ngidayang..

I Jiwa : Suksma luh.. (makenyem)

 Sasampune I Jiwa di jumah, tingaline mbokne nyait. Lantas ia ngalih I Meme. Sing

tepukine memene ring paon. Metakon I Jiwa teken Mbokne :

I Jiwa : Mbok, meme kija?

Mbok Dewi : Ka Setra..

I Jiwa : Ngudiang meme kemu?

Mbok Dewi : Ia nongos ditu jani, umahne be ditu jani

Ngerti I Jiwa, ia negak disisin mbokne sane bengong nepukin busung. Lantas
mbokne mamunyi :

Mbok Dewi : Ngudiang sing taen ngabarin? (I Jiwa siep dogen)

Engken pegae ditu?

I Jiwa : Yang be suud megae mbok, krana ulah raga sane jele ditu..

Mbok Dewi : Keto

I Jiwa : Jani I meme suba sing ade.. koden ngidang tiang ngebahagiang, I meme

suba ningalin.. sebet sajan bayun tiange mbok

Mbok Dewi : Nah, engken men, suba kadung (I Jiwa siep, peningalanne be nagih

care nak ngeling). Adin mboke seduk? Mai medaar malu dipaon,

Kanggoang ade keto gen malu..

I Jiwa : Ampura Mboktiang

Mbok Dewi : (makenyem) Mai, enggal embon nasi ne nyanan..

I Jiwa : Inggih mbok, suksma

 Ulian punika, jani I Jiwa jemet megae nulungin mbokne ngalih saang ka alase,

nyampat ring natahe, lan sane lianan. Makenyem mbok Dewi nepukin adine ne dadi
jemet lan anteng megae.

TAMAT