Anda di halaman 1dari 2

Jawang

Oh Renda,

Selamat pagi ngagai bala kita

Ti amat mayuh dipeda

Nurun sekula udu peneka

Megai bup beg lalu dima

Meraka jalai palik kanan- kiba

Bejalai lubah begadai-gadai

Deh jawang wai.

Oh Lumau,

Selamat pagi selamat berandau

Ngagai bala kita ti duduk bekedugau

Di atas tikai udah dianchau

Nembiak sekula agi biak pendiau

Enda nemu jenuh selalu kekuchau

Ransing belajar ngiga pemandai

Deh jawang wai.


Oh kaban,

Selamat pagi , bala bakih enggau pangan

Ngagai bala kita ti duduk beraban

Ningaka pengajar ngajar jaku Iban

Menidit Dinai, ganu enggau pantun bulan

Macha angka enggau urup Roman

Pengajar ngajar anang begagai

Deh jawang wai.