2239 - Istilah Arsitektur
2239 - Istilah Arsitektur
Basa Sunda
Kelompok 3
Disusun ku:
Adit alfauzi (1)
Ahmad Fayyadh (2)
Angelita permatasari (5)
Dafaiz Brianandika (10)
M. Rizaldi putra (19)
Restu dinda (27)
Rezkia putri (29)
Vanya azizah (33)
Istilah Arsitektur
1.1 Wangun Suhunan
(1) Julang Ngapak : wangun suhunan anu handapna kenca-katuhu leuwih meber
Dipapandekeun kana jangjang manuk julang anu keur
ngalayang.
(2) Jogo anjing : wangun suhunan anu rata sarta bagian tukangna leuwih
handap ti bagian hareupna, dipapandekeun kana anjing anu
keur ngajogo.
(3) Badak heuay : wangun suhunan anu rata sarta bagian tukangna leuwih jiga
Suhunan jogo anjing, ngan dibagena hareupna make sorondoy
deui, nepi ka katembongna ti gigir dipapandekeun kana badak
nu keur heuay.
(4) Parahu kumureb : wangun suhunan panjang anu tungtung-tungtungna make
Jure nepi ka katembongna jiga parahu anu nangku (kumureb).
(5) Suhunan jolopong : wangun suhunan anu tungtungna teu make jure, sok disebut
oge suhunan panjang.
(6) Suhunan limasan : wangun suhunan pasagi anu make jure, katembongna saperti
Limas (nyungcung).
2. Pakeman Basa
Pakeman Basa disebut ogé Idiom, asalna tina bahasa Yunani Idios, anu ngandung
harti “ has, mandiri, husus, pribadi”. Dina basa sunda Pakeman basa nyaéta wangun basa
anu husus tur mandiri sarta ngandung harti anu dikandungna teu bisa dihartikeun
sajalantrahna nururtkeun harti tata basa. Atawa pekeman basa, nyaéta pok-pokan maneuh
anu ngandung harti siloka, henteu sacéréwéléna. Éta omongan dilarapkeun ka jelema, ngan
kecap-kecapna henteu dicokot tina ngaran babagian awak atawa paripolah/pasipatan
jelema baé, tapi aya tina ngaran barang salian ti jelema, saperti ngaran sasatoan atawa
tatangkalan anu diwangun omongan geusan ngedalkeun kereteg haté atawa pikiran ka nu
lian. Harti anu kapanggih dina pakeman basa atawa idiom disebut harti idiomatik.
Ditilik tina maksud anu dikandungna, paribasa téh bisa dipasing – pasing jadi tilu
golongan nyaéta :
2. Babasan
Bédana jeung paribasa, babasan mah nyaeta winangun frasa atawa kecap kantétan
anu susunana geus matok sarta ngandung harti injeuman.
Ciri –cirina:
1. Babasan mangrupa babandingan ngeunaan kaayaan, pasipatan, pariplah, sarta nasib
jelema jeung sabudeureunana.
2. Babasan mangrupa frasa atawa kecap kantétan anu ngandung harti injeuman, lain hari
sabenerna.
3. Babasaan heunteu bisa dirobah, dikurangan, dileuwihan, atawa dilemeskeun.
3. Cacandraan
Nyaeta caritaan karuhun nu ngagambarkeun kaayaan nagara jaga atawa dina jaman
anu kasorang (panataan kana pasipatan tempat anu dibalibirkeun).
Contona:
1) Bandung heurin ku tangtung.
2) Sukapura ngadaun ngora.
3) Sumedang ngarangrangan.
4) Cianjur katalanjuran.
5) Galunggung ngadeg tumenggung.
6) Pangandaran andar – andaran.
7) Wanayasa macangkrama.
8) Banagara sor katengah.
Cacandraan béda jeung jujulukan kota, misalna:
1. Bandung kota kembang.
2. Bogor kota hujan.
3. Cirebon kota udang.
4. Karawang kota lumbung padi, jsb.
4. Uga
Kecap uga katelah hiji omongan anu eusina mangrupa ramalan yén dina hiji waktu bakal
aya kajadian boh nu pikagumbiraeun boh nu pikasusaheun.
Contona:
1) jaga mah barudak, sajajalan disaungan, nya buktina aya karéta api.
2) Gancang carita béja, mun geus aya balabar kawat, nya buktina aya telegram.
3) Jaga mah, barudak, batu turun keusik naék, nya buktina aya anak somah naék pangkat,
anak ménak teu naék pangkat.
4) Jaga mah, barudak, nganteuran ka nu di gawé mawa kéjo dina iteuk, nandakeun angker
gawé nya buktina aya nu dagang di pagawéan.
5. Kapamalian
Kecap pamali sok dihartikeun larangan karuhun atawa larangan sepuh urang anu
maksudna teu menang ngalakukeun hiji pagawéan lantaran sok aya matakna.
Contona:
1) Ulah nambulan uyah, pamali bisi potong peujit.
2) Ulah cicing dina lawang panto, pamali bisi hésé menang jodo.
3) Ulah maké baju bari leumpang, pamali bisi tgeu kalaksanakeun cita – cita.
4) Ulah sapaké jeung koloy, bisi hapa hui.
5) Ulah mandi pabeubeurang, bisi téréh péot.
6. Kila – kila
Kila – kila nyaéta totondén (tanda – tanda) alam kana naon – naon anu bakal kajadian.
Contona:
1) Lamun aya kukupu hiber ditengah imah, tandana rék aya tamu.
2) Lamun ngimpi néwak lauk, tandana rék menang duit.
3) Lamun kekenudan panon kenca, tandana rék manggih kasedih.
4) Lamun kekenudan panon katuhu, tandana rék manggih kabagjaan.
5) Lamun murag bulu mata, tandana aya nu sono ka urang.
6) Lamun panas ceuli, tandana aya anu ngomongkeun.