KISI – KISI UTS GANJIL 2019

BAHASA BALI KELAS 3

A. Memahami wacana
1. Uraian Materi
I BELOG
Kacarita jani ada anak cerik mayus nongos di Désa Dén Bukit. Ia tusing demen
masekolah, yadian timpal- timpalné makejang ngaukin ia I Belog. Kaukina kéto krana sai- sai
telat nampi munyi. Nuju dina Redité I Belog nyrucut ka peken tundéna meli bébék. Mara banga
pipis selaé tali rupiah ngéncolang ia majalan. Teked di peken ia nepukin dagang bébék.Bébéké
ajina aji dasa tali rupiah aukud.I Belog nyemak bébék duang ukud.Makejang pipisné
enjuhanga,lantas ngénggalang mulih.
Suba disisin tukadé bébéké mamunyi,gék-gék-gék.Kadéna bébékné bedak layah.
Kenehné bébékné baanga yéh di tukadé. Saget bébékné léb. Bébékné macebur laut ngalangi.
Ditu I Belog bengong nepukin bébékné kambang. Ia ngrimik sambilanga mapineh kéné,” Béh
lacur bébék puyung bakat beli” lantas ngéncolang ia mulih.
Teked jumah, I Belog maorahan tekén méméné. Ngorahang awakné uluk- uluk maan
meli bébék puyung. Suba genep satuané méméné masaut kéné,”Ihh, saja cening belog.Bébéké
anak mula bisa ngalangi. Pantes kambang duur yéhé, tusing ja puyung.Aduh déwa ratu, kéné
suba dadine yén cening tusing nyak masekolah sinah cening dadi anak belog. Ditu lantas I
Belog nyeselin déwék.

B. Menghafal aksara bali

h , n, c, r, k, d, t,
ha, na, ca, ra, ka, da, ta
C. Percakapan ( pelajari percakapan berikut ini)
2. Uraian Materi
GENDING BALI DI BALI TV

Putu : De dibi man mabalih TV?

Gede : Man tu. Engken tu?
Putu : Dibi tiang mabalih di Bali TV ada anak magending Bali de!
Gede : Gending rare tu? tiang sing man mabalih tu.
Putu : Ae de!
Gede : Men gending apa gen to tu?
Putu : Liu de, ada gending Putri Cening Ayu, Meong-meong, Semut-semut Api,
Juru Pencar, Kaki-kaki, liu ane lenan de!
Gede : Tiang demen pesan ajak gending Bali tu, apabuin gending rare!
Putu : Men gending apa ane demenan de?
Gede : Tiang paling demen gending Putri Cening Ayu tu. Men putu gending apa
demen?
Putu : Tiang demen gending Juru Pencar de.
Gede : Bin mani bin ada gending Bali di TV tu?
Putu : Ada tu, sebilang sanja ada di Bali TV tu
Gede : Tiang kel mabalih nyanan tu!
Putu : Nah-nah De.