TA’ARUF

Hadran: (gelisah, gundah gulana) haloww,, buhan kam dimana? Kawa kah mandatangi aku di
tampat biasa, aku handak bakisah, jui lah jangan lambat !!
*Madi & utuh datang*
Madi & Utuh: assalamuallaikum
Hadran: waallaikumsalam, capat jua lah buhan kam datang, ada habar napa tadih maka
mandatangi aku?
Madi: kada salah lah ikam ni hadran? Ikam tadi manalipun kami handak bakisah jar, kisah
napa garang?
Utuh: hiih, pina nang mangalak ngalak nyuruh bacapat kanapa garang sanak?
Hadran: jadi kaya ini nah kisahnya, aku nih bingung wan galau galaunya sanak ai.
Madi: ayy,, bingung kanapa sanak, sini nah bakisah.
Hadran: jadi kaya ini nah kisahnya, aku nih handak bakisah wan buhan ikam.
Utuh: iih ayuha, lajui ha bakisah jangan pina maulah garigitan nah.
Hadran: jadi kaya ini sanak ai, aku nih handak bakisah tantang kebingunganku ni nah, aku
nih digasak kuitanku sudah nah.
Madi: digasak apa sanak?
Hadran: K A W I N !!!
Madi & Utuh: alhamdulillah..
Utuh: jadi pang apa nang ikam bingung akan sanak, nyamannya dah disuruh urang kawin.
Madi: hiih, mun aku disuruh kawin capat ai dah..
Hadran: tapi nang jadi masalah nih tahulah? Aku nih disuruh kuitanku mancari calon bini
nang baik hari, sholeh, bungas, pokoknya istri idaman tu pang dah. Tapi aku nih sadar diri
haja mun handak bini nang kaya itu. Mana ada binian nang hakun wan aku nih, kada sasuai
wan kahandak jar urang tuh.
Utuh: kada jua ah sanak ai, amun ikam hakun marubah kalakuan ikam insyaallah dapat haja
bini nang kaya itu.
Madi: iih, jangan kada ingat badoa wan bausaha.
*Enor & Zubai datang*
Zubai: umpat lalu ka lah..
Hadran CS: inggih ding..
Hadran: nah nah nah,,, tu nah tu nah tuuu,,,, nang kaya itu biniaan nang kuhandaki, sudah
bungas, bakarudung ha pulang, malihatnya haja asa damai hati.
Madi: nang mana sanak?
Hadran: tu nang kawannya, nang dibalakang tadih.
Madi: uhh itu kah, itu ngarannya Enor, mun nang managur kita tadi ngarannya Zubai, zubai
tuh aku patuh haja.
Hadran: enor kah ngarannya,, anu pang madi, kanalakan pang aku wan inya tuh.
Madi: bujuran kah ikam nih hadran, hakun garang inya bakawan wan ikam.
Hadran: ayuha, kada salahnya jua ah mun bausaha, ya kalo utuh?
Utuh: iya banar sanak ai.
Madi: aija sudah, kasi kita datangi.
(mandatangi enor wan zubai)
Madi: uuu Zubai..
Zubai: pun, napa ka?
Madi: ni nah kawanku handak kenalan jar wan kawan ikam tuh?
Zubai: oh iya kah, ayuha nah, bapandir ja langsung.
Hadran: ehmm.. anu, anu ding ai,, anuu,,
Utuh: kanapa hadran ikam nih pina kipuh banar, bapandir sana bujur bujur.
Hadran: anu, ngaran pian siapa ding?
Enor: ngaran ulun Enor ka ai.
Hadran: ngaranku hadran ding ai, anak siapa pian?, rumah dimana?, sakulah dimana? No hp
pian barapa? ID line pian apa? Handak kamana?
Enor: aduh banyaknya pian nih tatakunan, kaina haja gin ulun manjawab ka ai, kami handak
bacapat nah, mudahan kita tatamu lagi kah lah. Assalamuallaikum.
Hadran CS: waallaikumsalam..
Hadran: bahhh iya am dah, kada sawat am batakun,, ai hiih, ikam bakawan kalo madi wan
zubai, kaina takuni akan lah sarabanya tentang enor, padahi ja aku handak wan inya, hahaayy..
Madi: tanang, kaina kutakuni akan, tapi makani hulu kami ni nah, ya kalo Tuh?
Utuh: iya banar madi ai, tampulu ikam himung hadran ai, hahaa
Hadran: waluh jua buhan ikam nih, aija sudah kita makanan, buhan ikam nih sahabat aku
pang

Enor: zubai, anu,, lakian tadi tuh kawan ikam kah?

Zubai: yang mana? Madi kah?
Enor: lain, nang handak kenalan wan aku tadi
Zubai: lain, kd tahu jua aku wan inya tuh, kawannya madi palingan, dilihat lihat lumayan jua
pang nor ai cocok haja pang wan ikam.
Enor; (himung) bujuran, bujuran cocok kah wan aku bai, jangan badusta ha ikam nih bai ai,,
Zubai: ai ai ai,, kanapa jar ikam nih pina kakijilan, ham handak kah wan inya?
Enor: handak tuh kada pang, tapi katuju haja wan inya tuh
Zubai: misalnya inya handak jua pang wan ikam, hakun lah ikam jadi pacarnya?
Enor: kada handak aku, aku disariki kuitanku bapacaran, kalo pina kanapa napa jar sidin,
ingati nah bai lah, mun inya handak wan aku, silakan taarufan ja wan aku.
Zubai: bujur jua pang jar mama kam tuh, kalo pina timbul fitnah mun bapacaran tuh, ikam
tahu saurang kalo dikampung kita nih manusiannya taat taat baibadah, kada tapi kawa pina
sambarangan.
Enor: ya am bai ai, anu,, aku minta tolong boleh lah?
Zubai: napa tuh nor?
Enor: kaya ini, ikam bakawan kalo wan madi, madi bakawan jua wan si Hadran tuh, jadi
tolong ai kam cari tau tentang hadran tuh wan madi, kalo pang asa pas dihati, hehe
Zubai: bahh tanang,, apa nang kada gasan ikam nih nor ai.
Enor: aija sudah, bila sudah dapat infonya habari aku lah
Zubai: sip, eh anu, isuk kam ka pangajian guru zuhdi lah di mesjid jami?
Enor: iih kasa ai isuk, kam pang?
Zubai: tulak aku, baimbaian kita lah, kaina ku ambili ikam
Enor: aija, kasi dah kita bulikan.

Madi: halow.. hadran dimana ikam, lajui datangi ka gardu, penting !!!
*hadran datang*
Hadran: assalamuallaikum
Madi & Utuh: waallaikumsalam
Hadran: napa madi pina manggasak nyuruh aku bacapat mandatangi, ada habar napa tadih?
Madi: jadi kaya ini hadran ai, samalam kan ikam minta cari akan info si enor wadah zubai
Hadran: mbah tu pang kayapa? Dapat lah?
Madi: jadi ada du habar nang ku bawa nih, handak habar baik kah atau habar buruk?
Hadran: bah iya pang, habar baikanya haja gin hulu nah.
Madi: sabalum aku mamadahi habar baiknya, aku handak manyampaiakan hulu tentang si
enor nih, jadi si enor nih bangaran Norjanah, mamanya Saidah, abahnya hanafi, abahnya
badagang di pasar bajual pacerekenan, mamanya ibu rumah tangga, enor nih anak tunggal,
inya lulusan MAN 2. Wan jua aku mandangar inya nih kd suah pacaran jar.
Hadran: sip sip sip,, lalu pang habar baiknya apa tadih?
Madi: habar baiknya biar utuh ja nang manyampaiakan sakira ada jua bapandir.
Utuh: habar baiknya tuh hadran ai inya katuju jua wan ikam, ikam tahu lah, inya minta tolong
wan zubai manakuni madi parihal ikam, kaya ikam jua tuh mancari tahu wan inya.
Hadran: ay iya kah, bahh,, pacang bajadian jua ai nah aku wan inya nih. Alhamdulillah
Madi: tapi ikam jangan himung hulu hadran ai, masih ada habar buruknya.
Hadran: apa tadih habar buruknya sanak.
Madi: padahakan Tuh.
Utuh: habar buruknya sanak ai, inya kada handak pacaran wan ikam.
Hadran: ayy,, maka jar inya katuju wan aku, tapi kd handak pacaran pulang, kayapa kisahnya.
Madi: maksudnya kaya ini sanak ai, inya tuh disariki kuitannya bapacaran kalo pina kanapa
napa jar, jadi misalkan ikam sudah mantap wan inya silahkan taarufan wan inya.
Hadran: bah iya pang. Kayapa pulang taarufan tuh, kada mangarti aku
Madi: gampang, kaina kita malam ini ka mesjid jami mandatangi pangajian guru juhdi salajur
ai batatakun masalah taaruf wan sidin. Dangar dangar buhan Zubai wan Enor rutin kasana
tarus jar tiap minggu, siapa tahu kam tatamu inya disana, kayapa?
Hadran: akur, malam ini kita kasana. Aija sudah kita bulikan basiap siap.

Ustadz: assalamuallaikum Wr. Wb

All: waallaikumsalam Wr. Wb
Ustadz: aku handak batakun dahulu wan buhan ikam barataan, diantara buhan ikam nih ada
kah sudah nang kawin?
All: kadada...
Ustadz; nang baisian pacar pang ada lah jua?
All: kadada...
Utuh: tapi nang digasak kuitannya kawin ada pang ustadz ai..
Ustadz: siapa nang handak kawin?
Madi: tuh si hadran ustadz ai,,, tapi kdd cintanya lagi.
Ustadz: bagus haja mun disuruh kawin daripada bapacaran nang kada karuan. Sabujurnya
pacaran dalam islam tuh ada lah?
Zubai: satahu ulun kadada pang ustadz ai.
Ustadz: kanapa kira kira jadi kadada yu?
Zubai: karena mun bapacaran tuh kalo pina timbul fitnah tadz ai.
Ustadz: nah bujur banar, jadi pacaran tuh pintu jalan masuknya zina, awalnya balilihatan,
mbah tuh ada hasrat handak jalan badua, lalu ai handak badua duaan di padang sunyi,
bajapaian tangan, mbah tuh baciuman, mbahnya sebagai pembuktian cinta ulun ka pian jar
lalu ai hakun bazina, naudzu billahi min dzalik..
Hadran: mabah tu pang, ada lah pacaran yang secara islami? Misalnya pacaran tapi kada
baduaan, kada bajapaian, kada bazina kytu ustadz ai.
Ustadz: istilah pacaran islami tuh kadada, ibarat kalimat “mandi boleh, asal kada basah”, itu
sama jua artinya minum minuman secara islami, berjudi secara islami, ada lah nang kaya itu?
Kadada kalo?
Madi: mbah tu pang misalnya kita handak kawin, kita handak tahu wan calon bini kita tuh
kayapa tadz?
Ustadz: oleh karena itu, islah tuh sudah membari solusi gasan kita, yaitu lawan cara taaruf,
taaruf dalam mencari pasangan hidup, atau sekedar mengenal bakal calon pasangan kita, tapi
tanpa adanya ikatan apa apa.
Hadran: caranya pang kayapa tadz?
Ustadz: jadi proses taaruf tuh, pas kita handak taaruf kita tuh boleh batakun wan pasangan
secara mendetail, nang kaya penyakit, kebiasaan buruk wan baik, sislsilah keluarganya,
pendidikan wan sebagainya. Tapi kedua belah pihat harus jujur kada boleh badusta, mun
badusta bisa baakibat fatal bila sudah jadi sepasang suami istri kaina. Habis tuh kada boleh
dilakukan Cuma badua haja mun batamu, harus ada nang mendampingi yaitu wali atau
keluarganya, jadi taaruf tuh lain bermesraan berdua, tapi lebih ke arah pamandiran nang
bersifat realistis gasan mempersiapkan sebuah perjalanan panjang berdua kaina.
Madi: tapi mun misalnya kada jadi pang kayapa tuh tadz?
Ustadz: kada papa, dalam taaruf tidak ada yang merasa tersakiti hatinya, oleh karena itu kita
kd boleh menyatakan perasaan cinta wan pasangan sebelum menikah. Karna dalam taaruf
adalah mencintai karena allah.
Hadran: misalkan sudah sama sama rasuk baarti tinggal baatur tanggal nikahnya ai lagi lah
tadz?
Ustadz: amun sudah marasa cocok, sebaiknya dilanjutkan ke arah pernikahan, asalkan dengan
restu kedua orang tua, tapi jangan kada ingat jua istiqharah, minta petunjuk wan Allah, bila
sudah mantap silahkan dilanjutkan.
All: ohh,, kaya itu kah sakalinya.
Ustadz: ada lagi kah tatakunan? Mun kadada kita akhiri ai pertemuan malam ini.
All: kadada ustadz,,
Ustadz: aija mun kaya itu ku akhiri ai lah, salah khilaf mohon maaf assalamuallaikum wr. Wb
All: waallaikumsalam..
*ustadz bulik*

Utuh: nah hadran, paham haja kalo sudah wan taaruf?

Hadran: iih paham haja sudah aku, baarti aku nih harus datang karumahnya dengan maksud
handak kenal haja wan inya, ya kalo madi.
Madi: nah sip tu, tinggal ikam ja lagi nang bapadah wan kuitan ikam bahwa ikam handak
batamu wan si enor ka rumahnya. Tapi, ikam sudah bapadah lah wan enornya.
Hadran: balum pang lagi aku nih bapadah wan inya.
Madi; ai dilajui dah, tampulu inya balum bulik.
Hadran: kawani aku nah bapadahnya..
(mandatangi enor)
Hadran: ding enor, kaka kawa lah baelang k rumah pian.
Enor: handak meapa pian ka ka rumah ulun?
Hadran: aku handak bakanalan wan ikam ding ai, handak taaruf wan ikam.
Enor; oh iya kah ka, boleh aja ka ai, asal pian datang wan kuitan pian.
Hadran: aija mun kaya itu ding ai, isuk aku karumah ikam lah
Enor: inggih ka ai, ulun bulik hulu lah, assalamuallaikum
Hadran: waallaikumsalam.
Utuh: kayapa jar hadran, hakun lah?
Hadran; hakun ai, isuk aku karumahnya, doakan sanak lah.
Madi: tanang pasti kami doakan, mudahan baik haja.
Hadran: amin, makasih sanak. Aija dah kita bulikan ha jua nah.
Mama enor: mana inya nih nor lawasnya kd datang, mama handak auran nah.
Abah enor; asa kada prcaya pang aku nah inya wani datang karumah nih
Enor: hadang ma ai, bah ai, palingan inya lagi dijalan nih.
*keluarga Hadran datang*
Hadran: assalamuallaikum.
Enor; waallaikum salam, ma bah, ni si hadrannya datang sudah.
(keluarga hadran masuk)
Umanya enor: suruh masuk nor,,
Abahnya hadran: (mangaluari) eh,, pian kah pambakal, jadi anak pian kah si hadran nih?
Abahnya Hadran: iih hanap ai, hadran nih anakku, ku kira anak siapa kah jua si enor nih,
sakalinya anak ikam kah, bah mun papadaan nih nyaman ai dah kisahnya.
Abahnya enor: hahaa,, kita dudukan dahulu nah, kada nyaman bapandiran mun badiri kayaini.
Abahnya hadran: (dudukan) ayu ai mun kaya itu, langsung haja gin lah, maksud kadatangan
kami karumah ikam nih kada lain wan kada bukan handak manamu akan anak kami ni pang
nah wan anak ikam, biar bakatahuan kah jar urang tuh. Iya lah hadran?
Hadran: inggh bah ai, jadi ulun nih handak batatakun wan handak tahu wan anak pian si enor
nih, tapi kami kadada pacaran lagi, amun kam batamuan baduaan haja kaina timbul fitnah
paman ai, ulun samalam ada mandangar caramah guru Zuhd, jar sidin pacaran di islam tuh
kadada, mun handak taaruf haja jar sidin. Makanya ulun handak bataarufan wan si enor nih.
Abahnya enor: uhh kaya itu kah, bujuran kah napa jar hadran nih nor?
Enor; inggih bah ai, jar pian ulun nih kada boleh pacaran, langsung kawin haja jar pian, si
hadran nih pinanya handak mamaraki ulun, tapi ulun kada handak, jadi jar ulun mun handak
wan ulun silahkan taaruf ja wan ulun.
Abahnya enor: aija sudah, sabujurnya aku nih hadran ai bakawan banar wan abah ikam nih,
aku tahu kaluarga ikam nih urang baik baik. Mun niat ikam dasar handak taaruf wan si enor
aku mandukung haja, iya kalo umanaya?
Umanya enor: hiih, maklum haja pang si enor nih anak kami saiikungannya, makanya kada
kami barakan pacaran, ku lihat si enor nih sadang pang sudah dikawn akan. Mun handak kita
takuni wan anak anak kta ni ai pambakal ai, hakun lah buhannya.
Abahnya hadran: kayapa hadran? Asa sasuai haja kah sudah wan kahandak?
Hadran: inggih insyaallah sasuai haja sudah bah ai.
Abahnya enor: kam pang kayapa nor, sasuai haja kah jua?
Enor: inggih bah ai, malam tadi ulun sudah sambahyang istiqharah, alhamdulillah sudah
dapat jawabannya, tambah lagi pian sudah tahu wan asal usul kaluarga si hadran nih.
Umanya hadran: alhamdulillah, mun kaya itu tinggal kita lanjutkan ja lagi ka tahapan
selanjutnya. Kayapa hadran siap haja kah?
Hadran: inggih, insyallah sudah siap lahir bathin ma ai.
Umanya enor: aija dah tu, mun sudah siap barataan kta tinggal baatur tanggalnya ja lagi.
Abahnya hadran: jadi dilihat dari kedua belah pihak sudah satuju. Artinya sudah yakin haja
badudua handak melanjutkan ketahap selanjutnya yakni nemikah. Restu kuitan sudah didapat.
Maka sabagai kuitan kita mempersiapkan sagalanya.
All: alhamdulillah !!!