Naskah drama bahasa banjar

“PUTUS CINTA”

Sinopsis

Cerita ini berawal saat Nata secara tak sengaja bertemu kawan lamanya Dinda. Mereka begitu
akrab, maklumlah mereka berteman sejak masih sekolah di taman kanak-kanak.Mereka asik
berbincang dari hal kehidupan di alam nyata, kehidupan alam maya serta kehidupan di alam lain
(gaib gitu). Saking asiknya berbincang Nata tak menyadari bahwa belahan jiwannya yang bernama
Renita tengah menunggunya di bawah pohon beringin, di temani beberapa makhluk halus. Ada
semut, laba-laba, nyamuk dan para penjaga pohon beringin yaitu ulat. Setelah 3 jam berbincang
dengan Dinda, Nata ingat bahwa Renita tengah menanti kedatangan sesosok makhluk siapa lagi
kalau bukan dirinya. Karena lelah menanti kehadiran Nata, Renita pulang dan di dikawal beberapa
nyamuk. Ditengah jalan Ranita bertemu dengan sahabatnya Wati. Wati tampak terengah-engah
seperti berlari 20 km tanpa henti. Ternyata Wati ingin menyampaikan kabar bahwa Lana bersama
Asistennya datang kerumah Renita untuk melamar dirinya. Renita merasa bimbang siapakah yang
harus ia pilih Nata yang tak menepati janji ataukah Lana yang kaya raya. Saat Renita dirumah Lana
mengutarakan maksud dan tujuannya datang kerumah Renita. Dan tanpa diduga saat Renita hendak
menerima pinangan Lana, Nata datang dan menjelaskan apa yang sebenarnya terjadi. Karena Renita
sudah kecewa akhirnya dia memutuskan untuk menerima lamaran Lana dan meniggalkan Nata.
Selesai.

NASKAH DRAMA

”PUTUS CINTA”

PEMAIN:

Muhammad Bawaihi : Renita

Firmansyah : Ulfa

Muhammad Aldi : Wati sahabat Renita

Ahmad Dany : Nata

Ahmad Irpani : Asisten Lana

M. Rezky Maulana : Lana

Danu Rifaldi : Ayah Renita

Ahmad Rafi'i : Dinda

Disuatu tempat di pinggir jalan Nata menabrak Ulfa sahabat lamanya.

Nata : kam ni Dinda lo? (menunjuk kearah Dinda)

Dinda : siapa lah, maaf kada kenal nah, oh tau ai aku ni artis jadi samunyaan gin tau, ngaranku
Dinda, napa tanda tangan kah?

Nata : aku Nata masa ikam kada ingat? Itu nah yang nembak ikam 12 kali kam tolak tarus,
masa kada ingat.

Dinda : oh hiih, tau selain itu ikam suah minjam duitku lo Rp 5000 gasan main Dota. Hiih lo.

Nata : iya bujur, padahal aku tuh baduit Cuma sayangnya dompetku tatinggal

Dinda : maka dompetnya kam gadai akan gasan nukar mie gasan traktir aku.

Nata :nah tau ha ikam?

Dinda : yaiyalah aku tau nyata-nyata ikam bayarnya dimuka ku. Acilnya pina kada narima kaitu
dompet ikam, habisnya sudah bakulat, lawas, kada suah di basuh pulang.

Nata : itu dulu, wahini kada lagi, aku wahini sugih rumahku tuh na di komplek Citra Megah
Raya, imbah itu satu lagi di Mawar Asri. Tau lo ikam

Dinda : ha apah? Mawar Asri? Bah aku hakun pang jadi calon ikam, ikam pasti sugih. Rumahnya
yang nomor berapa?

Nata : baluman ditulis, anu pang duitnya balum ku bari akan.

Dinda : ngakunya rumah di Mawar Asri sakalinya balum di tukar. Mutur pang, mobil kah?

Nata : ada ai mobil 3 merek honda jazz, vitara, habis tu avanza kalu motor ada CBR, Ninja 4
tak, kadanya baagak pang lah.

Dinda : uma sugihnya ikam, aku handak pang di bawa kuliling kalimantan naik honda jazz
ampun ikam

Nata : honda jazznya masih di dealer

Dinda : vitaranya? Avanza? CBR mantap jua, ninja gin kada papa

Nata : nah itu masalahnya,

Dinda : kanapa?

Nata :berataannya masih kupikirakan kaya apa maambilnya datang dealer.

Dinda : bah amun kaitu indah gin aku bakawan lawan ikam, miskin pang ikam.

Dinda lalu pergi meninggalkan Nata. Nata baru ingat bahwa ada janji dengan Renita di bawah pohon
beringin.
Nata : aduh, aku kada ingat Renita menanti kedatanganku di bawah pohon beringin, maafkan
daku Renita.

Nata berlari menuju pohon beringin tempat kencannya dengan Nata. Ternyata Renita sudah
menantinya sejak 2 jam yang lalu.

Renita : mana lah si Nata? Sudah 3 jam aku nunggui disini. Kada taukah inya bahwa aku
dikawani makhluk-makhluk halus. Ada samut, laba-laba, imbah itu ada penunggu pohon beringin,
ulat.

Setelah setengah jam lagi menunggu Nata, Renita mulai ngantuk dan lelah dan bete, karena
diganggu oleh nyamuk yang dari tadi mengganggunya. Dan ada yang ngajakin pacaran.

Renita :bah Nata lawas banar, bulik aja aku nah. Nih nyamuk kijil banar. Masa bawai aku
pacaran padahal aku sudah bisi Nata. Huh

Lalu Renita pulang, di tengah jalan dia bertemu dengan Wati,

Renita :kenapa ikam?

Wati : anu, itu, si anu, ada anu di anu… (ngos-ngosan)

Renita :apa? Anu apa?

Wati : anu mun kada anu di cucuk (masih ngos-ngosan)

Renita : apanya yang di cucuk? (binung)

Wati :kaini nah Renita amun ikam kada hakun narima pinangan Lana abah pacangan dicucuk

Renita : mana bisa? Sejenis

Wati : ya bisa, orang dicucuk pakai pisau

Renita : ha? Apah? Abah jangan mati dulu ulun balum sampat batakun dimana pian nyimpani
duit

Wati : kumat lebainya, masih balum di cucuk. Nunggu kam lagi nah

Renita :oh balum, ku kira sudah. Ayu gin kita bulik.

Wati : ya ayo. Lajui

Mereka lalu pulang. Lana bersama asistennya, tengah berbincang dengan ayah Renita pak Azhari.

Lana : jadi kaya apa abah? Pian terima kada?

Pak azhari : aku ni tergantung lawan anakku, amun inya hakun, ya aku hakun. Amun inya kada
hakun ya aku kada hakun.

Bu Ulfah : kami nih urangnya kada kawa mamaksa’akan kahandak saurang

asisten : minta supaya sedikit dipaksa tuan, yah dirayu pakai duit
Lana : bujur jar ikam

Asisten : ulun selalu bujur, mun kada bujur kada bakal jadi asisten pian

Lana : eh, sarah kam. Sudah diam kam aku handak bapandir lawan camerku

Asisten : maaf tuan apa itu camer?

Lana : calon mertua, ikam ni pintar-pintar dodol

Asisten : yaiyalah dodol, tiap hari di makani dodol kandangan

Lana : diam ikam, jangan bapadah kaitu di muka camerku kena ketahuan aku sering nyiksa
ikam. Kada ku bari dodol lagi kada makan ikam

Asisten : kada papa, kena lun batukar saurang lun handak makan di KFC

Lana : kaya apa ikam kawa makan di KFC? Maka ikam kada baduit?

Asisten : ya kawa, duit di koper bajibun

Lana : jadi ikam yang maambili duit di koper pantas pina habis

Asisten : lo ko pian tahu?

Lana : nyata-nyata ikam hanyar bapadah

Asisten : o, inggih. Dah pian tarusakan pandiran pian lawan camer

Lana : jadi sampai mana tadi bah?

Pak Azhari : sampai manalah? Kada ingat aku habis kam lawan asisten ikam pina rami bapandir,
umpat ai aku mandangarakan

Lana : maka caritanya pian kada dangar, kisahnya ulun babisik

Pak Azhari : kayapa handak kada dangar urang ikam bapandirnya nyaring banar

Lana : mun kada nyaring disariki bu Diah, kada jadi dapat nilai kena

Bu ulfah : ampihan sudah bapandirnya, durasi dramanya masih bajalan

Lana : o iya

Pak Azhari : hiih lanjut apa lagi nih?

Lana : di naskah pian nerima lamaran ulun

Bu Ulfah : baluman, di naskah kam nyuruh Pak Azhari mamaksa Renita

Lana : o hiih bujur, bapandir tarus haus ulun

Pak Azhari : minum, silakan

Lana : mana minumnya, Bah?

Pak Azhari : nah kadada kah, bearti balum di ulahakan Wati

Asisten : lo bukannya Wati tadi di suruh menjemput Renita

Pak Azhari : hiih bujur, u mama Renita ambilakan minum si Lana nah

Bu ulfah : inggih abah,

Lana : jadi Bah, amunnya Renita kada hakun ya sadikit di paksa

Bu ulfah : sudah ku padahi lo tadi, kami nih indah mamaksa anak

Pak Azhari : bujur jar biniku kami nih urangnya, kada suka maksa anak apalagi handak di suap

Lana : masa kada bisa Bah, dari pada inya lawan Nata sudah pangulir, miskin baagak pulang
Bah,

Pak Azhari : bujur jua pang

Bu ulfah : hiih jua pang Bah dari pada inya lawan Nata nang pangulir nitu labih baik lawan Lana,
biar muha standar tapi sugih

Pak Azhari : masalahnya hakun kada Renita lawan Lana?

Bu Ulfah : di hakun-hakun nakan

Pak azhari : dipaksa maksudnya?

Bu ulfah : sadikit

Asisten : tuan siapa yang mau menolak uang

Lana : kaini, ulun ada duit pina balabih, asisten

Asisten : iya tuan

Lana : yah ini, kalu pian hakun narima, jumlahnya ya Cuma 12. juta

Pak Azhari : hah Cuma 12 juta? 12 juta tuh Cuma jar ikam?

Bu Ulfah : apa jar nya? 12 juta Cuma, aku haja handak dapat 5juta pakai dustai abah Renita nang
pelit banar nih, ikam pina nyaman banar mambuang duit 12juta?

Lana : biasanya 12 juta tuh di rumah ulun gasan nukar jajan

Pak Azhari : jajan 12 juta?

Bu Ulfah : uma ngerinya, kanapa ikam kada nikah lawan aku ja, sama jua bungasnya aku lawan
Renita.dari pada lawan abahnya Renita sudah pelit kada bungas pulang

Pak Azhari : kanapa jadi ikam hakun?

Bu Ulfah : tapaksa

Pak azhari : maka ikam nang datangi aku minta di nikahi? Kanapa jadi tapaksa?

Bu Ulfah : tapaksa pang jaman dahulu kada ada nang labih bungas dari ikam, kada da nang labih
sugih

Pak Azhari : ba arti ikam mangakui bahwa aku nih pambungasnya,panyugihnya.

Bu Ulfah : hiih bujur jua, tapi wahini kam kada bungas lagi

Pak Azhari : tapi tatapai kam hakun jadi biniku, gani’i aku tiap malam

Lana : ba’apa?

Pak Azhari : maronda

Lana : uuu, kira lun ba anu

Pak Azhari : anu apa maksudnya?

Lana : maulah pisang goreng, gasan bajualan

Pak Azhari : aku sudah kada bajualan lagi, handak santai manikmati masa tuha

Lana : marasa sakalinya sudah tuha

Pak Azhari : ui, aku dangar

Lana : uu, pian dangar kah, maapai.

Bu Ulfah : kaya apa tadi lanjutan duit 12 jutanya?

Pak Azhari : ingat banar lawan duit

Bu Ulfah : nyata’ai

Lana : o inggih tadi tuh ya amu ulun dirumah duit saratus ribu biasanya gasan ngelap kaca

Bu Azhari : hha? Apa? Gasan ngelap kaca, kanapa kada dibariakan ke aku. Bah paksa Renita biar
hakun jadi bininya

Pak Azhari : ayuja kena ku paksa Renita biar hakun narima ikam

Asisten : tadi jar pantang di suap, hanyar di iming-imingi 12 juta sudah hakun,

Lana : sstt diam ikam kalu pina sidin sarik

Tak lama kemudian, datanglah Renita bersama dengan Wati.

Wati : assalamu’alikum, Bah?

Renita : kenapa ikam yang ngiau abah? Maka aku anaknya?

Wati : inggih kada ingat nah, perasaan aku anaknya

Renita : ada apa ini ayah? ( lalu duduk di sebelah abah)

Wati : gaya, biasanya gin abah, gayung

Renita : hinip kam Wati

Wati : baik tuan putri, putri yang terlupakan, he

Renita : apa jar kam?

Wati : kadada

Pak Azhari : jadi begini putriku, seorang pemuda yang mapan, kaya telah melamar dirimu dan
hendak menjadikanmu menjadi pendamping hidupnya

Wati : kumat, lebai banar nang kaya anaknya.

Pak azhari : diam kam Wati

Wati : yakin diterima,

Lana : jadi Renita hakun kada ikam jadi biniku

Renita : kaya apalah? Aku ni sebujurnya sudah bisi pacar, aku sudah sayang lawan inya, masa
aku mehianati inya?

Lana : ayolah Renita, aku tau ikam bisi pacar, Nata lo?

Renita : kok tahu ikam,

Lana : kan aku sugih, bisi asisten banyak ni salah satu koleksiku, (menunjuk asisten di
sebelahnya)

Renita : oh begitu, sugih lah ikam sampai-sampai bisa ngoleksi asisten, ini yang limited edition
lah?

Lana : nyata ai, sudah kadada lagi nih,

Asisten : uma lun lain barang, bisa kaitu limited edition? Sungguh tega

Lana : dari pada kada ku bayar ikam

Wati : uma KDRT, penyiksaan

Lalu tak berapa lama kemudian datanglah lana terengah-engah

Nata : tunggu, jangan saya tidak setuju, pernikahan ini harus di hentikan

Wati : baluman lagi, hanyar dilamar

Nata : balum kah? Maaf lah

Renita : handak be apa pulang ikam Nata? Aku uyuh nunggu ikam di bawah pohon beringin, di
kawani makhluk halus pulang

Semua terkejut mendengar ucapan Renita

Renita : maksudnya nyamuk, samut lawan kawanannya

Nata,Lana,Wati, : oooo

Asisten, pak azhari

Nata : jadi begini ceritanya

Renita : sudah, aku tak sanggup mendengarnya

Nata : balum lagi

Wati : dasar nih kawasan lebay

Renita : balum kah, lanjut gin

Nata : sabujurnya, aku tadi tatamu Dinda inya tuh kawan lawas ku, makanya aku lambat namui
ikam, sakali aku datang eh ikam kadada

Renita : kam tahu aku tadi nunggu berapa jam?

Nata : 15 menit bukan

Renita : hah? 15 menit? Kali 6 tau!

Nata : berapa tuh, 15 X 6 =…, aduh 5 X 6= 30 + (1X5), 5X1=5…

Renita : lambat, 3 jam

Nata : oh Cuma tiga jam, hah 3 jam? Bujuran tiga jam?

Renita : hi ih, aku sudah uyuh lawan ikam, sudah miskin, tiap kali batamuan pasti kada ingat, ba
agak, uyuh, uyuh pokoknya uyuh, aku handak PUTUS

Wati : nah akhirnya, datang jua suara putus

Nata : apa putus? Aku indah di putusi

Wati : beh patah hati am

Renita : terserah, ayuja Lana aku hakun jadi bini ikam.

Lana : sungguh Renita?

Renita : sungguh

Nata : Renita, aduh jangan tinggalkan daku

Wati : kasiannya ai, sudah diputusi, ditinggal kawin lawan yang lain, uma kasian
Renita dan Lana imbah itu tulak, lawan asistennya dan lawan abah mama nya jua

Nata : Wati?

Wati : maaf lah,aku sudah bisi yang lebih dari ikam

Nata : siapa?

Wati : ada deh mau tau aja

Nata : ah PUTUS CINTA

Sekian drama dari kami semoga bermanfaat, dan berkenan di hati anda sekalian. Terima kasih