Nama : Ni komang sukma pradnya paramitha

Kelas : XII Asisten Keperawatan 1

No. : 22
Tugas Nyurat Naskah Dharma Wacana.
PANCA YADNYA
Inggih Ida dane sinareng sami, utamane majeng ring para panureksa sane dahat
kusumayang titiang. Sadurung titiang ngawitin matur lugrayang titiang ngaturang
pangastungkara “Om Swastyastu”.
Ida dane sareng sami sane wangiang titiang, sadurung titiang nglaturang matur ngiring
sareng sami nyakupang kara kalih nyinahang rasa angayubagia majeng ring Ida Sang Hyang
Widhi Wasa, duaning wantah sangkaning pasuecan Ida, titiang ping kalih Ida dane prasida
masadu ajeng iriki ring galahe sane becik sakadi mangkin. Dumadak sareng sami prasida
ngamangguhang karahajengan, labda karya, sidaning don. Inggih maduluran pangastungkara
duene mogi-mogi Ida Sang Hyang Parama Kawi sih kinasih suwecamicayang karahajrngan.
Sakemaon banget titiang ngalungsur geng rena sinampura riantuk kanambetan titiang
kalintang, prasangga purun nglangkungin linggih Ida dane jagi matur amatra indik “Panca
Yadnya”.
Inggih pamiarsa sinareng sami, sajeroning maosang indik yadnya, saking iraga garpa
ngantos mangkin nenten prasida keles saking yadnya, santukan Ida Sang Hyang Widhi Wasa
ngardi jagad lan sauripnyane niki ajine yadnya.
Inggih Ida dane sinareng sami, ngeraosang indik yadnya, yadnya mawit saking bahasa
sansekerta inggih punika “yaj” sane meartos korban suci tulus ikhlas. Yening panca yadnya
nike kakepah dados kalih kecap inggih punika panca sane meartos lima, yadnya sane meartos
korban suci sane tulus ikhlas, dadosnyane panca yadnya inggih punika lima korban suci sane
kaaturang ring dasar ring hati sane tulus ikhlas. Panca yadnya punika kawangun antuk lima
diri inggihan punika :
Kaping siki dewa yadnya. Dewa yadnya meartos yadnya sane kagelaran tetujonnyane
kaaturang majeng ring Ida Sang Hyang Widhi Wasa. Yening niskala dewa yadnya punika
ngaturang sembah bhakti ring Ida Sang Hyang Widhi Wasa ring rahinna tilem, purnama utawi
sewai-wai. Yening skala iraga dados ngemargiang dewa yadnya punika antuk ngebersihin pura
utawi marajan, nelebang ajahan agama, lan nglaksananyang swadharma iraga majeng ring Ida
Sang Hyang Widhi Wasa.
Kaping kalih bhuta yadnya. Bhuta yadnya inggih punika upakara sane kamargiang ring
para bhuta. Ring kitab Agastya Parwa wenten kabaos “Tawur muang kapujan ing tuwuh
pamungwan kunda wulan makadi walikrama, ekadasadewata mandala ya bhuta yajna
ngaranya…” (Lontar Agastya Parwa). Tegesipun, Bhuta yadnya inggih punika tawur utawi caru
selametan majeng ring mekesamian entik-entikan persembahan ring periuk bulan,
umpaminyane
Balikrama lan persembahan ring duur altar utawi lapangan majeng sebelas dewata utawi
ekadasa
dewata punika artosnyane bhuta yadnya. Yening niskala iraga dados ngemargiang nike
minakadi ngaturang pacaruan ring tilem sasih kasanga, ngaturang walikrama miwah sane
lianan. Yening skala iraga mersidayang ngemargiang nike antuk ngupiara ubuh-ubuhan lan
ngupiara entikentikan.
Sane kaping tiga rsi yadnya. Rsi yadnya niki tetujonne anggen ngewales pitresnan Sang
IGuru, pitresnan Sang I Guru niki wenten ring tembang puniki “Saking tuhu manah guru” ring
tembang punika nyeritayang kaluhuran manah Sang I Guru utawi Rsi anggen para sisia nyane
mangda sinamian wikan. Yening niskala rsi yadnya punika antuk ngaturang canang sesari
majeng ring I Guru miwah sane lianan. Yening skala rsi yadnya punika antuk subakti majeng
ring Sang I Guru lan iraga ngeresepang miwah mirengang pitutur Sang I Guru.
Kaping pat manusia yadnya. Manusia Yadnya inggih punika yadnya sane tetujon nyane
kaaturang majeng I jatma utawi manusia. Yening niskala iraga dados ngemargiang manusia
yadnya antuk ngelaksanayang tigang sasih, otonan, pawiwahan miwah sane lianan. Yening
skala
iraga mersidayang antuk “Sagilik-saguluk salunglung sabayantaka”, saling olas asih asuh
majeng ring sesame jatma.
Kaping lima pitra yadnya. Pitra yadnya inggih punika yadnya sane kaaturang majeng
ring Sang Pitra utawi Leluhur iraga. Yening niskala nglaksananyang antuk upacara ngaben.
Yening skala iraga mersidayang nglaksanayang punika antuk subakti ring guru rupaka,
ngeresepang tur mirengang pitutur anak lingsir.
Inggih Ida dane taler para sameton sinareng sami, yan cutetang titiang daging
bebaosan puniki, mangkin patut pisan iraga sareng sami ngelaksananyang panca yadnya
anggen swadharma iraga ring sauripan sewai-wai puniki.
Inggih, wantah asapunika prasida antuk titiang matur, dumogi atur titiang wenten
pikenohipun, tur mawanti-wanti titiang nunas geng rena sinampura ri pet wenten atur titiang
tan manut ring arsa tan nganutin sasuduk basa punika wantah riantukan kanambetan titiang
kalintang. Pinaka panguntat puputang titiang antuk parama santi.
“Om Santih, Santih, Santih Om