L : : emang abang ga di kasih tau bang sama tuan rumah buat apa aye dateng kemari bang?
L : maafin gua bang, kalo kedatengan gua ama rombongan kaga berkenan di ati orang orang
sinih bang.
P: Oh.. jadi lu dateng kemari udah ada niat bang, eh bang, kalo makan buah kenari,,,, jangan di
telen ama biji-bijinya… kalo lu udah niat dateng kemari .. gua pengen tau apa hajatnya?
L: oh.. jadi abang pengen tau apa hajatnya.. emang abang ora di kasih tau ama tuan rumahnya,
bang ada siang ada malem, ada bulan ada matahari, eh bang kalo bukan lantaran perawan yang
di dalem, ora bakalan bang nih laki gua anterin kemari.
P : oh jadi lantaran perawan abang dateng kemari ? eh bang ora salah abang beli lemari, tapi
sayangnya ora ada kuncinya bang, ora salah abang dateng kemari, tapi sayang ni perawan udah
ada yang punya.
L : oh jadi perawan yang di dalem udah ada yang punya, eh bang crukcuk kuburan cina ,
kuburan islam biar gua yang ngajiin , biar kata tuh perawan ada yang punya , tetep nih si abang
hadi yang bakalan jadiin.
P: jadi elu kaga ngarti ni bang, tetep pengen jadiin, eh bang kalo jalan liwat kemayoran, ati ati
jalannya licin, dari pada niat abang ora kesampean , lu pilih mati apa lu batalin.
L: Ohh,, jadi abang bekeras nih,, eh bang ibarat baju udah kepalang basah, masak nasi udah jadi
bubur, biar kata gw mati berkalang tanah, setapak ge gw ora bakal mundur.
P: oh jadi lu kaga mau mundur ni bang , ikan belut mati di tusuk, dalem kuali kudu masaknya, eh
bang ni palang pintu ora ngijinin lu masuk, sebelom lu penuhin persyaratannya,
Metro mini keneknya bang Husein,panas-panas tetep aye jalanin. Abang minta apa syarat apa
tolong sebutin minta Monas aye bawain
P: ada ,,, jadi tukang masak aja ada syaratnya bang, apa lagi perawan…
P: lu pengen tau apa saratnya ,,, kuda lumping dari tangerang, kedipin mata cari menantu,
pasang kuping lu terang terang, adepin dulu ni jagoan gua atu atu.
L: oh jadi kalo mao dapet perawan sini saratnya kudu berkelahi bang..
L: bintang seawan awan , gua itungin beribu satu , berapa banyak abang punya jagoan, gw bakal
adepin satu persatu.
#BERKELAHI
L : roman-romannya jagoan abang udah pada kalah semua apa aye rombongan udah boleh
masuk apa masih ada syarat lagi nih bang
P :cukup cukup bang soal silat abang jago soal pantun abang bisa
buah mangga bukan sembarang mangga,manga satu tolong petikin
saya bangga bukan sembarang bangga,mantu kaya gini yang saya arep-arepin