Adu Pantun

Berikut adalah drama satu babak ketika acara Palang Pintu berlangsung yang diwakili oleh pihak
pengantin Perempuan (P) dan pihak penganti Laki (L).

P: Eh bang-bang berenti, bang budeg ape luhEh bang nih ape maksudnye nih selong-
selonong di kampung orang, Emangnye lu kagak tahu kalo nih kampung ade yang punye?

Eh Bang, rumah gedongan rumah belande, pagarnya kawat tiangnya besi, gue kaga mao tau
nih rombongan datengnye dari mane mau kemane, tapi lewat kampung gue kudu permisi.

L: Oh jadi lewat kampung sini kudu permisi, bang.

P: Iye emangnye lu kate nih tegalan.

L: maafin aye bang, kalo kedatangan aye ama rombongan kage berkenan di ati sudare-
sudareSebelomnye aye pengen ucapin dulu nih BangAssalamu, alaikum.

P: Alaikum salam

L: Begini bangmakan sekuteng di Pasar Jum,at, mampir dulu di Kramat Jati, aye dateng ama
rombongan dengan segala hormat, mohon diterime dengan senang hati.

P: Oh jadi lu uda niat dateng kemariehBang, kalo makan buah kenari, jangan ditelen
biji-bijinyekalo ku udeh niat dateng kemarigue pengen tahu ape hajatnye?

L:Oh jadi Abang pengen tahu ape hajatnyeemang Abang kage di kasih tau ame tuan
rumehnyeBang, ade siang ade malam, ade bulan ade matahari, kalo bukan lantaran perawan
yang di dalam, kaga bakalan nih laki gue anterin ke mari.
P: Oh jadi lantaran perawan Abang kemari?Eh Bang, kage salah Abang beli lemari, tapi
sayang kage ade kuncinye, kage salah abang datang kemari, tapi sayang tuh perawan ude ade
yang punye.

L: Ohjadi tuh perawan ude ade yang punye, eh Bang crukcuk kuburan cine, kuburan Islam
aye nyang ngajiin, biar kate tuh perawan udeh ade yang punye, tetep aje nih laki bakal jadiin.

P: Jadi elu kaga ngerti pengen jadiin, eh bang kalo jalan lewat kemayoran, ati-ati jalannye
licin, dari pada niat lu kage kesampaian, lu pilih mati ape lu batalin.

L: Oh jadi abang bekeras niheh Bang ibarat baju udah kepalang basah, masak nasi udah
jadi bubur, biar kate aye mati berkalang tanah, setapak kage nantinye aye bakal mundur.

P: Oh jadi lu sangke kage mau mundur, ikan belut mati di tusuk, dalam kuali kudu masaknye,
eh nih palang pintu kage ijinin lu masuk, sebelum lu penuin persaratannye
L: Ohjadi kalo mao dapet perawan sini ade saratnye, Bang?

P : Ade, jadi pelayan aje ada saratnye apa lagi perawan

L: Kalo begitu sebutin saratnye Bang

P: Lu pengen tau ape saratnyekude lumping dari tangerang, kedipin mate cari
menantu, pasang kuping lu terang-terang, adepin dulu jago gue satu-persatu

L: Oh jadi kalo mao dapet perawan sini saratnye bekelai Bang

P: Iye kalo lu takut, lu pulang

L: bintang seawan-awan, aye itungin beribu satu, berape banyak Abang punya
jagoan, aye bakal adepin satu-persatu.

Adu Jurus
Setelah adegan di atas, pemain palang pintu biasanya melanjutkan dengan
kembangan. Berikut adalah petikannya.

L: bang, lu tau dalemnye rawe, pasti lu tau kali semanan, kalo mau tau namenye jaware, nih lu
liat gue punye maenan (jalanin jurusnye ). Nih .baru kembangnye . Bangntar buahnye

P: Kelape ijo ditusuk belati naek, perahu lurus jalannye, udeh banyak jago yang mati, nih jurus
pukulannye (jalanin jurusnye)
kalo elu buahnye
nih bijinye.
Adu Ngaji
Beradu jurus pun berakhir. Pihak pengantin lelaki keluar sebagai pemenang.
Perbincangan pun dilanjutkan kembali.

L: Gimane Bangrase-rasenye jagoan Abang udeh pade rontok semua nih

ape aye ame rombongan udah boleh masuk?ape masih ade saratnye lagi Bang?

P: Ntar dulu Bang, enak aje pan lu tau

buah cereme jangan diasinin
makan nasinye di kandang kude
sarat pertame emang lu ude penuin
tapi masih ade sarat yang kedue

L: Sebutin udah bang jangan lame-lame

P: Tukang lakse dagangnye malam

jalannya muter ke pasar kranji
gue minta elu jangan cume bise berantem
tapi gue pengen denger lu bise ngaji

L: Tumbuk ketan jadinye uli

ulinye juge kudui ditapeni
betaun-taun anak kampung gue bisa ngaji
lagu yang Abang minta aye bawain
(baca sikeh)

Gimane Bang soal berantem aye udah ladenin, soal ngaji abang udah dengerin
ape aye ame rombongan udah boleh masuk, ape masih ade saratnye lagi,
Bang?

P: Cukup-cukup dah Bangrase-rasenye kage sie-sie aye bebesanan ame Abang

soal silat Abang jagosoal ngaji Abang biseaye Cuma bisa bilang
buah mangga bukan sembarang mangga
buahnye satu tulung petikin
aye bangga bukan sembarang bangga
mantu yang begini yang aye arep-arepin
ahlan wasahlan buat Abang ame rombongan
Assalamu, alaikum
==

Penulis: jodhi yudono

silatindonesia@yahoogroups.com
 Punye tane di tanemin sawi,
Badan basah abis mencangkul.
Belon sempurna ngaku orang betawi,
Kalo belon bise maen pukul.
#
Dari Pulogebang ampe Cibitung,
Bawa sawi pake pikulan.
Kite malu ame arwahnye Bang Pitung,
Ngaku Betawi kaga bise maen pukulan.
#
Dari Ciawi pulang jalan-jalan,
Beli palu hargenye mure.
Orang Betawi kaga bise maen pukulan,
Kudu malu ame sejare.
#
Naek kapal pegih ke Bali,
Di tenge jalan kapalnye mati.
Ade nyang jual udeh pasti di beli,
Ntu semboyan orang betawi.
#
Pegih ke surau sholat ashar,
Jadi makmum musti sejajar.
Aye punye silat masihlah dasar,
Maklum aye masih belajar.
#
Liwat Jagorawi jalannye lurus,
Beli mangge di bawa pulang.
Orang Betawi banyak punye jurus,
Kudu di jage jangan sampe pade ilang.
#
Tahi lalat warnanye item,
Ade di muke jelas kelietan.
Belajar silat bukannye buat berantem,
Tapi buat ngejage suatu kehormatan.

(Bang Djay)

Puun kamboja kembang kuburan

Kembangnye rontok di tenge taman
Tuan Raja ude kagak sabaran
Pengen ketemu Tuan Putri nyang ade di kedieman
Pisang raje matengnye ditusuk
Daon kelape dibuat alasnye
Kalo emang abang pengen masuk
 Ape ude tau syaratnye?
Puun duku di Batu Ampar
Kelape ijo jatohnye ke tane
Cuman Tuan Putri atu nyang langgar
Kalo emang jodo kagak lari, ape syaratnye?
Ngomong aje lu sebakul
Bise-bise juragan dibandring batu
Kalo ngomong nyang betul
Coba adepin aye punye Palang Pintu!