Buka Celenge, Ngalengisin awakne,

Semenge ento I Mengong negak malengok di beten saka bale dangine Peliatné joh sawang, nyen
apa kadén ané kenehanga. Kopi ané seduhanga tekén Méméné kanti gesit (nyem) tusing masih
gerosina. Nasi bubuh ané belianga di warung Mayan Tagel Kuning kanti rebut buyung, tusing
masih daara.
Nang Tegteg apik nlektekang tingkah pianakné ané soléh, bengong melompong bibih matétéh,
nyihnayang ia tusing maan masugi uli mara bangun.
Dadi mapineh-pineh Nang Tegteg padidi, mapan uli mara bangun pesu uling kamarné, I
Méngong tepukina ayem ocem tan pabayu cara lebian naar jukut kangkung, tensiné tuun.
“Ning, cening bagus pianak Nanang! Nak éngkén dadi jeg bengong keto? Apa ladné lamunang
cening?”
Ping telu, ping pat, Nang Tegteg makaukan, nanging I Méngong tusing masih masaut. Siduri,
“Woé…!! Ngong..!!!”, Nang Tegteg nengkik.
“Ehh, nanang! Uli tuni nang? Hehe.. Sing ajin icang!”
“Suba ping pat Nanang nyapatin, jeg pang kanti dengkik, mara cai masaut! Nto, kopi ajak
bubuhé daar malu! Mesugi kondén, jeg payuan melamun!”
“Hehe.. nah naang, jani suba kar daar icang!,” nyemak tékor bubuhé laut I Méngong madaar.
Nepukin pianakné suba nyak medaar, laut Nang Tegteg nglanturang wicara.
“Men apa kelamunang cai?”
“Sing Nang, ada sing..! Icang nak nu kiap, dibi megadang mabalih bola kanti jam 4 daslemahé.
Dadiné won bayun icangé, apa buin club kesayangan icangé kalah! Jeg sebet icang nang!”
“Béh, dong ulian club dedemenan cainé kalah doén ngaé cai maplengegan kéto! Kadén nak ulian
cai tolak nak bajang! Asinan bedik kanti kéto!”
“Nah to ja masih nang, hehehe.. sing ja tolaka, nak salipa di péngkolan jak timpalé! Ulian icang
kimud, sing juari ngorang tresna, jeg malunina payu! Tapi icang nak énggal move on, sing sanget
penting bagi icang. Ju liu bintang di langit! Sing beneh kéto nang?”
“Nah kéto mula! Cocok nanang ajak papineh ciné ento! Men né ngaénang cai maplengegan to
tuah ja bolané keto?”
“Club icangé kalah, icang sing sanget mikir nang! Ané pikirang cang, ija cang ngalih pis anggon
mayah toh-tohané? Nanang ada pipis? Nak uli tuni icang berfikir, éngkén caran icang ngidih
pipis ajak nanang, kwala kimud cang ngidih… hehe..!”
“Béh, dong majudi cai né! Akuda cai kalah? Nanang ada pipis abedik!”
“Sing ja majudi nang! Nak matoh-tohan ajak timpal né. Tuah mangatus tali nang. Sing liu ..”
 “Sakit grieng, kakin poloné! Kanti limangatus matohan! Yen kéto unduké, dijané sing majudi
keto? Hehhh…!! Cai matoh, cai patut mayah! Nguda nanang barengang cai! Awak kondén pelud
ngalih pipis, kondén ngelah sekaya, sing ja nyandang cai nyemak gaé majudi! Yen suba bindan
cai bisa cara céléngé, ngalengisin ibané, kanggo cai ditu ngadokang pipis!”
“Béh patuhang nanang icang cara céleng! Panakné céléng, bapané apa nang? Hahaha…!”
“Ahh, da nanang ajaka macangkriman semeng-semeng!!! Nanang kar ka tegalé”.
“Hikss… nanang tega! Tega..!! Tega..!!!
A. Unsur Intrinsik (Sarana Jeroan)

1. Unteng : Anak males

2. Pragina :
a) I Mengong - Pragina Utama (. Kopi ané seduhanga tekén Méméné kanti gesit (nyem) tusing
masih gerosina. Nasi bubuh ané belianga di warung Mayan Tagel Kuning kanti rebut
buyung, tusing masih daara. (paragraf 1)).( Sing Nang, ada sing..! Icang nak nu kiap, dibi
megadang mabalih bola kanti jam 4 daslemahé. Dadiné won bayun icangé, apa buin club
kesayangan icangé kalah! Jeg sebet icang nang!( Sing Nang, ada sing..! Icang nak nu kiap,
dibi megadang mabalih bola kanti jam 4 daslemahé. Dadiné won bayun icangé, apa buin
club kesayangan icangé kalah! Jeg sebet icang nang! (paragraf 11)),( “Club icangé kalah,
icang sing sanget mikir nang! Ané pikirang cang, ija cang ngalih pis anggon mayah toh-
tohané? Nanang ada pipis? Nak uli tuni icang berfikir, éngkén caran icang ngidih pipis
ajak nanang, kwala kimud cang ngidih… hehe..!” (paragraf 15)).
b) I Nang Tegteg – (Ping telu, ping pat, Nang Tegteg makaukan, nanging I Méngong tusing
masih masaut. Siduri, “Woé…!! Ngong..!!!”, Nang Tegteg nengkik.(paragraf 5)), “Sakit
grieng, kakin poloné! Kanti limangatus matohan! Yen kéto unduké, dijané sing majudi
keto? Hehhh…!! Cai matoh, cai patut mayah! Nguda nanang barengang cai! Awak
kondén pelud ngalih pipis, kondén ngelah sekaya, sing ja nyandang cai nyemak gaé
majudi! Yen suba bindan cai bisa cara céléngé, ngalengisin ibané, kanggo cai ditu
ngadokang pipis!”.(paragraf 18)).
c) I Meme – (Pragina sane nyangkepang).
3. Lelintihan
a) Seting : Seting Genah : Lelintihan ring satua punika megenah ring bale dangin
utawi jero. (ring paragraf 1)
b) Seting Galah: Galah ring satua punika indik semengan. (ring paragraf 2)
c) Seting Kahanan : Kahanan ring satua, inggih punika gedeg,sebet. (ring paragraf
5,11.)
4. Sudut Pandang : Jatma kapertama : I Cang
Jatma Kapingkalih :
5. Piteket :
a) I rage tusing dadi males lan sing dadi majudi
b) I rage harus sayang teken rerame,lan sing dadi ngelawan.