Naskah Paskah

 Di Taman Getsemani

Narator Yesus deng antua pung murid-murid sampe di tampa satu yang nama
: Getsemani
Yesus “Dudu tunggu disini sa!! Beta mau pi sombayang disana do. Petrs, Yohanes,
: deng Yakobus mari batamng beta dolo”.
Narator Waktu itu antua mulai balisa deng hati susah
:
Yesus “Beta pung hati paleng susah macam kata mau mati sa. Tinggal disini la jaga-
: jaga batamang beta jua”.
Narator Tarus, antua maso sadiki jao la tikang lutu sampe muka kanal tanah par
: sombayang.
Yesus “Sio Bapa e! Kalo bisa, tolong kasih lapas beta dari susah deng sengaara ni
: jua. Mar, jang iko beta pung mau, iko Bapa pung mau sa!”
Narator Abis itu, antua bale par antua murid tiga tu, mar dong ada tatidor
:
Yesus “Petrus! Petrus e! Masa ale seng bisa jaga-jaga barang sajam batamang beta
: lai? Kaming musti jaga-jaga deng sombayang biar kamong seng dapa coba par
biking dosa. Dalam hati, kamong memang mau biking yang batul, mar
kamong seng kuat par biking akang”.
Narator Tarus antua pi sombayang par kali kedua.
:
Yesus “Sio Bapa e! Kalo memang beta seng bisa dapa kasi lapas dari sengsara ni
: mar musti pikol akang, biar bapa pung mau sa yang jadi”.
Narator Waktu antua bale kombali, antua dapa dong tiga tatidor kombali tagal paleng
: manganto. Jadi antua pi kastinggal dong lalu pi sombayang par ketiga kali la
bilang kata-kata yang sama deng kamuka lai. Abis itu, antua bale par antua
murid tiga tu.
Yesus “Masa kamong masih tidor lai? Bangong jua!! Dengar! Skarang ni su waktu
: par beta ana manusia ni dapa jual par orang-orang berdosa yang pung kuasa.
Bangong la mari katong pi baku dapa deng dong! Lia dia yang mau jual beta
su dekat!”.
Narator Waktu Yesus masih bicara, yudas sampe. Dia datang sama-sama deng orang
: banya yang bawa parang deng kayo.
Yudas “Kalo kamong lia beta ciong sapa, itu dia sudah. Tangkap dia”.
:
Narator Waktu yudas sampe, dia langsung pi par yesus
:
Yudas “Salamat malam tuang guru!” (Yudas ciong yesus)
:
Yesus “Tamang e, biking apa yang ale mau biking jua!”
:
Narator Orang-orang yang datang deng yudas tu maju tangkap antua. Tiba-tiba satu
: dari antua pung murid cabu parang la potong tantara pung talingang sampe
putus.

Yesus (Yesus sambung jongos pung talingang) “hoe!! Sarong ale pung parang tu!
: Sapa yang barmaeng deng parang, dian anti mati deng parang lai. Kamong
kira beta ni tukang malawang pemerintah kapa sampe kamong datang bawa
parang deng kayo par tangkap beta?? Sabang hari beta dalam kintal tampa
sombayang par kase balajar orang, mar kamong seng tangkap beta. Samua ni
jadi macam bagini biar apa yang tatulis dalam Allah pung tulisan tu jadi”.
Narator Lalu antua pung murid-murid lari kastinggal antua sandiri.
:

 Yesus Di Mahkamah Agama

Narator Orang-orang tangkap Yesus bawa antua ka imam basar kayafas. Disana, orang
: Yahudi pung guru-guru taurat deng pemimpin-pemimpin su bakumpul. Petrus
jua iko antua dari jao lalu dudu sama-sama deng tentara-tentara.
1 orang. : “Dia ni pernah bilang kata, ‘Beta bisa rubuh tampa sombayang pusat la dalam
3 hari beta nanti kase badiri akang’”.
Kayafas “Ale su dengar dong tudu-tudu ale to? Ale seng jawab dong? Demi Allah
: yang hidop tarus-tarus coba bilqng par katong! Se ni orang yang Allah su
angka par kase salamat manusia, Allah pung ana tu kah?”
Yesus “Ale sandiri yang su bilang akang. Mar dengar beta bilang par kamong! Mulai
: dari Skrng ni kamong nanti lia beta dudu di sbalah kanan Allah”.
Kayafas “Dia su hujat Allah! Katong seng perlu saksi lai. Kamong su dengar dia hujat
: Allah to? Kalo iko kamong, katong musti biking apa dia?”
Samua “Dia musti mati!”
orang
:
Narator Lalu dong Ludah antua pung muka deng pukol antua. Ada jua yang tampeleng
: antua.

 Petrus Manyangkal Yesus

Narator Waktu Yesus ada dapa sidang di imam basar kayafas pung rumah, Petrus dudu
: di kintal. Lalu ada jongos parampuang satu datang par dia.
Perempuan “Ale ni yang sama-sama deng Yesus orang Galilea tu to?”
1
:
Petrus “Aoo, beta seng tau ale pung maksud apa”.
:
Perempuan “He, dia ni tadi ada sama-sama deng Yesus orang nazaret tu!”
2
:
Petrus “Demi Tuhan e!!. Beta seng kanal orang itu!”
:
Perempuan “Seng salah lai! Ale ni pasti satu dari Yesus pung tamang-tamang, tagal
2 kantara dari ale pung logat”.
:
Petrus “Demi Tuhan ee! Beta seng kanal orang itu! Biar Tuhan hukum beta kalo beta
: parlente”.
Narator Pas petrus bilang bagitu langsung ayam pai bakuku. La petrus dapa inga kalo
: Yesus pernah bilang par dia ‘waktu ayam pai balom bakuku lai ale su
manyangkal 3 kali kalo ale seng kanal beta’. Petrus pi dari situ la manangis.

 Yesus dihadapan Pilatus

Narator Yesus dapa bawa ka Gubernur Pilatus par dapa sidang

:
Pilatus "Ale ni orang Yahudi pung raja ka?"
:
Yesus "Bapa sandiri su bilang akang"
:
Pilatus "Ale su dengar dong tudu ale banya macam bagitu to? Masa ale seng jawab
: dong?"

Narator sabang kali orang Yahudi pung hari basar paskah, Gubernur biasa kase bebas
: satu orang dari bui par iko orang banya. Waktu itu ada satu orang jahat yang
nama Yesus Barabas.

Pilatus "Kamong mau beta kase bebas sapa par kamong? Yesus Barabas ka Yesus
: yang dapa panggel par orang yang Allah su angka par kase salamat manusia?"

Istri "Jang ale campor deng orang batul pung parkara. Barang, tagal dia, tadi
Pilatus malam beta mimpi sampe beta paleng taku"
:
Pilatus "Dari dong dua ni, kamong mau beta kase bebas sapa par kamong?"
:
Samua "Barabas!"
orang
:
Pilatus "Kalo bagitu, beta Musti biking apa Yesus yang dapa panggel par kase
: salamat manusia ini?".

Samua " Salibkan Dia!"

orang
:
Pilatus "Mar Dia su biking kajahatang apa?"
:
Samua "Salibkan Dia, salibkan Dia!"
Orang
:
Narator Pilatus pung usaha seng ada hasil, dia ambel aer la basu tangang di muka
: orang banya.

Pilatus "Beta seng tanggong jawab deng Dia pung kamatiang. Itu kamong pung
: urusan sandiri!"

1 orang " Biar katong pung anana cucu yang nanti tanggong hukuman par Dia pung
: kamatiang itu!"

Narator lalu Pilatus kase bebas Barabas la suruh tentara-tentara cambuk Yesus la kase
: Antua par dapa salib.

 Tantara-Tantara Hina Yesus

Narator Gubernur Pilatus pung tantara-tantara bawa maso Yesus ka Pilatus pung kintal
: istana. Lalu dong tantara-tantara samua bakumpol ron Yesus. Dong kase lapas
Antua pung pakeang la kase pake Antua deng pakeang panjang luar warna
biji gandaria. Lalu dong biking makhota dari jaga pohong baduri la taru akang
di Antua kapala. Dong kase tongka bulu par Antua pegang di tangang kanan
lalu dong mulai hina-hina Antua.

Tentara "Hormat orang Yahudi pung raja!"

:
Narator Dong ludah Antua la ambel bulu dari Antua la pukul Antua pung kapala
: ulang-ulang deng akang. Abis dong hina Antua, dong lapas Antua pung baju
panjang tadi tu la kase pake Antua deng Antua pung pakiang kombali. Lalu
dong bawa Antua kaluar par pi salib Antua.

 Yesus Dapa Salib

Narator Waktu tentara-tentara bawa Yesus kaluar kota par dapa salib ditengah jalan,
: dong tahan laki-laki satu. Dia nama Simon, dari kota Kirene. Dong paksa dia
pikol Yesus pung salib la bajalang iko-iko Antua dari balakang. Orang
banya jua bajalang iko-iko Antua, di tengah-tengah ada parampuang-
parampuang yang manangis par Antua.
Yesus " Sio parampuang-parampuang Yerusalem e! Jang manangis par beta. Lebe
: bae manangis par kamong pung diri sandiri deng par kamong pung anana. "
Narator Tentara-tentara jua ada bawa 2 orang jahat par dapa hukum mati sama-sama
: deng Yesus.
(Golguta) Dong sampe di satu tampa yang nama tampa tengkorak, dong salib Yesus
Narator sama-sama deng 2 orang jahat, satu di Antua pung kanan la satu di Antua
: pung kiri.
Yesus " Bapa ee, kase ampong dong yang salib beta ni jua tagal dong seng tau apa
: yang dong ada biking. "
Narator Tentara-tentara buang undi par bage antua pung pakiang. pamimpin-
: pamimpin tatawa hina Yesus.
Imam " Dia bisa kase salamat orang laeng. Kalo memang Dia tu Kristus, orang
Basar yang Allah su pilih par kase salamat manusia, kastinggal Dia kase slamat
: Dia diri sandiri. "
Tantara " Kalo memang Se ni orang Yahudi pung raja, coba kase slamat se pung diri.
: "
Narator Diatas Antua pung kapala ada tulisan, ini orang Yahudi pung raja.
:
Penjahat " Kalo memang Se ni orang yang Allah utus par kase salamat manusia, coba
kiri kase salamat Se pung diri deng katong 2 ni lai! "
Yesus :
Penjahat "Hoeee ! Ose seng taku Allah kaa? Ose jua dapa hukum mati sama deng
kanan Antua lai. Katong 2 ni dapa hukuman yang pas par katong pung kajahatang
Yesus mar Antua ni seng pung salah apa-apa."
: "Sio Yesus ee ! Kalo Bapa su bale kombali par pegang parenta jadi raja,
tolong inga-inga beta jua !"

Yesus "Dengar bae-bae tagal apa yang beta bilang ini batul ! Hari ini jua, ale ada
: sama-sama deng beta di sorga."

Narator Waktu itu, Yesus pung mama, deng Yesus mama sodara parampuang yang
: nama Maria, deng Maria Magdalena, dong samua badiri dekat Yesus pung
salib. Lalu Yesus dapa lia Antua pung mama badiri dekat Antua pung yang
Paleng Antua sayang.

Yesus " Mama, sakarang Dia tu mama pung ana. "

: " Tamang, sakarang Antua tu ale pung mama”.
Narator Kira-kira jam 3 sore, Yesus bataria kuat-kuat
:

Yesus "Eli-Eli Lama Sabaktani?

:

Tentara " Hee, Dia panggel Allah pung juru bicara Ellia! "
:

Yesus "Beta Aos!"

:

Narator Di situ ada tampa satu yang pono deng anggur asang. Tantara-tantara ambel
: spons sapanggal la kase babasa akang deng anggur asang tu.
Dong tikang akang di jaga sapanggal la seka Yesus pung mulu deng akang.
Yesus "Su Klar!"
:

Yesus "Bapa e, beta kase beta pung nyawa par Bapa!"

:

Narator Langsung Yesus putus napas.

: