Anggota kelompok :

1. Ahmad Maulidi Husni (03)

2. Alya Fatihah Al-Jufri (05)
3. Atina Ayuningtyas (08)
4. Dashilla Diyah Ramadita (12)
5. Rafi Subantara (30)
6. Rochma Yulyanti (32)

BÂTO NANGÈS

Kacatora è sèttong dhisa jhâman dhimèn, bâdâ sèttong randhâ seppo sè ghâdhuwân 3
pottra manabi ngaghungè asma Laras, Dewa, bân Ana. Sè kaempa odi' namong è gubuk
paddhu dhisa. sajjegghâ ramana sèdhâ, èbhuna Laras alako è sabâ ka'angghuy ajhâlânè odi'.
Laras panèka na'-kana' sè raddhin, kolè'na konèng ngomennyor akadhiyâ pottrè kayangan,
nangèng alemman.

èbhu: “Laras, maddhâ ngakan. ghellâ' malem ba'na kan ta' ngakan. rèya èbhu amassak
kakanan sè èkasokanè bâ'na. sèngko' manabi pardhuli ka bâ'na na' ”
Laras: “bhu, sèngko' la parabân, dhina satèya sèngko' odi' sanyamanna”.
Ana: “dhika ta' ollè kantha ghâpanèka kak!, kodhu norot pakonna èbhu!!”.
Laras: “bâ'na rèya ghi' kanak omatao! sèngak sèngko' mandie!”
Dewa: “mandie bhei alaporan”

saèllana ampon saponapa menit,

Laras: “dududu wahhh.. mènangka sèngko' parabân palèng raddhin è kampong rèya.”
(sambi ngoladhi kaca)
Dewa:”ih..cè' angkona”.
Laras: “bennya' caca bâ'na lè', pajhet iyâ sèngko' palèng raddhin e kampong rèya!”
Dewa: “oh kantha ghâpanèka..lajhu??”
Laras: “ngalamak!, eh ana, sèngko' raddhin njek?” (sambi nyemma'è ana sè nyapo tanèyan)
Ana: “ èngghi kak, sampèyan pajhât raddhin, nangèng lebbi raddhin pole mon bhâjheng
abhânto lalakonna èbhu.” (lajhu longghu bân ambu nyapo)
Laras: “apa maksotta? (mancellak) ngocak sakalè agghi'!!!(najhek obukna ana)
Ana:” aduhhh…kaak..songkan, nyo'on sapora kak..."
Dewa:” mangkana jhek ngalamak sareng kakak”
Laras:” hahaha..mara wa nyingghâ bhei"

Kacatora Laras adhina'aghi ana ale'na, lajhu abâli mojhi abâ'na dhibik è kaca. Mènangka
laras panèka pottrè sè palèng towa, nangèng ta' tao nolongè èbhuna.

èbhu: “nak, mara tolongè èbhu alandu' ka sabâ” (ajhâk èbhu)

Laras:”ha?? sèngko' esoro ka sabâ? njek, èman dâgghi' koko bân kolè'na sèngko' sè raddhin
rèya kenning cellot. Kassa' mèyos sareng dewa bân ana bhei, sèngko' tak ndek!!”.
èbhu:” laras, sanajjhân arapa mon koko bân kole'na bâ'na kenning cellot?, dewa bân ana
bhei sè nolongè èbhu mèyos ka sabâ alhamdulilah kantos satèya tak parapa.”
Dewa:” dhigghâl kak, norot bhei pakonna èbhu, sapatao dâgghi' è sabâ ketemu arman sè
ekasokanè sareng kakak haha”
Laras:”ah …dhina mak ana bhei sè noro' ka sabâ betabè bâ'na, sèngko' tak ndek mèyos ka
sabâ!"
èbhu: “(alengghi sambi ngosap dâdâ lemes)”

È bàkto arè pon ampon sèyang, laras ènga' jhâ' bâddhâ'na tadek, tak abit saamponna
ghâpanèka, èbhu bân alè'na rabu. laras mèyos nojjhu ka èbhu bân ana sè so-ngaso è adâ'ân
compo'na.

Laras:”bhu sèngko' ta' andi' beddhâ', mara mellèyaghi sè anyar"

Ana:” kak, ebhu panèka bhuru rabu, kodhuna kakak ngormadhi èbhu sakonè'.”
èbhu:” laras, èbhu ghik kaso, lagghuna bhei emellèyaghina”
Laras:”njek!!! sèngko' terrona satèya”
Ana: “kakak! èbhu kaso!”
èbhu: ”ampon tak arapa ana, dhina èbhu mellèya, nangèng laras, sèngko' ta' tao beddhâ'
ponapa sè èmaksod, bâ'na kodhu noro' ye"
Laras:”ye…sèngko' ndek noro' ka pasar, tapè èbhu, dewa, sareng ana kodhu mèyos e budina
sèngko'.”
Dewa:”ponapa??” (takerjhât)
Laras:”iyè, bâ'na kakabbhi kodhu mèyos e budina sèngko', todus sèngko' mèyos bi' bâ'na!”
Dewa: “anapa mak todus? bennina bulâ sareng dhika ka'dinto tarètan?”
Laras:”ngaca rah, tèngghu robena bâ'na sè ta' taromat bân kalambhi sè jhubâ' rowa,
apapolè èbhu sèla towa, jhubâ', jebbhe polè, sèngko' todus”

Manabi arassa ngennes è dâlem atè, nangèng èbhuna norotè pangaterrona pottrèna, lajhu
mangkat nojjhu ka pasar. laras mèyos è ade', manabi èbhuna bân ana è budi sambi
mondhut karanjhâng. satandhugghâ è pasar, sè katello tatemmo sareng kanca
sakampongnga laras.

Arman:” halo laras… nojjhuwâ ka dimma dhika?”

Laras:” ka pasar, anapa? dhika ngaterra bulâ?”
Arman: “ Oh saporana Laras, sanonto bulâ bâdâ orosan bisnis dâddhi tak bisa ngater dhika,
maddhâ lagghuna eaterra, manabi ka Pulau Sebrang kiya eaterra bân bulâ. Eh nangèng
pasèra ghânèka è budina dhika? èbhuna dhika?”
Laras:”benni! kakabbhi rèya bhâreng-bhârengnga bulâ”
Arman:”dhika panèka sela lakar cè' raddhinna, sèpak tèngkana, saè pangghâliyânna, soghi
polè, abhâlânjhâ bhei bâdâ sè ngibe aghi”
Arman: “mon dhika alâ-bhâlâ kalabân bulâ paghi', bulâ jhamèn odi'na dhika lebbi nyaman
dâri sanonto.”
Laras: “Ah bisa bhâi, aberrik â apa dhika?”
Arman: “bulâ nèka bisa aberrik dhika sabâ 5 hektar satengnga, bulâ jhughân bisa aberrik
dhika bhâreng sè lebbi ngodâ ètèmbhâng èbhu sè towa rowa.”
Laras: “Hmmm, èngak sè bisa bhâi, bulâ pernah èpatabâri sè lebbi bânnya' ètèmbhâng ruwa
kakabbhi.”
Arman: “nantos bhei degghik, dhika abhâlânjhâ ghellu kassa', dhigghâl lagghuna ka' emmas
sè ngaterraghi dhika abhâlanjhâ.”
Laras:”oke, mayu mangkat”
Ana:”pasabbhâr ghi bhu (sambi aghelluk èbhuna) kak!! sampèyan ma' adhâbu akantha
ghâpanèka dâ' bulâ bân èbhu, bulâ nèka benni bhâreng kak!!
Laras:”ambu tak usah matodus sèngko' è dinnak”
Laksana ètappor kèlap ebhù mèyarsa pamatora pottrèna, namong coma bisa nondu' ta'
acaca sambi naghennè tangès, kantos alanjutaghi mèyos è pasar.

dhâghâng buwâ: “torè dhin…buwâna, buwâna!!”

Laras:”oh èngghi ka'dinto man”
dhâghâng buwâ: “ngèrèng èyatorè dhin aju, pèlè buwâna, ejhâmèn manis ènga' sè mellè”
Laras:”ah bisa bhei paman haha”
dhâghâng buwâ:”pasté dhin aju haha”
Laras:”ka'dinto obângnga man”
Pedaagang:”mator sakalangkong dhin, moghâ-moghâ tambâ raddhiinn ghi”
Laras:”mayu bhâreng-bhâreng, satèya ghilirân èntar ka toko beddhâ' ”
èbhu: (nondu' ta' acaca, lajhu èmot dâ' rakana)
Ana:”èbhu, èbhu anapa?”

Èbhuna ta' nyambhit namong coma nangès abâ'na, sambi adhu'a dâ' ghustè, nyopprè
mangghi pottrèna sè bângal bân dhârâka ghapaneka okoman sè seddhâng bân salana, laras
ngoladhi lèsan èbhuna sè mok kemok an bân tanangnga nyo'on.

Laras: ”hei!!!! èbhu nganu apa? “(sambi asowara tèngghi bân ngoladhi èbhuna)
dhu'a èbhuna: ”Du ghustè, abdhi dhâlem mator saèbu pangapora mongghu jhunandhâlem,
abdhi dhâlem ampon tak sangghup ngadheppi tendhâk tandhuk sè ta' sondhuk dâri pottrè
abdhi dhâlem sè dhârâka bân bângal ghapanèka, abdhi dhâlem kasokan jhunandhâlem
parèngè okoman sè seddhâng bân salana laras."

dhâksakala, langngè'na ondem, sowarana kèlap odhur dâteng agenggu karna, ojhân toron
ngalowa, sokona laras lajhu aobâ dâddhi bâto, laras takerjhât.

Laras:”bhu…èbhu…anapa nèko sokona sèngko' bhu??!!, aduh, ghâli.. abdhina nyo'on sapora
bhu. laras kasta, abdhina ta' kèra ngulangè polè bhu...”
salèrana laras aobé daddhi bâto, socana terros makalowar aing soca, bâto kasebbhut kantos
sanonto èsambhât BÂTO NANGÈS.

Para maos, sadhâjâ orèng jahat, sè lèbur la-nyala dâ' orèng laèn, ponapa pole dhârâka dâ'
èbhuna, insya Allah è bingkèng arè ta' kèra mangghi samporna, nangèng calaka tor mangghi
pokpara è dhunnya kantos akhèrat. Amarghâ Allah Maha adhil tor ngoladhi, ngaghâli dâ'
pola tèngkana manossana.