NADIANG

IDA BETARA PESAMUHAN AGUNG

DESA PAKRAMAN PADANGBAI
Kaceritayang Ni Larung sisyan, Sang hyang Candra Berawi (Ni
Rangda) , nyujur genah ring setra gandamaya, jagi pacang anangun tapa
smadi, mapan sampun denutus, olih Hyang Berawi,……

PANYERITA NI LARUNG :

DADIA,…….. tari wijil nira,sira pon Ken Larung,apa marmitanian sira umijil,

mapan denutus dening Hyang Ibu,anangun tapa semadi maring setra

gandamayu,

neher ni polah sira pon Ken Larung,bipraya lumampah,

laju laju den nira.

PENYATUR NI LARUNG :

KANGIN ;

Dadya,……. tumindak Ni Larung maring purwa, ngastiti Sang Hyang Iswara

maring papusuh ungguan nira, wetun nira maring soca.

KELOD;

Dadya,…….tumindak Ni Larung maring daksina, ngastiti Sang Hyang Brahma

maring bungkahing hati ungguan nira, wetun nira maring cangkem

KAUH;

Dadya,…….tumindak Ni Larung maring pascima, ngastiti Sang Hyang Mahadewa

maring ungsilan ungguan nira, wetun nira maring irung

KAJA;

Dadya,…….tumindak NI Larung maring uttara, ngastiti Sang Hyang Wisnu

maring ampru ungguan nira,wetun nira maring karna

TENGAH;

Dadya,…….tumindak Ni Larung maring madya, ngastiti Sang Hyang Siwa

maring tungtunging ati ungguan nira, wetun nira maring hineban

NGLUNGSUR PANUGRAHAN :
Pakulun,…. Sang Hyang Guru Akasa, lawan Sang Hyang Ibu Pertiwi

Ni Larung aminta lugraha,mapan Ni Larung denutus dening Hyang

Ibu,

anangun tapa smadi iki maring setra pemajangan

lugraha ta sira pon Ken Larung.

(raris tedun I Banaspatiraja anglanglang ulangun maring setra gandamayun,

turmaning ngoda lan ngusak asik tapa semadin Ni Larung, ngraris Ni Larung
ngwentenang payudan)

PEMATBAT NI LARUNG :

I Iiiih, kita wong anyati rupa, Sang apa aranta,

ring endi panegaranta, lah warahan agelis,

yan mangkana ulahta, ayue kita rimangkih

atanding wibawa lawan Ni Larung,

merene – merene pua kita, otog – otog akene kawibawanta

otog kawisesanta.

II. Bah,……… Banaspatiraja pue kita, dadya ta kita wani angusak asik tapa
smadin Ni Larung

Sang apa denutus?

Yan mangkana ulahta ayue kita arep atanding wibawa lawan Ni

Larung

ring endi,….ring segara,…ring pertiwi,..duuring akasa, ayue arepti.

Merene – merene pue kita Banaspatiraja,

otog kawisesanta, otog –otog akene kawibawanta.

III. NGREJEKANG :

Pakulun,…. Sang Hyang Catur Winasa, saksinin – saksinin iki Ni Larung,

atanding wibawa lawan I Banaspatiraja,……Banaspatiraja,….

Otog – otog akene kawibawanta, otog – otog kawisesanta.

MAREP RING :

LENDA, LENDI, PAKSI JETAYU, GANDI GUYANG, MISA WEDANA

Iiiih,… ……… kita yayi – yayi presama, merene – merene yayi.

Iiiiih,………… kita yayi – yayi presama, tulung – tulung ta sira kakang embok,

kakang embok kasor maperang lawan I Banaspatiraja,

mapan I Banaspatiraja agung gnin nia, prapta sira ta yayi presama,

lah rimangkih, rebut – rebut ta sira I Banaspatiraja,

Merene – merene yayi.

LENDA, LENDI, WOK SIRSA, GANDI GUYANG, MESA WEDANA,..

(serentak)

Singgiih,.. inganika kakang embok, aneeda ngiring.

PENANGTANG NI LARUNG :

Iiiiiiih, kita Banaspatiraja, iki sanak – sanak ingulun wus dateng,

ayue kita rimangke atanding wibawa lawan Ni Larung,

merene – merene pue kita Banaspatiraja,…Banaspatiraja.

(Raris kasor Ni Larung mesiat ring payudan, tedun Sang Hyang Candra
Berawi tur nglanturang payudane Ni Larung ring tegal mayura)

KATURAN LABAAN AGUNG

Hah,..ha,…ha,…ha,…….

Dadya tari wijil nira, dadya……tapuan jenek alungguh, nore tan waneh

para sisyan ingulun amanggih ala baya,…hah,..ha,..ha…….

MATUR RING HYANG BERAWI :

Singgiih,…..inganika Hyang Ibu, Ni Larung aminta lugraha.

SANG HYANG BERAWI

Haaha haha,.. (kedek ngrehgeh)

Karenge kaya saturan Ni Larung, Laruuuuuuuuungggg,…….

 apa atur akene kalawan Hyang Ibunta, dadi kita atawan – tawan
tangis.

NI LARUNG

Singgiih,.. inganika Hyang Ibu, witning Ni Larung, kasor – kasor maperang

lawan I Banaspatiraja,

sato mabina rupa, candra gni luih saktin nia,

samangkane hatura Ni Larung, amuit ikang kawula.

SANG HYANG BERAWI

Laruuungg,..dadi kita kasor aperang tanding kalawan I Banaspatiraja,

yan samangkana ujarta, wus kita atanding wibawa lawan I

Banaspatiraja,

mantuk ta kita presama, pisan newek Sribunira, atanding jurit lawan I

Banaspatiraja,

mantuuk – mantuk ta kita presama..!!

NI LARUNG

Singgiih,.. inganika Hyang Ibu, aneeda ngiring.

MAREP RING LENDA, LENDI :

Ihhh,………... kita yayi – yayi presama, lah rimangkih, mantuk – mantuk ta

kita presama.

LENDA, LENDI, WOK SIRSA, GANDI GUYANG, MESA WEDANA,..

(serentak)

Singgiih,.. inganika kakang embok, aneeda ngiring.

(Sang Hyang Candra Berawi, langsung memargi ngadeg ring tegal mayura
angrangsuk raja busana...)

hohok,…..hoho,……

Dadya ngadeg Sang Hyang Candra Berawi, maring tegal mayura,

bipraya angrangsuk raja busana,…hohok…hohok

tuktuk nia aciplak aciplok kadi kayu dinglap,

suing nia asulat salit, kadi wesi wresani,

 socania kadi surya kembar, Romania kadi mega anggulung angambu
rah,

anting – antingku babuahan, akudungku jejaringan

akampuhku limpa, abandotku ati, asibakku usus.

pengadegku rikaya gunung mahameru,

kiwa tengenku naga banda, umijil aku melidah poleng, hahah,…haha.

PENYATUR SANG HYANG BERAWI

KANGIN

Laju,… umadeg Sang Hyang Candra Berawi, maring purwa

ngredana Sang Hyang Iswara, ametu gni petak,

alungguh maring siwa duaran nira.

KELOD

Laju,…. umadeg Sang Hyang Candra Berawi, maring daksina

ngredana Sang Hyang Brahma, ametu gni bang,

alungguh maring socan nira.

KAUH

Laju,… umadeg Sang Hyang Candra Berawi, maring pascima

ngredana Sang Hyang Mahadewa, ametu gni jenar,

alungguh maring rarik nira

KAJA

Laju,… umadeg Sang Hyang Candra Berawi, maring uttara

ngredana Sang Hyang Wisnu, ametu gni ireng,

alungguh maring irung nira.

TENGAH

Laju,.. umadeg Sang Hyang Candra Berawi, maring tegal mayura

ngredana Sang Hyang Siwa, ametu gni manca warna,

alungguh maring madyaning sarira.

Riwuwus mangkana;

Segara,… kadeleng kocak ikang segara

Giri,…. kadeleng bubar ikang giri

Pertiwi,.. kadeleng linggang linggung Sang Hyang Basundari

Sang hyang Panca Rsi, angatag Sang hyang Panca Maha Butha sedeng anonton

Sang hyang Candra Berawi, atanding wibawa lawan I Banaspatiraja.

Banaspatiraja,………………………..saking endi arepta

Banaspatiraja,………………………..enggal – enggal

(raris I Banaspatiraja ngewentenang payudan ngelawan Sang hyang Candra

Berawi)

PEMATBAT SANG HYANG CANDRA BERAWI

I. Banaspatiraja, agung kawisesanta, rikaya maya – maya , sekedap katon

sekedap tan katon ulah nia, Banaspatiraja,………enggal – enggal.

II. Banaspatiraja, enak kita atanding wibawa lawan Sang hyang Candra Berawi

otog – otog kawisesanta Banaspatiraja.

(risampune ngewentenang payudan ngantos pailehan ping tiga, raris kawon I

Banaspatiraja

kabatbat antuk Sanghyang Candra Berawi)

Banaspatiraja,, kadiang punapa inganika, kasor kita maperang lawan Sang

hyang Candra Berawi

Banaspatiraja,.. munggu kita enak kita atanding wibawa kalawan

Sang hyang

Candra Berawi, Banaspatiraja,…..kadiang punapa inganika

tuktuk nia tan wenang aciplak - aciplok, buntut nia tan wenang akutal
- kutil,

sukun nia tan wenang atindak – tindak.

Banaspatiraja,…deleng iki Sang hyang Candra Berawi, ape kita arep

maurip,
 apa kita arep pejah,…yan kita arep maurip, mantuk ta kita, wus kita
atanding

wibawa lawan Sang hyang Candra Berawi,….yan kita arep pejah,

mantuk ta kita

otog kadang warganta, iki rebut – rebut Sang hyang Candra Berawi.

Banaspatiraja,….yan kita natan weruh maring ketatwanta, maring

kene pawetunta.

(puput sampun pailehan Nadiang, tur kelanturang malih ring wengine

Nyalonarang)

NYALONARANG

Kaceritayang presisyan I Walunataningdirah, ngelarang aji wegig,

aneluh, nesti, panca baya ring penepi siring jagat Kediri, mewastu grubug
gering, ikanang rat, antuk kawisesan I Walunataningdirah, saha presisyane
sami,….

PANYERITA CONDONG

(marep ke dori)

Miii,….. te dewa ratu, apa je saja kaden, sasukat tityang memarekan iriki

ngiring Ida Pedanda Istri, suka wirya manah tityang aratu….

(marep ke malu)

Yan,…arigamayang tityang, luir kadi kayu latra

tristisane ring merta sanjiwani.

(marep ke dori)

Mi te dewa ratu, to ngudiang dadi embok ngetemel padidian

ngelah nyama pada makejang, tusing taen tangkil.

Nah to nyai nyaman embok pada makejang, pesuin ja saja embok

pesuin

embok ngantiang nyai dini.

(seusan Condong lan Sisya masolah, raris tedun Sang Sinuhun Padmi,
ketangkilin antuk para sisya nyane)

PANYERITA SANG SINUHUN PADMI

Dadia,.. tari wijil nira Ni Diah Banowati, apa marmitanian sira umijil,

apriantah agendu rasa, bawu rasa lawan sanak nira presama.

MAREP RING SANG SINUHUN PADMI

Hate,… singgih inganika Sang Sinuhun Padmi, dening punapa, yuning

je inganika

asemu sungsut asung kawen driye, den ulu den ikang kaula,

yandra sasat,….kadi pedapa layue katibeng baskara,

layu dudus,……..swabawaning je inganika,

menean kapinane singgih, becik pangartika yakene,

lawan presisya je inganika,

samangkane saturan ikang kawula.

SANG SINUHUN PADMI

Lahia,….. nini – nini presama, Woksirsa, Gandi guyang, Lenda, Lendi,

Larung, Misa wedana, ta sira presama,

yukti mangkana, mabener kaya saturanta sira,

Sribunira inganika, asemu sungsut, asung kawendriye,

ayu listu ayu, aritata warnan nira,

arisasat,…….Sang hyang Ratih nyalantara,

samangkana ujarta Ni Diah Banowati.

SISYA

Hate,…. singgih inganika Sang Sinuhun Padmi,

Kantenane presisya je inganika,

angrenge orti, angletikan orti sujati,

karenge den je inganika,

 Sang Prabu Erlanggia, anginonatan duta,

biperaye,…amandung jiwaning Sribunira,

menean kapinane singgih, becik lila lila yakene,

lawan presisya je inganika,

samangkana saturan ikang kawula.

SANG SINUHUN PADMI

Lahia,….. nini – nini presama, mabener kaya saturanta sira,

Sribunira inganika, angrenge orti, orti sujati,katur dening Sribunira.

Kita kadiang punapa, wani ta kita amelanin Sribunira,

yan kita natan wani, lah….kita pamantuka,

mulih kita mulih, pisan Sribunira newek apagut jurit,

lawan Prabu Erlanggia…….

Samangkana ujarta Ni Diah Banowati.

SISYA

Irika,… karungu pangartikan Sang Sinuhun Padmi,

yandre sasat,…kaya sinebit ikang karna,

kumedut paduning latri,

neher taden nira apian tau mature.

Mundur,.. singgih – singgih je inganika,

sampun – sampun je inganika,

angucap – angucap mangkana.

(raris bangun,…….)

menean kari kiwa kalaning tengen,madian melesat mastakaning ikang

kawula

durung rered,..atanding anu wibawa,

anglawan dutaning Snag Prabu Erlanggia,

Samangkana saturan ikang kawula.

SANG SINUHUN PADMI

Lahia,…. nini – nini presama, mabener kaya saturanta sira presama,

natan dadi angeret manah kingking,

laju – laju den nira, yantah angered manangis,

samangkane ujarta Ni Diah Banowati.

(Ni Diah Banowati mapaica busana, sane mautama, maduluran tembang

Ginada Basur)

Ne ada busana luwih,………………paican Betara sami

busana mesastra wayah, …………..peranakane pepitu,

catur buana kaunggahang,………..mantra sidhi,

angrangsuk catur Berawi.

SISYA

Singgih,.. inganika Sang Sinuhun Padmi, aneeda ngiring, presisya je inganika,

ladi nagih,….atabuh hana, tegteg di punang tangsi.

SANG SINUHUN PADMI

Dadya,…. teka dulu kedatwan nira, Ni Diah Banowati,anre dumilah, ari cayan
nira.

Arisasat,…..ring kiskenda kedatwan nira Ni Diah Banowati,

samangkana ujarta Ni Diah Banowati.

(ngiringang Sang Sinuhun Padmi, pacang munggah ring wantening

pakasutan)

SISYA

Laju – laju den nira, apian tau mangiring,

meh sampun sapsane prapta, munggah maring wantening pakasutan.

CONDONG

(marep ring Sang Sinuhun Padmi, risampune munggah ring wantening

pakasutan)

Ware kadulu Sang Sinuhun sampun sirep, meh sampun lelep aturu,

munggah maring wantening pakasutan.

(nuju ke setra gandamaya, mereh, angrangsuk busana pengleakan)

CONDONG

Nah,… to nyai nyaman mbok pada mekejang, sawireh Ida Sang

Sinuhun sampun sirep

yen keneh emboke, buke dip – dip, buka dip –dip,

pacang melali - lali ke setra.

Nah, to kenken keneh nyaine ajak mekejang, kenken.

SISYA

Singgih,.. inganika kakang embok, aneeda ngiring arine je inganika.

CONDONG

Nah,… yen keto dabdabang, je saje iban nyaine dabdabang,

apa penganggo nyaine keto rangsukang.

SISYA MEREH

Tapak,.. tapak kurmanala, gumbre dana Sang hyang Catur Birawa,

aninggal aken aji Sang hyang Dharma,

angrangsuk hane Sang hyang Catur Berawi

Dumlit – dumlit socan nira,

CONDONG Nah to lodlodang je saja matan nyaine lodlodang.

SISYA Eled – eled lidah nira,

CONDONG Nah to ledledang je saja layah nyaine ledledang.

(sisya sami negak)

SISYA sumbrang – sumbrang roman nia,

CONDONG Nah to gambahang je saja bok nyaine gambahang,

SISYA Yandra sasat, kadi mega angemu jaum,

CONDONG Nah apang care guleme mesuang ujan

(sisya sami mejujuk)

SISYA Anje – anje sukun nira, renggang Sang hyang Pertiwi,

gumeter ikang gangga, nulya lumampah neher ilampah nira

CONDONG Dengklengang je batis nyaine dengklengang,

 apang kanti engkag tanahe baan nyai.

SISYA (sane ring kiwa)

Singgih,.. inganika yayi, nanging pada pepara, nanging pada lumarisa.

SISYA (sane ring tengen)

Singgih…. inganika kakang embok, aneeda ngiring, arine je inganika.

(Risampune puput presisyan I Walunataningdirah ngelarang panestian,

nyatur buana, kaceritayang mangkin I Patih Taskara Maguna pinaka duta,
saking Prabu Erlanggia, sane sampun ketah meparab I Patih Maling
Maguna, pacang ngungsi jagat Dirah, kairing antuk parekane maka kalih,…)

PANYERITA I PATIH MALING MAGUNA

Dadya,… pita gati, punangkale, pejangkepaning asta dasa parwa,

mangiket ta sira Bagawan Kresna, baya nener, pituduh Sang hyang

Kawiswara

mangewetu akene, sabda,bayu, idepnye pun Maling Maguna.

Wuah,..ha,..haha,..ha..hah.

Paman, …. kadiang apa rupan ingulun, ….paman, agelung kekelingan, agelang

kana bajra,

abapang pwawiron, akendit widungan

kadiang apa ingulun,……..paman…….??????

Paman,….. kawingking sira ranak inganika, tut sira lampah inganika

majuangge sira lampah pun Maling Maguna,…..alumampah.

(mejalan ngigel ke tengah kalangane,….tan kaceritayang saget rauh ring

tengahing awan,
I Patih Maling Maguna, ararean kaiiring antuk parekane maka kalih,
nguningayang indik pemargin nyane jagi pacang nyujur jagat Dirah)

Paman,… rimangke wus prapta maring telenging awan

sire ranak inganika bipraya ararean, agendu rasa bau rasa lawan sanak
nira presama
 Apa marmitanian sira kesah saking Puri Daha, mapan kinon denute
maring Sang

Prabu Erlanggya, biperaya amejah I Walu natha ing dirah, apan agung
dosania,

anesti, aneluh, aneranjana, amati – mati wong tanpa dosa,

mangkana matangian sira ranak inganika, amejah I Walunatha ing

dirah.

(Risedek maliang – liang,..tan kaceritayang saget sampun surup Sang Hyang

Baskaradipati, raris ipun ngelanturang pemargi,…nuju jagat Dirah)

Irika,…. sekedap surup Sang Hyang Pratanggadipati

Paman,….. rimangke,….reh sampun surup Hyang Pretanggapati, yogya sira

ranak inganika

alumampah.

Tut sira lampah inganika,………….paman.

(Tan asuwe memargi,….saget sampun napak ring pewayangan I Walu natha

ing dirah)

Irika,…. karungu suaraning amba – amba, malih suaraning kuwuk kuwuk

kulika.

ana masih karungu suaraning sona, suaraning dang – dang korlaka.

Ana kadulu,..taru kumedung cinareng walung, waruaning usus,

pancapala jroning

wredaning wong.

Ana malih kadulu,..soring bastala agung, sela petak, Manawa

pangidangan I Walu

natha ing dirah.

Ana katon,..karang ulu kajang surana, ana ring pascima rendang –

rendang jenar,

ring purwa rendang petak, ring daksina rendang bang, ring uttara
rendang mega,

Manawa cahyane I Walunatha ing dirah.

 Paman,…sayan mareres swacitanira pun Maling Maguna,
….paman!!!!!!!

(Sayan mareres,..rumasa ajerih I Patih Maling Maguna, ngantenang, ngaksi,

kawisesan lan kawibawan nyane I Walunatha ing dirah, raris karumrum olih
parekane maka kalih, jengah ipun Patih Maling Maguna, raris kroda)

Irika,.. merang tuwas sira pun Maling Maguna,

………….keroooddaaaa

gumeter tangan sukunia maka roro,….

Paman,…enak rimangkih lumampah

Tut,…lampah sira ranak inganika,…paman.

Irika,… katon duaranira I Walunatha ing dirah, candi masesocan,

matumpang,

matragtag mas komala, dahating mabirawa, gni murub dumilah

cahyania,

ulir kadi goa kiskenda.

Ring pesabania, ana wereksa agung, maanting – anting basang –

basang,

masekar papusuh hati.

Enak,….rimangke tilik akene te sira I Walunatha ing dirah.

Irika,….. Nanging rimangkih amet akene ta sira ranak inganika sedana taru
mendep.

Biperaya sira ranak inganika anglepas sesirep mayitku, laju – laju

denira

biperaya,…angraksuk kang guna maya, guna wisesa, tan rep sirep,

tumicaping sapta praline, mogi sidhi mandi mantram pun sira Maling
Maguna.

Om…..sabda, bayu, idepnya I Walunatha ing dirah,….teka udep, teka

udep, teka udep.

tangan sukunia tan molah,..presisyania…pada sirep, pada sirep, pada

sirep.

Irika,…… saksadaaaaa……..(ngerancab)
(Wus punika,..raris kairing Ida Betara ( I Walunatha ing dirah)ka
setraganda maya, raris katuran labaan)

IDA BETARA KATURAN LABAAN

Pakulun,… Umadeg aku maring setra ganda maya,….hohok,..hohok

Mijil aku malidah poleng, pesangkepanku ring kuri gunung agung,

sinambut dening Bhuta Kalika, ..Bhuta anja – anja ,

ametu gni sebilang sendi,…haaaaaa….hahaaa….haahaaaahhhh

Anggapati nembah,……..Mrajapati nembah

Banaspati nembah,……...Banaspatiraja nembah

Ni Larung nembah,……...Lenda Lendi nembah

Gandi Guyang nembah,…Wok Sirsa, Misa Wedana nembah

Sami nembah,…….hahahaa…..hahahah…..hahahahaaahhhhh

Pudak setegal nembah,……Cambra berag nembah

Gedebong basah nembah,….

Sami nembah ring aku,….aku NI CALONARANG,….hahaahh…

hahahhh

Pandung,… apa katon denta,….!!!!!!

Dadya ta kita patiparag patipurug,…..kapilaya…

Pandung,… apa katon denta,….!!!!!

(Risampune usan katuran labaan ring setra gandamaya,..raris Ida Betara

kairingang malih katuran masolah)

KATURAN MASOLAH

Pakulun,… Umadeg I Walunatha ing dirah maring tegal mayura

Biperaya angrangsuk raja busana…

Dadya,…. dumeling socanira kadi surya kembar, tuk – tuknia aciplok kaya
dinglap

siungnia…asulat Salit kadi wesi wresani, asengkuwub sutra petak

maating – anting limpa, magondal babuahan, abapang peparu

aslimped usus,..apekek bianglalah,…hahahahhhhh

Riwuwus mangkana….

angaweh presisya jeng inganika,…..ambe,…ambe,….ambe

(Wus punika raris ngaukin presisyan nyane,..mangdane presida tangkil

sami)

NGICIKIN

SISYA (sane ring kiwa)

Ware kadulu Sang Sinuhun sampun kodal

SISYA (sane ring tengen)

Tan sipi megaok,..aritata wedanane

SISYA (sami sinarengan)

Laju – laju denira,……apian tau mamedek.

(Raris prasisyane ngigel tur ngicikin, wus punika raris negak tangkil)

SANG SINUHUN PADMI (I Walunatha ing dirah)

Leaaakkk,…nyen,…nyai…nyen???

SISYA

Presisya je inganika,….1. LENDA

2. LENDI

3. WOK SIRSA

4. GANDI GUYANG

5. LARUNG

SANG SINUHUN PADMI (I Walunatha ing dirah)

Nyai,..teka …uli …dija???

SISYA

Presisya je inganika,….saking setra pemajangan

SANG SINUHUN PADMI (I Walunatha ing dirah)

Nyaman,….nyaine….dija???

SISYA

Presisya je inganika,…natan nurung

SANG SINUHUN PADMI (I Walunatha ing dirah)

Nah,…jani meme ngorahin nyai, sakit awak memene ke paran

pandung

nora lean Prabu Erlanggia ngawetu ikang pandung,..nah atoang jani

meme mulih.

Puput

(Risampune katuran Nadiang lan Nyalonarang masolah mapailehan ping

tiga, raris kalanturang Ida Betara katuran ngider bhuwana, nyatur jebag
desa)

IDA BETARA KATURAN LABAAN

RING : JEBAG KANGIN DESA (JEBAG PURWANING DESA)

MARGI NGEREGAHANG KANGIN (SETRA

PEMAJANGAN)

PUNYAN CELAGI (PENEPI SIRING DESA)

PINTU MASUK SETRA AGUNG (TITI UGAL AGIL)

PRAJAPATI (PARAHYANGAN PRAJAPATI)

JABAAN PURA SEGARA (JABA PARAHYANGAN PR

SEGARA)

JEBAG KELOD DESA (JEBAG DAKSINANING DESA)

PEREMPATAN PELABUHAN (CATUS PATA)

JEBAG KAUH DESA (JEBAG PASCIMANING DESA)

JEBAG KAJA DESA (JEBAG UTTARANING DESA)

CATUS PATA (ajeng Pura Pesamuhan Agung)

(Raris Ida Betara katuran mesolah, wus punika kalanturang antuk

ngaturang pengaci Olah – olahan sadda rasa majeng ring Ida Betari
Sesuhunan)

NGATURANG OLAH – OLAHAN

 Kaceritayang Ni Larung kautus olih Hyang Ibu angulati sawaning
wong rare maring setra pemajangan, jagi pacang kahaturang maring Hyang
Betari Dhurga

PANYERITA LARUNG

Dadya,… tari wijil nira sira pon ken larung, apa marmitania umijil

mapan denutus dening Hyang Ibu, angulatisawaning wong rare

maring setra pemajangan, neher nipolah sira Pon Ken Larung

bipraya lumampah, laju – laju den nira

PENYATUR

Riwuwus,.. mangkana angrangsuk Sang Hyang Catur Winasa, mogi sidhi mandi
mantram iku

Sang Hyang Kedep maring lidah nira

Sang Hyang Naga mungguh ring otot lidah nira

Sang Hyang Manik Astagina mungguh ring muncuk lidah nira,

uripku Betara Brahma, Wisnu maring Siwa duara, suarganku betara

Siwa

Riwuwus,…. Mangkana,…dumeling netrania, anje – anje sukunia,

dumlad – dumlad lidahnia, kadi gni sumiyur,

sumbrang – sumbrang Romania kadi lelatuning gni.

Riwuwus,… mangkane rimangkih,…Ni Larung bipraya amungkah sawaning wong

rare

MUNGKAH GEGUMUK

Pakulun,.. Sang Hyang Catur Bhuwana, muang Sang Hyang Guru Akasa,

Lawan Sang Hyang Ibu Pertiwi, Ni Larung aminta lugraha amungkah

pertiwi,

Mapan Ni Larung denutus dening Hyang Ibu, angulati sawaning

wong rare

Mogi sidhi mandi mantram iku, praya ngamet, sawaning wong rare,

Teka bungkah,……..teka bungkah,………teka bungkah.

Pakulun,…. Sang Hyang Tri Premana, ngawetu sabda idepnya wong rare,
 Om presadha satiti,….teka urip,…..teka urip,…..teka urip.

(Risampune maurip kadulurin antuk tembang Ginada Basur)

Hana kidung rare anyar,………..wong rare sampun maurip,

lempung lembut sarirannya,……cahyanye pekik dinulu,

tuhu satria mahottama,…….wenang dadi,

katur maring sasuhunan.

MAREP RING SISYA

Iiiiiihhhh,… kita yayi – yayi presama, merene – merene yayi

iki kakang embok sampun maolih wonging rare

bagus apekik rupanya iki,…yayi, lah rimangkih

terima akene wonging rare iki,…yayi.

(Presisyane sami pada ngemban wong rare pumika,…maduluran tembang

cecangkriman)

MAREP RING KAKANG EMBOK MADU SEGARA

Singgih,…. Inganika kakang embok Madu Segara, iki Ni Larung sampun maolih
wonging rare

Maring setra ganda maya.

PEMAHBAH NI MADU SEGARA

Karenge,…. Kaya saturan Ni Larung,..kalawan ta sira kakang embok Madu Segara

Larung,….. apa haturta kalawan sira kakang embok,..apa ta kita sampun maolih

Sawaning wong rare?

NI LARUNG

Singgih,… inganika kakang embok Madu Segara,..apan iki Ni Larung

sampun maolih wonging rare,..bagus apekik rupanya,..enak

rimangkih,

terima akene aturan sira Pon Ken Larung,…kakang embok..!!!!

NI MADU SEGARA

Larung,… enak rimangkih kakang embok,…angemban wong rare iki

apekik yukti rupanya iki,…wonging rare,..Larung.

 hohok…..hohok,…………………….sayang,…sayang.

(Raris Ni Madu Segara,…angemban wong rare punika,…maduluran

tembang cecangkriman)

NI MADU SEGARA

Larung,.. biperaya sira kakang embok,..wus angemban wong rare, terima akene
iki wong rare

enaaak,..pue kita rimangkih,..hangatur aken maring Hyang Ibu.

NI LARUNG

Singgih,… inganika kakang embok,..aneeda ngiring.

MAREP RING HYANG BERAWI

Singgih……. inganika Hyang Ibu,….iki Ni Larung sampun maolih,…

wonging rare.

HYANG BERAWI

Karenga,…… kaya saturan NI LARUNG,..hohok,..hohok

Larung,…..apa hatur akene kalawan Hyang Ibunta…hohok,…hohok

NI LARUNG

Singgih,.. inganika Hyang Ibu,…iki Ni Larung sampun maolih wonging

rare,..enak rimangkih

terima akene haturan sira Pon Ken Larung,…Hyang Ibu.

bagus apekik wong cilik iki Hyang Ibu.

HYANG BERAWI

Larung,.. sayang,..sayang pue kita,..enak rimangkih sira Hyang Ibu,..

biperaya angemban wonging rare,..hohok,…hohok,..

(Sang Hyang Candra Berawi angemban wonging rare maduluran tembang

cecangkriman…)

Larung,.. enak terima akene wonging rare iki,…Larung.

enak ta kita rimangkih,…angolah wonging rare

biperaya Hyang Ibunta hangatur aken olah olahan sadha rasa,..

maring Hyang Betari sasuhunan,..hohok,…hohok…

NI LARUNG

Singgih,… inganika Hyang Ibu,…aneeda ngiring,..Ni Larung,..biperaya angolah

wonging rare.

(Risampun Ni Larung puput angolah wong rare punika, raris Ni Larung

hangatur aken olah olahan sada rasa maring Hyang Berawi )
Singgih,.. inganika Hyang Ibu,..iki sampun puput olah olahan sada rasa,..enak
rimangkih sira

Hyang Ibu hangatur aken maring Hyang Betari Sasuhunan.

MAREP RING HYANG BETARI LINGSIR

HYANG BAREWI

Singgih,.. Pakulun Hyang Betari,..di gelis Hyang Betari tumedun

iki Ni Rangda hangatur aken olah olahan sada rasa…

gelis…gelis Hyang Betari,..terima akene haturan sanak presisyaning

presama.

HYANG BETARI LINGSIR

Karenga,…. deniya saturanta Ni Rangda,..apa ta hana humatura marep maring

Hyangta’

yan,…kita ulihing sawaning wong rare,..hohok,..hohok..

sawaning wong rare kumenuh,..wenang pinangan dening Hyang

ta,..hohok,..hohok..

agung uttama,..haturanta kalawan Hyangta,..sayang ta kita,..Ni

Rangda kalawan

sanak presisyangku presama,..hohok,…hohok…

Nangiing,.. wus kita hangaturaken olah olahan sada rasa,..kalawan Hyangta,..

apa ta pamitanta kalawan Hyangta,…hohok,…hohok..

HYANG BERAWI

Singgih,.. Hyang Betari,…yan hana panugrahan Hyang Betari,..

Ni Rangda,…biperaya hangerugaken jagat Prabu Erlanggia…

mapan agung ulahnia Prabu Erlanggia,…amandung Ni Rangda

risedek aturu..hohok,..

HYANG BETARI LINGSIR

Nangiing,.. yan,..kita hangerug jagat Prabu Erlanggia natan olih panugrahan
kalawan Hyangta

yan kita hangrascining penepi siring jagat Prabu Erlanggia olih

panugrahan Hyangta..

mapan hana piorah Sang Hyang Maha Resi,..maring catus pata…

hohok,..hohok..

HYANG BERAWI

Singgiih,.. inganika Hyang Betari,…hohok,,,hohokkk

HYANG BETARI LINGSIR

Singgiih,.. Sang Hyang Maka Catur,..katekaning Sang Hyang Nawa Sangha,..

muang Sang Hyang Surya,..Candra,..Lintang Tranggana,..muang

Sang Hyang Ibu Pertiwi

maka upasaksi rahinaning mingkene,..iki Hyang Betari Dhurga

anadah olah olahan

sada rasa haturan sanak presisyaning presama,..hohok,..hohok..

Iiihh,.. ta kita leak presama,…yan hana leak panugrahan Hyang Betari

Dhurga…

wus kita hangrascining jagat Padang,..mapan sampun manusan

nirahangatur aken

pangupa aci,..hohok,..hohok..

Iiihhh,… sira Bhuta maka catur,..iki manusannira angaweh tadah saji..segehan

agung,..

pinaka hangaturaken pangupa aci,..tadah saji iki,…wus kita anadah

saji..

mantuk ta kita,..kelengin desanta soang soang,..aja sira anyengkala

anyengkali,..

anyumpang lampah,…mapan sampum sarwa tegep,..haturan manusan

nira presama..

PENYATUR

KANGIN

Nangiing,… yan kita dateng saking Purwa,…petak rupania…hohok,..hohok…

 iki ring sor hana tadah saji,.segehan agung,…tadah saji iki…
hohok,..hohok…

wus kita anadah,..mantuk ta kita maring Purwa,..hohok,..hohok..

anembah ta kita maring Sang Hyang Iswara,..hohok,…hohok..

aja sira anyumpang lampah,…hohok,..hohok…

KELOD

Nangiing,… yan kita dateng saking Daksina,…bang rupania…hohok,..hohok…

iki ring sor hana tadah saji,.segehan agung,…tadah saji iki…

hohok,..hohok…

wus kita anadah,..mantuk ta kita maring Daksina,..hohok,..hohok..

anembah ta kita maring Sang Hyang Brahma,..hohok,…hohok..

aja sira anyumpang lampah,…hohok,..hohok…

KAUH

Nangiing,… yan kita dateng saking Pascima,…jenar rupania…hohok,..hohok…

iki ring sor hana tadah saji,.segehan agung,…tadah saji iki…

hohok,..hohok…

wus kita anadah,..mantuk ta kita maring Pascima,..hohok,..hohok..

anembah ta kita maring Sang Hyang Mahadewa,..hohok,…hohok..

aja sira anyumpang lampah,…hohok,..hohok…

KAJA

Nangiing,… yan kita dateng saking Uttara,…ireng rupania…hohok,..hohok…

iki ring sor hana tadah saji,.segehan agung,…tadah saji iki…

hohok,..hohok…

wus kita anadah,..mantuk ta kita maring Uttara,..hohok,..hohok..

anembah ta kita maring Sang Hyang Whisnu,..hohok,…hohok..

aja sira anyumpang lampah,…hohok,..hohok…

TENGAH
Nangiing,… yan kita dateng saking Madya,…amanca warna rupania…
hohok,..hohok…

iki ring sor hana tadah saji,.segehan agung,…tadah saji iki…

hohok,..hohok…

wus kita anadah,..mantuk ta kita maring Madya,..hohok,..hohok..

anembah ta kita maring Sang Hyang Siwa,..hohok,…hohok..

aja sira anyumpang lampah,…hohok,..hohok…

PUPUT