Kenalke nama kulo

“Alra Syarani :
Kulo bersekolah di SD NEGERI 117 PALEMBANG
Kelas 4D
Kulo nak bacoke cerpen yang bejudul
“ Impian RANI” yang dibuat oleh Bunda kulo

Sebelum nyo izin ke kulo nak bepantun.

“Ari panas lemak minum
Makan donat ditambah gulo
Kulo ucapke Assalamualaikum
Untuk hadirin Galo-Galo”

“IMPIAN RANI”

Awan yang cerah dari pagi ari yang begitu indah, tejingok sikok keluargo yang tediri dari
ubak, umak dan budak betino yang sangat cindo lagi duduk di jabah terah. Mereka asek
becengkrama dan bekelakar besamo.

Budak Betino itu bernamo “Rani” Dio tinggal di doson yang jao nian dari kota. Dari kecik
Rani sudah banyak berprestasi disekolahnyo. Dio selalu mendapatkan juaro kelas.
Keinginannyo bersekolah sangatlah besak. Meskipun kehidupan keluargonyo terbilang saro.
Umaknyo hanyalah seorang pedagang “Pempek” sedangkan ubaknyo begawe sebagi nelayan.
Budak pertamo duo adek beradek, ini bercito-cito ingin menjadi dokter.
Idak kenal lesu rani terus berusaho nyubo naftarke kuliah ke universitas negeri yang terkenal
di palembang. Sapo tau bae pacak keterimo kuliah.
Cak biasonyo selepas ngerewangi umak bejualan rani singgah tempat umak netepke pempek.

Ini duetnyo rani?

Idak habis galo! Duetnyo selawe ribu(25), sepi niah hari ini.
“Idak apo te, ! makaseh banyak…
“ Oi cak mano? Sudah keterimo lom kuliah to!
“Biaya kuliah to idak sedeket rani?...
“Apo lagi kagek kau nak kekota!
“Di kota tu galonyo pakek duet. Idak cak di doson pacak bejalan kaki, peker-pekerlah dulu
kasian umak samo ubak kau ?
“Aidah, didoson ini biasonyo lah tamat sekolah, yang Lanang lah bebini yang betino lah
belaki.
Idak pulo nak kuliah-kuliah mak itu.
“Doson kito nih wongnyo lah buntu galo.”
“Kepeker ado benernyo jugo omongan uong tadi ujinyo kalu kulo keterimo kuliah pasti nak
banyak biayanyo selamo ini bae biaya sekolah saro.”
“Nah ngapo tegak bae disitu cak banyak nian yang nak dipikirke”
“Idak ah mak. Mak, cak nyo rani batalke bae kuliahnyo.”

“ Ngapo nian kau berubah mak itu dengerke bae mak ngomong jangan nyerah biar kito oung
saro bukan dak pacak umak dan bak nak nguliahke kau, kejarlah bae cito-cito kau nak jadi
dokter kagek kau umak dan bak saket idak saro nak ngobatinyo.”
(Sesekali rai rani tejingok abang banyu matonyo ngalir di pipinyo, rasonyo umak la segalo
nyo pacak nenangke ati rani.)

Assalamualaikum, (dari luar tejingoklah lanang tegak didepan pintu.)

Wa’alaikumsalam,
“masuk pak RT, ado apo pak RT”
“ Iyo mokaseh ini ado surat dari kantor lurah atas namo rani”
“ Ngapo rani ? , apo isi surat nyo?.. “
“ Mak Rani diterimo kuliahnyo, (idak biso bekato” lagi dio sujud syukur)
‘ Alhamdulillah nak” (Uji mak nyo)
“Mak samo ubak bangga punyo budak cak rani. Dengerke rani biar kato kito ni hidup saro
Bukan berarti rani dak pacak kuliah, wong tu yang penting jangan lesu, terus belajar,
berusaha, pasti galonyo apo yang di cito-cito ketercapai.”

Akhirnya Impian gades doson itu, tercapai. Rani pacak kuliah dengan jurusan kedokteran,
Dengan nilai terbaik, Mahasiswa terbaik dan mendapatke beasiswa.

Nah amanat dari cerito ini kito dak boleh putus asa jikalau kita bersungguh-sungguh pasti
akan berhasil.

Terima Kasih.
Wassalamualaikum wr.wb