Asa barerat ieu the, peregangan hela sakedap

Panangan diputer-puter nyepengan tak-tak,panangan diputer-puter nyepengan tuur, digitek-gitek

digitek-giteuk sakali deui ah…….

Panangan diputer-puter nyepengan tak-tak,panangan diputer-puter nyepengan tuur, digitek-gitek

digitek-giteuk.. Harampang ayeunamah

Assalamualaikum warahmatullahi wabarakatuh..

Sampurasun…..

Nepangkeun nami abdi Putra, tina nami nage tos putra, eta teh bahasa Indonesia na pami sundana
mah lalaki, tah nu kieu lalaki teh gagah tur kasep.. Pami Putra jalan-jalan teh aya we nu muji “eleuuh
putraa meni kaseep”, ieu pangambung asa hiber, ari pek diterasken deui “kasepak kuda”, aduh ieu
pangambung anu hiber uih deui, kalah beuki nyempot deuih, makin pesek we. Aduh alah ieu tega
teh teuing.........

Hobi Putra moal tebih tina kaemamaman, katingal tina salira nage meni montok, sehat tur beukah.
Nayrios kaemaman abdi bangga janten urang sunda. Rupi-rupi kaemaman disunda teh, aya cilok,
basreng, cireng,cimol, cilor,endog gulung nepika sangu liwet ge jeung kerak-kerak na, di Amerika
mah moal aya nu kitu teh. Mangkana urang kudu bangga cicing ditanah sunda teh. Kusabab Putra
resep emam pasti putra resep kana jajan. Jadi we kumamah teh sok dicarekan, saur mamah teh
“enggeus atuh tong jajan wae, nyaho neangan duit hese”....tapi da naluri murangkalih mah resep
jajan, leres barudak?........HIDUP JAJAN!!!! Titatadi nyarios kaemamn janten lapar ieu teh, gaduh
kaemman pamiarsa??punten herey ieu mah, tapi pami gaduh mah diantos dipengker..

Putra gaduh amang, amang ge sami hobina sareng putra nyaeta barangtuang. Hiji waktos putra
ameng sareng amang ka pizza ( duhhh gayanya). Kicrik-kicrik-kicrik eh lepat ngeng-ngengngeng soal
na putra naek mobil, pami mapah teh sok sieun begang, engkin kasep sareng imut na bilih ical. Tos
dugi ka pizza culang cileng da nembean ka pizza, duh eta meni asa dilebet kulkas ademm, panginten
putra teh seer kipas angin da meni ku tiris. Saur amang teh “sanes kipas angin kasep ieu mah AC”.
Putra mah unggek we sabari teu ngartos ge, soalna di bumi putra teu aya Ac aya ge AG angin
gelebugg...

Teu lami pizza na tos dongkap, bentukna teh buled, aya sosis, daging, keju jeng sajabana. Ngan abdi
teh rada ngahuleng. Dugi ka amang naros “kunaon putra?”. Amang sanguna mana?, ,moal wareg ieu
mah?’ eta amang putra ngan seserian we sapanjang emam pizza, dugi kakabesekan, uhuk-uhuk jaba
tarik, kuat ditingaliken eta mah ku batur coba. Atuh da biasana mah putra sagala rupi ge kedah jeng
sangu, gorengan disanguan, somay disanguan,mie ayam disanguan, batagor disanguan kuat sangu
gorengge disanguan, nyaah bumbu soalna. Pami mumuluk gorengan sareng lepet teh asa teu acan
emam, patuangan urang sunda mah rada benten, lereess?? Sangu identitas urang sunda . Hidup
sangu, subur Cianjur Makmur Patani, Jaya Indonesia.. Abdi Putra Wassalamualaikum warahmatullahi
wabarakatuh...