KADA KAMANA

Naskah Japin Carita, ide Cerita : Dapur Teater 2013

Dinaskahkan : Bayu B.Setiawan

Syair:

Lawan bismillah kami bamula 2x

Langkah kan kaki kanan wan kiwa 2x
Puji dan sukur pada yang esa 2x
Mudahan kita diberkahinya 2x
Salawat salam kami kirimkan 2x
Pada paduka rasul junjungan 2x
Japin lah ini japin carita 2x
Kasanian kami di pasisiran 2x
Mahibur hati nang saurangan 2x
Jauh dikampung jauh halaman 2x
Kalau lah ada jarum nang patah 2x
Jangan disimpan didalam pati 2x
Kalau lah ada kata nang salah 2x
Jangan disimpan didalam hati 2x

Tokoh-tokoh :

Maman : Japran : Polisi 2(Ato) :

Ses Hayatun : Ses Juairiah :

Ses Yati : utuh amat :

Aluh siti : Pambakal Jamhuri :

Bini I Pambakal (imis) : Bini II pambakal (ijam) :

Mr.Dul : Rosalinda :

Badri : Udin :

Mahrita : aluh imur :

Pak haji umar : masniah :

Ajijah : Polisi 1 (amat) :

 BABAK I

Pagi hari disebuah pasar, masuk dua orang berpenampilan layaknya pencinta alam lengkap dengan
tas ransel di punggung.

Maman : umalaah mana ni si japran, bajanji jam 5 subuh jar tulakan, ni jam 7 dah
balum datang ja lagi, ku tinggalakan ae... han ini nang maulah ku kulir tu
handak baimbai lawan japran nih..., japran.. japran...

Japran : uyy man.. maman.. ni aku disini nah, liwar ikam ni lah.. kada bahadangan
lalu... lapah nah...

Maman : ae datangkah sudah sakalinya? Ikam pang malandau haja gawian. Bajanji
jam barapa? Ku padahi nah Lamun katuju malandau kaina rajaki dipatuk
hayam. Hakun lah ikam?

Japran : hayam, hayamku jua jadi kada papa. Kanapa garang jadi susung-susung
banar..? biasanya kita santai ha tulakan.?

Maman : aii... handak kamana jar? Maka sudah ku padahi samalam.. kita handak ka
lukasi nang hanyar..

Japran : luksi nang hanyar? Ayu ae to, lajui kita tulakan.

Maman : tulakan kamana lagi? Ini pang sudah sampai

Japran : sudah sampai? Jadi disini lah? Licak kayaini, kanapa kita kada di wadah
biasanya haja man?

Maman :suasana hanyar bro.., muyak di wadah biasa... kada papa licak nang panting
usaha dahulu, cuba lihat kamuka, Mulai damia jua kita gantung tujuan kita
5Cm dahi kita. Kita bawa kamana kita bajalan. Supaya kada lapas dari
panglihaan kita. Kayapa?

Japran : bah kurban biuskup jua sakalinya.

Maman : ahh mauk ikam nih, kayapa kadada yang tatinggal kalu? jam 7 dah nah
sadang ae sudah kita beraksi.

Japran : uhhhh langkap dah dalam tas, ayuu kita beraksi.

Maman dan Japran mengeluarkan Sayur-sayuran dan buah-buahan dari dalam tas mereka dan
mulai berjualan.

Japran : sayur-sayur...... pucuk jawau, kangkung, bayam, bawang habang, bawang

putih..

Maman : rambutan, manggis.. kasturi, kangkala...jaring uuuu buah buahh uu..

Masuk Ses Hayatun, Ses Juairiah dan Ses yati.

Ses Hayatun : duhh hay Ses Juai nih. Kenapa garang kita musti batutkar gasan keperluan
arisan kapasar nang rigat nih..? jaka kita ka supermarket ja, ya kalo ses Yati..

Ses Yati : bujur bujur

Ses Juairiah : aduuh santi ses santi ses Hayatun....,, jangan habut donk.. sekali kali ka
pasar tradisional kadapapa jua. ganti suasana.. muyak nukar di mall, ya kalu
ses yati ?

Ses Yati : bujur bujur

Ses Hayatun : akike kada handak lagi umpat lamun kaina batutukar di pasar yang kaya
ini ..., akike bisa alergi, gatalan nah awak akike, akayah lihati nah capal
tukaran laki akike di KL licak nah... aduh hai.. kayapa ini..

Ses Juairiah : umalah..kadapapa ses, kena nukar pulang.. ni laki eke lagi di amrik , kena
eke suruh nukarkan ye capal.

Ses Yati : bujur bujur

Ses Hayatun : kada perlu lah, laki akikegen lagi di luar negri nih,, tinggal akike sms minta
tukarkan capal disana, ses kira akike orang kada mampukah?

Ses Yati : bujur bujur

Ses Juairiah : ayuae to lamun kaitu, lakasi kita batutukar nah ses, kena makin rigat capal
ye.. apa ja tadi yang handak kita tukar gasan arisan malam ini?

Ses Hayatun : hadang melihati catatan nya dahulu nah...,, umm jadi yang harus di tukar iu
ada pucuk jawau, pucuk kustila, tarung halus, bilungka waluh....

Maman : ada bu, langkap sabarataan yang handak pian tukar ada di wdah ulun
berataan.

Japri : ayu bu, ini langsung kami bawa mulai kampung kami bu ae pamatang halin
kualitas numur satu

Ses Juariah : bujur jua kah? Ini pucuk jawau berapa saikat?

Maman : 500 bu ae.

Ses Juairiah : larang nya? Kada kawa di kukurangi kah?

Maman : ma kada kawa bu ae harga pas sudah, kada kawa bulik kami bu ae lamun
ditawar pulang.

Ses Hayatun : sudah sudah, ses ni manyunyupan ja.. masa sosialita menawar. Eh man eke
tukari berataan dagangan pian Rp.500.000 nah, bungkusakan man.

Ses Juairiah : jangan paman, eke ja yang bayar berataan Rp.700.000

Ses Hayatun : 800.000

Ses Juairiah : 900.000

Maman : sabar bu, sabar nah ambil ja berataan bu ae, barang ja siapa kah yang
bayar... nah bu sayurnya.

Japri : buah ampun ulun jua bu lah gasan cucui mulut, ni jaring ada jua bu ae

Ses hayatun & juiriah : bungkus !!!!

Maman dan Japri dengan perasaan riang gembira menyerahkan dagangan mereka.

Ses Juairiah : nyawa ni apa garang kahandak tun, ni unda yang bayari kisah sugih nih,
sandal capal bapadah nukar di KL

Ses Hayatun : nyawa yang kisah sugih, bapadah laki di amrik bagawi, batutukar manawar,
ya kalu ti?

Ses Yati : bujur bujur

Ses Juairiah : nyawa malawanakan si atun kah ti? Nyawa tuh tun ae rancak dipahumaan
bapadah alirgi kapasar

Ses Yati : Bujur Bujur

Ses Hayatun : nyawa malawanakan sapa ti? Membawai bahualkah rupanya nyawa juai?
Dasar kisah sugih, bapadah laki di amrik, mana buktinya?

Ses juay : nyawa jua bapadah laki diliuar negri mana buktinya? Bajual capal kalu
diluar negri

Ses Hayatun : Kita tamuakan nah? Unda 1o tahun bakawan lawan nyawa kada biasa
malihat laki nyawa?

Ses Juairiah : ayo!! Unda handak malihat jua laki nyawa nang bagawi diluar negri tuh

Ses Hayatun : ayoo!!!

Ses Juairiah : ayoo!!!

Ses Juairiah,Ses Hayatun dan Ses Yati keluar sambil terus adu mulut

Japri : bu! Ses!! Jeng!! Dagangan kami balum dibayar

Maman : nah iyapang, duit pri, duit hadah lakasi kita sasahi...

Maman dan Japri ikut keluar mengejar Ses Juairiah,Ses Hayatun dan Ses Yati
 BABAK II

Di rumah pambakal jamhuri pagi hari pambakal terlihat sedang duduk bersantai sambil membaca
koran

P.Jamhuri : baca koran dulu nah, nah pas banar ramalan bintang.. sagitarius mana nih
sagitarius... nah iya ni..., sagitarius.. sayang gigi tak terurus.. karir : semakin
merukit bah mantap nah.., Asmara : semakin menjadi-jadi.. keuangan :
semakintabal hati-hati susah berjalan.. hahaha mantap-mantap.. lamun
manurut ramalan bintang, artinya cagar makin nyaman hidup ku... haha...
han aku to, sapa yang kada tahu lawan sorang ni, pambakal jamhuri urang
paling sugih lwan gagah dikampung ni.. kada pang mun sumbung lah kada
sawat lima langkah aku turun pada rumah minimal lima ikung bibinian kana
pulasit. Tapi itu bahari pang pas lagi anum wahini aku babini sudah. Aku ni
saia lawan bini.... han aku tu

Bah Haus sakalinya nah....,, mana ni lah bini ku nih.. biasanya paham lamun
siang-siang kaini haru ada sesajen gasan laki... umanya, uuu umanya... haus
nah,,, umalah kada mandangarkah nih..... huniy

Bini I imis : Pun abahnya, umalah pian nih kuciak-kuciak kaya apa ha lagi, ini nah ulun
bawakan minuman kesukaan pian. Susu... gulanya 1 ½ sendok, diharu 41 kali
ke arah kanan kada bahihinakan....

P. Jamhuri : han bini ku tu, hapal lawan minuman kasuakaan laki, sini nah aa handak
minum... haus.......

Bini I imis : nah abahnya... habisakan susu spesial gasan pian..

P. Jamhuri : (meminum Susu) ahhhhkkk pas susunya.... mantap..

Bini I imis : nyaman kah abahnya

P.Jamhuri : Gurih huniy ae, dasar kada tasalah q ambil bini ikam nih... hadang nah
rasanya ada yang kurang nih...., apayulah...ikam duduk sini nah, kada lapah
kah badiri.... ,, apayulah nang rasa kadada nih? uhh hiih wadainya kadada..,
tapi kada papa urusan wadai aku ada jua baisi jagaunya...., beby

Bini II ijam : pun aa.... kanapa a kiau-kiau... ulun lagi di dapur manyanga gaguduh
pisang ..

P.Jamhuri : ahh mana inya mana... masak kah sudah?

Bini II ijam : nah hinya gaguduh pisang with chess n choclate.... rasai a

P.Jamhuri : (makan) umaaa nyamanya,,, dasar buahn ikam ni liwar bisa mahimungi
laki. Surga buhan kam ni kadudua.. kasi nah dudukan dahulu buhan kam
badua.. aku handak bapandir bujur-bujur. Buhan ikam malihat kalu aku ni
 pina sumringah banar hari ini, karna ada nang handak ku pandirakan lawan
buhan kam tarutama ikam Mariati sabagai bini nang senior...

Bini I imis : apa itu abahnya? Jangan-jangan handak babini pulang?

P.Jamhuri : uhhhh kada-kada, aku ni lakian paling satia didunia ini...., nah maksud ku
kaini, anak kita si siti itu kan sudah ganal nih,,, ibaratnya tu parahatan
maurak bulu,, kayapa lamun kita saung ja sudah...

Bini I imis : aiii kanapa disaung? Pian kira ayam kah anak kita tuhh?

P.Jamhuri : nahh masih haja sakalinya lambat mangali...

Bini II ijam : anu ka ae, maksut aa jamhuri tu kayapa lamun si siti itu kita kawinanakan,
kaitu lu a..?

P.Jamhuri : mantap, bujur

Bini I imis : owwwwh di kawinakan kah, nah amun u ni satuju haja, tapi hakun lah
dahulu si sitinya

Bini II ijam : bujur a ae, jaka kita takuni dahulu sitinya hakun kada dikawnikan, limbah
itu lawan sapa mangawinakanya?

P. Jamhuri : nah pas banar ikam batakun, lamun masalah lalakianya ikam kada usah
takutan aku sudah baisi calonnya...

Bini I imis : siapa urngnya.?

P.jamhuri : tanang haja , kita kada bakal rugi baminantu inya...inya urang sugih, baiisi
usaha di mana-mana..., jadi pas haja lawan kaluarga kita nang sama-sama
sugih jua. inya bajanji hari ini handak bailang kawadah kita mamandirakan
masalah nang tadi kita bahas.

Bini I imis : tapi hakun lah si Sitinya nih. Kada handak manakuni kah pian.? Kalu inya
sudah baiisi pilihan saurang...

P.Jamhuri : hakun kah, kada hakun kah pokoknya harus hakun.. aku sudah bajanji
lawan urangnya... ni sitinya dimana..

Bini I imis : paling satumat lagi bulik....

Datang Siti diantarkan utuh amat

Utuh amat : assalamualakum...

P. Jamhuri, Bini I&II : wa’alaikum salam masukkk.......

Bini I imis : nah panjang umur ikam nak ae... lawan si amat kah ikam.., duduk mat..
P.Jamhuri : ahh kanapa disiruh duduk? Badiri haja ikam... ikam amat anak utuh faujan
kalo? Nang diam di pinggir pahumaan tu kalo? Nang gawian abah ikam
malunta puyau tu kalu?

Utuh Amat : inggih bujur bah ae..

P.Jamhuri : kanapa ikam wani-wani maantar anakku bulik? Pasti ikam ada maksut

Siti : Bah..

P.Jamhuri : basunyi ikam nak ae... ku padahi ikam lahh.. ikam jangan lagi mamaraki
anak ku, kaina anakku tajangkit bau iwak..

Siti : tapi bah, kaka amat urangnya baik bah ae.

Utuh Amat : ulun handak manjalin silaturahmi lawan kaluarga pian bah ae..

P.Jamhuri : manjalin silaturahmi? Apa maksut ikam?

Utuh Amat : kalu Tuhan maijinakan wan abah merastui ulun handak mandampingi siti
sampai tuha bah ae..

P. Jamhuri : apa maksut ikam?? Ikam handak jadi lakinya siti kah? Haha ni maaf pang
mat lah... ikam tu bacaramin pang dahulu,,, ikam tu pantas lah lawan anak ku
si siti? Siapa nang kada tahu lawan pambakal Jamhuri urang paling sugih dan
gagah di kampung ini..? asal ikam tahu siti sudah ku jodohakan lawan urang
sugih jua inya urang kuta.

Siti : tapi bah ulun kada handak di jodohakan bah ae

Bini I imis : badiam nak... kaina kita pandirakan lagi

Rombongan Mr.Daus datang membawa barang-barang mewah dari kota.

Badri : Assalamualaikum....

P. Jamhuri : waalakum salam... nah ini pinanya datangan sudah...,, masuk... umaaa
Mr.Dul... riput-riput bawa barang-barang, jadi kada inak kami nah.. (meabil
barang sendiri tanpa disuruh) ahahaha..... nah ni hadiah dari Mr.Dul ahaha...
makasih Mr.lah... Tahan lah ikam mat ahahhaa.. duduk Mr. Duduk..

Badri : maaf gasan keamanan.. ulun menjalankan prosedur dulu (mencek kursi)

P.Jamhuri : aahahah uu silahkan hahah silahka,,, hahah urang sugih ahahha tahan lah
ikam mat?

Badri : silahkan duduk Boz..

P.Jamhuri : ahahaha nah ni llangsung aja Mr. Lah jadi kayapa ini, ini anak ulun siti nah..
mantap kalo kaya kuitanya,,,, ahahahhaha...

Mr.Dul : gud.. gud..

Rosalinda : catat bos?

Mr.Dul : catat

P.Jamhuri : ahahahah urang sugih.. biasa kada banyak pandir ahahha..., tahan lah ikam
mat ahahahha

Mr.Dul berbisik kepada badri

Badri : jadi jar Mr.Dul sidin katuju banar lawan anak pian... sidin handak balakas
haja jar malaksanakan acara parkawinan beliau lawan anak pian. Masalah
dana ditanggung Mr.Dul sabarataan, acara karasmin tujuh hari tujuh malam

Siti : tapi bah?

P.Jamhuri : ahahah kada batapi-an ini gasan ikam jua... ahahhah uhhh akur bos, akur
makin capat makin baik... kayapa lamun saminggu lagi... supaya kami ada
kasiapan jua toh...

Mr.Dul : Gud Gud

Rosalinda : catat bos?

Mr. Dul : Catat...,

Badri : lawan sabuting lagi pambakal... ni masalah perjanjian kita samalam . bahwa
Mr.dul handak membuka usaha disini... sidin handak manjadiakan kampung
yang pian pimpin ini jadi kampung nang maju...,, karna kampung pian ini
masih banyak lahan kusung nya... masih banyak nang ditumbuhi puhun ganal
nang kada jadi apa-apa...,

P.Jamhuri : masalah itu gampang haja... mr.dul bulih maulah gawian disini apalagi
gasan kamajuan kampung....

Badri : masalah warga yang lain pang?

P.Jamhuri : uhhh tanang, itu urusan ku sabagai pambakal. Ini gasan kamajuan
kampung. Masyarakat pasti mangarti

Mr.Dul : gud dud

Rosalinda : catat bos?

Mr.Dul : catat (berbisik kepada rosalinda)

Rosalinda : anu pambakal ini tanda tangan disini...,, sabagai tanda ijin mr.Dul
mengembangkan usaha disini

Badri :lamun kaitu kami permisi...., masalah perkawinan sabalum hari H kainai kita
pandirakan rincianya....,, ni ada sabuting lagi dari Mr.Dul paket bajalanan ka
 banjar selama tiga hari, kalo pian handak malihat siring banjar kayapa han...
kami muhun pamit... assalamualaikum

P.Jamhuri : hahah wlaikum salam.... han mandangar lah... sabarataan biaya ditanggung
Mr.Dul mbah tu inya handak mambuka usaha dikampung kita, kampung kita
cagar maju, lawan nah liati kita dapat paket bajalanan ka siring banjar,,,,
ayoo kita siap-siap. Tahan lah ikam mat.. ayuu sadang ikaam bulik jua....

Utuh Amat : inggih ulun parmisi..

P.Jamhuri : ayuu kita siap-siap isuk kita tulakan

Pambakal , bini I & II ,Siti, amat keluar panggung

BABAK III

Sore hari di pinggiran kampung pamatang Halin, Mr.Dul , Rosalinda dan Badri sedang mengamati
lokasi kampung Pamatang .

Mr. Dul : (melihat kesepanjang hutan ) mantap, liwar mantap, mantap ti pang
sudah.., HAHAHA

Rosalinda : apa nang mantap, liwar mantap, lawan mantap ti pang sudah tu bos Mr
Dul ? ee.. ee,, Rosalinda kada mengerti...

Mr.Dul : ahh kayaini Rosalinda lah, cuba Ros itihi nah... itihi... sudah malihat..
HAHAHA

Rosalinda : kadap bos Mr Dul ...,

Mr.Dul : kadap? Astaga, nyata ai kadap. Itu nah kacamata Rosalinda balum dipacul

Rosalinda : (kaget meraba kacamata) ahh aduh,, Rosalinda supan sekali, kacamata....
kacamata balum bepacul sekalinya,, aduhh supan ... ohhcc Ros Ros supan..
supan banar..

Mr.Dul : oh kadapapa.. kadapapa... bagi Mr. Dul Rosalinda kada pernah salah..
HAHAHA otok otok otok otok Rosalinda..Rosalinda.., (memasang kacamata)
nah sama Mr.Dul kadap jua nah HAHAHA...

Badri : HAHAHA iya Mr.Dul dasar kadap

Mr.Dul : tembak nik HAHAHA .... otok otok otok otok rosalinda rosalinda...

Badri : uhuk uhuk ... apa ada suarang ni ratik wara

Mr.Dul : apa jar nyawa badri!!! Bapandirkah nyawa?

Badri : heee kada, anu ratik bos ae, ratik banyak..., kaya pian ratiknya bos ae..

Mr.Dul : (mendekati Badri ) nahhhhh wani nyawa lah....,, manyambati onda kaya
ratik, kada tahu kah onda sapa? Mr. Dul.. Adul Zulfikar.. , tembak nih.

Badri : kada bos ae, ampun ulun ampun...

Mr.Dul : your face is big badri ae

Badri : apa itu bos

Mr.Dul : Muha nyawa ganal, HAHAHA tembak nih

Badri : ampun bos, lanjutkan bos..

Mr. Dul : han onda to (kembali kerosalinda) otok otok otok otok rosalinda rosainda...
bangun babgun..,,,itih itih cuba itihi... kada kadap lagi..itih pintar itih..

Badri : ahhhhhhhhhhhh badri supan (berteriak)

Mr.Dul : tembak nih!!!!

Badri : kada bos ae, samut maigut

Mr.Dul : sudah rosalinda ampih dah, rosalinda hanyar kacamata yang kadap, Mr.Dul
pang sampai keawak-awak kadap, HAHAHA santai ha bos. HAHAHA sudah
malihat? Apa nang bos sambat mantab?

Rosalinda : em.. emm sudah bos Mr.Dul? dasar mantap, liwar mantap, mantap tipang
sudah

Mr.Dul : hahaha... nah jadi kaini lah, bos Mr.Dul himung malhat keadaan disini ,
posisinya strategis, eksotis wan erotis. Jadi onda Mr.Dul sebagai urang sugih
handak mambangun kampung ini limbah itu. Bet.. bet,, bet,, sadikit
improvisasi ditambah kreativitas inovatif bet bet bet bet bet tumbuh hutil,
tumbuh mall, tumbuh puhun duit

Rosalinda : jadi kapan kita beraksi bos?

Mr.Dul : kapan lagi lamun kada damini HAHAHAHA...

Rosalinda : bos ni dasar mntap..

Mr.Dul : Mr.Dul..., Badri sini (Mr.dul berbisik kepda badri) paham... sabarataan
tanggung jawab ikam. Lamun kaitu ayoo kita bulikan dahulu....

Mereka bertiga keluar

 BABAK IV

Pagi hari dikampung Pamatang Halin Amat dan kawan-kawan sedang berkumpul

Udin : kanapa mat pina kada rata muha ikam nihh??

Mahrita : hi,ih ni aku mambawa panggaris nah.. handak kah mat ikam?

Imur : kam kira kartas kah muha amat nih? Kanapa garang mat muha ikam pina
kaya tapasan dikucak..

Mahrita : amun tapasan dikucak tu.. gusukan ubatnya... licin am

Udin : nah ita ni... kam kira baju kah amat nih? Jaka kada bibinian paw paw jar ku

Imur : haw haw basabar din, baingat banigat

Udin : kada bilang maulah aku ismusi tarus

Mahrita : nah tasalah tarus aku nih, badiam ja sudah ku

Udin : jah, imas takuniam apa garang panyakit kawan kita tuhh.....

Ajijah : uuu mat bakisah pang... kalu ada nang kawa kami bantu

Masniah : hiih bujur mun ada masalah bakisah . kawan kalu kita nih barataan...

Utuh amat : aku ni lagi patah hati buhanya ae nah....

Semua pemain : hah patah hati

Udin : bah lahai masalah klasik sakalinya. Santai bro.....juduh tu kada kamana

Mahrita dkk : hiih juduh kada kamana

Udin : lawan kambang kada satangkai bro ae... kita cari kalain....

Utuh Amat : kadanya sanyaman itu ah din ae.., nang ngaranya aku ni sudah kaciccinta
an, siti tupang dah di hatiku nih,,,

Ajijah : ai kanapa garang jadi patah hati? Maka sapangatahuan kami si siti tu
kaliliwaran sayank jua lawan ikam.

Mahrita : hiih....,, kanapa jadi sakit hati?

Amat : anu ta ae,, si siti handak dikawinakan abahnya lawan urang sugih dari kuta

Imur : hah babujur?

Masniah : pabila jar mat?

Utuh Amat : minggu kaina acaranya

Mahrita : asiiikkkk cagar nyaman makan nih.....

Semua pamain :itaaaaaa!!!!

Mahrita : ae ja kada kada, badiam aku nah

Udin : jadi kayapa nihh mat?

Utuh Amat : kada tahu jua aku nah, makanya galau aku nah.... kamana akulah mambawa
hati nihh...

Masuk siti

Ajijah : mat mat tu siti mat.....

Utuh amat : ading... pian kah ding? Kada umpat kabanjaran kah pian malihat siring

Siti : kada ka ae..

Udin : ayuhaa mat ae nah, kalu ikam handak bapandiran dahulu.. kami handak
kahutan dahulu mandangani kuitan..

Udin, Aluh Imur,Mahrita,Ajijah dan Masniah keluar

Utuh amat : siang-siang makan hampalam

Hampalan gugur dihiga puhun pinang
Kada lah siang kada lah malam
Muha ading pasti taganang

Siti : kalayangan tarabang ikat ditali

Tali diikat sambil di ingkuti
Sudah u padahi saribu kali
Ulun cinta pian sampai ka mati

Utuh amat : kambang nyiur maurak mayang

Mayang nya gugur sangkut di batang
Sayang sayang saribu sayang
Ading bungas cagar jadi ampun urang

Siti : bintang basusun jadi palita

lamun ditiup api tahambur
lamun pian dasar bujur cinta
Sasah ulun sampai ka kubur
Masuk haji

H.Umar : uma uma.... apa nih lagi bariristaan kah kisahnya...? ingat lah bini-bini
lawan lalakian jangan katuju baduduan , kaina kalu didatangi syaitan

Udin : inggih bah ae...

H.Umar : ada apa garang nih.. pina kada nyaman dilihat nak..
Utuh amat : sabujurnya kaini bah ae, kami ni sama-sama saling menyayangi.. ulun lamun
sudah cukup tabungan handak badatang kawadah kuitanya siti. Tapi
sakalinya si siti sudah dijuduhakan lawan urang lain kayapa bah?

H.umar : uhhh jadi kaitu kah kisahnya jadi pina bariristaan tadi tu, amat, siti nang
ngaranya jodoh.. rajaki,, itu sabarataan sudah di atur ulih allah yang aha
kuasa. Nang ngaranya umat itu diciptakan allah selalu berpasangan-
pasangan, lalakian supaya kada hidup saurangan lalu di ciptakan tuhan
pasanganya dari tulang rusuk lalakian yaitu bini-bini. Nahh jadi buhan ikam
kada usah takutan lamunya buhan ikam badua bajuduh pasti di tamuakan
allah SWT. Nah lamun kada bajuduh pang? Artinya allah sudah manyiapakan
yang lebih baik gasan kita. Ingat manusia berencana tapi allah jua yang
manantuakan. Nah lamun takdir allah kada sasuai lawan kahandak buhan
ikam jangan sekali-kali manyalahakan tuhan lawan manyiksa diri misal galau,
prustasi, di bawa mauk apalagi bunuh diri, itu ngaranya perbuatan sia-sia,
perbuatan syaitan artinya kada parcaya lawan kahandak tuhan.

Siti : tapi lamun kami dasar sudah sama-sama sayang pang kayapa bah?

H,umar : boleh haja sayang manyayangi tu, tapi jangan malabihi sayang buhan ikam
cinta buhan ikam lawan allah, kaini lahh lamun buhan ikam dasar saling
sayang-manyayangi ayoo buhan ikam badua lawan allah, semuga buhan
ikam di persatukan allah, karna lamun allah sudah bakahandak jangan kan
perjuduha n mahalangi hantu gen takutan, paham kalu bhan ikam

Siti& amat : inggih bah ae makasih atas papadah pian

Tiba-tiba terdengar teriakan minta tolong dari warga kampung, masuk kembali sambil berlarian
Udin, Imur, Mahrita, Ajijah dan Masniah

Utuh Amat : kanapa din kanapa? Ae kanapa?

Udin : gaswat... gaswat mat ae...

H.Umar : gawat kanapa ini?

Mahrita : anu.. anu.... ,, pahumaaan, kabun, hutan.... anu.. anu..

Siti : Iya kanapa?

Imur : hancur,,, hancur....,,, itu di sana... buhanan kuta, mambawa alat ganal-
ganal... ulun dangar tadi jar. Buhanan nang mambawa alat ganal-ganal tadi
handak mahancurakan hutan, pahumaan, kabun tamasuk kampung kita,...

Udin : bujur.. buhananya handak maulah hutil, lawan mall di tanah kita ini,,

H. Umar : astagfirullah hal’adzim mana dimana buhanan nah handak mahancur

kampung kita?
Ajijah : lamun sabarataan di hancur dimana kuitan kita batanam baras, batanam
sayur?

Masnah : lamun hutan ditabangi di mana buhan binatang diam...

Amat : ayuuu kita hadang di muka kampung jangan sampai buhanan urang surakah
tu manjajak tanah kita.

Mr.Dul, Rosalinda, dan Badri masuk

Mr.Dul : HAHAHA... talambat kami sudah masuk....

Amat : uhhhh ikam kah sakalinya dul...,, rupanya ikam handak mamanfaatakan
pambakal gasan maabil kampung ini?

Mr.Dul : ko tau sih? AHAHAHAHAHA.... bujur banar mat ae, tanah kampung ini
lawan sabartaan tanah kusung disini jadi ampun ku. bujur kada?

Rosalinda & Badri : bujur banar HAHAHAHA

Mr.Dul : disini akan ku bangan hutil bintang seribu, Mall dari A samapi Z dari Duta
sampai Datu. Jadi sablum sabarataan rata lawan tanah. Silahkan buhan pian-
pian barataan basisimpun bah tu bajauhan, kaina tajajak satum HAHAHA

Utuh amat : kada, kami kada bakal bajauh pada kampung halaman kami... disini kami
lahir bararti disini jua kami pacang dikubur

Mr.Dul : uhhh malawan. Badri bereskan

Tiba-tiba Masuk dua orang polisi

Polisi I : angkat tangan!!! saudara Adul Zulfikar saudara sudah terkepung.. serahkan
diri saudara..

Polisi II : jangan bagagah nah.. timbak nihh....

Mr. Dul : pak polisi kanapa sibdri kada ditangkap

Badri : sorang intel, timbak nih.. han saurang tu...

Pambakal besarta kedua istri datang

P.Jamhuri : apa ini ada apa pina abut banyak pulisi dimuka..

Siti : ae kada jadi piknik kasiring kah pian bah

P.Jamhuri : kada jadi... pas di tangah jalan sakalinya kupiah abah tatinggal dirumah jadi
babulik sakalinya ada apa ini, kanapa nih Mr.Dul calun minantu ku ditangkap

Polisi I : jadi kaini bapak-bapak lah..., saudara adul Zulfikar ini sudah lawas kami
mata-matai, beliau ni mafia yang rancak marusak alam dengan cara ilegal
dan merugikan urang banyak,,,
Polisi II : nah barkat saudara badri yang sabujurnya pulisi, bukti-bukti akhirnya
terkumpul dan kami kawa manangkap adul zulfikar.

Tiba-tiba masuk Ses Hayatun, Ses Yati dan Juairiah...

Ses Hayatun : laki nyawa tukang minta-minta di amrik

Ses Juairiah : laki nyawa nang tukang minta-minta

SeS Hayatun : laki nyawa!!!

Ses Juairiah : Laki nyawa!!!

H.Umar : nah ni apa pulang??

Ses Hayatun, Ses Juairiahdan Ses Yati kaget dan bertambah kaget seteah melihat ke arah Mr.Dul

Ses Hayatun : ini laki onda

Ses Juairiah : ini laki onda jua

Ses Yati : ini laki ulun jua

Ketiga Ses : Haaaahhhh jadi laki kita sama kah? Kanapa jadi di tangkap?

Utuh Amat : inya ni panipu nang di cari pulisi

Ketiga Ses : Haaahhhh jadi laki kami penipulah...??

Masuk Japran dan Maman

Maman : bu bayar dagangan kami bu...

Ses Hayatun : tuh minta lawan adul nang ditangkap polisi tuh

Ses Hayatun, Ses Yati dan Ses Juairiah pergi berlari sambil dikejar maman dan japran keluar

Siti :han bah yang kaitulah handak pian jadiakan laki ulun?

P.Jamhur : maaf nak ae...,, abah khilaf mulai hari ini abah merestui ikam lawan si amat

Amat dan Siti : asyikkkkk (di ikuti semua teman-teman amat dan siti)

H.Umar : aee kaina dahulu balum muhrim,,,, han lah ingati jangan sakali-kali kita
targuda lawan harta. Jangan maasiakan nafsu duniawi haja. Liati ahlaknya
bujur-bujur...,, jangan hanya karna sugih lalu kita langsung manarima tanpa
tahu asal-usulnya , apa niatnya..?? dul ikam tubat dul lah jangan lagi katuju
maambil hak urang jangan katuju marusak alam gasan mamperkaya diri,
lamun alam rusak ikam handak diam dimana. Siti, amat apa jar ku? Lamun
juduh kada kamana!!!

TAMAT