PIODALAN RING PURA DALEM

Kacarita ring Pura Dalem jagi kalaksanayang sangkepan indik piodalan sane jagi karauhin
malih pitung rahina. Kliang purane sampun metaki taki pacang nyobyahang indik piodalan
ring Pura Dalem.

Komang Dedy : “Om Swastyastu, sane singgihang titiang Jero Mangku Gede pengempon
Pura Dalem, punika taler Ida dane sareng sami sane banget wangiang titiang. Ring rahinane
mangkin, titiang jagi maosang indik piodalan rahinane sane kalaksanayang malih pitung
rahina. Sedurung tityang jagi maosang perarem sane jagi kemargiang,galah pacang aturang
tityang majeng ring Jero Mangku Gede”

Mangku Dalem : "Suksma antuk galah sane sampun katiban ring sikian tityang, a kidik jagi
baosang tityang ring rahina ne mangkin, dumadak Piodalan’e sane pacang rauh dumogi
prasida labda karya lan nemuang kerahayuan majeng iraga ring sareng sami,taler tiang nunas
majeng ring krama lanang lan istri mangda prasida sareng ngayah ring Pura Dalem."

Mang Dedy : "Inggih, sane mangkin tityang nunas majeng ring krama sami wiadin lanang
utawi istri, mresidayang napi ten jagi ngayah atur ring Pura Dalem."

Krama sami : "Mresidayang"

Mang Dedy : "Inggih, yening sampun mresidayang, ayah"duene pacang kemargiang malih
tigang rahina ngantos pujawali ring Pura Dalem."

Krama sami : "Nggiiihh"

Gelisin cerita, ayah"duene sampun memargi,sane istri ngayah mekarya pajegan lan jaje suci
taler sane lanang masang wastra lan mekarya banten sane malakar antuk langsaran

Gek Tari : Mbok tu, ije mbok tuni mejang tamas ane meli di peken

Putu Dian : Ouh, ditu gek, dauh perantenane di asagane tuni jang mbok

Gek Tari : Nah"mbok jani kal jemak yang, lakar adok yang wadah jaje suci.
Saget teke lantas Dayu uli peken meli buah

Dayu : Mbok tu, ring dija niki genaang buah sukla ne??

Mbok Putu : Yeeh,,, drika sampun genahang Dayu, ampura pisan tityang sampun ngerepotin
niki

Dayu : Ten kenapi mbok, sampun sepatutne tiang mase ngayah lan menyame braya di pura,
Nah yening keto,napi sane dados tulungin tiyang mangkin??

Mbok Putu : Yening Dayu jagi nulungin malih, Irika sareng Gek Tari lan Gek Putri mekarya
jaje suci nika.

Dayu : Ouh nggih mbok lamun keto tiang merika dumun nggih

Wusan punika laut teka I Gede ngajak Jero Kliang uli nyelip be

I Gede : Jero, kal engkenang jani be celenge? Lablab ape tektek malu

Jero Kliang : Lablab atenge de anggo ngae lawar, buin atenge anggo ngae sate jerimpen ane
kal aturang di jeroan

I Gede : Nah mun keto kal lablab malu be ne.

Gek Putri: Bli Gede cen sate bantene, mekelo sajan orin ngai sate pepitu

I Gede : Nah luh antosang je malu, mare bli teke uli nyelip be

Gek Tari : Enggal je bli pang ngidaang yang nyemak gae ne lenan

I Gede : SABAR NAKE!!, sing ngenot gaen bli ne liu mase!

Jero Mangku : yeh ade ape ne, adi merebat di pura

I Gede : Sinampura Jero Mangku, niki sane istri-istri ten dadi sabar nika

Gek Putri : yeeh jero mangku, ampurayang tiang sareng timpal tiang nggih jeto
Jero Mangku : Sing dadi merebat di pura ape buin iraga lakar ngayah ring ajeng Ida
Sesuhuan, patut medasar tulus ikhlas, yen sube keto sinah bagia kal tepuk, dingeh to ning

Dayu : Nah keto mase timpal-timpal tiang ajak mekejang, iraga yening sampun ngayah
pastika patut medasar baan ati ne tulus saling pekedek pakenyum, asah asih lan asuh yen sube
keto kelaksanayang gae ane baat sinah yiing kal jemak

Jero Keliang : Nah"suud malu monto jani mapan sube pade nawang, pragatang malu gae ne,
disubane pragat dadi sube mepamit

Ceritayang mangkin sampun ring Pujawali Pura Dalem, sami panjak tedun ngaturang bakti
ring linggih Ida Sesuhunan, taler krama sane ngayah dina ne sane sampun lintang mejalan
meiringan jagi ngaturang bakti ring Pura Dalem, suaran tetabuhan sane nganyudin hati,
suaran genta sane ngawinang taksu ring Pujawali menados siki. Punika prasida mewasta
jangkep ayah-ayah duwene, dumadak ida prasida maica kerahayuan.

Nama Kelompok:

1. Cokorda Istri Agung Putri Mahayani (01)

2. I Komang Giri Darmayasa (14)
3. I Putu Gede Bayu Giantara (19)
1. 4.I Wayan Angga Setiawan (22)
4. Ida Ayu Dwipayani (25)
5. Komang Hary Widiantari (28)
6. Ni Komang Oktavania Damayanti (36)