LITURGI III

BAGA BAGA
Prolog liturgi III : Lam dipatuduhon Debata do tu jolma i, holong dohot asi ni rohaNa, dipar
bagado haroro ni Sipalua laho paluahon jolma I sian ihotihot ni sibolis i.
Liturgi III.no 1 Nunga mandate roha ni bangso paimahon haluaon sian Debata, ai tarbuang
do bangso Israel ala ni dosana, masihol bangso Israelmulak tu bona pasogitna tu
huta Jerusalem, asa sumuang muse marsaor nasida di Bagasjoro. Sai hira na ditadinghon
Debata dopanghilalaan nasida, alanii maimaima do bangso i di haroro ni Mesias Sipalua i.
Liturgi III .no 2 Ro do Hata mi Debata tu Panurirang Jesaya mandok ; apuli, apuli hamu ma
bangsoKi, ninna Debatamuna. Hata apulapul ma dokhamu tu roha ni isi ni Jerusalem, jala
jouhon hamu ma tu nasida Nunga marujung parungkilonna, ai nunga salose dosana i,
ainunga dijalo sian tangan ni Jahowa silompit dua singkat ni saluhut dosana.
Liturgi III .no 3 Ro do Hata ni Debata tu panurirang Jesaya mandok : tung sura rara
dosamuna songon abit bunga dapdap, bontar do bahenonkusongon itak; nangpe rara
songon abit hasumba, gabe songon hapas do muse. Di ari na sasada i sogot, uli jala
marmulia tunas niJahowa, gabe huhut uli parbue ni tano i di angka na malua sian Israel.
Liturgi III .no 4 Ai ndada pingkiranKu, pingkiranmuna i, jala ndada dalanmuna angka
dalanKu, ninna Jahowa. Tagan diparpiar ni murukKuHutabunihon do bohingKu satongkin
maradophon ho, alai marhitehite denggan basa salelenglelengna asianKu ho, ninna
Jahowasipalua ho.
Liturgi III .no 5 Alai anggo ho huta Betlehem Eprata, mametmethu do ho nian anggo tung
pola jujuron tu angka huta marriburibu di Juda, hape sian ho do haroroan ni na
gabe panggomgomi ni Israel, jala angka haroroanna sian na hinan, sian angka ari na rodi
salelenglelengna.
Liturgi III .no 6 Ida ma, gabegabean ma sada na marbaju jala tumubuhon sada anak, jala
bahenonna goarna : Immanuel. Hehe ma ho,marsinondang ma ho, ai na ro ma
panondangmu, jala hamuliaon ni Jahowa binsar di atasmu. Alani pauli hamu dalan ni
Jahowa,patigor hamu di adaran dalan balobung ni Debata. Ingkon gohan do nasa rura,
jala parejeton nasa dolok dolok dohot buntulbuntul, jala gabe na hornop do na marnangkok
tuat, jala gabe rura tanggurung ni dolok.
Liturgi III .no 7 Ai nunga tubu di hita sada posoposo, dilehon tu hita sada Anak, pamper tu
abaraNado sogot harajaon, jala bahenonna goarNa :Sipartahi halongangan, siulubalang ni
Debata, Ama saleleng ni lelengna, Raja Hadameon.
Liturgi III .no 8 Alai jongjong anggo Ibana, jala marmahan mangasahon gogo ni Jahowa,
marhitehite hamuliaon ni goar ni Jahowa Debatana; jadi maringan ma nasida, ai timbul ma
ibana disi ro di angka ujung ni tano on. Amen.