Kang Sur, sadurunge aku njaluk pangapura merga isih saiki ana wektu nulis layang kanggo sliramu. Mugya ing wektu iki sliramu lan kaluwarga tansah pinaringan bagas waras sarta ayem tentrem saka Gusti Allah. Kang Sur, lumantar layang iki aku pengin ngomong yen mentas wae entuk musibah. Dina selasa, 27 Februari 2024 kepungkur simbahku saka ibu kapundhut. Kahanan iki ndadekake rencanaku nemoni sliramu ing Surakarta kapeksa dakundur dhisik kanggo sawetara wektu. Yen ora ana alangan, anggenku sanja menyang Surakarta ngenteni pitung dinane simbahku rampung dhisik. Muga-muga sliramu bisa mangerteni kahananku, saengga anggenku ngundur wektu iki ora nuwuhake rasa kuciwa ing atimu. Yen ora ana alangan, yen ora tengah sasi, kemungkinan pungkasane sasi Februari taun iki aku bakale menyang Surakarta nemoni sliramu kanggo ngrembug babagan wingi. Oh, iya, lumantar layang iki aku nyuwun tulung kabarana kancamu ‘sing kae’ ya! Tulung kabarana yen aku isih durung bisa nemoni dheweke jalaran ana musibah sing dakalami. Kang Sur, ngenani pesenanmu wingi wis dakgolekake lan wis kakumpul kabeh. Rencanane pesenanmu bakal dakcangking nalika aku menyang Surakarta. Dadi sliramu ora perlu sumelang maneh. Kang Sur, dakkira cukup semene dhisik layangku. Mugya aku lan sliramu tansah pinaringan umur kang dawa. Saengga Gusti ngijabahi lan paring kalodhangan kanggo awake dhewe sapatemon lan sapajagongan maneh. Wassalamu’alaikum warahmatullahi wabarakatuh