Bahan Sermon HKBP Ressort Hutabaru

Minggu, 11 Februari 2024 Minggu Estomihi

Evangelium: Markus 9:2-9
Epistel : Psalmen 50:1-6
Jesus Do Anak Ni Debata, Tangihon Hamu Ma Ibana
Yesus Anak Allah, Dengarkanlah Dia

Patujolo
Minggu Estomihi ima minggu na manggora hita paboa Debata do partanobatoan ta (Psalmen 25:6),
mangihut tu turpuk ta di minggu on, buku Markus 9 on patoranghon sada halongangan bolon didolok na
margoar “Dolok Tabor” 500 meter timbona sian laut. Ditogihon Jesus 3 sisean na laho mandongani Ibana laho
tu dolok i asa sian i ma angka sisean i marnida habonaron ni Jesus anak ni Debata dinalaho mamaritahon
namasai tu saluhut portibi on. Sisean na tolu i do gabe sada tim na secara tidak langsung dipilit Jesus gabe inti
di panghobasion na. Diida sisean ima muba rupa ni Jesus (ay. 2), hata ‘Muba’ dison gabe ondolan na sian
bahasa Yunani Metemorpothe namarlapatan tidak seperti yang kita kenal, mimbar sian na diboto angka sisean i,
ido umbahen ta tarhatotong sisean i marnida na masa i ala dang songon Jesus na saleleng on dibereng nasida
Jesus i.1 Marhite turpuk on do tong naeng dohonon ni Jesus secara tidak langsung bahwa Ibana do Debata, jala
tangkas doi disoarahon sian Surgo marhite ombun namangalinggomi sisean i uju didolok (ay. 7).

Hatorangan
Adong do pandohan ni halak batak songon on: Girgir Mananginangi, alai bangkol manghatahon.
Namarlapatan mai ingkon godangan jala torus, rajin, mangantusi pandohan, dungi pe baru dihatahon. Ido
umbahen torop hita mandok ditompa Debata jolma i dua sipareon timbang sada pamangan asa gumodang do
hita manangihon marimbang manghatahon. Marudut tu ayat papituhon tangkas do disi ruar hata ‘On do Anak
HaholonganHu, tangihon hamu ma Ibana!’, adong dua pangantusion na boi idaon ta dison ima, Tangihon
manang dengarkan boi doi dohonon ta sada perintah/parsuruon. Sada nari boi doi dohonon ta
ajakan/manogihon. Situasi on mambahen gombaran panoguon disisean i bahwa Jesus do Anak ni Debata, sada
proklamasi (Perintah_Ajakan) sian Debata Ama i sandiri. Ndada na asing na paluahon hita, tung holan Jesus
sandiri do. Turpuk on gomos manginformasihon tu saluhut halak, dang hata ninna tu ninna na Jesus anak ni
Debata, alai Debata sandiri do mandok, naso tupa adong nanggo saotik ganggu disi. Jesus do Anak haholongan
Na, asa mangolu hita dibagasan holong na sintong, jala tarpatupa hita do mangolu dibagasan holong I, molo
tutu hita manjanghon jala tutu hita mangolu dibagasan ibana.
Debata partanobatoanku (perlindunganku)_Estomihi tarpatupa i molo girgir hita manangihon, dalam
bahasa Ibrani mendengarkan manang tangihon pandohan na “Syama”- “Akouente” (molo di Yunani),
marlapatan Manangihon soara na niantusan jala Mangulahon pandohan hombar tu soara i. 2 Manangihon ima
puncak sian parsiajaran ni habisuhon boi doi taida sian kisah ni Raja Salomo sahalak na porsea ibana tu Debata,
jala sahalak na tongtong marpangusandean tu Debata. Haporseaon nisi salomo tu Debata mambahen ibana
dapotan habisuhon, ala nungnga jolo tangkas ibana manangihon hata I dohot parsuruon Na. Manangihon di
turpuk on dang gabe holan tangi sambing alai huhut di ingkon mangantusi. Di ayat 9 tangkas do didok disi
pesan ni Jesus dung turun Ibana rap dohot sisean Na “Dipopai ma nasida unang dipajojor na niida nasida i tu
halak, ia so jolo hehe Anak ni jolma i sian na mate” diantusi sisean ido pandohan i jala tangkas doi tarida ima
dung hehe Jesus sian na mate baru pe tarbarita ma Jesus Anak ni Debata na sintong dung i tarsurat do
hasintongan i gabe sada buku na badia manggombarhon kondisi dohot haporseaon uju i jala gabe panoguon tu
halak na porsea ganup generasi na mangihut, ima na gabe hasintongan na mangolu di halak Kristen. Segala
tulisan yang di ilhamkan Allah memang bermanfaat untuk mengajar, untuk menyatakan kesalahan, untuk
memperbaiki kelakuan dan untuk mendidik orang dalam kebenaran (2 Timotius 3:16).

Panimpuli
Sian turpuk Markus 9 on adong do pesan na naeng soarahonon na tu hita, unang gabe hohom hita dihata naung
tatangihon i, soarahon ma alai sai jolo tangkas ma jumolo dapot roha mangantusi angka situasi dohot namasa.
Asa unang gabe batu partuktuhan i tu hita di ujung na. Amen.

1
www.Academia.com: Ivana Kedah, Tafsiran Historis Kitab Markus, (BPK Gunung Mulia, 2018),hal. 183-192.
2
Aplikasi Kamus Alkitab.