DRAMA NATAL BIO_FUN NARATOR : siang ini bagitu panas,,, Tapi dari jauh su dapa lia bapa ucu

deng mama mery, ada bajalan tabingong-bingong for cari tampa istirahat, , , , , ..mau pi nginap sudara,,, tapi seng ada, barang dong dua baru datang dari jau,,,,, Bacari kasana,,,, Bacari kamari,,, Mar seng ada orang yang mau bantu bapa ucu deng mama mery Suet malele,,,, aer mata jua mau tatumpa,,, dong dua bajalang bakukele,,,, sio,,,, lia akang, kasiang lawang e

(BAPA UCU DENG MAMA MERY BAJALANG PUTAR PANGGUNG) MAMA MERY : ucu e,,, Beta suda paleng capeeee skali e, , , , beta suda seng kuat bajalang lhai ,,,,, BAPA UCU : mery,,, c musti kuat, deng percaya, , , sadiki lhai pasti ada orang yang bantu katong dapa tampa for menginap

NARATOR :

deng sisa tenaga , bapa deng mama nhe lanjut bajalang.

Tiba-tiba ada 2 mahasiswa yang lewat, , , , bapa ucu lalu panggel dong 2,, dengan harapan, dong 2 bisa bantu bapa ucu pung susah TAPI !!!!!!!!!!!!!!!!!!!!!!!!!!!!!!!!! (MAHASISWA MASUK,,,,, BAPA UCU TAHAN DONG 2) BAPA UCU : ade,,,, ade nyong dOng Bisa bantu bapa, ka seng????,,, bapa ada susah nhe Ade bapa pung maitua nhe mau melahirkan, tapi sampe skarang, bapa blom dapa tampa tinggal sementara e. ade bisa bantu bapa?? MAHASISWA 1 : adoohhh,,,,, bapa e, , , bapa nhe kira katong seng ada karja kha. tugas kuliah ada paleng banyak nhe. So menumpuk!!!!!!!! Kapala saki!!!!!!!!!! MAHASISWA 2 : We,,, c lama lawang.. capat sadiki ,,tugas-tugas deng laporan praktikum ada banya!! C mau dapa E, la tawar ulang kha???? Jang pastiu talalu.. kasi klar urusan sandiri sana dolo, baru pastiu deng orang laeng

MAHASISWA 1 : hmmm. Bapa so dengar thu,,, katong urusan jua ada lebe banya lhai, jadi bapa coba cari di tampa laeng jua . BAPA UCU : Ohhh.. ia ade, jang mara lhai om so ganggu..

NARATOR : deng perasaan kecewa dong 2 lalu lanjut bajalang.. Matahari so terbenam, galap mulai datang menyelimuti bumi rasa dingin mulai tatusu sampe ka tulang,,, mar siooooo.. Mama mery deng bapa ucu masih tetap bajalang. ditengah jalan, bapa ucu deng mama mery dapa lia ada ana-ana muda sakumpul yang so bagaya abis stel. Dong samua mau pi pesta,,, bapa ucu yang su bingung akhirnya pi ka dong lalu minta tolong.. (JUNED, TONY AND NINO DENG KAWAN LAIN DHA SANTAI/ NONGKRONG) BAPA UCU : bu- bu samua. Samua salamat malam, bu jang mara bapa so ganggu dong lhai,,,, ANA MUDA : slamat malam bapa ada apa thu..???? BAPA UCU : bu, beta deng maitua nhe dari siang so bacari tampa menginap , tapi, sampe jam bgina seng ada tampa satu lhai yang bisa katong tinggal mangkali ada diantara bu, dong nhe yang tau rumah kos kha penginapan kosong disekitar sini ?? atau mungkin katong bisa numpang nginap di bu dong rumah kha????? ANA MUDA : oww, bapa jang mara,, bapa nhe seng liat katong gaya bapake nhe kha??? Emangnya katong tampang anak kost-kostan kha???? Jang mara bapa .. katong tar tau,,,, coba pi cari tampa lk aeng di mana kha!!! BAPA UCU : ia ade nyong, jang kurang-kurang hati e, om permisi jua, dangke banya lai..

NARATOR : karna dapa biking macam bagitu bapa ucu deng mama mery nhe hati paleng kecewa manyasal . karna orang bae su susah dapa di bumi nhe. dalam hati, mama mery seng putus berdoa, supaya TUHAN buka orang-orang punya hati kacil for kasi dong tampa istirahat. Dari jaoh, bapa ucu ada liat,ada nyong-nyong duduk Bandar sopi, sebenarnya bapa ucu seng mau ambe resiko,, tapi karna;:: suda seng ada pilihan laeng, deng mama mery jua ,, muka su lia cape akhinya bapa ucu kasi brani diri for pi k orang-orang mabo nhe PEMABUK 1 : boss. Mau kamana???? bapa ucu : nyong-nyong permisi sadiki jua, om ada cari tampa penginapan,, kira-kara disekitar sini dong tau akang disablah mana lha???

PEMABUK 2 : Bapa makanya tanggung jawab sadiki par bini thu. PEMABUK 3 : HMMMM.tau akang??? Kalo so cari lalu seng dapa tampa tinggal.pi tidor di orang pung emperemper rumah saja.

SEMUA: HAHAHAHAAHAHAHAHAAHAHAHAHAHAHA Bapa ucu : ohh, ia bu dangke banyak lhai, jang mara so ganggu, , , , salamat malam.. NARATOR: kata-kata dari orang mabo thu, memang bikin bapa ucu deng mama meri hati manangis. karna sebenarnya bapa ucu seng ada maksud for kasi susah mama mery bapa ucu deng mama mery percaya kalo semuanya thu adalah cobaan dari ATAS. kali ini memang mama mery, batul-batul so paling cape,,akhinya mama mery tadudu di tanah manangis deng buang kata: Mama mery : sio ucu e mangkali su seng ada orang bae didunia lhai kappa e? jujur e, beta paleng cape skali. Bapa uchu: sabar saja merry , berdoa saja, pasti antua diatas nhe berkati ale deng ana yang ada d poro nhe

NARATOR: pas dong 2 ada dudu, tiba-tiba datang nona satuyang baru pulang ibadah.

Pemudi: slamat malam tanta omm, syalom ibu, ibu ada hamil kha??? Mama mery: syalom ,,,,,,,,,,,,,,ia nona e, tolong tanta jw, tanta so seng kuat lhai. pemudi: hi,,,, sio. Tantaa,,, ommm,,, mari datang tinggal di beta rumah saja, jang mara beta rumah nhe Cuma rumah busu-busu, tapi beta harap yang penting mama deng bapa bisa istirahat, tapi jang mara,di rumah kamar Cuma 1, baru beta mama jua ada saki. . . .jadi musti isttirahat di kamar,,, tapi ada 1 tampa kosong,,, mar itu jua itu gudang,,, zg apa kha bapa??? BAPA UCU:ia ade, seng pha dankee banyak lhai su mau tolong bapa deng mama. Semoga TUHAN, sllu menjaga dan melidungi ade nona deng keluarga e pemudi: ia bapa sama-sama,,, mari mama katong p. Akhirnya bapa ucu deng mama mery bisa tersenyum, , , karna ternyata BAPA disorga tetap jaga deng bantu dong pung susah. MODERATOR: seng rasa-rasa lhai katong samua so masu natal Juruslamat, YESUS KRISTUS su lahir.. !!!!!
APAKAH dong so samua so siap sambut antua datang deng hati yang tulus?

ATAU kha dong sambut antua sama deng salah satu karakter di drama tadi???? ORANG YANG Cuma mau pentingkan pekerjaan deng urusan pribadi DARIPADA kasi siap hati for menyambut natal ATAU???? ORANG YANG Cuma MENGUTAMAKAN KEKAYAAN Deng KESENANGAN sampe lupa makna natal yang sebenarnya???? ATAU BAHKAN YANG LEBe PARAH,.,.. orang yang paleng gampang tabisi iblis sampe-sampe TaJEBAK NAFSU DAN KEINGINAN DAGING, SEHINGGA sambut BAYI KRISTUS DENG MABUK-MABUKAN DAN PESTA PORA. SEMUA PILIHAN ITU ADA DI TANGAN dong samua,, dan jawabannya tasimpan di dong punya hati. HANYA 1 HARAPAN,, semoga di momen natal hari ini katong samua mau membuka diri deng SIAP DAN TULUS for MENYAMBUT KRISTUS DIDALAM HATI, for serTAI deng SENANTIASA MELINGKUPI katong punya hidup mulai dari sakarang nhe. SAMPAI MARANATHA