SISINDIRAN

ASSALAMUALAIKUM WR.WB.

Disamping teu disalempak

Kakuping tapi teu kompak

Teu kompak ah sakali deui......

ASSALAMUALAIKUM WR.WB.

Meli wedak cimareme

Kompak tapi henteu rame

Sakali deui ah....

ASSALAMUALAIKUM WR.WB.

Meuli bedak nu cap rusa

Kompak tapi bari kapaksa

Abi sareng rerencangan

Bade ngiring sisindiran

Sugan aya nu meneran

Hayu urang mimitian

Unggal dinten dijajamu

Pait na kabina-bina

Kudu getol nyiar elmu

Sanajan ka negri cina

Suluh-suluh di ragaji

Lauk cupang di dudutan

Jauh jauh indit ngaji

Datang datang kur nundutan

 Ka warung meuli katuncar

Sakalian meuli jahe

Mun budak kedul di ajar

Kaduhung ngke geus gede

Salila milu kadinya

Teangan manuk japati

Salila hirup di dunya

Teangan elmu pangarti

Mawa peti dina karung

Dit tumpangan ku karanjang

Pangarti teu beurat nanggung

Tapi manfaat na panjang

Ka pasar meuli ragaji

Ragaji na tinggal dua

Boga budak bisa ngaji

Nu re’eus pasti kolot na

Ulah pedah manuk puter

Awi gombong ti galunggung

Ulah pedah rasa pinter

Jadi sombong jeung adigung

Bubur kacang di wijenan

Mupu tomat di astana

Lamun hoyong di ajenan

Kudu hormat ka sasama

 Ulah pedah sari kaya

Kueh noga make danas

Ulah pedah jalma kaya

Nu teu boga di papanas

Nenden siwur luhur sumur

Nunda batok wadah gula

Ejeng batur kudu akur

Ulah osok parasea

Ka ema silaturahmi

Teu hilap nyandak seupaheun

Jalma nu aralus budi

Pasti loba nu resepeun

Lamun dayang dahar noga

Kudu daek nya meuli na

Lamun hayang asup sorga

Kudu getol nya solat na

Nu bodas manuk tikukur

Nu sok hiber na di luhur

Sakitu nu kapihatur

Neda di hapunten dulur

Wassalam.....