NASKAH DRAMA BASA SUNDA

JODO PAKOKOLOT

DISUSUN KU :
 AJENG NUR APRILIA
 FAIZ AKBAR ILYAS
 M. REZA NURFAUZAN
 SALMA AULIA ZAHRA
 SANIYYAH NAZIRAH FASHA
 SITI GHAIDA ULIDA RAHMAH
 YUMNA MAHARDIKA

MADRASAH ALIYAH NEGERI 1 KOTA BANDUNG

TAUN AJARAN 2018/2019
 JODO PAKOKOLOT

Enden Ratna Wulan : Ajeng Nur Aprilia

Raden Suria : Faiz Akbar Ilyas
Juragan Rangga Banjaransari : Yumna Mahardika
Bapana Enden : M.Reza Nurfauzan
Narator : Siti Ghaida Ulida Rahmah
Dukun : Salma Aulia Zahra
Budakna Enden Ratna : Saniyyah Nazirah

Enden Ratna : “akang, kumaha atuh si bapak teh naroskeun wae, iraha rek kawin teh
ceunah??”
Raden Suria : “Euhh da atuda kumaha deui neng, akang na oge can menang pagawean”
Enden Ratna : “Hmm, muhun atuh ari kitu mah”

(isukanna bapana ngungkit deui wae eta masalah kawin)

Bapana Enden : “Neng, kadieu heula. Bapa bade nyarios”

Enden Ratna : “Muhun pak, bade naros naon panginten?”
Bapana Enden : “Bapak teh gaduh rencangan, rencananna bapa sareng rencangan bapa rek
Ngajodokeun neng ka budakna, nyaeta Juragan Rangga Banjaransari. Manehna
Kasep tur gagah perkasa pisan. Ieu tingali heula potona”
Enden Ratna : “Wah muhun geuning pak kasep pisan, awakna ge meni keker kitu”
Bapana Enden : “Enjing rencangan bapa rek kadieu jeung budakna, keun bae nya?”
Enden Ratna : “Muhun pakk”
(tungtungna, enden ratna satuju manehna dikawinkeun ka pilihan bapana,sanajan manehna
masih bogoh ka raden suria, tapi manehna mutuskeun enggesan jeung raden suria.
tiba poe kawinna Enden jeung Jurangan Rannga. Ayeuna maranehna geus halal, sanajan di na
hatena Enden masih kaingetan Raden. Pas Raden apal kabar kawinna Enden jeung lalaki lain,
Raden teu narima pisan. Manehna nyampeuran dukun meh bisa ngarebut deui Enden)

Raden Suria : “Assalamualaikum madammmm!!!!!”

Dukun : “Waalaikumsalammmm, aya naon yeuh? Kaambeu masalah cinta ieu mah”
Raden Suria : “Enya damm, abdi teh ditinggal kawin ku kabogoh”
Dukun : “Ahh masalah gampang etamah, cokot we barang anu sok dipake ku eta
awewe”
Raden Suria : “Hmmm naonnya dam anu osok dipake tehh?”
Dukun : “Konde nu biasa dipapake sapopoe wehh”
Raden Suria : “Ohhhh siap dam, nuhunnyaa!”

(Raden Suria asup ka istana bari susurumputan. Pas nepi di hareupeun pintu kamarna Enden,
manehna ningali Enden jeung salakina keur bermesraan. Tuurna langsung laleuleus, hatena
geus teu paruguh, sirahna geus lalieur kabina-bina ningali Enden jeung lalaki lain. Tapi Raden
langsung sumanget deui da tujuanna oge meh manehna bisa babarengan deui jeung Enden)

Raden Suria : “Gustii ieu teh cobaan naon deui meni laleuleus kieu ningali si Enden jeung
lalaki lain tehh”

(Teu lila, Enden jeung salaki na rek indit. Ku lantaran kitu, ieu mangrupa waktu anu pas jang
Raden nyokot eta konde)

Raden Suria : “Tah geuning kaluar oge si neng jeung salakina..

Aduhh dimananya eta konde?? (bari neangan Konde)
Tahhh ieu geuning konde teh”
(Lainna geura indit, manehna ngadon cicing bari sura-seuri sorangan pedah kondena geus
kapanggih. Salakina Enden asup ka kamar pedah aya barang nu tinggaleun. Pas salakina
Enden asup ka kamar, manehna reuwas pisan ningali aya batur di kamarna)

Juragan Rangga : “Astagfirullah gusti nu agunggg!!! Saha siah maneh??”

Raden Suria : (Raden culang cileung kabingungan, manehna langsung indit lumpat bari
Nubruk Juragan Rangga nepi ka Juragan Rangga labuh)
Warga Istana : “Maliiiiiiiing!!!!!!!!! Maliiiiiiiiing!!!!!!!”

(Raden Suria katangkep ku pangawal, manehna dibawa ka kamarna Enden)

Enden Ratna : “Hah Raden? rek naon kadieu?”

Raden Suria : “Maneh mah jahat pisan siah Enden!! Maneh geus ninggalkeun urang”
Enden Ratna : “Lain kitu dennn”

(Pangawal langsung mawa Raden Suria ka bui)

Raden Suria : “Ahh gusti atuh abdi teh teu jadi deui wae menangkeun si Enden!!”

(Tiba saatna Raden Suria dibebaskeun ti bui. Ayeuna manehna geus bebas ti na hukuman,
tapi pas manehna balik ka istana karajaanna, manehna geus teu ditarima deui sabab geus
ngangengera karajaan manehna. Ayeuna Raden Suria milih indit ngasingkeun diri ka desa anu
jauh pisan.
Raden suria geus mangtaun taun cicing di eta desa nepika kolotna raden teu kawin kawin.
Ayeuna manehna ganti ngaran jadi bapa sura.
Hiji waktu, salakina enden ratna maot, manehna ninggalkeun enden ratna jeung hiji budak
awewe. Kubakat sedih, enden ratna jeung budak na milih hirup di desa nu bisa nenangkeun
hatena)
Enden Ratna : “Gustiii, hirup teh meni kieu kieu teuing. Ditinggalkeun ku salaki, nya budak
teh panyakitan. Kudu kumaha deui urang teh gustiii nu agung”
(torojol budakna bari ekspresina nu bungah pisan)
Budakna enden : “Mak, tadi neng ulin di bumina aki-aki, si aki teh bageur pisan sagala
diberekeun ka neng. Tapi ari neng nyungkeun manukna nu alus teu dipasihan,
meni neng teh hayang pisan manuk eta.”
Enden ratna : “Kumaha atuh nya, cing urang usahakeun ku emak.”

(Enden Ratna hayang jadi indung nu bisa ngabungahkeun budakna, itung itung ngagantikeun
rasa sono budak ka bapakna)

Enden ratna : “Kumaha atuhnya nyungkeunna, ah langsung weh ka imahna, coba coba we
Meunang milik”

(Enden Ratna nepi di imahna si Aki)

Enden Ratna : “Tok tok tok, Assalamualaikum. Punteuuuuun”

Bapa Suria : “Waalaikumsalam ( bari reuwas). Nutupkeun panto deui.
eh naha aya si Enden didieu, geus lila teu papanggih jeung manehna, geuning
geus kolot ayeunamah.”
Enden Ratna : “Eh aki-aki teh, kunaon nya?? Assalamualaikum”
Bapa Suria : “Waalaikumsalam mangga kalebet. (api-api teu wauh) bade aya naon?
Enden Ratna : “Punteun pak, pun anak anu sok ameng kadieu, etateh putra abdi, si eneng teh
hoyongeun pisan manuk titiran nu bapa, abdi teh teu tega mun teu
nyumponan teh, panyakitan si eneng teh.”
(raden surya ngomong na hate : oh budak eta gening budakna enden teh, atuh geus deukeut
jeung urang)

Bapa Suria : “Aduh kumaha nya, urang teh nyaah pisan ka manuk eta, ke we kadieu
 saminggu deui, piker piker heula”
Enden Ratna : “Muhun atuh, punteun kumawantun”

( saminggu geus kaliwat deui wae,

Enden ratna jeung budakna datang ka imahna bapa suria, salami ieu Enden Ratna teu apaleun
yen bapa sura teh raden suria kabogohna baheula)

Bapa Sura : “Mangga we candak ieu manuk titiran teh, abdimah ihlas”
Budak Enden : “Yeee nuhun nya akii”
Enden Ratna : “Hatur nuhun pisan pak, kersa masikeun ieu manuk”
Bapak Sura : “Enden, ai maneh teu ngenal ieu wajah??”
Enden Ratna : “Henteu, punteun panginten bapak teh sahanyaa? Wauh sareng abdi?”
Bapak Sura : “Ieu abdi, Raden Suria. Anu baheula ditinggal kawin tea”
Enden ratna : “Hahhh?!?! asli ieu a Suria? Masyaallah, meni kalinglap kieu teu nyangkii
ayeuna ditepangkeun deui jeung aa”
Bapa Sura : “Muhun, abdi mah terang timimiti Enden kadieu, ngan Enden teu wauh ka abdi,
meni sedih, abdi mah can kawin Enden mah geus boga budak sanajan ditinggal
maot ku salaki ge”

(singkat carita, Enden jeung Suria siling ngahampura Enden jeung Raden suria teh kawin da
maranehna ngarasa geus mangmeunangkeun jodona)

Bapa Sura : “Enden geningan urang teu jadi kawin baheula teh, ari geus jodo mah bakal
ngahiji, sanajan urang teh jodo pakokolot”
(Alhamdulillah. Enden ratna, budakna ,jeung raden suria hirup bagja salawasna)