Andai Gue Jadi Gubernur

#GubernurLuarANgkasa

opening pantun
Bang Markum Beli Sawi , beli Balon disosor Angsa
kenalin nih aye Kojek Rap Betawi , Calon Gubernur Luar Angkasa

Chorus

Andai Gue JAdi Gubernur Macet Banjir Bakalan Kabur

Andai Gue Jadi Gubernur Gak Ade Lagi yang kena Gusur

Verse 1
kalo gue jadi Gubernur gue siramin janji byar byur
muluk-muluk biar manjur nanggok suara biar nyayur
kalo gue jadi gubernur macet banjir bakalan kabur
masyarakatnye bakalan makmur kendaraan pade teratur

orang miskin gue datengin , janjiin kagak digusurin

kontrak politik gue jabanin , persetan nanti gue cipoain
gubernur kudu jago ngecap , kelar pemilu janjinye nguap
awalnye manis terlihat mantab ditagih ngamuk malah nyapnyap

back to chorus 1x

verse 2

semue tinggal pake kartu pendidikan jadi bermutu

gak ape langgar hak asasi yang penting gue gak korupsi
bakal bangun stadion megah klub bola bakalan jadi gagah
supporter biar pade sumringah kelar deh semue masalah
janji terus deh yang banyak ngomongin aje yang enak-enak
bikin Pulau duitnye banyak biar gue bisa tidur nyenyak
emang bener jadi Gubernur otak kudu beneran ancur
banyak duit pinter ngelantur yakin betul meskipun ngawur

bridge

pak pung pak mustofe si dule dirumenye

ade tepung ade kelape gule jawe ditengehnye
hidup bagai di uta raye banyak banget marabahaye
pasang kuping pasang mate awas lo kena tipu daye

back to chorus 2x

closing
ya namanye juga rakyat kecil cuman bisa mimpi udeh kenyang ame janji-janji