Sebagai Imbauan Ke Perantauan Untuk Membangun Nagari Rao-Rao
Oleh: H. Suardi Mahyuddin, SH. Dikutip dari buku Sejarah Perkembangan Nagari Rao-Rao Katitiran Di Ujuang Tunjuak. Hal. 214-217. Penerbit CV. Citatama Mandiri. Tahun 2002.
Katitiran Di Ujuang Tunjuak
Indak basarang indak batali Indak namuah tabang tinggi Dijadikan lambang untuk nagari
Kok lai maiyokan kato induek
Tandonyo kito lai sayang ka nagari Tinggakan kampuang jo anak bini Pai marantau mencari rezeki
Gadih Kumango babaju kuruang
Nan balapau di Baluka Panjang Manjua lamang jo nasi ragi Rasonyo manih marusak gigi
Ohoi urang rantau lakehlah pulang
Caliek rumah gadang alah teleang Kalau indak dibeki kito kan rugi Jiko ranggaek hiduik pasti manangi
Naik oto ka Batusangka
Taruih bajalan ka Lintau Buo Manggaleh lai tapi indak baraka Tandonyo kito indak urang Rao-Rao Bajalan jalan ka Panorama Singgah sabantah di Tabek Patah Pai merantau ka ibu kota Baru mulai karajo kanai pehaka
Limo tahun maninggakan nagari
Basusah payah mencari pitih Dapek makan tapi indak bagaji Labieh elok memangkue sawah bini
Batanam padi di Banda Gadang
Balado pulo di Batang kadok Ada makasuik rantau kapulang Tapi malu punggung indak basaok
Mandaki jalan durian basiku
Taruih kaateh jalan ka bukik Ka kida jalan kasurau subarang Kalau alah panueh pitih disaku Cubo infakkan ka masajik Supayo salamaik badan di subarang
Mandi di kulah masajik
Mangaji di surau luang Di tapi jalan bamain guli Kalau badan mulai sakik sakik Pabanyak lakukan sumbayang Untuk bakal dihari nanti Dulu murid sekolah Gudang Basambuang ka Bukittinggi Kini jadi rajo dinagari urang Dulu kito jarang pulang Kini pundi panuah barisi Mari kito pulang manyumbang
Surau Baru, Surau Subarang
Di tangah-tangah ado jambatan Sabalah suok kincieh jurutuli Oih sanak nan baru pulang Kok lai ado kasampatan Kami harok minta dibari
Urang Caniago basawah di Ikue Koto
Ateh Lago sawah urang Bodi Ohoi urang rantau nan baru tibo Kalau pai jaan lupo tinggakan piti.
Lamak lamang makan jo tapai
Panganan nan mudo-mudo Tanah pusako jaan dijua gadai Malangga adaik badan binaso.