1.

0 Pemuka

Nembiak ba sekula diajar nguasa pengelandik mending enggau bejaku dikena belajarka
siti-siti pekara. (Muhammad, 2011). Nitihka Turai Pelajar Jaku Iban Sekula Sekondari
(2001), pengelandik mending dikena ngansah pemintar nembiak mending enggau silik.
Berindik ari nya, pengelandik mending mai reti pengulih mensia belematika utai ti didinga
dalam situasyen ti bekaul enggau bejaku. Nya alai, nengah proses mending, nembiak
deka bulih penerang ke beguna dikena meretika pekara baru sereta ulih ngenataika
komunikasyen ti semitan. Kelimpah ari nya, pengelandik bejaku mega besangkut-paut
enggau pengelandik mending. Nitihka penemu Chemaline (2011), pengelandik bejaku
nya siti operasyen mental dikena siku-siku mensia ngambika ulih meri respon ngagai
peransang. Nya alai, pengajar patut ngembuan teknik, langkah rapat enggau ripih jalai
dikena mantu nembiak ngemansangka pengelandik mending enggau bejaku dalam
belajarka siti-siti pekara.

2.0 Langkah Rapat ngajar pengelandik mending enggau bejaku.

Nitihka Kamus Dewan (1998), langkah rapat iya nya chara ti dikena ngepunka siti-siti
pengawa. Nya alai, langkah rapat dikena ngajar pengelandik mending enggau bejaku iya
nya langkah rapat situesyen. Langkah rapat tu bepelasarka teori struktural enggau teori
belajar behavioris ti madahka siku-siku orang mesti nguasa pengelandik ngingat enggau
pengelandik ngemunyika leka jaku sebedau nguasa pengelandik bejaku. Nya alai,
pengajar mesti ngembing nembiak nyebut leka jaku ngambika nembiak nyebut leka jaku
enggau betul. Ambika chunto, pengajar nyebut dulu leka jaku ti bisi glotis dalam jaku
iban baka ‘duku’ ‘palu’, ‘raga’ enggau ti bukai lalu nembiak niru chara pengajar nyebut
leka jaku nya enggau betul. Nembiak ti bisi penanggul nyebut leka jaku nya deka nyebut
leka jaku nya baru. Nya alai, pengelebih langkah rapat tu iya nya nembiak deka nyebut
leka jaku enggau betul sereta ulih ngingatka pekara ti dipelajar lalu ulih ngelatih
pengelandik mending lebuh sida ningaka pengajar nyebut munyi lalu ngelatih
pengelandik bejaku maya ngemunyika siti-siti leka jaku.

3.0 Ripih Jalai ngajar pengelandik mending enggau bejaku.

Nitihka penemu Sharifah (1986), ripih jalai iya nya tuju pelajar ti udah diperambu enggau
silik. Ripih jalai ti dikena ngajar pengelandik mending enggau bejaku iya nya ripih jalai
audio-lingual. Ba ripih jalai tu, pengajar ngena kereban audio, video, pita perakam
enggau ti bukai lebuh ngajar ngambika nembiak ulih nguasa pengelandik mending

1
 enggau bejaku. Chunto iya, nembiak meda klip video dulu ngambika nembiak ulih ninga
pekara ti dipelajarka. Sepengudah mendingka video nya, nembiak dilatih nyebut leka
jaku, frasa, ayat enggau intonasyen ti engkeman dilatih berandau enggau pangan diri
senentang pekara ti udah didinga. Pengelebih ripih jalai audio-lingual iya nya nembiak
deka jampat nguasa pengelandik mending enggau bejaku laban sida rindu niru utai ti
didinga ba kereban audio.

4.0 Teknik ngajar pengelandik mending enggau bejaku.

Nitihka penemu Kamarudin engga Siti Hajar (1997), teknik tu iya nya chara ngatur siti
organisasi ti amat nyadi dalam kelas dikena nyapai objektif pelajar. Teknik tu mega
dikena ngadaka komunikasyen antara pengajar enggau nembiak. (Nsha, 2012). Nya
alai, teknik ti engkeman dikena pengajar ngajar iya nya teknik betanya saut. Ngena
teknik tu, pengajar meri tanya ngagai nembiak lalu nembiak nyaut tanya nya tadi.
Kelimpah ari nya, nembiak mesti ditarak enggau tanya ti mudah sereta engkeman
enggau pekara ti dipelajar. Ambika chunto, pengajar nyendiaka kereban video ngambika
nembiak ulih mendingka video nya. Udah nya, pengajar betanya saut enggau nembiak
senentang video ti udah dipeda sida. Ba pekara tu pengajar deka nemu tikas pengulih
jaku nembiak lalu pengajar ulih nyungkak pikir nembiak ti kreatif, inovatif sereta kritis ba
nembiak. Pengelebih teknik tu iya nya nembiak ulih nanya ngagai pengajar senentang
pekara ti enda ditemu sida. Kelimpah ari nya, pengajar mega deka nemu pengurang ba
siku-siku nembiak.

5.0 Perambu aktiviti ngajar pengelandik mending enggau bejaku jaku Iban.

Aktiviti

Objektif aktiviti :

Nembiak ulih madahka chara nyaga pemeresi rampa menua

Kereban bantu belajar :

Klip video

Lambar kereja latih

Teknik:

2
Betanya Saut

Ripih Aktiviti

Set induksyen 1. Nembiak dibagi ngagai raban mit iya nya lima iku dalam siti
raban.
2. Pengajar mantai video bekaul enggau chara nyaga pemeresi
rampa menua (set induksyen).
3. Nembiak diasuh meratika video nya lalu pengajar madahka
nembiak nama mesej ke dipadahka video nya. (chara nyaga
pemeresi rampa menua)
Ripih 1 4. Udah nya, nembiak diberi lambar kereja lalu sida berandau
dalam raban. Sida berandau enggau pangan diri lalu nulis
dalam kertas senentang idea siku-siku bekaul enggau gambar
ke diberi.
5. Tiap iku pengari raban deka madahka lalu nyerita gambar ti
udah ditisih sida ngagai bala raban ke bukai dalam kelas.
Ripih 2 6. Tembu aktiviti nya, pengajar lalu mantaika video bekaul
enggau chara nyaga pemeresi rampa menua seraya nembiak
lalu meratika video nya.
7. Nembiak ditanya senentang video ke udah dipeda sida lalu
madahka nama ke deka dipadah dalam video nya (Pengajar
betanya saut enggau nembiak).
8. Siku nembiak dipilih ari tiap raban lalu milih video ke dikedeka
sida.
9. Nembiak ke bukai lalu madah sereta nyerita utai ti bekaul
enggau video nya. Seraya nya, pengajar deka ngembing
nembiak nyaut tanya ke diberi.
10. Ba ujung pelajar, nembiak diberi lambar pengawa bekaul
enggau topik ke diajar.
Penutup 11. Kepenudi, nembiak dipinta nyelampur isi pelajar maya nya.
(Kena nemu tikas pemereti nembiak dalam topik diajar maya
nya)

3
6.0 Simpul Penemu

Pengelandik mending enggau bejaku tu deka ngemudahka interaksyen, belajar sechara

kolaboratif sereta ulih meri fokus ngagai rampa pengelandik jaku ke bukai. Nembiak
patut seruran ngemansangka pengelandik mending enggau bejaku ngambika sida
meretika konsep ti deka dipelajarka. Langkah rapat situasi, ripih jalai audio-lingual
enggau teknik betanya saut beguna bendar dikena ngemansangka pengelandik
nembiak bejaku enggau mending. Nya alai, pengajar patut ngena teknik, langkah rapat
enggau ripih jalai ke betul maya ngajar nembiak dalam kelas. Pengajar patut ngiring
nembiak meretika mayuh bengkah teks jaku ke dipendingka ari kereban audio enggau
teks visual ngambika mantu nembiak ngemansangka pengelandik mending enggau
silik.