Nama : Ni Wayan Cening Setiari Gayatri

No : 31
Kelas : XII MIPA 1   

Ngelestariang Basa Bali

Bapak lan Ibu guru, sane dahat suksemayang titiang. Para sisya-sisya SMA N 1 Gianyar
sane banget tresnasihin titiang, sadurung titiang matur amatra, pinih riin ngiring sareng-sareng
ngastiti bhakti ring Ida Sang Hyang Widhi Wasa, majalaran antuk nguncarang panganjali umat.
“Om Swastyastu”.
Mogi-mogi sangkaning pasuecan lan asung kertha wara nugraha Ida, prasida tityang
ngiring Ida dane sareng sami ngamangguhang karahayuan lan kerahajengan jagat. Ring genah
lan galahe sane becik puniki, lugrayang tityang matur amatra sane mamurda ”Ngelestariang Basa
Bali”.
Para sisia sane tresnain titiang sinamian, sekadi sane sampun lumrah kaanggen babaosan
ring jagat Bali. Yening Indonesia madue basa nasional, inggih punika Basa Indonesia, ring
daerah wenten basa daerah upami Basa Jawi, Basa Sunda, Basa Sasak, Basa Bali muah sane
lianan. Dadosne Basa Bali punika marupa basa penunjang kebudayaan Bali. Nika mawinan Basa
Bali druwene patut kalestariang mangda ajeg ring jagat Baline. Pitakene mangkin, sapasira  patut
ngajegan Basa Baline punika? Pangawisne, iraga sareng sami; rauh ring para sisia, ritatkala
sajeroning yadnya, Pitra yadnya utawi manusa yadnya sampun lumrah ngangge  Basa Bali. Taler
ring pasangkepan, ring pasar utawi ring marga sampun taler lumrah ngangge Basa Bali. Yening
mangkin sapunapi ring sekolah?, sampun ke iraga sareng sami seneng tur lumrah ngaraos
ngangge Basa Bali?,yening durung ngiring kawitin saking mangkin mabaos ngangge Basa Bali.
Sampunang marasa kimud, “ ngarasa sisia saking desa, yening iraga ngaraos ngangge basa Bali.
Patut taler kaangkenin sawireh iraga marupa sisia maduluran jagat Bali punika marupa
daerah pariwisata, pastika iraga patut malajah basa sane lianan upami basa Inggris, Prancis,
Jepang, utawi sane lianan. Sakewanten iraga nenten dados lali unduk basa pedidi, inggih punika
Basa Bali. Apang Basa Baline tusing punah. Ngiring mangkin iraga sareng sami malajah Basa
Bali, bisa ngaryanin tulisan, marupa puisi, cerpen, pantun lan  nyarengin kesenian sane ngangge
Basa Bali apang anak lenen demen lan kayun malajah basa Iragane.
 Ida-dane miwah sameton sami sane banget kusumayang titiang, Kadi asapunika titiang
prasida matur-atur ring galahe sane becik puniki, mogi-mogi wenten pikonohipun. Ring
wesananing atur, banget titiang nglungsur geng rena pengampura pet wenten atur titiang sane
nenten munggah ring arsa. Matur suksma antuk ring uratian ida-dane sinamian, Pinaka
panguntat, puputang titiang antuk parama santih.

”Om Santih, Santih, Santih, Om”