NAMA : RAUDATUL JANNAH

Anak saluang si anak sapat

Timbul tinggalam banyalam-nyalam
Amun kita hanyar badapat
Badahulu kita maucap salam

Assalamualaikum Wr.Wb
Kanalakan ngaran ulun Raudatul Jannah
kiaw haja ulun atul
ulun badiam parak jalan tul
saban kamarian ulun mamintul

Pertama-tama ulun handak batarima kasih dulu gasan nang hakun manuntun vidio ulun ni
Barang nang satumat apalagi nang sampai tuntung
Minta ijin ulun handak bakisah
Jadi jaman wayah ini, ada kakanakan nang ngarannya atun,
atun nih katuju main tik tok,
gawiannya bajogit-jogit kada karuan di muka hapi saban susubuhanan saaaampai kamarian,
lagunya tiap hari nangitu-ngitu pang, asa muyak jua mandangar wan malihat,

Sasakali ditagur kakanya ai nang bangaran aluh itun

Ujar aluh itun
Maurak tikar di palatar
Tikar purun diulah lapik
Piragah harat piragah pintar
Nitu parigal yang kada baik

Aluh itun : uuuu atun ikam kada lapah kah bejogit-jogit tiap hari kada karuan tampuh,
Atun : naaaaaah urang rami di tik tok yetii bejogit jogit supaya viral nyaman masuk tipi
Aluh itun : umaalahhh, kadada manfaatnya lalu kam nih gawian jogit-jogit kaitu daripada
kahandakannya piral
Atun : dimana kada karuan tampuhnya, orang jugitan ulun haja harat nah
Aluh itun : sini ku padahi jaka ikam manari ha, baik pakai tik tok tu dimanfaat akan sagan
manganal akan kasanian kita nih.balajar haja kalu kesenian, nangapa haja tih tarian banjar ?
Atun : uuhhh ampar-ampar pisang kalu, bisa bnar ulun nituh
Aluh itun : naaah adingku nih, maka sakulah kada tahu lih di tarian, nangitu ngarannya lagu
lain tarian. Sini ku kisah akan tarian baksa kambang

Sejarahnya tari baksa kembang nih mangisahakan tentang putri-putri keraton nang bamainan
di taman kambang, bubuhan putri mamutik kambang lalu merangkainya imbahitu dibawa menari
gemulai sambil basanang sanang. Mangkanya di ngarani tari baksa kambang, baksa nang artinya
kelembutan, kanapa ngaran pamulaannya baksa ? karena baksa ngitu tarian nang berkembang di
lingkungan keraton, cuntuhnya nang kaya baksa kambang tiih, baksa panah wan baksa dadap. Kita
sabagai urang banjar musti tahu budaya banjar jangan handak uumpatan urang di tik tok nang kada
kakaruan.
Tari baksa ngini rancak dipakai sagan menyambut tamu, tariannya gemulai lambut nang
sasuai lawan ciri khas urang banjar pabila menyambut tamu pun harus ramah tamah wan lembut.
Tarian nya di umpati musik gamelan mamakai lagu Ayakan wan Janklong atau Kambang Muni.
Panarinya memakai mahkota gajah gemuling nang ditatah kambang goyang, sapasang
kambang bogam baukuran halus nang di andak di mahkota lawan untaian nyiur anum bangaran
halilipan, bagalang, beanting rumbai, sampur, kida-kida, wan tapih air gaci nang bamacam macam
warna mulai dari biru kahirangan nang artinya kedalaman, hijau tuha nang artinya kasuburan wan
habang nang artinya kabaranian. Jua mamakai kambang kuntil, melati wan kenanga.

Atun : ooohhhh kaitu lih kisahnya,, lajari am dimapa gerakannya

Aluh itun : naah un cuntuh akn.... (sedikit tarian)
Paham ja kalu sudah, jangan lagi di gawi betik tok nang kada karuan, janji lah?
Atun : inggih, mulai wayah ini kada lagi ulun kaitu, ulun akan balajar manari sgagan di tampil akn di
tik tok supaya orang tahu budaya ulun wan ulun kawa melestarikannya lewat tiktok.
Tulak meunjun tulak mambanjur
Dapat kalabaw dapat hundang
Amun bajanji bjur-bujur
Janji nitu ibarat hutang
Sakian kisah dari ulun, mudah-mudahan apa nang un sampai akn bisa buhan pian tarima wan di
ambil manfaatnya . Ulun ucapkan tarima kasih. Wassalamualaikum wr.wb