Assalamu’alaikum Warahmatullah Wabarakatu

Nama : Dewi Sartika Simatupang

Nim : 2014080011
B. Study : Islam Dan Budaya Minangkabau

RESUME
Adat Basandi Syarak
Syarak Basandi Kitabullah (ABS – SBS)

Pinang masak bungo bakarang

Timpo batimpo saleronyo
Jatuah baserak daun sungkai
Tiang batagak sandi dalang
Kokoh-mangkokoh kaduonyo
Adaik jo syarak takkan bacarai

A. Lahirnyo Pepatah Adaik Basandi Syarak, Syarak Basandi Kitabullah (ABS-SBK)

Manuruik Hamka dalam bukunyo : Islam dan Adat Minangkabau, Minangkabau alah
panah manampuah zaman kebesaran jo kejayaan samaso 500 atau 600 tahun nan lalu.
Dalam tahun 1286 M, Baginda Maharaja Kertanegara mangirimkan patuang Budha ka
Minangkabau sabagai tando perhubungannyo dengan rajo-rajo keturunan jawa tu. Di
Pariaman tajadi parabuikan kekuasoan Portugis jo Aceh, jo di zaman Iskandar Mudo
nan mulai mamarintah tahun 1604 M, tajadi perebutan pangaruah nan hebat. Basamoan
jo serangan politik, Aceh mambawo juo penyiaran agamo islam.
Duo paham batantangan pado maso iko, yaitu paham Syekh Abdurrauf jo Nuruddin
Arraniri nan mempertankan kan paham Ahlissunnah, Waihdatussyuhud nan
manyatokan, bahsonyo alam tu bakeh kuaso Tuhan. Jo paham Hamzah Al Fanshuri jo
Syamsuddin As Samatrani nan bapaham Wihdatul Wujud , beriktikad bahsonyo alam tu
adolah sabagian daripado Tuhan, laksana buiah lautan tu sabagian daripado ombak.
Murid Abdurrauf tibo ka Minangkabau, batampekan di Ulakan Pariaman, banamo
Burhanuddin, karano mandanga bahsonyo pangikuik Hamzah Fanshuri alah masuak
pulo ka Minangkabau jo mimiliah Cangkiang sabagai pusatnyo.
Pado waktu iko tibolah gerakan baru nan sangaik hebat, nan mulo-mulo manggoncang
batu sandi adat istiadat, dengan datangnyo kaum Paderi dari Makkah di bawah pimpinan
Haji Miskin di Pandai sikek. Mereka alah malihaik kekerasan beragamo nan digerakkan
kaum Wahabi di tanah Arab. Urang Wahabi di tanah Arab mamandang urang nan indak
sapaham jo inyo sabagai musuah, walaupun samo-samo islam. Sabab ka-Islaman
mereka hanyo tingga namo sajo, lantaran mereka alah memperserikatan Tuhan jo nan
lain. Kaum Padri mamandang ndak ado tando-tando islam nan hiduik, rajo-rajo masih
mancampuakan upacara Hindhu dan Islam. Guru – guru agamo masih berkhidmat
kapado kuburan urang nan dianggap keramat dan pamuda masih mangadu ayam.
Efek dari katidaksanangan tahadap tradisi Minangkabau nan banyak menganut tradisi
nan bertentangan jo islam, mako tajadilah perang Paderi. Dengan jatuahnyo Bonjol,
banyak parubahan tajadi di Minangkabau. Islam alah dapek manambuih suasano baru.

1
 Kaum adaik manambah jo mamasuakan anasir Islam ka dalam adaik, sahinggo timbua
pepatah adaik: ‘’Syarak nan mengata, adat nan mamakai’’
Manuruik darwis Tahaib Dt. Sidi Bandaro, di antaro kaputusan-kaputusan nan diambiak
dalam Kerapaikan Luhak nan Tigo, ado ciek nan amaik penting, yaitu keputusan rapaik
pangulu-pangulu jo alim ulama nan di Bukik Marapalam Batusangka. Kaputuihan tu
terkenal jo namo Piagam Bukik Marapalam, yaitu: Adaik Bapaneh Syarak Balinduang,
Syarak Mangato Adat Mamakai. Kasimpulan piagam tu kamudian terkenal dengan :
Adaik dan Syarak Sanda Manyanda. Ado juo diringkaihan manjadi : Adaik Basandi
Syarak.
Piagam Bukik Marapalam nan manjadi hasil keputusan rapaik urang Tigo Luhak kiro-
kiro di permuloan abaik ka-19 M tu, manjadi amaik penting, karano pado waktu tu
dapaik mangatasi kasulitan nan tajadi dalam nagari, karano sabalumnyo panah tajadi
pergeseran. Isinyo indak sajo dapek mangatasi kesulitan, tetapi dapek mancapai
kaserasian antaro adaik dan syarak. Sacaro positif malalui hikmat kabijaksanaan.
Piagam Bukik Marapalam tu dinyatokan dalam kato-kato petitinyo :
Alah bakarih samparono; Bingkisan Rajo Majopahik;
Tuah Basabab Bakarano; Pandai Batenggang di nan rumik;
Tajam alah calakpun ado; tingga dibawo manyampaikan;
Adat alah syarak pun ado; tingga di awak mamakaikan.

Berdasarkan uraian nan di ateh sacaro kasaluruhan mako dapek diambiak

kasimpulan :

1. Sabalum masuaknyo agamo Islam ka Minangkabau, masyarakatnyo alah hiduik

taratur jo manggunakan hukum satu-satunyo, yaitu hukum adaik. Jiko adaik
diibaraikkan sabagai mamak rumah, mako syarak diibaraikkan sabagai urang
sumando;
2. Awalnyo agamo Islam disiarkan ka Minangkabau dengan caro damai, seperti
nan dilakukan pado zaman nabi
3. Pado awal abad ka 19 M, masuak ajaran kaum Wahabi nan manyatokan
bahsonyo urang nan indak melaksanakan syarak sacaro kakaluruhan adolah kafir
dan buliah diperangi. Ajaran ko manimbulkan konflik besar-besaran ddi
Minangkabau, sahinggo syarak dapek diibaratkan sabagai sumando kacang
miang
4. Lahirnyo Papatah Adat Basandi Syarak yang dikenal sabagai Piagam Bukik
Marapalam marupokan kaputusan yang amaik penting, karano mampu
manyalasaian konflik gadang nan tajadi sabalumnyo, sahinggo manjadi Undang-
undang Luhak nan haruih dilaksanakan di saluruah Minangkabau, dan
manjadikan syarak sabagai sumando niniak mamak.

B. Adaik Nan Qawi, Syarak Nan Lazim

Masyarakaik Minang adolah salah satu suku bangsa nan kahidupannyo indak bisa
dipisahkan jo Islam. Alah manjadikayakinan bahsonyo ‘’Jiko kalua dari Islam bararti
alah kalua dari adaik Minangkabau’’. Jiko ado urang Minang nan kalua dari Islam mako
sacaro sosial inyo alah tabuang dari Minangkabau. Dari waktu ka waktu, tampak
masyarakaik Minang salalu barusaho untuak manyasuaikan diri jo tradisi dan syari’at

2
ka-Islaman. Upayo iko alah dimulai sajak Islam masuak ka ranah Minang. Pasasuaian
tasabuik awalnyo tajadi sacaro batahap, katiko Islam mulai masuak dari wilayah Pasisia
(rantau) ka daerah padalaman (darek). Dalam sastra Minang, hal nan damikian iko
digambarkan dalam papatah : Syarak Mandaki, Adaik manurun, adaik dibao turun,
syarak dibao naiak. Kito mayakini bahsonyo adaik dengan sandirinyo manganduang
nilai-nilai hukum alam (Sunnatullah), jo karnonyo indak buliah batentangan jo Islam. Jo
kito juo meyakini bahsonyo di dalam sistem sosial kemasyarakaitan kito, Islam jo adaik
alah terintegrasi dengan baiak. Hal iko tampak dalam adagium Adat Basandi Syarak,
Syarak Basandi Kitabullah (ABS-SBK).
Untuak mawujuikannyo, muncul barbagai interpretasi barupo pepatah-petitih
mengiringinyo nan diciptakan oleh cadiak-pandai kito dulu, samacam TOR lisan, seperti
: syarak mandaki, adaik manurun; syarak mangato, adaik mamakai; syarak babuhua
mati, adaik babuhua sentak, syarak balinduangan, adaik bapaneh; dan adaik
basisampiang, syarak batilanjang. Adaik nan Kawi, Syarak nan lazim.
Syarak mandaki, adaik manurun, artinyo adolah; Bahwa Islam dahulunyo barasal dan
dikambangkan oleh para da’i dari daerah pasisiran pantai lalu mandaki ka darek, ka
wilayah-wilayah padalaman Minangkabau. Sadangkan ajaran adaik dahulunyo barasal
dari darek kamudian bakambang manurun ka daerah rantau sapanjang pasisiran pantai di
alam Minangkabau. Jo dapek juo bararti bahwa Islam dapek manjadi tinggi dan mampu
mangatasi barbagai urang nan manentangnyo. Sadngkan adaik bisa manjadi randah,
manyasuaikan diri manghadapi pargolakan masa.
Kamudian syarak mangato, adaik mamakai, artinyo adolah bahwa; sagalo bantuak
ajaran agamo, khususnyo nan bersumber dari al-Qur’an dan Hadist Nabi diterapkan
malaluik adaik. Salanjuiknyo syarak babuhua mati, adaik babuhua sentak, artinyo
bahwa: Sagalo aturan syarak indak bisa ditawar-tawar, apo nan dihukumkan emang
seperti itulah diamalkan apo adonyo. Sadangkan aturan-aturan adaik bisa sajo
dimusyawarahan sasuai jo situasi, kondisi jo keadaan nan mampangaruhinyo.
Syarak balinduang, adaik bapaneh artinyo adolah; Adaik bagaikan tubuah, syarak adalah
sabagai jiwanyo. Antaro tubuah dan jiwa indak bisa dipisahan antaro satu samo lain.
Adaik basisampiang, adat batilanjang, artinyo Hukum syarak disampaian dengan tegas
dan tarang, sadangkan perakara-perkara adaik disampaikan jo gaya bahaso
manyampiang atau maleriang.
Adaik yang Kawi, Syarak yang Lazim; artinyo adolah; adaik ndak akan tagak jiko indak
ditaguahkan oleh Agamo, sadangkan agamo sandiri indak akan bajalan jiko indak
dilazimkan atau ditarapkan malalui praktek adaik. Kito urang Minangkabau sangaik
kuaik mamaluak islam dan tetap taguah mampartahankan adaik, sahinggo urang lua
mangakui bahwasanyo hubungan Islam jo adaik di Minangkabau emang sangaik
kompleks. Dalam hal-hal tartentu kadang tampak batentangan, namun malalui proses
pengintegrasian akhirnyo berhasil disasuaikan sahinggo salaras manjadi sabuah
kasatuan sistem secara utuah.
Misalnyo sajo tantang hubuangan kakarabatan di Minangkabau nan sacaro adaik
basifaik materilineal (hubungan ka ibu), sadangkan di sisi nan lain kito juo
mangamalkan sistem kekeluargaan Islam nan mamparlihaikan sifat patrilineal
(hubungan ka bapak). Iko indak balawanan, bukanlah bagai malam jo siang, dan indak

3
 pulo seperti iyo dengan tido. Tatapi tetap bernashab dari garih katurunan darah Ayah
serta tatok mampaarek hubuangan kekeluargaan jo tali hubuangan kaluarga ibu.
Bukankah iko sangaik baiak sabagai parluasan hubuangan parsaudaraan dan
silaturrahim.

C. Syarak Mangato, Adaik Mamakai

‘’Adaik Basandi Syara’, Syara’ Basandi Kitabullah, Syara Mangato Adaiak Mamakai’’.
Bagitulah bunyinyo filosofi Minang nan tak asiang lai di talingo masyarakaik Minang.
Maksudnyo adolah, Adaik suatu daerah harus sasuai jo aturan Syara atau Syari’at.
Adaik indak buliah batentangan jo syara’ yang sumbernyo adolah Kitab Allah yakni Al-
Qur’an. Sagalo yang diparintahan dek syara’, haruih diterapkan dalam adaik-istiadaik.
Artinyo, adaik basumber dari Syara, yang mano adaik digunoan untuak mangatua tata
hiduik dalam suatu daerah. Artinyo adaik manuntutuik supayo masyarakaik suatu daerah
mampunyoi tatakrama nan elok, caro barinteraksi nan santun dan sopan, dan caro
basikap dan batindak nan batua. Namun sampai dima implementasinyo dari papatah iko,
ikolah nan paralu awak pertanyakan. Apokah iyo adonyo ‘’Syara Mangato Adaik
Mamakai?’’ itu alah manjadi sikap nyato dalam kahidupan urang Minang? Jawaban
partanyoan ko, tak jauah dari duo asumsi.
Asumsi partamo bahwa Syara Mangato Adat Mamakai, dapek diimplemestasikan dek
urang nan paham agamo, tau jo Syara’ (Syariat) dan mangarati jo Adaik nan sabananyo
Adaik. Maka agamo adolah kunci utamo bagi seseorang untuak mamakai adaiak. Urang
nan mangarati agamo InsyaAllah inyo akan beradaiak, tetapi urang nan baradaiak alum
tantu paham jo agamo. Seterusnyo, urang nan mangamalkan agamo, InsyaAllah inyo
akan baradaiak. Sabaliknyo, urang yang indak mangamalkan agamo, bagaimano
mungkin inyo akan mamakai adaik sacaro batua. Karano agamo alah mangatua tantang
adaiak istiadaiak. Jadi dalam kato Syara’ Mangato Adaiak Mamakai ado tigo unsur nan
harus diparhatian olah masyarakaiak Minang, yaitu :
1. Paham Agamo
Agamo yakni Islam. Satiok manusia butuah kapado Islam. Karano Islam
manjamin kaselamatan dan kesejahteraan hiduik di dunia dan di akhiraik. Mako
satiok manusia dituntuik wajib untuak manuntuik ilmu-ilmu tentang ka-Islaman.
Ilmu aqidah marupokan hal nan sangaik penting untuak dipelajari oleh manusia.
Akidah nan batua akan mambawo manusia kapado jalan kebebnaran pulo.
Akidah yang indak batua akan tajadi penyimpangan-penyimpangan dalam
baragam jo baperilaku. Aqidah adolah pondasi tagaknyo islam yang terpadu
dalam rukun iman yang anam. Ibadah-ibadah nan alah ditantuan dek syara’ nan
terpadu dalam Rukun Islam yang limo adolah tiang tagaknyo Islam sacaro
kokoh. Al-Qur’an dan As-Sunnah adolah payuang atau atok nan akan manjago
murninyo Aqidah jo batuanyo Ibadah.
2. Tahu Syari’at
Syari’at yakni sagalo aturan dan hukum-hukum nan tadapek di dalam agamo
Islam yang basumber dari Al-Qur’an dan As-Sunnah. Manjalanjan Syari’at
sacaro batua marupokan kunci dari sagalo pintu kebaikan. Adaik juo manantuan
kito kapado kebaikan. Namun tanpa syari’at, adaiak indak bisa dibuek-buek

4
 bagitu sajo. Al-Qur’an dan As-Sunnah nan marupokan sumber Syara’ (Syari’at)
manjadi kompas bagi adaiak-istiadaik.
3. Mangarati Adaiak nan Sabana Adaiak
Adaiak-istiadaiak nan alah dirumuskan dek ulama dan tokoh masyarakaiak
Minang dahulunyo, diatua sasuai jo tuntunan Syara’ nan basumber dari Al-
Quran dan As-Sunnah. Mako adaiak nan sabananyo, untuak digunoan oleh
masyarakaiak Minang adolah adaiak kebiasaan masyarakaiak nan indak
batentangan dengan Syariat. Apolai dalam masalah Aqidah, karano jiko
batentangan dengan masalah akidah mako akan jatuah kapado kesyirikan.
Asumsi nan kaduo, bahwasonyo adaiak-istiadaiak akan hilang apobilo agamo
alah diabaikan. Diibaraikan kapado aia nan mangalia, anak sungai akan kariang
apobilo sumbernyo alah mati, apobilo mato aia bagi anak sungai tersebut alah
kariang. Bakitu halnyo jo adaiak-istiadaiak, saudaranyo adolah syara’. Jiko
syara’ alah diabaian, alah banyak yang maninggakannyo, mako sacaro otomatis
adaiak-istiadaiak itu akan raib. Realitanyo hari ko alah dapek diliek. Batapo
kamurniaan adaiak itu alah sulik ditemukan di tangah tangah masyarakaiak
Minang. Juo dalam hal baperilaku dapek dilihek, batapo raso malu dan sopan-
santun itu rasonyo raib bagitu sajo dari tanah Minang iko, katiko dilihaiak
pemuda-pemudi Minang ‘’bacumbu’’ dalam doso dan maksiat. Pamuda ndak
tahu lai jo hargo diri dan harkat martabat dan pemudi indak tau jo malu dan
aurat.