Bencana datang ngeureuyeuh Geus loba jalma nu fasek
Nu ma'siat beuki maceuh Umat islam silih ledek Nu ibadah beuki euweuh Ka ulama wani ngadek Alam dunya beuki keu'eung Alam dunya beuki angar Loba jalma nu malaweung Loba jalma anu sasar Nu doraka beuki anteng Kana takdir geus teu sadar Kana ibadah teu mayeng Ma'siat di anggap wajar Alam dunya beuki ruksak Alam dunya geus teu ca'ang Nu doraka pabalatak Loba beja anu mang mang Pamarentah geus teu mihak Ngabohong geus teu kapalang Ka umat islam geus nincak Berita geus nyararimpang Alam dunya geus pakewuh Alam dunya geus teu angger Ku bencana angin puyuh Loba jalma anu lieur Loba tangkal anu rubuh Ka pasantren beuki mindeur Katut imah ge raruntuh Kana solat ngabalieur Alam dunya beuki ancur Dunya geus tereh qiamat Jalma jalma geus lalacur Hayu gancang geura tobat Silih hewa'an jeung dulur Geura jauhan ma'siat Poho kana alam kubur Meh bagja dunya aherat.. Wilujeung...!!