KECAMATAN TABANAN
KABUPATEN TABANAN
2017
Murddha Cittha
Om Swastyastu
Om Awignamastu nama siddham
Palet 1
DASAR PAMIKUKUH
1. Seka Teruna Eka Dharma Panca Kerti inggih punika paiketan seka daha
teruna sane magenah ring wewidangan Desa Adat Subamia
2. Sekaa teruna Eka Dharma Panca Kerti Inggih punika paiketan daha teruna
sane mawit saking daha teruna ring Banjar Adat Subamia Bale Agung.
3. Seka Teruna Eka Dharma Panca Kerti inggih punika paiketan daha teruna
sane madasar antuk organisasi sosial lan makasami pamarginnyane
kasulurang antuk dasar paruman sekaa teruna
Palet 2
Pawos 1
Parinama/ Wasta
Paiketan Seka Teruna Puniki mawasta Sekaa Teruna Eka Dharma Panca Karti
Banjar Subamia Bale Agung
Pawos 2
Seka Teruna Eka Dharma Panca Kerti Linggihnyane ring Bale Banjar Adat
Subamia Bale Agung, Desa Adat Subamia, Kecamatan Tabanan, Kabupaten
Tabanan.
Pawos 3
WARSA KAWENTUK
Sekaa Teruna Eka Dharma Panca Kerti kawentuk ring Baale Banjar Adat
Subamia Bale Agung tanggal 9 bulan Juli warsa 1976
Palet 3
Pawos 4
Seka Teruna Eka Dharma Panca Kerti madasar antuk Pancasila lan Undang-
Undang Dasar 1945. utamannyane ring Undang-undang pasal 40 tahun 2009
Pawos 5
Sekaa Teruna Eka Dharma Panca Kerti Banjar Adat Subamia madasar antuk
asar Kekeluargaan/ Panyama braya lan gotong royong.
Pawos 6
Sekaa Teruna Eka Dharma Panca Kerti ring makudang-kudang program utawi
parikrama sane kamargiang setata marupa parikrama sane ngutamayang
kabecikang krama sekaa teruna utawi bersifat sosial kemasyarakatan.
Pawos 7
Sekaa Teruna Eka Dharma Panca Kerti pinaka seka teruna sane madasar antuk
parikrama sosial sane matetujon nyikiang pikahyun ring para yowana mangda
sida ngamedalang rasa persatuan lan kesatuan ring pakuwuban Sekaa Teruna
Eka Dharma Panca
Palet 4
INDIK PAMARGI
Palet 5
pawos 8
Krama sekaa teruna sane wenang dados krama sekaa teruna yening:
Pawos 10
Krama sane nenten polih ayahan utawi druwe sekaa daha teruna,
luire:
1. Yening wenten ring wewidangan Banjar adat Bale agung
nanging nenten aktif/ nenten setata nyarengin parikrama seka
teruna
2. Yening nenten wenten ring wewidangan sawireh ngemargiang
brahmacaria/ masekolah, kaluputang anuk ayahan naningng
tetep keni iuran.
3. Krama Seka teruna sane yusane sampun ngelintangin 25 warsa
nanging durung marabian.
4. Krama sekaa teruna sane yusane sampun ngelintangin 25 tiban/
warsa tan kakeniang iuran utawi dedosan malih
5. Krama sane aktif utawi nenten jagi katureksain 6 sasih apisan.
palet 6
INDIK PRAJUURU LAN DULUN SEKAA
Pawos 11
LELINTIHAN/ STRUKTUR ORGANISASI
Sekaaa Teruna Eka Dharma Panca Kerti madue lelintihan /struktur
organisasi pinaka bantang ngemargiang tata sukerta parikrama/
program sane kacumpuin.
Pawos 12
PRAJURU
1. Sekaa Teruna Eka Dharma Panca Kerti ring pamarginnya
kaenter olih Kelihan Sekaa teruna lan panyade sane sadia
ngwantu kelihan Seka teruna, kalih diri penyarikan pinaka juru
tulis lan kalih diri petengen sane ngamong druwen sekaa
teruna.
2. Kaadegang prajuru banjar adat malantaran antuk pemilihan
jeroning krama sekaa teruna. `
3. Prajuru Sekaa teruna kaadegang/ kagentosin nyabran 2 warsa,
sajawaning wenten parindik tios tur sang sampun puputing
panumaya, kengin kapilih malih apisan
Pawos 13
PELINDUNG
Seka Teruna Eka Dharma Panca Kerti ring pamarginnya madue
pelindung inggih punika kelihan Banjar Adat lan Kelihan Banjar
dinas Banjar bale Agung Desa Adat Subamia.
Pawos 14
PENASEHAT LAN PEMBINA
Sekaa Teruna Eka Dharma Panca Kerti madue 2 diri penasehat lan
kalih diri pembina sane setata nuntun pamargin sekaa mangda
setata nganutin awig/awig utawi pararem. Penasehat/ Pembina wit
saking Krama Banjar Adat Subamia Bale Agung.
PALET 7
INDIK PARUMAN
Pawos 15
1. Paruman Prajuru Seka Teruna kawentenang sanistannya apisan
jeroning 3 sasih utawi manut kabuatan, sane karirihin antuk
tetibak arah-arah
2. Paruman Krama Seka Teruna kawentenang sanistannya apisan
jeroning 3 sasih utawi manut kabuatan, sane karirihin antuk
tetibak arah-arah
3. Paruman agung kawentenang yening:
a. Jagi ngadegang prajuru sane anyar
b. Jagi ngelaksanayang panyepekang krama sekaa teruna sane
nenten nganutin awig-awig utawi pararem sekaa.
c. Jagi kalaksanayang ritatkala jagi wenten pikobet utawi
parikrama sane mabuat pisan.
d. Paruman wahu kengin kakawitin sesampunne katedunin
antuk pinih kedik kalih pah tiga saking sang patut ngamiletin,
kamanggala antuk tengeran suaran kulkul, mabusana adat
bali, tan kalugra makta gegawan sakaluire, karihinin antuk
ngarcana Bhagawan Panyarikan majalaran Widi Widhana lan
cane.
e. Sajeroning paruman tan kalugra ngwetuang wak ghora
minakadi ngardi biuta; sang mamurug wenang keni
pamidanda bea pamacil, sekadi dandaning aguman-uman ring
paseban, sane kasulurang manut pararem.
4. Pamutus paruman yening kacumpuin sekirangnyane tenga
langkung siki diri krama sane ngemiletin paruman
5. Pamutus paruman sane pinih utama awit saking paruman krama
sekaa
PALET 8
INDIK DRUWEN SEKAA
Pawos 16
Druwen Seka teruna kapolihang saking:
1. Iuran saking krama sekaa
2. Dedosan Krama Sekaa Teruna
3. Hasil pangutsahan sekaa teruna minakadi bazaar, utawi tiosan
sane kacumpuin lan nenten lempas saking awig-awig desa,
banjar utawi sane siosan
palet 9
INDIK ATRIBUT
Pawos 17
Bendera
Seka teruna Eka Dharma Panca Kerti ring paiketan sekaa teruna
madue siki bendera sane madasar warna barak/bang lan madaging
gegambaran marupa kendi, sekar, obor, kampid miwah rante pinaka
ceciren Sekaa teruna
palet 10
INDIK PAUBAHAN PARAREM
Pawos 18
Paubahan Awig-awig Sekaa teruna Puniki dados kaubah yening
madasar antuk amutus paruman pinih ageng Sekaa Teruna Eka
Dharma Panca Kerti
palet 20
PAMUPUT
1. Parindikan sane during munggah ring awig-awig puniki jagi
kaunggahang ring pararem utawi parindikan lian sane nenten
lempas saking awig-awig sekaa teruna.
2. Awig-awig Puniki kaanggen dasar ngambil pamutus rikala
ngawentenang parikrama utawi program antuk prajuru.
palet 21
INDIK PAMIKUKUH
Awig-awig puniki kapikukuhang olih krama sekaa ring paruman
agung ring:
Rahina :
Tanggal :
Genah :
Pangawit pamargin awig-awig:
DWITYAS SARGAH
PARAREM
SEKAA TERUNA EKA DHARMA PANCA KERTI
BANJAR ADAT SUBAMIA BALE AGUNG
DESA ADAT SUBAMIA
PALET 1
INDIK PATIYAS LAN SWADARMANING
Pawos 1
Patiyas Krama Sekaa
1. Milih utawi kapilih dados prajuru
2. Ngawetuang pikahyun rikala paruman sane matetujon
nglimbakang kahanan paiketan sekaa teruna
3. Ngamolihang pangilonan saking sekaa salami nenten lempas
ring awig-awig sekaa teruna
4. ngilonin utawi melanin kahanan sekaa teruna ring dura sekaa
yenig wenten pacentokan utawi sane siosan
5. ngamolihang olih-olihan marupa………………..........................
utawi sane pateh pangargannya Rp….. yening sampun
ngemargiang pawiwahan/ grahasta asrama, punika pinaka rasa
suksmaning manah sekaa teruna riantukan sampun ngemargiang
swadarma rikala dados krama seka
6. ngamolihan wantuan marupa jinah sane agengnyane……Rp…
7. yening ngamolihang sungkan sane kaciriang sampun opname 3
rahin. Jinahnya kaambil saking druwen sekaa utawi iuran saking
krama sekaa teruna sekirangnyane …………….Rp
8. Yening wenten sekaa teruna sane seda, seka teruna patut
ngaturang karangan bunga, kain kasa 10 meter, kuangen lan
jinah sane agengnyane, …….. sane kaambilang saking kas /
druwen sekaa utawi iuran krama sane agengnyane….
Pawos 2
Swadarmaning Krama Sekaa
Krama Seka teruna patut:
1. Nyaga lan ngukuhang paiketan seka teruna
2. Patut nganutin awig-awig la pararem seka teruna sane
sampun kacumpuin
3. Ngamiletin paruman-paruman sane kalaksanayang
4. Nahur iuran lan dedosan sane agengnya kaanutin saking
pamutus paruman lan kasurat ring pararem
5. Nahur iuran utawi dedosan sane kari wenten yening jagi
ngemargiang pawiwahan sane kaaturang ring patengen sekaa,
galahnyane 2 sasih sakng wusan ngelaksanayang pawiwahan.
6. Setata ngutamayang indik kahanan sekaa saking kahanan
soang-soang.
7. Setata nyaga katreptian jagat utamanyane ring wewidangan
banjar adat Subamia Bale Agung.
8. Setata nglimbakang sara saking tulung, asah, asih lan asuh,
sagilik, saguluk, salulunglug sabayantaka rig pantaraning
krama sekaa teruna…..
PALET 2
Patiyas Lan Swadarma Prajuru
Pawos 3
Patiyas Prajuru
Prajuru seka teruna…. patut :
1. Ngenter sapamargin parikrama sane kalaksanayang olih seka
teruna….
2. Ngicen arah-arahan utawi pamiteket lan paminget ring krama sane
nenten nganutin awig-awig utawi pararem. Yening nenten sida
kaicen pamiteket dados kaluputin saking sekaa teruna
3. Nadosang krama sekaa sane sampun kaluputang saking sekaa
mawali dados sekaa teruna malih yening sampun kacumpuin ring
paruman sekaa
Pawos 4
Swadarmaning Prajuru
PALET 5
SANKSI
Yening wenten sinalih tunggil krama seka sane nenten nganuti
awig-awig utawi pararem sekaa teruna puniki kawastanin sang mamurug
lan patut kakeniang:
1. Nenten ngamiletin paruman jagi kakeniang pamidanda manut baos
ring ajeng.
2. Nenten ngamiletin parikrama sekaa teruna sane kalaksayanga jagi
kakeniang pamidanda sane agengnyane manut baos ring ajeng
3. Yening nenten ngamiletin paruman lan parikrama sane
kalaksanayang olih sekaa ping tiga pacang kakeniang surat
peringatan;
4. yening Surat Peringatan nenten kaarsayang, kaicen surat pringatan
ping kalih
5. Yening surat peringatan ping kalih taler nenten kaarsayang, kaicen
surat peringatan lan masadok ring reraman/ guru rupakan sang
krama punika
6. Yening Guru rupakan/ Reraman ipun taler nenten ngicen pangarsan
becik, prajuru sekaa masadok ring kelihan adat lan kamargiang
paruman ageng, ring paruman punika kalaksanayang pamutus
anggen ngeluputang (Pemecatan) sang krama sekaa inucap saking
sekaa teruna. Kawastanin kanorayang.
7. Yening sinalih tunggil krama sampun kaluputang saking kraam
sekaa, krama punika nenten malih polih olih-olihan saking krama
sekaa sekadi kasurat ring ajeng.
8. Yening Krama punika meled dados sekaa teruna malih patut
nganutin pararem marupa:
a. Masemaya jagi nganutin awig-awig lan pararem sekaa teruna
sane sampun kasrat
b. Nahur batu-batu marupa 10 kg beras, 3 kg kopi, 5 kg gula lan
lanjaran 1 pak utawi dados kagentosin antuk jinah sane
agengnyane manut pangargan batu-batu punika
.
PALET 6
Struktur Organisasi
1. PELINDUNG
2. PEMBINA
3. KELIHAN SEKAA
4. PENYADE
5. PENYARIKAN 1
6. PENYARIKAN II
7. PETENGEN 1
8. PETENGEN II
9. JURU ARAH
10. SEKSI KESENIANG
11. SEKSI OLAHRAGA
12. SEKSI HUMAS LAN ORGANISASI
13. SEKSI AGAMA
14. SEKSI PERLENGKAPAN
15. SEKSI PENDANAAN
16. SEKSI PENGEMBANGAN SDM