Bahan Sermon Minggu Estomihi, 27 Februari 2022

Evangelium : Jesaya 55:10-13

Epistel : Markus 13:18-23
Tema : Kata Debata Ngo Pepadaken Hendakna

1. Solo-solo

Bindu 55 en idokken ngo i Deutro Jesaya, idimo sipesakatken berita masa pembuangen
bangso Israel/Jahudi mi Babel kumernaken dosa-dosa ni bangso idi. Ibagasen pembuangen
terjadi ngo penindasen taba kalak Israel/sincor janah memakin mendelle perukuren kalak idi.
Janah enda mo nagabe tennah Debata taba si Jesaya nalako ipesakatken mendahiken bangso
idi asa nturah mo iman kepercayaen kalak idi janah dak tong merkeposen mendahiken
Jahowa i tanoh pembuangen. Merkiteken Kata ni Jahowa enda iharapken asa lot kerimbaruen
taba bangso idi janah dak tong mersampang ate kalak idi ibagasen Tuhan nalako mendalani
karina tantangen ikuta idi.

2. Keterangen ayat
 Ayat 10-11 : I ayat enda ipesakatkan penulis ngo gambaren tersenget kata ni
Jahowa tose bage perkiroh udan ilangit nai sakat mi tanoh. Kata enda imo sebage
kiasen tersenget kata ni Jahowa idi sipesautken hendakNa, Kata idi memereken hasil
janah memereken karina si kita butuhken (merlapaten ngo idi, ibagasen karina kata
Jahowa oda lot Kesia-siaen/yang ada hanya kepastian). Tujuen Jesaya isenda jelas
nalako melegitimasi bahwa kata ni Jahowa idiom “FIRMAN YANG HIDUP”, nai
kumerna idi layak ngo kata idi nalako ipercaya dekket iyakini.
 Ayat. 12 : I ayat enda pesakatken bakune janji Jahowa tersenget simahan
jaloen bangso idi mula merketoken mendahiken Jahowa, idimo ibagasen sampang ate,
merkininjuah, senantiasa idengani ibagasen pembebasen I tanoh pembuangen idi nai.
Kata enda mo mempergegohi dekket memotivasi bangso Israel tersenget upah
sinibreken Jahowa mendahiken kalak si dak tong merketoken tabasa.
 Ayat 13 : Kayu sempenur idimo kayu simerandal janah mahal. Biasana ipakke
khusus mi istana raja dekket mi jerro ni Jahowa, Kayu sempenur melambangken
kemakmuren, gemahripah dekket toko merhargana. Kayu merdori melambangken
kepogosen dekket penderitaan dekket kembencetten. Gambaren kayu sempenur enda
 melambangken merhargana sada kalak simerpengueen mendahiken Jahowa, isertai,
ibakin merharga janah dak tong ijamoti.
3. Rempun
 Kata ni Tuhan si enggo susur janah enggo kita Jalo, asa merkite kata si enggo susur
idi terolih ma mo nemmu kita nalako merbuahken hasil si merandal,
 Asa siketedohken mo kedirinta nalako memegeken Kata ni Tuhan idi marang Firman
idi kumerna bage pendokkon Mazmur 119 Firman mu Pelita bagi kakiku dan terang
bagi jalan ku, asa merkite kata ni Tuhan idi terolih mo kita penjamotien I Tuhan idi
nai mula kita ulaken seppe bage sinikelemoken-Na.
 Ibagasen Kata ni Tuhan idi tentuna oda ngo sia-sia Kata I, tapi lot ngo kepastien pasu-
pasu meradepken kita I Kata-Na idi nai, janah merbuahken simerandal ngo kata I
mendahiken kita sendihi sinikekelengina.