0 penilaian0% menganggap dokumen ini bermanfaat (0 suara)
2 tayangan1 halaman
Teks tersebut merupakan sermon yang membahas tentang sepuluh orang lelaki yang disembuhkan oleh Yesus dari penyakit kusta sebagaimana diceritakan dalam Injil Lukas pasal 17 ayat 11-19. Ringkasannya adalah: (1) Yesus menyembuhkan sepuluh orang lelaki dari penyakit kusta, (2) hanya satu dari mereka yang kembali untuk mengucapkan terima kasih, dan (3) peristiwa ini men
Teks tersebut merupakan sermon yang membahas tentang sepuluh orang lelaki yang disembuhkan oleh Yesus dari penyakit kusta sebagaimana diceritakan dalam Injil Lukas pasal 17 ayat 11-19. Ringkasannya adalah: (1) Yesus menyembuhkan sepuluh orang lelaki dari penyakit kusta, (2) hanya satu dari mereka yang kembali untuk mengucapkan terima kasih, dan (3) peristiwa ini men
Teks tersebut merupakan sermon yang membahas tentang sepuluh orang lelaki yang disembuhkan oleh Yesus dari penyakit kusta sebagaimana diceritakan dalam Injil Lukas pasal 17 ayat 11-19. Ringkasannya adalah: (1) Yesus menyembuhkan sepuluh orang lelaki dari penyakit kusta, (2) hanya satu dari mereka yang kembali untuk mengucapkan terima kasih, dan (3) peristiwa ini men
Bahan Sermon Evangelium (XVII Dob Trinitatis) Teks: Lukas 17:11-19
Minggu, 9 Oktober 2022 Usul Doding: Hal No. 461:1-3
Haporsayaon Na Paluahkon Parlobeini Dong tolu hata “ajaib,” na nioujur bani halak Kristen panorang sondahan on maningon gabe sada hasomalon itongah-tongahni pargoluhanni, sanggah sihol berkomunikasi pakon halak na legan. Na tolu ai aima hata tolong, maaf, ampa tarima kasih. Humbani na tolu in, sada ma ai ioujur banta ase pasomal-somal mangkatahon “tarima kasih” romban humbani ambilanta on. Hata in sasintongni aima hata na sederhana, tapi gati mahol tumang idalankon hita. Somal do ai, hita mangkatahon diatei tupa, bani halak na marholongni uhur banta. Suang sonai ma homa na ipatalar marhiteihonni peristiwa Jesus pamalumkon sapuluh halak na gadamon. Haganupan do ipamalum Jesus humbani parnaboritanni, tapi pitah sada hansa na mardingat bani idopni uhurni Kristus in. Na sahalak ai manrogop hu lobeini Jesus anjaha mamuji goran-Ni. Tapi na siah nari, seng ra mulak pasangapkon Tuhan in. Hatorangan Nas Lukas aima sasada Injil Sinoptik na patorangkon pasal barita hamalumon hubani sapuluh halak na gadamon na binahenni Jesus. Bani panorang ijia, halak na gadamon aima halak na mandapotkon diskriminasi itongah-tongahni tumpuan. Sidea ianggap selaku halak na pardousa. Bani tradisi hukum Jahudi (Titah), sada naborit na parah—songon gadamon (Ind. kusta)—aima hataridahanni panguhuman humbani Naibata hinorhonni dousa. Ase halak na gadamon, otomatis ma ilabeli gabe halak pardousa. Parrohni Jesus hu dunia—bani ganup pardalanan horja pangidangion-Ni—sihol ma mangambukkon stigma negatif na sinobut ibabou in. Sahali sanggah Jesus mardalan dompak Jerusalem mambontas parbalogan Samaria ampa Galilea (17:11), Ia ijumpahkon sapuluh halak na gadamon i sada huta (17:12). Humbani pangakuanni sapuluh halak ai, banggal tumang kemungkinan sidea domma ongga manangar pasal Kristus ampa habanggalon kuasa-Ni. Aido ase ipagomos sidea sorani, “Jesus, Guru, idop ma uhur-Mu bannami!” (17:13). Mungkahni, na ibotoh sidea Jesus pitah Guru, sipangajar itongah-tongahni halak na mabuei. Dobni, sidea pitah mangindohon idop ni uhur, lang mintor to the point mangelekkon bani hamalumon. Tapi hansi pe sonai, pos do uhur sidea ase Jesus marholongni uhur hubani goluh sidea na gok ibagas hasunsahan. Pardalanan na ganjang, lang mambahen Jesus manunda-nunda horja pangidangionni. Kristus na susi in manjalo sidea, anjaha pamalumkon sapuluh halak na gadamon ai marhiteihon malim! (17:14a). Mase hubani malim? Sahali boi do namin Jesus mintor mambahen hamalumon hubani sidea, tapi Jesus sihol manguji haporsayaon ampa sikap taatni sidea. Janah taridah do, hasapuluhsi manangihon hatani Kristus in—sada pe lang dong na protes—tongon, gabe susi ma sidea (17:14b). Parlajaran na maharga tumang do in bahasa malim ipakei Kristus gabe parhiteian-Ni laho paluahkon sapuluh halak na gadamon in. Haluahon na tongtong pitah jumpah ibagas Kristus na marholongni uhur bani ganup jolma. Dob susi sapuluh halak na gadamon ai, pitah sada hansa na mulak mamuji Naibata marhasoman sora na gogoh (17:15). Menarik homa, na sada ai aima halak Samaria, suku na namin lang manombah Naibata Israel (17:16). Halak Samaria terpisah do humbani halak Jahudi pasal sisombahon age ianan laho manombah Naibata. Tapi peristiwa in justru patorangkon bahasa halak Samaria on do na mangkatahon tarima kasih hubani Jesus anjaha pasangapkon goran-Ni. Mase pala ipatorang bahasa na sada ai aima halak Samaria? Piga-piga ahli Padan Na Baru marpandapot bahasa hatorangan identitas in banggal kemungkinan laho mempertegas na siah nari aima halak Jahudi. Ase, talar ma bahasa justru halak na asing i nagori Israel pitah do na mamuji-muji Naibata (17:17,18). Jesus pahotkon sada halak Samaria ai bahasa haporsayaonni do na paluahkonsi (17:19). Legan tumang pakon na siah nari, mangaku siirikon Naibata Israel do, tapi urah-lupa mardingat bani idopni uhur-Ni. Lang lepak limbaga ai mangkatahon, “habis manis sepah dibuang!” Panutup Sanggah gok ibagas sitaronon—hinorhonni parnaboritan age pusok na legan—sadiha gati ma hita mardilo hubani Tuhan (?) Balosni mulak bei hubani dirita, tapi bahat hasaksian, jumlahni lang tarbilangi. Tapi sonaha anggo ibalik, sadiha gati ma hita mardilo hubani Tuhan sanggah domma jumpahta hamaluman age malas ni uhur na legan (?) Balosni mulak bei do homa hubanta, tapi bahat hasaksian, gati urah lupa hita mulak padaskon pamujian. Bani tiap pergumulanni goluh on, bahat pahara na gabe hataridahan tanganni Naibata marhorja bani dirita. Ibagas haporsayaon, idopni uhur-Ni do na paluahkon hita. Halani ai, talup ma hita martarima kasih huBani. Pareksa hita pamujiaonta, domma gelah ahu padaskon puji-pujian hubani Kristus Simada haganupan in (?) Anggo lape, pungkah ma mulai sonari!