ASAL USUL KALI BANTHENG

1. Ing jaman semana, ana mbok rondo seng sekti lan ampuh baget jenenge “ Nyai Bantheng Wareng”
2. Dheweke mapan anak sak pinggire segara lo ring laut jawa
3. Nyai Bantheng Wareng duwe anak siji lanang seng rupane bagus banget. Amarga mung duwe anak siji,
Nyai bantheng Wareng tresna, eman banget karo anake. Menyang ngendi wae tansah diajak.
4. Ing sak wijining dino Nyai Bantheng Wareng ngomong karo anake “eh…eh…ngger…aaaaanakku..seng
bagus dewe.., kowe ojo ungo adoh-adoh..saka simbok yaaa…nnnggger…”(karo ngelus-ngelus sirahe
anake). Anakke lanang jawab “ nggih …simbok”
5. Anak lanange Nyai Bantheng Wareng mundhak dina, mundhak sasi, mundhak tahun tambah gedhe,
pinter lan bagus. Yen coro saiki ngunu yo memper karo “ Mas Al”
Bapak/ibu kanca-kanca kenal nggih kalih Mas Al? pokoke podho karo seng ndongeng iki.
6. Nyai Bantheng Wareng tambah tresna, welas asih marang anake. Mula ing ati uga tuwuh rasa was-was
sumelang marang anake
7. Nalika anake lanang lagi adus, lan nglangi ing pinggir segara, anake lanang Nyai Bantheng Wareng
dipethuki karo wong tua. Banjur dheweke ngomong” hai…bocah bagus…ayo kowe melu aku…yen
gelem..uripmu bakal seneng lan mukti”
8.
Anake Nyai Bantheng Wareng njawab”em..emm..mboten mbah..kulo mboten purun”.anak lang mau
terus mentas banjur mulih.
9. Sak wise teka ngumah bocah lanang mau banjur crita karo Nyai Bantheng Wareng
10. Nyai Bantheng Wareng tambah bingung, sumelang marang keslametane anake..dheweke banjur semedi,
tapa brata nyuwun marang Gusti
11. “ Duh..Gusti..kulo nyuwun pitu..pitulungan paring sa…sa..salameet..anak kulo Gusti..” karo ngangkat
lan ndongak gulune
12. Awit saka gentur semedine Nayi bantheng Wareng panjalukke dikabulke. Dumadakan njedul sak
njerone lemah wujud jangkar kang ana taline.welinge supaya diwenehake anakke yen arep nglangi
menyang pinggire segara.
13. Nalikan wayah esuk, Nyai Bantheng Wareng arep mangkat menyang kebon. Dheweke karo titip pesen
marang anake “ng..ng..nggeerr..a..anakku… mengko yen arep adus menyang segara…gawanen jangkar
iki ya nggerr.talekna ing awakmu supaya ..ss..slamett…yo nngger”
14. Anake lanang njawab” kanggo opo ta ..mbok…aku iki wes pinter nglangi, wes gedhe, wes kuat aku ora
butuh kui”
15. Wes kaya padatan anake Bantheng Wareng terus lunga menyang segara. Banjur adus lan nglangi sak
senenge dhewe
16. Nanging, sak nalika anak kahanan sing medeni. Angina lesus kenceng banget”wes..wes….siut..siutt…
bledheke nyamber-nyamber dwuerrr..dwuerrr….ombak gulung gemulung..wurrr.wurrr…wurrr
17. Ana khanan ngunu kui Nyai Bantheng wareng mlayu sipat kupeng menyang segara, karo nangis…
bingung atine mikir keslametan anake
18. Teka ing kana krungu anake sambat njaluk tulung, wes keseret ombak, krungu swara lamat-lamat…”
simbok…simbok…aku njaluk ngapurne…aku ora nggugu pituture simbokk…anakmu njaluk pamit…
simbok…”
19. Nyai Bantheng Wareng awake lemes, ora duwe daya. Dheweke banjur mulih menyang Gubukke.
Lawange ditutup ora dibuka-buka.ora suwe banjur lara-lara nganti tumekaning pati
20. Awit kahanan kui papan ing kana mau diwenehi jeneng utawa tetenger “Kali Bantheng”