H. ADJIM ARIJADI
DRAMATIK PERSONAL
1.Saudagar Malik
2 Aluh Ipis
3. Utuh Ilui
4. Ali
5. Upi
6. Saudagar Jalil
7. Aluh Bungas
8. Mak Comblang
9. Anang
10. Siti
11. Orang – Orang
1|Engken Ba rajut
BABAK 1 (INTRODUKSI)
DISEBUAH LORONG JALAN MUNCUL, ALUH IPIS BERSAMA ANANG
MEREKA MENYANYI MESRA DIIRINGI OLEH IRINGAN MUSIK, TIBA-TIBA
MASUK UTUH ILUI BERSAMA DENGAN ALUH BUNGAS MEREKA JUGA IKUT
DALAM NYANYIAN ASMARA NAMUN DI ENDING LAGU BERUBAH MENJADI
MINOR.
ALUH IPIS : (SEDIH) Nang kaya apa ka Anang. Ulun dipaksa kawin ulih abah
ulun.
ANANG TERDIAM.
ALUH BUNGAS : Sama wan ulun jua kaka Ilui ai. Ulun dijodoh akan jua.
ANANG : Aluh Ipis, Dangarakan kaka bapandir. Mun kaka kada mamaksa
pang. Cuma abah kaka sudah dapat jodoh. Wan babinian anak urang
sugih.
UTUH ILUI : Jadi hubungan kita ini bujur – bujur ta’ancamlah wahai Aluh Bungas?
UPI : Dan nyawa Tuh Ilui, sudah unda cariakan jua bakal bini nyawa.
ALUH BUNGAS : Ka Ilui, mun kaya ini caranya, lebih baik kita larian.
UPI : Pui, pina musti handak larian. Kadada urang kawin lari mun kada
wan duit.
ALUH BUNGAS : Umbah kaya apa. Mun ulun kada di bawa lari baik ulun bunuh diri.
2|Engken Ba rajut
UTUH ILUI : Mun pian bunuh diri, kaka bunuh diri jua.
ALUH IPIS : Dari pada balaki tuha, lebih baik kada balaki saumuran.
UPI : Bangsat!
UTUH ILUI : Apa ? Jadi pian hakun mambantu kami ? Paman Upi pang akur
hajalah ?
ALI : Tapi ada syaratnya. Samunyaan harus hadir dalam acara partamuan
jodoh. Ayu kita bubar.
3|Engken Ba rajut
BABAK 2.
DI RUMAH SAUDAGAR MALIK, PENGHUNINYA TERDIRI DARI SAUDAGAR
MALIK, ALI, UPI, ALUH IPIS DAN UTUH ILUI. SAUDAGAR MUNCUL DENGAN
SEBUAH PETI DUIT, MATANYA LIAR MELIHAT KESANA KEMARI, KUATIR
KALAU ADA ORANG MELIHATNYA SETELAH SEKELILING DILIHATNYA
AMAN, PETI DUIT ITU DITARUHNYA DI MEJA.
SAUDAGAR : Unda rasa cukup aman. Ini peti duit! Apa itu duit? Samunyaan
urang tahu diduit, tapi kada samunyaan urang tahu apa artinya duit.
Samunyaan urang tahu gasan apa duit. Tapi kada samunyaan urang
tahu, kaya apa mancari duit. Apakah gasan bayar SPP, gasan sangu
sakulah, gasan manukar buku, manukar pakaian saragam, wan
gasan bapacaran, itu pakai duit…? Bujur pakai duit, samunyaan
pakai duit. Tapi darimana datangnya duit? Ayu datang mana duit
itu…….. Siapa tahu?........ Pas kada tasalah lagi, duit itu
pakulih……..ma….min…ta kalawan……ku….witaaaaaan. Bagus !
Itu kada bacari sorang ngarannya. Lalu nang katuju kalawan
morfin, ganja, sabu, inex, pil koplo, narkoba, duitnya dapat dari
mana ? Ayo………………
SAUDAGAR : Ah….kada apa – apa. Kadada urang. Cuma tikus bukah maluncat.
Nah, ini peti duit. Di dalamnya ada duit. Kada seorangpun
penghuni rumah ini nang boleh tahu dimana unda menyimpannya.
Ali… ! (MEMANGGI ).
ALI : Hari ini ulun dapat duit “ Lima Juta “. Ini dipakulih dari hasil tagihan
bunga pinjaman duit para pedagang di pasar iwak. Ini duitnya.
SAUDAGAR : Upi ?
UPI : Ada “ Sapuluh Juta “. Ini duit tagihan bunga atas pinjaman padagang
sapida mutur.
4|Engken Ba rajut
SAUDAGAR : Apa lagi ! Ayu jangan cuba – cuba handak tahu andakan duit unda.
Sana, bajauh.
SAUDAGAR : Uyuhlah…?
SAUDAGAR : Bagus. Itu artinya bujur tabukti nyawa bajalan. Bagus. Nyawa pang
Pi ?
UPI : Putar – putar tupang mancari nang bahutang. Baratus ribu ojeknya
haja !
SAUDAGAR : Jadi ?
ALI : Ai….
SAUDAGAR : Bungul. Si Ali nang manggah mukuh aja kada sing matian, apa lagi
nyawa nang ulu ilir ba’ojek, malah nyaman.
UPI : Kada ini sual bayar ojek. Cuba lihati pian. Ojeknya mahadangi,
kasihan urang.
5|Engken Ba rajut
UPI : Pahamai kalu pian.
SAUDAGAR : Ali, Upi ? Tugas nyawa badua managih hutang. Nang tahutang itu
urang – urang kalawan unda. Duit sudah unda tarima, Klop. Nah,
ulih nyawa nang tahutang, bayari ulih nyawa saurang.
SAUDAGAR : Satumat lagi, nyawa dapat gajihan tumatan unda. Apa ngalihnya.
ALI : Maksud kami badua, kumisinya. Kalu – kalu’ai pian mambari ulun
badua.
SAUDAGAR : Bapapinta haja gawian. Bacari bungulai, duit gajih bulanan nyawa itu
pakulih bacari ngrannya. Jangan maminta. Sudah kesana, bajauh.
Mun duit unda ini hilang, unda kaduakan nyawa badua awan Pulisi.
Hi, cagar supan nih, mun masuk berita Kriminal Radar. Kada payu
muha nyawa saumuran. (MENINGGALKAN ALI DAN UPI
YANG KELIHATAN JENGKEL)
ALI : Asytagfirullah.
ALUH IPIS : Ulun padahakan tupang, kada tahu urusannya. Pian badua bisa
diampihi bagawi disni.
ALI & UPI : Tulung, Tulung banar, jangan dipadahakan. Makan apa sorang kena,
lucut aa.
6|Engken Ba rajut
UTUH ILUI : Baik, baik, baik. Ulun handak batakun, pian sariklah wan abah ulun ?
ALUH IPIS : U… jadi kada sariklah kalawan abah ulun, nang engken barajut itu.
UTUH ILUI : Luh Ipis. Tahulah sudah di mana abah maandak pati duitnya.
UTUH ILUI : Jangan macam – macam. Mun pati duit abah ulun, ulun cuntan. Kada
ulun badua nang di tuduh sidin. Musti pian badua nang cagar di
laporakan ka pulisi.
UPI : Bungul banarai. Nyawa badua nang mamakan duitnya, kami badua
nang dipanjara.
7|Engken Ba rajut
Paman Ali wan Paman Upi, tahulah dimana abah ulun maandak duit.
UPI : Kami handak mancuntan duit abah nyawa sudah lawas. Tapi abah
nyawa hingga maancam unda, sadikit – sadikit Pulisi. Sadikit –
sadikit panjara !
UPI : Biar haja. Magun – magun di tangkap Pulisi jua, lebih baik jadi
maling bujuran.
UTUH ILUI : Nang kaya ini, sual Pulisi urusan gampang. Pulisi manusia jua, sama
kaya kita. Siapa nang kada katuju kalawan duit.
UPI : Urang nang hidupnya engken barajut, wan kada pernah bazakat.
UPI : Akur !
UTUH ILUI : Ulun badua parlu duit. Pian badua parlu jua. Tapi hadang dahulu,
ulun umpat batakun. Apa bujur, abah ulun manugasakan pian badua
mancari judu kami badua ?
SAUDAGAR : Tapi unda lihat mata si Ali wan mata si Upi kaya maya maling !
ALI : Na, iya kalo ! Musti kami badua nang disangkai sidin.
8|Engken Ba rajut
SAUDAGAR : Nyawa tahu kada. Apabila dirumah terjadi pancurian, sedang pancuri
itu urang rumah sendiri, itu takana pasal panculasan wan pasal
musuh dalam selimut kalawan pasal pagar makan tanaman, Kitap
Undang – Undang Hukum Pidana, KUHP. Hukumannya apa ? Tahu
? Hukumannya, ditatak kedua tangan wan kada dibari makan saumur
hidup dalam panjara.
ALI : Itu ngeri lalu ngarannya. Amun mancuntan duit cagar kada tamakan
jua, itu maling babungulan ngarannya. Kada, ulun kada handak jadi
maling.
UTUH ILUI : Sudah jangan mambayangakan nang kada – kada. Bah, ulun handak
batakun. Bujurkah pian handak mambiniakan ulun ?
SAUDAGAR : Pas kabalujuran. Anu Ali, Upi, nyawa badua bajauh dahulu. Kena
nyawa badua ada gilirannya.
SAUDAGAR : Aluh Ipis, Utuh Ilui, sini baparak abah….. duduk. Utuh Ilui, nyawa
ini sudah bujang bakulat. Nyawa jua Aluh Ipis, sudah kada
kakanakan lagi, kanapa nyawa masih mangananak basam – saman,
baluncat babirangkang dimka halaman. Nyawa itu sudah burasan.
Sudah maurak bulu. Jadi nyawa badua unda paksa kawin.
SAUDAGAR : Tahu kada artinya kawin ? Nyawa Tuh, tahu kada artinya ?
SAUDAGAR : Amun guring satilam haja, sakalambu haja itu lain kawin ngarannya.
Biar satilam, biar sakalambu mun bulu kada basampuk bulu, lain
kawin ngarannya. Sudah. Kada usah di jelasakan lagi. Sana – sana
kena bisa haja. Sudah bajauh. Unda handak mamanderakan
pelaksanaan hari badapatannya. Sana, bajauh, kiau Ali wan Upi.
9|Engken Ba rajut
ALUH IPIS DAN UTUH ILUI MASUK MEMANGGIL ALI DAN UPI. TERNYATA
ALI DAN UPI TIDAK ADA.
SAUDAGAR : Dasar maling. Nyawa badua handak maambil duit unda kalu ?
ALI : Jangan macam – macam Juragan. Bapuluh – puluh tahun ulun umpat
pian. Sabilah korek talinga pian aja, kada pernah ulun maambil. Apa
lagi mancuntan.
SAUDAGAR : Nah, pas banar. Masuk, kada usah supan. Masuk aja.
MAK COMBLANG : Selamat siang Tuan Juragan. Selamat siang tuan – tuan.
10 | E n g k e n B a r a j u t
MAK COMBLANG : Baik. Dan tuan ?
SAUDAGAR : Awaknya, kurus atau lamak ? Kulitnya, Putih, Kuning, Hirang ? Wan
muhanya kaya apa ? Ayu jalasakan sajalas – jalasnya.
MAK COMBLANG : Tapi, apa jongos – jongos tuan ini memang tuan tugasakan untuk
mandangarnya ?
ALI : Naaa, ia-am. Maka Juragan jua nang manyuruh ulun duduk disini.
ALI : Anu, pandangar ulun. Pian tu, biar tuha tapi masih kuat aja.
MAK COMBLANG : Tuan ini handak mandangarakan kabar ulun atau handak bamamai ?
11 | E n g k e n B a r a j u t
SAUDAGAR : Nah, tarusakan.. Nang kaya apa urangnya ? Umurnya berapa ?
MAK COMBLANG : Hitungan umur bisa aja tuha. Tapi dilihat kagagahan tuan nangkaya
baumur dua puluhan.
UPI DAN ALI TIBA – TIBA MUNCUL, LALU BICARA KEPADA PENONTON. TIDAK
DILIHAT SAUDAGAR
SAUDAGAR : ( TERTOLEH PADA UPI DAN ALI ). Ai, dasar binuhung hidup –
hidup.
MAK COMBLANG : Hadang dahulu, pian ini bujur – bujurkah handak babini.
SAUDAGAR : Nyawa ni jangan tabulang bulik kaya itu, unda handak manyuruh
nyawa, jadi kada beganangan, jadi kaya apa jujurannya.
SAUDAGAR : Alhamdulillah.
MAK COMBLANG : Mobil, saparangkat alat kamar guring, tapih baju, galang amas wan
kalung berlian.
SAUDAGAR : Mobil wan rumah gedung, itu unda satuju, pakakas guring, itu patut,
tapi galang amas wan kalung barlian unda kada parlu.
12 | E n g k e n B a r a j u t
SAUDAGAR : Hahaha ……… Kada unda sangka, tuha - tuha kaya ni payu haja di
jual.
MAK COMBLANG : Hadang dahulu. Apa nang pian maksud , tuha – tuha payu aja di jual ?
SAUDAGAR : Kada pahamkah nyawa ? Cucuk haja mun nyawa padahakan unda ini
nangkaya baumur 20 tahun. Jadi kada rugi bila babinian tu mahargai
unda saharga obil, rumah, gedung, amas intan sagala.
SAUDAGAR : Naaa, unda minta hari ahad kaina, suruh kaluarganya datang
mambawa babinian itu ka rumah sini, unda handak malihatnya.
Ngarannya siapa ?
SAUDAGAR : Aluh Bungas. Cocok. Lah, jangan kada ingat. Hari ahad. Ayuha
nyawa, bulik haja dahulu.
SAUDAGAR : Itu soal gampang. Biar unda kada dijulungi tanda jadi, kada apa –
apa. Nang panting unda handak malihat si Aluh Bungas nang
bamuha bungas. yuha, nyawa bulik aja.
SAUDAGAR : Aaah, macam – macam. Mancari akan bini aja minta ganti rugi.
Sudah sana. Kaina nyawa harus umpat mairingi. Hei Jum, abah
umanya Aluh Bungas itu bujur – bujur sugih kalu ?
SAUDAGAR : Ali, Upi ??!! Oh, unda balum mangontrolpati duit unda. ( PERGI KE
ARAH BELAKANG ).
ALI DAN UPI MUNCUL, TAPI SAUDAGAR SUDAH TIDAK ADA. MATA ALI DAN
UPI TERTUJU KE ARAH PERGINYA SAUDAGAR. UTUH ILUI DAN ALUH IPIS
MUNCUL SECARA DIAM – DIAM, ALI DAN UPI DIBUATNYA KAGET. ALI DAN
13 | E n g k e n B a r a j u t
UPI TERIAK KAGET, SEMENTARA UTUH ILUI DAN ALUH IPIS GELAK
TERTAWA.
ALI, UPI, UTUH ILUI DAN ALUH IPIS CEPAT SEMBUNYI. SUASANA HENING
DAN TEGANG. SAUDAGAR MUNCUL, MATANYA JALANG MENELITI RUANG
SETELAH DILIHATNYA TIDAK ADA ORANG BARU MERASA LEGA, DIAPUN
KEMBALI KE ARAH TEMPAT IA MENYIMPAN PETI DUITNYA. SATU – SATU,
KEPALA ALI, UPI, UTUH ILUI, DAN ALUH IPIS NONGOL. SETELAH SEPAKAT
DAN PADA MENGANGGUK MEREKA MUNCUL LALU BERBISIK. SEMUA
PADA AKUR. UTUH ILUI DAN ALUH IPIS BERSEMBUNYI, TINGGAL ALI DAN
UPI.
UPI : Talalu !!! Dasar urang tuha kada tahu diri. ( KEPADA
PENONTON).
UPI : Tapi lapas dahulu talinga ulun. Kanapa pian jadi sarik.
UPI : Anu. Jar ulun hati – hati awan duit, disini banyak maling.
SAUDAGAR : Bagus, sekarang dangarakan. Hari ahad kaina cagar ada partamuan
juduh. Bakal Bini Utuh Ilui awan pangawalnya dua ikung, Bakal
14 | E n g k e n B a r a j u t
Laki Aluh Ipis awan pangawalnya sudah ampat ikung, lalu bakal
Bini unda wan pangawalnya jua, di rumah ini unda saikung, Utuh
Ilui dan Aluh Ipis. Jadi 3 ikung, lalu berapa jumlahnya ?
SAUDAGAR : Na, handak sakit nih ! Dangarakan hitungan bisnis unda. Sambilan
cangkir teh itu, cukup ampat satangah semdok gula. Nasi sambilan
piring, masak aja baras satangah litar masak campur wan jagung.
SAUDAGAR : Badiam ! Mambari supan unda haja ! Unda ini di kanal sebagai
saudagar. Kada manyupani undalah mun mamakani tamu lawan iwak
sapat karing atawa iwak saluang !
15 | E n g k e n B a r a j u t
SAUDAGAR : Cukup sa – ons.
ALI : Bujur haja dagingnya sa – ons. Tapi hintalunya lima puluh buku.
SAUDAGAR : Kadada hintalu – hintaluan. Nah, mun nyawa badua sudah paham,
dangarakan tugas lainnya. Hari ahad kaina nyawa sadiakan meja
makan, kursi sambilan buah, gelas teh sambilan buah, sendok
sambilan buting, kada usah pakai garpu, nah saat urang nang
sambilan itu duduk dikursi masing – masing, Ali badiri di situ.
Cangangi urang – urang nang mangaut nasi wan kuah rawonnya.
Amunnya pina handak batambah, celengi wan mata nyawa.
SAUDAGAR : Sakira inya supan batambah. Paham ? Nah, amun sudah paham.
Tugas nyawa mahubungi kulawarga bakal laki Aluh Ipis wan
kulawarga bakal bini Utuh Ilui, hari ahad, hari batamuan ingatakan.
Paham ?
WAKTU BERLALU.
ALI DAN UPI SIBUK MENATA RUANGAN. MEJA, KURSI DAN SEDIKIT HIASAN
KERTAS WARNA. MUNCUL SAUDAGAR MALIK DENGAN SETELAN JAS
KUNO BERDASI TAPI PAKAI SARUNG. HATINYA SENANG DENGAN
PEKERJAAN ALI DAN UPI. TIBA – TIBA TERDENGAR RIBUT – RIBUT.
TERNYATA UTUH ILUI DAN ALUH IPIS DENGAN KELAKUAN SEPERTI ANAK
KUCING BASIMBAN.
16 | E n g k e n B a r a j u t
SAUDAGAR : Nah ikam. Luputam. Sudah bujang tuha masih basimban kaya anak
kucing. Ayu babaju. Kena sampat datang bakal laki wan bakal bini
nyawa.
ALUH IPIS : Pian itu kanapa pina aksi banar. Pian handak babini juakah bah ?
SAUDAGAR : Babaju, jar abah. Kanapa pina macal banar. Handak minta pasung
wan sasunduk lawangkah ?
SAUDAGAR : Wa’alaikum salam. Ayu Tuh Ilui lakas ganti baju. Ali, Upi, siapakan
makanan. ( UTUH ILUI DAN ALUH IPIS MASUK DI IKUTI
ALI & UPI ) Masuk !
JALIL : Anang anak ka lima balas. Tapi umanya sudah lawas mati.
17 | E n g k e n B a r a j u t
ACIL SITI : Ulun Siti. Padagang mas intan. Baisi Tuko sapulah buah di
kuntrakakan 2 milyard sabuah.
ACIL SITI : Dua puluh milyard. Balum rumah sewaan. Dimana – mana ada, baisi
pasantren, barapa buah aja umpat manyumbang urang mambangun
masigit. Duit balabihan. Jadi bingung manyimpani duit. Guring haja
babantal duit.
SAUDAGAR : Urang nang kaya ikam ini yang aku cari. Tahu di arti duit.
ACIL SITI : Tapi nang cagar jadi laki ulun mana ? Lain pian kalu ?
SAUDAGAR : Mana kuhakun. Diri sudah sudah tuha, Babunu tuhalah, Layat.
ACIL SITI : Ulun gin kada sudi jua balaki tuha, Lintuk. Mana bakal laki ulun ?
Piankah kuitannya ?
ACIL SITI : Oh, bakal mintuhaku. Ampun baribu ampun, ulun talalu lantih. Oh,
mintuhaku ( MEMELUK ).
SAUDAGAR : Nah, itu inya. Inya itu anakku, bakal laki ikam.
SAUDAGAR : Ini, inya bakal bini nyawa, urang nang panyugihnya di..........
ACIL SITI : Nang anum jua nang aku katujui. Mintuha, mun kawa hari ni jua ulun
badua dinikahakan. Panghulunya sudah dikiaulah ?
18 | E n g k e n B a r a j u t
JALIL : Lalu, bakal bini ulun pang yang mana ?
JALIL : Inya itukah juragan ? Duh, duh mandagub hati di dalam. Nang, lihat
nang bakal uma anum nyawa. Pokoknya hari ini jua acara banikahan.
MAK COMBLANG : Inya rasa manggatar jar, pian pina aksi banar jar.
SAUDAGAR : Hadang dahulu, bungulai. Duduk haja balum basusun bangsat ai.
UTUH ILUI : Ulun satuju kalu Paman Ali wan Paman Upi nang ma’atur duduknya.
19 | E n g k e n B a r a j u t
ALI : Usul ulun terima.
UPI : Utuh Ilui, nyawa duduk dulu di sini. Juragan Malik cagar jadi
mintuha Juragan Jalil. Baik, baik duduk batatai disini.
ALI : Kada bisa. Abahnya Anang nang bangaran Juragan Jalil labih baik
duduk kalawan anak sidin. Ayu Anang duduk batatai abah ikam.
UPI : Kaya apa kalu Utuh Ilui duduk digapit oleh uma tirinya kalawan
abahnya Juragan Malik.
ACIL SITI : Unda pang duduk dimana ? Unda kada handak duduk tapisah wan
bakal laki unda. ( MEMAKSA DUDUK DI SELA – SELA
ANTAR UTUH ILUI DENGAN JURAGAN MALIK ).
ACIL SITI : Na, ini nang pas ngarannya. Ka Ilui, ini ading. Ading sayang
kalawan Ka Ilui.
SAUDAGAR : Kada bisa ! Calon uma duduk bakajal kalawan calon anak. Ilui (
MENARIK TANGAN UTUH ILUI MENYURUH PINDAH ).
Nyawa salah duduk. Sana pindah kasubalah bakal bini nyawa.
20 | E n g k e n B a r a j u t
SAUDAGAR : Hui ! Itu bakal bini unda.
SAUDAGAR : Bangsat !
JALIL : Bangsat jua ! Hie... Nang, Itu bakal uma anum yawa. Jangan pina
pusut mamusuti. Kasini ding ( MERAYU ALUH IPIS ).
JALIL : Anang !
SAUDAGAR : Ilui !
UPI : Ali!
UTUH ILUI : Aluh Bungas ini balum jadi bini pian kalu bah ?
ALUH IPIS : Kada bulihlah si Anang ulun pilih jadi laki ulun ?
UTUH ILUI : Dan ulun kada salah kalu, bila si Aluh Bungas ulun pilih di bini
ulun?
SAUDAGAR : Ini gara – gara si bangsat nang badua ini. ( KEPADA ALI DAN
UPI).
ALI : Ai, kanapa salah ulun ? Tugas ulun mancari judu anak pian. Tapi
imbah anak pian batamu wan judunya, ternyata inya kada sudi balaki
babini tuha.
21 | E n g k e n B a r a j u t
SAUDAGAR : Dan nyawa jua Jum ? Kada nyawa kisahakankah ka’adaan diri unda
wan babinian nang unda cariakan.
MAK COMBLANG : Hadang dahulu, pian sudah ma’akurikah jujuran nang diminta uitan
bakal bini pian ?
ALUH BUNGAS : Apa ulun manjujur pian ? Tuha – tuha baingat sadikit, bawa bazikir.
Kada ulun rela ulun manjujur pian nang tuha, nang sudah babau
tanah.
SAUDAGAR : Jadi undalah nang manjujur inya. Mobil, rumah gedung, amas intan,
mana hartanya ?
UTUH ILUI : Amun pian kada wani manjujurnya, ulun’ai nang ma’ambil inya ini
bini.
SAUDAGAR : Muha nyawa Lui, handak manjujur babinian wan rumah gedung,
mobil, amas intan sagala, mana duitnya ?
UTUH ILUI : Ulun tahu didalam pati duit ini kada Cuma duit isinya. Didalamnya
parhiasan amas intan paninggalan arwah uma ada disini.
SAUDAGAR : Perampok. Sudah bini unda dirampok, harta unda pulang. Ali, Upi
kiau pulisi. Perampok !? ( TERIAK, LUMPUH ).
UTUH ILUI, ALUH IPIS, ANANG, ALUH BUNGAS MENYATU JADI SATU.
MAK COMBLANG : Kada usah bangalih – ngalih, mun pian handak jua babini , awan
ulun nai ( MENDAMPINGI JURAGAN JALIL ).
22 | E n g k e n B a r a j u t
ALI : Juragan, diri pian sudah tuha, liang kubur sudah parak. Basadar –
sadar diri sampian.
UPI : Diri pian sudah tuha. Harta kahada dibawa mati jua.
ACIL SITI : JURAGAN. Kada usah sangkal, kada usah sadih. Harta sampian itu
biar aja gasan anak sampian. Amun juragan parlu duit wan harta,
ulun anyak haja baisi.
UPI : Juragan, Acil Siti ini, urang sugih. Kontrakan ruko aja mandua puluh
milyard satahun.
23 | E n g k e n B a r a j u t