ENGKEN BARAJUT

H. ADJIM

ARIJADI

DRAMATIK PERSONAL

1.Saudagar Malik
2 Aluh Ipis
3. Utuh Ilui
4. Ali
5. Upi
6. Saudagar Jalil
7. Aluh Bungas
8. Mak Comblang
9. Anang
10. Siti
11. Orang Orang

Reprodaksi Naskah :
YAYASAN SANGGAR BUDAYA
KALIMANTAN SELATAN

BAGIAN SATU. Di Rumah Saudagar Malik

Penghuninya terdiri dari :
1. Saudagar Malik
2. Ali
3. Upi
4. Aluh Ipis Galuh bujang anak perempuan Saudagar
5. Si Utuh Ilui anak lelaki Saudagar
SAUDAGAR MUNCUL DENGAN SEBUAH PETI DUIT MATANYA LIAR MELIHAT
KESANA KEMARI, KUATIR KALAU ADA ORANG MELIHATNYA SETELAH
SEKELILING DILIHATNYA AMAN, PETI DUIT ITU DITARUHNYA DI MEJA.
SAUDAGAR

: Saya rasa cukup aman. Ini peti duit ! Apa itu duit ? Samunyaan
urang tau diduit, tapi kada samunyaan urang tahu apa artinya
duit. Samunyaan urang tahu gasan apa duit. Tapi kada
samunyaan urang tahu, kaya apa mancari duit. Apakah gasan
bayar SPP, gasan sangu sakulah, gasan manukar buku, manukar
pakaian saragam, wan gasan bapacaran, itu pakai duit? Bujur
pakai duit, samunyaan pakai duit. Tapi darimana datangnya
duit ? Ayu datang mana duit itu.. Siapa tahu ?........ Pas kada
tasalah lagi, duit itu pakulih..ma.minta kalawan
ku.witaaaaaan. Bagus ! Itu kada bacari sorang ngarannya. Lalu
nang katuju kalawan morfin, ganja, sabu, inex, pil koplo,
narkoba, duitnya dapat dari mana ? Ayo

BUNYI

: Terdengar bunyi alat masak jatuh.

SAUDAGAR

: ( KAGET DAN LANGSUNG MENGAMANKAN PETI

DUITNYA. IA WASPADA TERHADAP ORANG ORANG
YANG SELALU MEMINTA DUITNYA. IA TELITI
KELILING RUANGAN. SETELAH DI LIHATNYA AMAN,
BARULAH IA BERNAFAS LEGA ).
Ah.kada apa apa. Kadada urang. Cuma tikus bukah
maluncat. Nah, ini peti duit. Didalamnya ada duit. Tidak
seorangpun penghuni rumah ini nang boleh tau dimana saya
menyimpannya. Tiap hari duit di peti ini terus bertambah.
Ali ! ( MEMANGGIL ).

ALI

: Pun ( DARI DALAM, LALU MUNCUL ).

Ada apa Juragan ?

SAUDAGAR

: Mana Upi ?

ALI

: Upi ! ( MENYAHUT LALU MUNCUL )

SAUDAGAR

: Sini ! Laporan pertama...

ALI

: Hari ini ulun dapat duit Lima Juta . Ini dipakulih dari hasil
tagihan bunga pinjaman duit para pedagang dipasar iwak. Ini
duitnya.

SAUDAGAR

: Upi ?

UPI

: Ada Sapuluh Juta . Ini duit tagihan bunga atas pinjaman

padagang sapida mutur.

SAUDAGAR

: Sini ( MENERIMA DUIT ). Sana pergi.

ALI & UPI

: ( DIAM MENUNGGU PEMBERIAN ).

SAUDAGAR

: Apa lagi ! Ayu jangan cuba cuba handak tahu andakan duit unda.
Sana, bajauh.

Ali

: Ulun batagihan kapasar bulang balik, bajalan batis.

SAUDAGAR

: Uyuhlah?

ALI

: Kada uyuh lagi, manggah mukuh.

SAUDAGAR

: Bagus. Itu artinya bujur tabukti nyawa bajalan. Bagus. Nyawa pang
Pi ?

UPI

: Ojek mahadangi di halaman.

SAUDAGAR

: Kamana aja baojek ?

UPI

: Putar putar tupang mancari nang bahutang. Baratus ribu ojeknya

haja !

SAUDAGAR

: Hah, banyaknya.
Duit nang mana nang nyawa bayarakan, kuranglah duit nang
sapuluh juta nanginih.

UPI

: Mana ulun wani mangurangi.

SAUDAGAR

: Jadi ?

UPI

: Bahutang tupang ?

SAUDAGAR

: Bayari kena, Sudah, sana bajauh.

ALI

: Ai.

UPI

: Imbah pang.

SAUDAGAR

: Sudahai. Itu urusan nyawa badua.

UPI

: Mati ulun yang kaya ini.

SAUDAGAR

: Bungul. Si Ali nang manggah mukuh aja kada sing matian, apa
lagi nyawa nang ulu ilir baojek, malah nyaman.

UPI

: Kada ini sual bayar ojek. Cuba lihati pian. Ojeknya mahadangi,
kasihan urang.

SAUDAGAR

: Bungul. Kanapa mangasiani urang. Ganang diri saurang nang

tahutang. Baik mangasiani diri saurang, pada mangasiani diri
urang.

ALI

: Ai, Pian kada pahamkah.

UPI

: Pahamai kalu pian.

SAUDAGAR

: Pahamai, nyawa bahutang kalu ?

UPI

: Parlu dabayari.

SAUDAGAR

: Nah, bayari kena.

UPI

: Duit nang mana ?

SAUDAGAR

: Ali, Upi ? Tugas nyawa badua managih hutang. Nang tahutang itu
urang urang kalawan unda. Duit sudah unda tarima, Klop. Nah,
ulih nyawa nang tahutang, bayari ulih nyawa saurang.

UPI

: Tapi duit nang mana ?

SAUDAGAR

: Satumat lagi, nyawa dapat gajihan tumatan unda. Apa ngalihnya.

ALI

: Maksud kami badua, kumisinya. Kalu kaluai pian mambari ulun

badua.

SAUDAGAR

: Bapapinta haja gawian. Bacari bungulai, duit gajih bulanan nyawa

itu pakulih bacari ngrannya. Jangan maminta. Sudah kesana,
bajauh. Mun duit unda ini hilang, unda kaduakan nyawa badua
awan Pulisi. Hi, cagar supan nih, mun masuk berita Kriminal
Radar. Kada payu muha nyawa saumuran. ( MENINGGALKAN
ALI DAN UPI YANG KELIHATAN JENGKEL )

ALUH IPIS

: ( MUNCUL, TIDAK DI KETAHUI ALI DAN UPI )

UTUH ILUI

: ( MENYUSUL, MASUK )

UPI

: Dasar Saudagar engken.

ALI

: Engken Barajut !

ALUH IPIS

: Nah..ketahuan ulun, manyambati abah ulun.

UTUH ILUI

: Ulun padahakan.

ALI

: Asytagfirullah.

UPI

: Uh, jangan dipadahakan. Tulung jangan dipadahakan.

ALUH IPIS

: Ulun padahakan tupang, kada tahu urusannya. Pian badua bisa

diampihi bagawi disni.

ALI & UPI

: Tulung, Tulung banar, jangan dipadahakan. Makan apa sorang

kena, lucut aa.

UTUH ILUI

: Baik, baik, baik. Ulun handak batakun, pian sariklah wan abah ulun
?

ALI

: Kada sarik, sayang banar wan abah nyawa.

UTUH ILUI

: Pian pang paman Upi ?

UPI

: Baapa sarik kalawan bos nang mambari makani.

UTUH ILUI

: Ei..jadi, kada sariklah.

UPI

: Bujuran. kada sarik, nangapa jua nang disariakan.

ALUH IPIS

: U jadi kada sariklah kalawan abah ulun, nang engken barajut itu.

UTUH ILUI

: Mun damintu pian badua musuh ulun.

UPI

: Eh, apa pulang kesahnya ?

ALI

: Hi;ih, pina tabulik bulik pulang.

UTUH ILUI

: Luh Ipis. Tahulah sudah di mana abah maandak pati duitnya.

ALUH IPIS

: Silip banar, sidin maandaknya.

ALI

: Nah, katahuan kami, musti handak mancuntan duit kawitan

UPI

: Itu maling ngaranya.

UTUH ILUI

: Jangan macam macam. Mun pati duit abah ulun, ulun cuntan.
Kada ulun badua nang di tuduh sidin. Musti pian badua nang cagar
di laporakan ka pulisi.

UPI

: Bungul banarai. Nyawa badua nang mamakan duitnya, kami badua

nang dipanjara.

ALI

: Kada unda hakun.

UTUH ILUI

: Umbah kaya apa ?

Handak dapat bagian atawa di tangkap pulisi.

ALUH IPIS

: Lakasi pilih, handak nang mana.

ALI & UPI

: ( PANDANG MAMANDANG LALU PADA SALING

MENGANGGUK, DAN SERENTAK MENJAWAB )
Baik umpat jadi maling jua.

SEMUANYA MENYATAKAN RASA KOMPAK.

UTUH ILUI

: Mari kita baatur.

Paman Ali wan Paman Upi, tahulah dimana abah ulun maandak
duit.

ALI

: Rahasia kaandakan duit abah nyawa ada ditangan unda.

ALUH IPIS

: Paman Upi, tahu jua kalu ?

UPI

: Kami handak mancuntan duit abah nyawa sudah lawas. Tapi abah
nyawa hingga maancam unda, sadikit sadikit Pulisi. Sadikit
sadikit panjara !

ALI

: Busiah kita badua nang ditangkap Pulisi.

UPI

: Biar haja. Magun magun di tangkap Pulisi jua, lebih baik jadi
maling bujuran.

UTUH ILUI

: Nang kaya ini, sual Pulisi urusan gampang. Pulisi manusia jua,
sama kaya kita. Siapa nang kada katuju kalawan duit.

UPI

: Urang nang hidupnya engken barajut, wan kada pernah bazakat.

ALI

: Baik duitnya kita sikat.

UPI

: Akur !

UTUH ILUI

: Ulun badua parlu duit. Pian badua parlu jua. Tapi hadang dahulu,
ulun umpat batakun. Apa bujur, abah ulun manugasakan pian
badua mancari judu kami badua ?

SAUDAGAR

: ( TIBA TIBA MUNCUL ). Nah, kada salah tangguhan unda.

Musti nyawa nyawa ini marancana handak mancuntan duit unda

ia kalu Tuh ? Ia kalu Luh ? Nyawa jua, sama ! ( PADA ALI DAN
UPI ). ( TIBA TIBA TERIAK ). Malimg ! Rampok !
ALUH IPIS

: Bah, dirumah ini kadada maling.

UTUH ILUI

: Apalagi rampok.

SAUDAGAR

: Tapi unda lihat mata si Ali wan mata si Upi kaya maya maling !

ALI

: Na, iya kalo ! Musti kami badua nang disangkai sidin.

ALUH IPIS

: Baingai ingat, bah ! Banyakkah duit pian hilang ?

SAUDAGAR

: Baluman hilang pang, tapi cagar hilang.

UPI

: Itu balum hilang ngarannya.

ALI

: Hi;ih, baapa bakiau Pulisi ?

SAUDAGAR

: Nyawa tahu kada. Apabila dirumah terjadi pancurian, sedang

pancuri itu urang rumah sendiri, itu takana pasal panculasan wan
pasal musuh dalam selimut kalawan pasal pagar makan tanaman,
Kitap Undang Undang Hukum Pidana, KUHP. Hukumannya apa
? Tahu ? Hukumannya, ditatak kedua tangan wan kada ibari makan
saumur hidup dalam panjara.

ALI

: Itu ngeri lalu ngarannya. Amun mancuntan duit cagar kada

tamakan jua, itu maling babungulan ngarannya. Kada, ulun kada
handak jadi maling.

UPI

: Bungul, mancuntan aja, balum.

UTUH ILUI

: Sudah jangan mambayangakan nang kada kada. Bah, ulun

handak batakun. Bujurkah pian handak mambiniakan ulun ?

ALUH IPIS

: Ulun dangar pian handak malakiakan ulun ?

UTUH ILUI

: Bujurlah bah ?

SAUDAGAR

: Pas kabalujuran. Anu Ali, Upi, nyawa badua bajauh dahulu. Kena
nyawa badua ada gilirannya.

ALI DAN UPI MENINGGALKAN RUANGAN

SAUDAGAR

: Aluh Ipis, Utuh Ilui, sini baparak abah.. duduk. Utuh Ilui, nyawa
ini sudah bujang bakulat. Nyawa jua Aluh Ipis, sudah kada
kakanakan lagi, kanapa nyawa masih mangananak basam saman,
baluncat babirangkang dimka halaman. Nyawa itu sudah burasan.
Sudah maurak bulu. Jadi nyawa badua unda paksa kawin.

ALUH IPIS

: Bah, kawin itu sama wan balaki kalu ?

SAUDAGAR

: Tahu kada artinya kawin ? Nyawa Tuh, tahu kada artinya ?

UTUH ILUI

: Kanapa kada tahu.

SAUDAGAR

: Apa artinya ?

UTUH ILUI

: Guring satilam, tahuai ulun.

SAUDAGAR

: Mun guring satilam jaha, itu lain kawin ngarannya.

ALUH IPIS

: Tapi sakalambu, ulun gen tahu.

SAUDAGAR

: Amun guring satilam haja, sakalambu haja itu lain kawin

ngarannya. Biar satilam, biar sakalambu mun bulu kada basampuk
bulu, lain kawin ngarannya. Sudah. Kada usah di jelasakan lagi.
Sana sana kena bisa haja. Sudah bajauh. Unda handak
mamanderakan pelaksanaan hari badapatannya. Sana, bajauh, kiau
Ali wan Upi.

ALUH IPIS DAN UTUH ILUI MASUK MEMANGGIL ALI DAN UPI. TERNYATA ALI
DAN UPI TIDAK ADA.
UTUH ILUI

: ( MUNCUL KEMBALI )
Paman Ali wan paman Upinya kadadaan.

SAUDAGAR

: Bangsat. Kamana mana kada sing padahan.

( MASUK KEDALAM ).

BAGIAN DUA. DISEBUAH LORONG JALAN

MUNCUL ALUH IPIS BERSAMA ANANG, UTUH ILUI BERSAMA DENGAN ALUH
BUNGAS
ALUH IPIS

: Nang kaya apa ka Anang. Ulun dipaksa kawin ulih abah ulun
kalawan urang tuha nang kamatian bini.

ALUH BUNGAS

: Sama wan ulun. Uma ulun manarina lamaran jua.

UTUH ILUI

: Jadi ikam cagar dikawinakan jualah ?

ALUH BUNGAS

: Inggih, urangnya sugih pang. Tapi sudah tuha mangalilu.

ANANG

: Mun aku kada nang mamaksa pang. Cuma abahku sudah dapat
judu wan babinian anak urang sugih.

UTUH ILUI

: Jadi hubungan kita ini bujur bujur taancam.

ALUH BUNGAS

: Hidup kada ubahnya kaya hintalu di ujung tanduk.

TIBA TIBA MUNCUL PAMAN ALI DAN PAMAN UPI.

ALI

: Nah. Katahuanku, kupadahakan.

ALUH IPIS

: Paman, tulungi pang ulun.

ALI

: Kadada batulung tulungan. Unda sudah di tugasakan ulih abah

nyawa mancariakan laki. Dan laki laki itu sudah ada.

UPI

: Dan nyawa Tuh Ilui, sudah unda cariakan jua bakal bini nyawa.

ALUH IPIS

: Tapi pian malihat kalu wan laki laki pilihan ulun.

ALI

: Unda kada mau tahu, amun nyawa manulak laki laki pilihan unda
nang sudah abah nyawa satujui, sama haja wan mambari supan
unda wan abah nyawa.

ALUH IPIS

: Tapi kada pantas kalu ulun lawan laki laki nang pian cariakan.

ALI

: Itu kahandak abah nyawa sorang. Biar tuha tapi sugih.

UPI

: Nyawa jua Luiai, jangan sampai mambari supan unda jua.

UTUH ILUI

: Tapi kenapa pain juduakan ulun kalawan acil acil nang kilum ?

UPI

: Biar kilum kada bagigi, tapi baisi intan babotol. Tangan mahibak
galang amas. Handak hidup nyaman atawa kahada ?

ALUH BUNGAS

: Ka Ilui, mun kaya ini caranya, lebih baik kita larian.

ALUH IPIS

: Pian wanilah jua manbawa ulun lari.

UPI

: Pui, pina musti handak larian. Kadada urang kawin lari mun kada
wan duit.

ANANG

: Sakaping kaping kada baisi duit.

UTUH ILUI

: Samaai, duit nang mana ?

ALI

: Makanya nyawa badua di juduakan awan urang sugih.

ALUH BUNGAS

: Umbah kaya apa. Mun ulun kada di bawa lari baik ulun bunuh diri.

ALI

: Na..na..na. luput. Itu luput ngarannya.

UTUH ILUI

: Mun ikam bunuh diri, aku bunuh diri jua.

ALI

: Itu salah, bunuh diri dimurkai Tuhan.

ANANG

: Ikam pang Aluh Ipis, handak bunuh diri juakah.

ALUH IPIS

: Dari pada balaki tuha, lebih baik kada balaki saumuran.

ANANG

: Ai, aku si Anang siap maambil ikam bini.

UPI

: Jangan macam macam muha ikam. Langkahi mayatku dahulu

hanyar kawa maambil Aluh Ipis,bakaca dahulu, bacaramin
dahulu, sadar diri pang muha nang kaya di kuracak bidawang,
handak maambil Aluh Ipis jadi inilah, mukulu jauh. Mun kada
balaki saumur hidup, baik balaki unda.

ANANG

: Nyatanya pian nang bamacam macam.

ALUH IPIS

: Ayu pang paman Ali, bantu pang kami.

UPI

: Berat, kecuali ada itu ininya.

UTUH ILUI

: Itu ini apanya ?

UPI

: ( ISYARAT ADA DUIT DENGAN JARI JARINYA )

UTUH ILUI

: Duit ? Duit nangapa nang ulun bariakan ?

UPI

: Kamari ikam Tuh.

( MEMBISIKI DENGAN KATA KATA, MENGAMBIL DUIT
SAUDAGAR ABAHNYA ).

UTUH ILUI

: Apa ? Jadi pian hakun mambantu kami ? Paman Ali panh akur
hajalah ?

UPI

: Si Ali, pasti manurut aja, apa ujar unda.

UTUH ILUI

: Alhamdulillah.

UPI

: Tapi ada syaratnya. Samunyaan harus hadir dalam acara partamuan

judu. Ayu kita bubar.

ADEGAN TIGA. DI RUMAH SAUDAGAR MALIK.

SAUDAGAR MALIK TERIAK DARI DALAM.
SAUDAGAR

: Maling ! Maling ! ( MUNCUL )

ALI & UPI

: ( SAMA SAMA MUNCUL )

SAUDAGAR

: Kada salah ujar unda. Handak minta Pulisikah ?

ALI

: Ai, apa ujar pian Juragan ? Ulun kada paham.

SAUDAGAR

: Dasar maling. Nyawa badua handak maambil duit unda kalu ?

ALI

: Jangan macam macam Juragan. Bapuluh puluh tahun ulun

umpat pian. Sabilah korek talinga pian aja, kada pernah ulun
maambil. Apa lagi mancuntan.

SAUDAGAR

: Nyawa pang Pi ?

UPI

: Ulun pulang maginnya takutan.

SAUDAGAR

: Artinya nyawa badua kada jadi mancuntan kalu ?

UPI

: Asytagfirullah. Bawa bazikir Juraganai. Bawa bazikir.

SAUDAGAR

: Baik, sini duduk baparak.

ALI & UPI

: ( MENDEKAT DAN DUDUK DI LANTAI )

SAUDAGAR

: Ai, kanapa duduk di lantai ?

MAK COMBLANG : ( MEMBERI SALAM DI LUAR ). Assalamualikum.

SAUDAGAR, ALI DAN UPI MENJAWAB SALAM.
SAUDAGAR

: Nah, pas banar. Masuk, kada usah supan. Masuk aja.

MAK COMBLANG : Selamat siang Tuan Juragan. Selamat siang tuan tuan.
SAUDAGAR

: Apa kabar bu Ijum ?

MAK COMBLANG : Baik. Dan tuan ?

SAUDAGAR

: Baik. Mari, silahkan duduk !

MAK COMBLANG : Terima kasih.

SAUDAGAR

: Jadi, kaya apa usaha bu Ijum ?

MAK COMBLANG : Sukses. Kadada halangannya.

SAUDAGAR

: Kaya apa urangnya ?

MAK COMBLANG : Kadada wadaannya.

SAUDAGAR

: Awaknya, kurus atau lamak ? Kulinya, Putih, Kuning, Hirang ?

Wan muhanya kaya apa ? Ayu jalasakan sajalas jalasnya.

MAK COMBLANG : Tapa, apa jongos jongos tuan ini memang tuan tugasakan untuk
mandangarnya ?
SAUDAGAR

: Dasar utak timpakul. Siapa nang manyuruh nyawa ka sini ?

ALI

: Naaa, ia-am. Maka Juragan jua nang manyuruh ulun duduk disini.

SAUDAGAR

: Itu tadi bungulai.

UPI

: ( KEPADA PENONTON ). Dasar urang tuha mangalilu jua.

SAUDAGAR

: Hei, Pi. Apa ujar nyawa ?

UPI

: Kada apa apaai.

SAUDAGAR

: Nyawa mandangar kalu, Li ?

ALI

: Dadangaran aja pang.

SAUDAGAR

: Apa ujar si bangsat itu ?

ALI

: Anu, pandangar ulun. Pian tu, biar tuha tapi masih kuat aja.

SAUDAGAR

: Siapa garang mamadahakan unda kada kuat. Nyawakah ?

ALI

: Nah, tasalah pulang am.

MAK COMBLANG : Tuan ini handak mandangarakan kabar ulun atau handak
bamamai ?
SAUDAGAR

: Sudah ! Ayu bajauhan !

( UPI DAN ALI MENINGGALKAN RUANGAN SAMBIL MENGEJEK DI

BELAKANG SAUDAGAR MALIK )
SAUDAGAR

: Nah, tarusakan.. Nang kaya apa urangnya ? Umurnya berapa ?

MAK COMBLANG : Umurnya mun kada salah, dalapan balas tahun.

SAUDAGAR

: Dalapan balas ?

MAK COMBLANG : Umur pian barapa ?

SAUDAGAR

: Parak 70 tahun. Kada katuhaankah unda ini ?

MAK COMBLANG : Hitungan umur bisa aja tuha. Tapi dilihat kagagahan tuan nangkaya
baumur dua puluhan.
SAUDAGAR

: Ialah. Bujurankah unda masih kalihatan anum ?

( UPI DAN ALI TIBA TIBA MUNCUL, LALU BICARA KEPADA PENONTON.
TIDAK DILIHAT SAUDAGAR )
UPI

: Ayu bapadah anum ?

ALI

: Kada marasa wan pakakas sidin nang sudah lintuk.

SAUDAGAR

: ( TERTOLEH PADA UPI DAN ALI ). Ai, dasar binuhung hidup

hidup.

( ALI DAN UPI CEPAT BERLARI MENGHILANG )

MAK COMBLANG : Jadi kaya satarusnya.
SAUDAGAR

: Unda handak tahu, barapa jujurannya.

MAK COMBLANG : Hadang dahulu, pian ini bujur bujurkah handak babini.
SAUDAGAR

: Nyawa ni jangan tabulang bulik kaya itu, unda handak manyuruh

nyawa, jadi kada beganangan, jadi kaya apa jujurannya.

MAK COMBLANG : Pertama rumah gedung.

SAUDAGAR

: Alhamdulillah.

MAK COMBLANG : Mobil, saparangkat alat kamar guring, tapih baju, galang amas wan
kalung berlian.
SAUDAGAR

: Mobil wan rumah gedung, itu unda satuju, pakakas guring, itu
patut, tapi galang amas wan kalung barlian unda kada parlu.

MAK COMBLANG : Pian kada parlu, tapi babiniannya maanggap parlu.

SAUDAGAR

: Kada kabaratan.

MAK COMBLANG : Duit saratus juta.

SAUDAGAR

: Hahaha Kada unda sangka, tuha - tuha kaya ni payu haja di

jual.

MAK COMBLANG : Hadang dahulu. Apa nang pian maksud , tuha tuha payu aja di
jual ?
SAUDAGAR

: Kada pahamkah nyawa ? Cucuk haja mun nyawa padahakan unda

ini nangkaya baumur 20 tahun. Jadi kada rugi bila babinian tu
mahargai unda saharga obil, rumah, gedung, amas intan sagala.

MAK COMBLANG : Eh, maksud pian itu apa ?

SAUDAGAR

: Nangkaya ini bu Ijum. Padahakan aja lawan kaluarga babiniannya,

unda akuri saratus parsen.

MAK COMBLANG : Anuu,..

SAUDAGAR

: Naaa, unda minta hari ahad kaina, suruh kaluarganya datang

mambawa babinian itu ka rumah sini, unda handak malihatnya.
Ngarannya siapa ?

MAK COMBLANG : Aluh Bungas.

SAUDAGAR

: Aluh Bungas. Cocok. Lah, jangan kada ingat. Hari ahad. Ayuha
nyawa, bulik haja dahulu.

MAK COMBLANG : Lalu sebagai tanda jadinya ?

SAUDAGAR

: Itu soal gampang. Biar unda kada dijulungi tanda jadi, kada apa
apa. Nang panting unda handak malihat si Aluh Bungas nang
bamuha bungas. yuha, nyawa bulik aja.

MAK COMBLANG : Tapi ganti kauyuhan ulun pang mana ?

SAUDAGAR

: Aaah, macam macam. Mancari akan bini aja minta ganti rugi.
Sudah sana. Kaina nyawa harus umpat mairingi. Hei Jum, abah
umanya Aluh Bungas itu bujur bujur sugih kalu ?

MAK COMBLANG : ( HENDAK MENJAWAB, TAPI DIDESAK PERGI OLEH

SAUDAGAR. MAK COMBLANG DENGAN TERPAKSA
MENINGGALKAN PERGI SAMBIL MENGOMEL ).
SAUDAGAR

: ( KESUKAAN SENDIRI, KARENA SELAIN IA AKAN DAPAT

GADIS BELASAN TAHUN JUGA MENYANGKA IA AKAN
DAPAT HARTA PEMBERIAN KELUARGA CALON
PEREMPUAN ). Ali, Upi ??!! Oh, unda balum mangontrolpati
duit unda. ( PERGI KE ARAH BELAKANG ).

ALI DAN UPI MUNCUL, TAPI SAUDAGAR SUDAH TIDAK ADA. MATA ALI DAN
UPI TERTUJU KE ARAH PERGINYA SAUDAGAR. UTUH ILUI DAN ALUH IPIS
MUNCUL SECARA DIAM DIAM, ALI DAN UPI DIBUATNYA KAGET. ALI DAN
UPI TERIAK KAGET, SEMENTARA UTUH ILUI DAN ALUH IPIS GELAK
TERTAWA.
SAUDAGAR
( ON STAGE )

: Maliiiiing ???!!!!!!! Maling. !!!!!????

ALI, UPI, UTUH ILUI DAN ALUH IPIS CEPAT SEMBUNYI. SUASANA HENING
DAN TEGANG.
SAUDAGAR

: ( MUNCUL, MATANYA JALANG MENELITI RUANG

SETELAH DILIHATNYA TIDAK ADA ORANG BARU
MERASA LEGA, DIAPUN KEMBALI KE ARAH TEMPAT IA
MENYIMPAN PETI DUITNYA ).

SATU SATU, KEPALA ALI, UPI, UTUH ILUI, DAN ALUH IPIS NONGOL.
SETELAH SEPAKAT DAN PADA MENGANGGUK MEREKA MUNCUL LALU
BERBISIK. SEMUA PADA AKUR. UTUH ILUI DAN ALUH IPIS BERSEMBUNYI,
TINGGAL ALI DAN UPI.
ALI

: Ia kalo. Bakiau tapi sidin sorang nang kadada.

UPI

: Mana engken barajut.

ALI

: Juragan ! ( MEMANGGIL ) Juragan !

UPI

: Juragan.

SAUDAGAR

: ( MUNCUL ). Baapa nyawa di sini. Mahintip andakan pati duit

undakah ?

ALI

: Asytagfirullahal ajiem. Juragan Juragan.

UPI

: Talalu !!! Dasar urang tuha kada tahu diri. ( KEPADA

PENONTON ).

SAUDAGAR

: Hei, apa ujar nyawa. ( MEDEKATI UPI DAN MENJEWER

TELINGANYA ) Ayu buliki apa ujar nyawa tadi.

UPI

: Tapi lapas dahulu talinga ulun. Kanapa pian jadi sarik.

SAUDAGAR

: Nyawa manyambati unda kalo ? Apa jar nyawa tadi ?

UPI

: Anu. Jar ulun hati hati awan duit, disini banyak maling.

SAUDAGAR

: Siapa malingnya, nyawa kah Li ?

ALI

: Asytaffirullahal ajiem ! Ulun malah bakawajiban manjaga akan

harta pian di rumah ini.

SAUDAGAR

: Bagus, sekarang dangarakan. Hari ahad kaina cagar ada partamuan

juduh. Bakal Bini Utuh Ilui awan pangawalnya dua ikung, Bakal
Laki Aluh Ipis awan pangawalnya sudah ampat ikung, lalu bakal
Bini unda wan pangawalnya jua, di rumah ini unda saikung, Utuh
Ilui dan Aluh Ipis. Jadi 3 ikung, lalu berapa jumlahnya ?

ALI & UPI

: ( MANGULANGI JUMLAH ORANG ORANG YANG AKAN

DATANG )

SAUDAGAR

: Bajumlah 9 ikung.

UPI

: Ulun wan Ali pang kada dihitunglah.

SAUDAGAR

: Cukup 9 ikung. Ini manyangkut soal konsumsi.

ALI

: Uuu.. jadi cagar makan besar.

UPI

: Mayumbalih sapi.

SAUDAGAR

: Bangsat. Sapi nangapa ?

UPI

: Mun kada sapi, Kambing.

SAUDAGAR

: Gilaan ! Saikung ini, gawiannya handak manyakiti unda haja.

Kadada kambing, kadada sapi.

ALI

: Gantinya itik angsa.

SAUDAGAR

: Kadada angsa, apalagi ayam ! Binahung ! Dangarakan ! Urangnya

sambilan ikung. Itu sambilan cangkir teh.

UPI

: Gulanya lima kilu !

SAUDAGAR

: Na, handak sakit nih ! Dangarakan hitungan bisnis unda. Sambilan

cangkir teh itu, cukup ampat satangah semdok gula. Nasi sambilan
piring, masak aja baras satangah litar masak campur wan jagung.

ALI

: Iwaknya, iwak saluang atau sapat karing.

SAUDAGAR

: Badiam ! Mambari supan unda haja ! Unda ini di kanal sebagai

saudagar. Kada manyupani undalah mun mamakani tamu lawan
iwak sapat karing atawa iwak saluang !

UPI

: Lalu iwaknya apa ?

SAUDAGAR

: Tetap daging.

UPI

: Berapa kilu ?

SAUDAGAR

: Masih haja marasa nang kaya urang sugih.

ALI & UPI

: ( SERENTAK ) Sa ons ?

SAUDAGAR

: Cukup sa ons.

UPI

: Di ulah nangapa ?

SAUDAGAR

: Masak Rawon. Banyaki banyunya. Hirangi wan napakah.

UPI

: Bumbunya pang ?

SAUDAGAR

: Bumbu jadi sudah ada. Nukar sabungkus.

ALI

: Bujur haja dagingnya sa ons. Tapi hintalunya lima puluh buku.

SAUDAGAR

: Kadada hintalu hintaluan. Nah, mun nyawa badua sudah paham,

dangarakan tugas lainnya. Hari ahad kaina nyawa sadiakan meja
makan, kursi sambilan buah, gelas teh sambilan buah, sendok
sambilan buting, kada usah pakai garpu, nah saat urang nang
sambilan itu duduk dikursi masing masing, Ali badiri di situ.
Cangangi urang urang nang mangaut nasi wan kuah rawonnya.
Amunnya pina handak batambah, celengi wan mata nyawa.

ALI

: Di celengi ? Gasan apa ?

SAUDAGAR

: Sakira inya supan batambah. Paham ? Nah, amun sudah paham.

Tugas nyawa mahubungi kulawarga bakal laki Aluh Ipis wan
kulawarga bakal bini Utuh Ilui, hari ahad, hari batamuan
ingatakan. Paham ?

ALI & UPI

: ( SERENTAK MENJAWAB ) Paham !

DALAM ADEGAN RENCANA

BERIMPROPISASI,
SEPANJANG
SAUDAGAR.
SAUDAGAR

MRNGADAKAN PERTEMUAN, BEBAS

UNTUK
MENEKANKAN
KEKIKIRAN

: Ayu, kita bersama sama mempersiapkannya. Sudah sana pergi,

unda kada akan manjawab peryanyaan partanyaan nyawa badua

ALI DAN UPI MENINGGALKAN RUANGAN, SAUDAGAR MENUJU RUANG

ISTIRAHAT. TIDAK LAMA BERSELANG, ALUH IPIS DAN UTUH ILUI MUNCUL.
PERHATIANNYA TERCURAH PADA PETI DUIT SAUDAGAR, MANYUSUL
MUNCULNYA ALI DAN UPI.

UTUH ILUI

: ( MENOLEH KE ALI DAN UPI ) . Ssssst.......... Dimana andakan

peti duitnya ?

ALI

: Upi, jaga dilawang sana.

ALUH IPIS

: Ini jam guring abah.

ALI

: Yu, kita kasana.

UPI LEMBALI MUNCUL

UTUH ILUI

: Luh Ipis, ikam disini haja wan Paman Upi. Mun ada abah bari
tanda.

UTUH ILUI DAN PAMAN ALI MENUJU TEMPAT SIMPANAN PETI DUIT.
WAKTU BERLALU.
DIRUANG TENGAH RUMAH SAUDAGAR MALIK.
ALI DAN UPI SIBUK MENATA RUANGAN. MEJA, KURSI DAN SEDIKIT HIASAN
KERTAS WARNA. MUNCUL SAUDAGAR MALIK DENGAN SETELAN JAS KUNO
BERDASI TAPI PAKAI SARUNG. HATINYA SENANG DENGAN PEKERJAAN ALI
DAN UPI. TIBA TIBA TERDENGAR RIBUT RIBUT. TERNYATA UTUH ILUI
DAN ALUH IPIS DENGAN KELAKUAN SEPERTI ANAK KUCING BASIMBAN.
SAUDAGAR

: Nah ikam. Luputam. Sudah bujang tuha masih basimban kaya

anak kucing. Ayu babaju. Kena sampat datang bakal laki wan
bakal bini nyawa.

ALUH IPIS

: Ulun indah dikawinakan.

UTUH ILUI

: Ulun indah jua.

SAUDAGAR

: Ini balum bakakawinan. Batamuan haja dahulu.

ALUH IPIS

: Pian itu kanapa pina aksi banar. Pian handak babini juakah bah ?

SAUDAGAR

: Babaju, jar abah. Kanapa pina macal banar. Handak minta pasung
wan sasunduk lawangkah ?

ALUH IPIS

: Inggih, inggih !

TERDENGAR ORANG MEMBERI SALAM DI MUKA PINTU.

SAUDAGAR

: Waalaikum salam. Ayu Tuh Ilui lakas ganti baju. Ali, Upi,
siapakan makanan. ( UTUH ILUI DAN ALUH IPIS MASUK DI
IKUTI ALI & UPI ) Masuk !

TERNYATA ANANG DENGAN ABAHNYA SAUDAGAR JALIL YANG SUDAH

UBANAN DAN PIKUN.
SAUDAGAR

: Alhamdulillah. ( SALAMAN ).

JALIL

: Ulun Jalil. Saudagar banua harat. Bakal minantu sampian

SAUDAGAR

: Dan ini ?

JALIL

: Anak bungsu ulun. Anang ngarannya. ( SALAMAN ).

ANANG

: Ulun Anang.

JALIL

: Anang anak ka lima balas. Tapi umanya sudah lawas mati.

TERDENGAR LAGI UCAPAN SALAM DARI SUARA PEREMPUAN. YANG DI

DALAM PADA MEMBALAS SALAM.
SAUDAGAR

: Waalaikimussalam. Masuk !

TAMPAK ACIL SITI DENGAN TAWANYA MENYERINGAI, LEHER DAN

TANGANNYA PENUH PERHIASAN.
SAUDAGAR

: Mari masuk, Silahkan duduk.

ACIL SITI

: Ulun Siti. Padagang mas intan. Baisi Tuko sapulah buah di

kuntrakakan 2 milyard sabuah.

SAUDAGAR

: Dua milyard ?

ACIL SITI

: Hiih. Satahunnya.

SAUDAGAR

: Jadi sapuluh buahnya ?

ACIL SITI

: Dua puluh milyard. Balum rumah sewaan. Dimana mana ada,

baisi pasantren, barapa buah aja umpat manyumbang urang
mambangun masigit. Duit balabihan. Jadi bingung manyimpani
duit. Guring haja babantal duit.

JALIL

: Pian kamari pakai mobil apa ?

ACIL SITI

: Baojek.

SAUDAGAR

: Urang nang kaya ikam ini yang aku cari. Tahi di arti duit.

ACIL SITI

: Tapi nang cagar jadi laki ulun mana ? Lain pian kalu ?

SAUDAGAR

: Mana kuhakun. Diri sudah sudah tuha, Babunu tuhalah, Layat.

ACIL SITI

: Ulun gin kada sudi jua balaki tuha, Lintuk. Mana bakal laki ulun ?
Piankah kuitannya ?

SAUDAGAR

: Aku abahnya.

ACIL SITI

: Oh, bakal mintuhaku. Ampun baribu ampun, ulun talalu lantih. Oh,
mintuhaku ( MEMELUK ).

SAUDAGAR

: MELEPASKAN DIRI ). Sudah sudah. Ayu duduk dulu, sabar.

UTUH ILUI

: Bah ! Kanapa baragap ?

SAUDAGAR

: Nah, itu inya. Inya itu anakku, bakal laki ikam.

ACIL SITI

: Haaah ? Oh, gagahnya lakiku ( HENDAK MEMELUK ).

UTUH ILUI

: ( MENGHINDAR ).

SAUDAGAR

: Ini, inya bakal bini nyawa, urang nang panyugihnya di..........

UTUH ILUI

: Jangan maigau bah ! Ulun ini masih anum.

ACIL SITI

: Nang anum jua nang aku katujui. Mintuha, mun kawa hari ni jua
ulun badua dinikahakan. Panghulunya sudah dikiaulah ?

SAUDAGAR

: Sabar, sabar !

JALIL

: Lalu, bakal bini ulun pang yang mana ?

ALUH IPIS

: ( MUNCUL ).

JALIL

: Inya itukah juragan ? Duh, duh mandagub hati di dalam. Nang,

lihat nang bakal uma anum nyawa. Pokoknya hari ini jua acara
banikahan.

SAUDAGAR

: Sabar, sabar !

JALIL
Oh....... adindaku.

: Ulun rasa kada kawa basabar ( MENDEKATI ALUH IPIS ).

ALUH IPIS

: ( MENJAUH KETAKUTAN. LALU BERLINDUNG DI

BELAKANG ANANG ).

TERDENGAR LAGI UCAPAN SALAM DARI LUAR . YANG DIDALAM

MEMBALAS UCAPAN SALAM. MUNCULLAH ALUH BUNGAS DIKAWAL OLEH
MAK COMBLANG, SAUDAGAR MALIK TERPESONA, SEMENTARA ALUH
BUNGAS DAN UTUH ILUI PADA TERKEJUT.
ALUH BUNGAS

: Nang mana urangnya acil Ijum ?

SAUDAGAR

: Jum.... bawa kamari. Sini duduk batataiku.

MAK COMBLANG : ( MENCOBA MANGGANDENG ALUH BUNGAS KEARAH

DUDUKNYA SAUDAGAR. TAPI DITOLAK ALUH BUNGAS ).
ALUH BUNGAS

: Sidin itukah bakal laki ulun ?

MAK COMBLANG : Biar tuha tapi sugih.

UTUH ILUI

: Biar sugih tapi engken.

ALUH BUNGAS

: Uma, uma cil. Rasa kada sudi ulun.

SAUDAGAR

: Apa ujarnya Jum ?

MAK COMBLANG : Inya rasa manggatar jar, pian pina aksi banar jar.
SAUDAGAR

: Rugi ai baisi duit mun kada gasan baaksi.

TIBA TIBA MUNCUL ALI DAN UPI.

UPI

: Juragan, apa rawonnya parlu disajiakan ?

SAUDAGAR

: Hadang dahulu, bungulai. Duduk haja balum basusun.

UPI

: Ulun ada usul. Lantaran samunyaan cagar apasangan, alangkah

baiknya kami badua nang maatur duduknya.

UTUH ILUI

: Ulun satuju kalu Paman Ali wan Paman Upi nang maatur
duduknya.

ALI

: Usul ulun terima.

UPI

: Utuh Ilui, nyawa duduk dulu di sini. Juragan Malik cagar jadi
mintuha Juragan Jalil. Baik, baik duduk batatai disini.

ALI

: Kada bisa. Abahnya Anang nang bangaran Juragan Jalil labih baik
duduk kalawan anak sidin. Ayu Anang duduk batatai abah ikam.

ANANG

: ( MENURUT SAJA ).

ALI

: Lantas Aluh Ipis duduk di higa anak tirinya.

ALUH IPIS

: ( MENURUT SAJA APA YANG DIKATAKAN OLEH PAMAN

ALI. SEHINGGA POSISI ANANG DIAPIT OLEH JURAGAN
JALIL DAN ALUH IPIS.

JALIL

: ( TAK MEMPERHATIKAN KEMESRAAN ALUH IPIS

DENGAN ANANG ).

UPI

: Kaya apa kalu Utuh Ilui duduk digapit oleh uma tirinya kalawan
abahnya Juragan Malik.

SAUDAGAR

: Akur banar. Ayu ding ( KEPADA ALUH BUNGAS ). Duduk

batatai kalawan calon anak.

UTUH ILUI

: ( POSISI DUDUK DI TENGAH DIAPIT OLEH JURAGAN

MALIK DAN ALUH BUNGAS ).

ACIL SITI

: Unda pang duduk dimana ? Unda kada handak duduk tapisah wan
bakal laki unda. ( MEMAKSA DUDUK DI SELA SELA
ANTAR UTUH ILUI DENGAN JURAGAN MALIK ).

SAUDAGAR

: ( MERASA SALAH TEMPAT LALU BERDIRI ). Ini luput

ngarannya. Nang cucuk unda duduk dihiga calon bini unda.
( PINDAH DUDUK DISAMPING ALUH BUNGAS ).

ACIL SITI

: Na, ini nang pas ngarannya. Ka Ilui, ini ading. Ading sayang
kalawan Ka Ilui.

ALUH BUNGAS

: ( MERASA TIDAK SENANG. LALU BERDIRI HANDAK

PINDAH ). Ulun kada hakun baparak kai. Ulun handak duduk
disni haja ( PINDAH ANTARA ACIL SITI DAN UTUH ILUI )

SAUDAGAR

: Kada bisa ! Calon uma duduk bakajal kalawan calon anak. Ilui
( MENARIK TANGAN UTUH ILUI MENYURUH PINDAH ).
Nyawa salah duduk. Sana pindah kasubalah bakal bini nyawa.

UTUH ILUI

: ( BERDIRI SAMBIL MENARIK TANGAN ALUH BUNGAS ).

SAUDAGAR

: Hui ! Itu bakal bini unda.

ACIL SITI

: ( CEPAT MENYUSULI UTUH ILUI ). Ka Ilui jangan bapingkut

kalawan bini abah pian. Ini tangan ulun pingkuti pang.

UTUH ILUI

: ( MENOLAK.MALAH MERANGKUL ALUH BUNGAS ).

SAUDAGAR

: Bangsat !

JALIL

: Bangsat jua ! Hie... Nang, Itu bakal uma anum yawa. Jangan pina
pusut mamusuti. Kasini ding ( MERAYU ALUH IPIS ).

ALUH IPIS

: Mh....kada ulun sudi !

JALIL

: Anang !

SAUDAGAR

: Ilui !

SAUDAGAR MALIK DAN SAUDAGAR JALIL JADI NAIK PITAM !

ALI

: Ilui ! ( GELAK KETAWA ).

SAUDAGAR

: Anak kurang ajar ! Wani manggandaki bini kuitan.

UTUH ILUI

: Aluh Bungas ini balum jadi bini pian kalu bah ?

JALIL

: Nyawa Nang. Unda ranakkakan, unda haragu, nda ganalakan.

Sakalinya mamusuti bini abah. Handak katulahan saku.

ANANG

: Aluh Ipis balum jadi bini pian kalu bah ?

ALUH IPIS

: Kada bulihlah si Anang ulun pilih jadi laki ulun ?

UTUH ILUI

: Dan ulun kada salah kalu, bila si Aluh Bungas ulun pilih di bini
ulun ?

SAUDAGAR

: Aluh Bungas bini unda !

JALIL

: Aluh Ipis cagar bini unda !

SAUDAGAR

: Ini gara gara si bangsat nang badua ini. ( KEPADA ALI DAN
UPI ).

ALI

: Ai, kanapa salah ulun ? Tugas ulun mancari judu anak pian. Tapi
imbah anak pian batamu wan judunya, ternyata inya kada sudi
balaki babini tuha.

SAUDAGAR

: Dan nyawa jua Jum ? Kada nyawa kisahakankah kaadaan diri

unda wan babinian nang unda cariakan.

MAK COMBLANG : Hadang dahulu, pian sudah maakurikah jujuran nang diminta
uitan bakal bini pian ?
SAUDAGAR

: Jujuran ? Ujar nyawa babiniannya nang manjujur unda.

ALUH BUNGAS

: Apa ulun manjujur pian ? Tuha tuha baingat sadikit, bawa

bazikir. Kada ulun rela ulun manjujur pian nang tuha, nang sudah
babau tanah.

SAUDAGAR

: Jadi undalah nang manjujur inya. Mobil, rumah gedung, amas

intan, mana hartanya ?

UTUH ILUI

: Amun pian kada wani manjujurnya, ulunai nang maambil inya

ini bini.

ALUH BUNGAS

: Hakun banar ulun.

SAUDAGAR

: Muha nyawa Lui, handak manjujur babinian wan rumah gedung,

mobil, amas intan sagala, mana duitnya ?

UTUH ILUI

: Hadang dahulu ( BERGEGAS MASUK LALU KELUAR

MEMBAWA PETI DUIT ).

SAUDAGAR

: Apa ? Pati duit unda ?

UTUH ILUI

: Ulun tahu didalam pati duit ini kada Cuma duit isinya.
Didalamnya parhiasan amas intan paninggalan arwah uma ada
disini.

SAUDAGAR

: Bulikkakan harta unda.

UTUH ILUI

: Kada ulun bulikkakan, samunyaan ulun ulah jujuran.

SAUDAGAR

: Perampok. Sudah bini unda dirampok, harta unda pulang. Ali, Upi
kiau pulisi. Perampok !? ( TERIAK, LUMPUH ).

UTUH ILUI, ALUH IPIS, ANANG, ALUH BUNGAS MENYATU JADI SATU.
JALIL

: Umailah, nangkaya itulah kalakuan kakanakan wayahini. Handak

kukarasi katia sudah tuha. Nang kaya apalah ?

MAK COMBLANG : Kada usah bangalih ngalih, mun pian handak jua babini , awan
ulun nai ( MENDAMPINGI JURAGAN JALIL ).
SAUDAGAR

: ( MASIH TERGELETAK DILANTAI, MERENGEK RENGEK

SEPERTI ANAK KECIL ). Harta unda. Bulikkaka.

ALI DAN UPI MENCOBA MENYABARI JURAGAN MALIK.

ALI

: Juragan, diri pian sudah tuha, liang kubur sudah parak. Basadar
sadar diri sampian.

SAUDAGAR

: Harta unda bulikkakan. Unda uyuh bacari mangumpullakan.

UPI

: Diri pian sudah tuha. Harta kahada dibawa mati jua.

ACIL SITI

: JURAGAN. Kada usah sangkal, kada usah sadih. Harta sampian

itu biar aja gasan anak sampian. Amun juragan parlu duit wan
harta, ulun anyak haja baisi.

ALI

: Amun Juragan satuju maambil pian bini, hakunlah pian ?

UPI

: Juragan, Acil Siti ini, urang sugih. Kontrakan ruko aja mandua
puluh milyard satahun.

ACIL SITI

: Balum rumah sewa wan mas intan.

ALI

: Satujulah pian Juragan kalawan makacil Siti nanginih ?

ACIL SITI

: ( AGAK MALU MALU ).

SAUDAGAR

: ( SAMA AGAK MALU MALU ).

ALI & UPI

: Hakun kada Juragan ?

SAUDAGAR

: Tapak sa ai.

UPI

: Allahumma Salli Alaa Muhammad.

SEMUA

: Salli Wasallim Alaih.

PENUTUP

: Musik gembira.

Reproduksi Naskah :
Saduran Bebas dari :
Kelompok Studi Seni
LAvarenya Molliere.
Sanggar Budaya Banjarmasin
Tik : Brien.

Banjarmasin, 24 Januari 2006

Penulis,
H. Adjim Arijadi