SITUASI KOMEDI LIMA MENIT (SITKOMA)

DENGAN JUDUL :

“POHON NATAL “MEGAH” DI KOMPLEKS BAKU BAKU SAYANG”

Durasi : ± 5-7 menit

Christian Winter sebagai Om Pala
Desiree Rumayar-Lontoh sebagai ibu pendeta
Donald Wewengkang sebagai Om Don
Verce Winter sebagai tanta Cece
Adery Winter sebagai tanta Dery

Om Pala : Tabea, birman birman yang budiman..

Kita sebagai Om Pala yang bertanggung jawab di kompleks Baku-baku sayang.. mo kase tau info
yang fenomenal tahun ini di kompleks torang yang MEGAH ini.
Semua : (saling bertatapan) apa dang itu Om Pala ?
Om Pala : besok, torang pe kompleks akan menyambut bupati, mo berkunjung kamari dalam rangka
menyaksikan persiapan natal di kompleks Baku Baku Sayang. Jadi torang mo siapkan POHONG
NATAL MEGAH sebagai ikon yang melambangkan betapa elitnya torang dibandingkan dengan
perumahan lain se- kabupaten TALIPYA-LIPYA..
Semua : (sambil tepuk tangan dan terkagum-kagum)
Ibu Pendeta : Oh Puji Tuhan kang oom Pala dapa kepercayaan besar ini
Om Don : Bagini kwa baru bilang Oom Pala paling span di Kelurahan BAKU SORONG, Kecamatan
MALINGTUANG, Kabupaten TALIPYA-LIPYA
Tanta Cece : Kong dana bagemana Oom Pala ?
Oom Pala : Oh tenang, semua aman dan terkendali. Kalo doi so dapa subsidi langsung dari pemerintah.
Tinggal mo tunjuk panitia pelaksana.. tantu ngoni 4 (ampa) ini noh harapan kompleks.
Tanta Dery : Depe konsumsi dang apa Om Pala? Makang-makang deng babungkus toh ?!
Oom Don : so nda salah memang ni tanta Dery ciri khas tanta-tanta Manado, so isi poot tahede-hede
babungkus lei..
Ibu Pendeta : Bagemana kalo Oom Pala tunjung jo sekarang depe panitia ?
Semua : setuju bu pendeta
Oom Pala : Pertama khadim.. sapa lagi kalo bukang torang pe Ibu Pendeta (semua tepuk tangan).
Selanjutnya, seksi acara.. musti Tanta Cece (diikuti tepuk tangan).
Nah, untuk keamanan, so nda diragukan lagi.. Oom Don (diikuti tepuk tangan).
Ini yang paling ditunggu.. seksi dekorasi deng konsumsi alias seksi kampung tenga, so nda
laeng nda bukang, tanta tukang makang deng babungkus.. tanta Dery.
Tanta Dery : aduh eh Om Pala Lo tau skali apa ni aku pe mau (sambil tersipu malu dan senyum senyum)
Oom Pala : Mar inga tanta Dery neh, siapkan kukis enak for kampung tenga.. deng 1 yang paling
penting,,ting,,ting.. jang lupa beli pohong natal yang MEGAH punya dang.., jang lupa depe lampu
warna warni,, kalo perlu deng bohlam lampu taruh disitu.. wkwkwkwkk
Semua : ahahahaa so butul skali itu Om Pala.. mantaaappp..
Tante Cece : oke deh, jadi sampe baku dapa ulang beso di acara Natal fenomenal (dan semuanya bubar)

A few moments later..

(Semua sudah kumpul di tempat acara, kecuali tanta Dery) ..
Oom Don : Ih mana ni tanta dery kang? Tinggal dia blum ada..
Tanta Cece : adoh kage dia tumingkas alias melarikan diri ini (sambil tepuk jidat)
Oom Pala : so ready samua? Sore ini akan membuktikan kepada dunia kalo kompleks Baku Baku Sayang
adalah kompleks paling MEGAH, paling ELIT.
Kemudian tanta Dery datang langsung disambut semua..
Oom Pala : Nah ini dia yang ditunggu-tunggu.. bagemana apakah anda sudah menyiapkan kukis kampung
tenga dan pohong natal “MEGAH” untuk perlehatan akbar ini, tanta Dery ?
Tanta Dery : Oh serahkan pada ahlinya (memuji-muji diri sendiri)
semuanya saling bertatapan tidak sabar menunggu kedatangan pohong MEGAH.
Tanta Dery : napa dia kukis dan pohong natal MEGAH itu (sambil menunjukkan kepada semuanya, yaitu
pohong natal kecil dengan label toko MEGAH dan kukis cucur dan apang)

A few moments later..

Tanta Cece dan Ibu Pendeta : edodo eeee.. kyapa bagini dang.. (sambil tepuk jidat dan menatap kebingungan)
Oom Don : Ini pohong natal megah ato cigulu cigulu..
Oom Pala : ooo tolooonnnggg nyaku aloo.. eh kamari dulu ngana usii..
Tanta Dery : Ih pa Oom Pala daanngg.. kan ada bilang beli pohong natal Megah, jadi kita pigi beli di toko
MEGAH noh..
Oom Pala : Yang dimaksud pohong natal MEGAH itu pohong basar..basar!! bukang ada bli di toko nama
MEGAH.. kong ini kukis ngana mo kase for tamu ??
ini kasing natal bukang acara 3 malam tantaaaa..
(sambil menunjukkan kukis cucur dan apang)
Oo dosaaa,, GATOT alias gagal total ini depe nama, mo taru dimana nyaku pe muka..
Ibu Pendeta : sudah jo baku kase salah.. samua salah.. ini karna samua baku-baku harap, baku-baku sorong
Tanta Cece : so cocok noh deng torang pe kelurahan pe nama BAKU SORONG, kecamatan MALINGTUANG,
kabupaten TALIPYA-LIPYA.. (dan semuanya tertawa)
Oom Don : samua katu ada hikmah, ini pelajaran for kedepan
Oom Pala : minta maaf jo dang pa samua birman nech, seharusnya Oom Pala musti blusukan bukang Cuma
main tunjung..
Ibu Pendeta : yang so terjadi biarlah terjadi, biar jo natal ini torang rayakan tanpa pohong natal, sederhana
jo, sama deng Tuhan Yesus lahir di kandang yang hina untuk memuliakan torang samua, jadi
musti BAKU-BAKU SAYANG, sesuai nama torang pe kompleks BAKU-BAKU SAYANG..
Semua : (sambil mengangguk-anggukan kepala) iyo kang bu pendeta..
Selanjutnya semua saling bermaaf-maafan dan saling mengucapkan selamat natal.
Selesai. Terima kasih.