PREMAN DI NAGARA RUNTAH

Aya nagara anu diwangun ku 10% oksigen jeung 80% runtah, kitu oge 10% bahan sejenna. Eta
nagara katelah "Land of runtah". Runtah ngadominasi sabagean ageung nagara, jalan jalan
pinuh ku runtah, bukit bukit pinuh ku runtah, lantaran kaayaannana kacida hanjakal. balukarna
loba nu nganggur di dinya. Jaman baheula aya 2 preman nu ngarana Jeremy jeung Joko keur
kaganggu. Naon masalahna jeung naon anu bakal maranehna laksanakeun? Hayu urang
langsung ka TKP!

Jeremy: "Jok, geus saminggu urang teu boga panghasilan"

Joko: "Kumaha mun urang gawe sampingan?"

Jeremy: "Nya naon gawe sampingannana?"

Joko: "Kieu weh urang enggeusan heula jadi preman, urang neangan pagawean nu leuwih
mulya, nu leuwih barokah, nu bisa ngabahagiakeun kolot, kumaha mun urang jadi tukang
malak?"

Jeremy: "Enya, eta sarua keneh jeung preman"

Joko: "Jadi maling?"

Jeremy: "Nya, sarua keneh"

Joko: "Jadi penculik?"

Jeremy: "Tah eta, karek pagawean lalaki sajati."

Joko: "Oke, korban kahiji, ku maneh teangan"

Jeremy: "Sip, bisa diatur, wani piro?"

Joko: "Kan engke urang cokot duit na ti nyulik batur"

Jeremy: "Siaplah" (Ngajauhan)

Geus sajam, opat puluh dua menit, sarebu dalapan ratus genep puluh tujuh detik. Tungtungna
Jeremy datang deui.

Joko: "Kunaon, naha datang sorangan?"

Jeremy: "Gagal, kuring ampir digebukkan"

Joko: "Naha gagal?"

Jeremy: "Kuring geus nyirian. Wah, jigana ieu mah jelema beunghar, tapi panggih jeung
bapana, jadi nungguan bapana indit. Kuring parantos ngantosan lila pisan. Tungtungna, kuring
nyamperkeun da gentlemen. Teras kuring nyarios "Pak, tiasa nyimpang sakedap, abdi bade
nyulik putra anjeun, kuring geus ngomong tapi kalahkah tereh di tonjok!"

Joko: "Nya enya, tong bebeja yen maneh rek nyulik budak batur"

Jeremy: "Hehehe, kan leuwih hade mun kuring jujur, tibatan pura pura jadi jelema beunghar
kawas jalma jalma eta wangunan badag"

Joko: "Tapi naha maneh bet bebeja sagala sih, ceuk kuring mah mending langsung culik we,
geus rengse."

Jeremy: "Heeh, tadi ge hayang na mah kitu, tapi kalahkah bapana nu kaluarna"

Joko: "Aya-aya wae manehmah, nya geus ditu indit deui teangan mangsa nu bener!"

Jeremy: "Oke, Sip lah"

Sababaraha detik ti harita aya jalma datang, sanggeus eta Jeremy datang jeung awewe nu
disebut geulis heunteu, disebut awon enya. Ehh, maksadna geulis pisan.

Jeremy: "Ieu bro"

Joko: "Gud, saha ngarana?"

Susanti: "Susanti mang"

Jeremy: "Tong emang atuh, panggil mbak eh maksadna da weh atuh"

Joko: "Maneh jelema beungharnya?"

Susanti: "Naha teurang kuring jelema beunghar?"

Joko: "Katingali ti lantai, angka angka"

Susanti: "Angka naon?"

Joko: "Angka sapatu, Eh nomor maksadna. Nomor telepon bapa maneh. Jer, jer, jer, siap
nelepon"

Jeremy: "Oke" (ngokot hape)

Susanti: "0812345789"

Jeremy: "Wah, ieu mah nomor kasep. Oke" (Nempelkeun hape kana ceuli)

Jeremy: "Halo, Assalamualaikum, Sandina?"

Joko: "Ulah make sandi otak udang kulub, cik dieu ku kuring weh." (Ngarebut ngokot hape)

Joko: "Ieu kumaha cara make na?"

Jeremy: "Kari ngomong Joko Samsuldin!"

Joko: "Halo, Leres iru sareng bapana susanti? Dupi anjeun sehat? Ku kituna pak, putra bapa
kabeneran jadi sandera, Sarta kuring menta tebusan, tebusanna teu ageung, mung 500 juta"

Jeremy: "Gede teuing" (Nepak tongging Joko)

Joko: "Jadi sabaraha?"

Jeremy: "Kuring oge teu nyaho. Taros keun sabaraha harga pasarna?"

Joko: "Oke, harga pasarna sabaraha neng?"

Susanti: "Naha nanya ka kuring, tanya keun kanu sanes"

Jeremy: "Pak, pak, pak.. Kadieu sakedap Pak" (Ngagoroan satpam)

Satpam: "Aya naon kang?"

Jeremy: "Sabaraha harga pasar nyulik pak? 500 juta tiasa?"

Satpam: "Tah ieu, ieu bahaya, teu bener, tong sembarangan wae harga, tong nepi ka harga
pasar turun. Akang pikir, akang kadieu mawa duit, dahar make duit, nelpon make duit, aca deui
kaluarga akang di imah ngurus make duit, jaman ayeuna mah harga-harga naraek kabeh.
Pengecualian panghasilan rakyat. Cobu sebutkeu deui tadi sabaraha?"

Joko: "500 juta"

Satpam: "Beeuuh.. Gocap cukup, akang pikir lamunan akang katewak terus digebuk, akang
bakal nambihan biaya rumah sakit jalma-jalma digedong ukur ngalakukeun
padamelan/pagawean, sare jeung gaji na gede? "

Joko: "Siaplah, hatur nuhun Pak"

Satpam: "Wilujeng sing lancar" (Salaman, indit)

Joko: "Jadi hargana gocap Pak?"