ACARA/AGENDA TU NA MONDING

RUAS NI HURIA
GKPI JEMAAT KHUSUS AEK KANOPAN
JONNY PARABUNA HUTAHAEAN (Ama Chintya
Melati)
27 Desember 1973 – 07 Januari 2024 - (50 Tahun 10 Hari)
Selasa, 09 Januari 2024

01. Marende No. 334 : 1-2 “Nasa Jolma Ingkon Mate”.

1. Nasa jolma ingkon mate Ingkon mago sibuk i
Na mangolu ingkon mate Asa tung denggan muse
Daging on do gabe bangke jala ingkon do malangke
Asa sogot bangkit i Tu hasangaponna i
2. Ipe ndang be juaonku Roha ni Debatangki
Lehononku do hosangku Ndang be marsak au disi
Ai di bugang ni Jesusku Dapot au hangoluanku
Ala hamamate ni Do tarapul rohangki.
02. Jamita.
03. Marende No. 335 : 1-2 “Loas Au, Asa Lao”.
1. Loas au asa lao Tu Jesusku tu na dao
Ai malungun do rohangku Mandapothon Debatangku
Asa di lambungNa au Asa di lambungNa au
2. Jesuski, Sondang i Sitorusi ombun i
O andigan ro tingkingku Asa borhat ma tondingku
Lao marnida bohiMi?, Lao marnida bohiMi?
04. Manutup Batang.
05. Marende No. 195 : 1… “Holong do Roha” (Borhat ma tu udean…)
1. Holong do roha Ni Debatangku Holong rohaNa tongtong di au
Ai dipatupa do Haluaonku Marhite Jesus AnakNa i.
2. Tarihot ahu dibahen dosa Na so tarbahen malua au.
Dibahen i hudok : Holong do roha Ni Debatangku Tongtong di au.
3. Peak do ahu Di hamatean Dibaen sibolis pangago i
Dibahen i hudok : Holong do roha Ni Debatangku Tongtong di au
----------
DI PARBANDAAN.
01. Marende No. 336 : 1 “Sonang ma modom”.
1. Sonang ma modom ho na martua i Na maradian sian ulaon i
Na niulamu di hajolmaon Jala na mangihut ho tu surgo.
02. Pananomon.
03. Mandabu Tano: Keluarga, Sisolhot & Natorop.
04. Marende No. 338 : 1 “Hehe do Muse”
1. Hehe do muse pamatangkon sian tanoman on
Suang mangolu bahenon ni Tuhanku Haleluya! Haleluya!
05. Tangiang Panutup/Pasupasu.
06. Marende No. 219 : 1-2 “Ise do alealenta” (Laos manutup
tanoman/kuburan).
1. Ise do alealenta Na so olo muba i ?
Aleale na sumurung I ma Tuhan Jesus i
Ai torop pe aleale Na di hasiangan on
Saluhutna i mansadi Molo mate daging on
2. Hahaangi dohot tondong Na marholong roha i
Aleale dohot dongan Tading do sudena i
Nang pe dipataru hita sahat tu udean i
Laho do muse nasida Ditadingkon bangke i.

------------------

PENDETA, PENATUA, DAN SELURUH JEMAAT

GKPI JEMAAT KHUSUS AEKKANOPAN
PASAHATHON :
TURUT BERDUKACITA YANG SEDALAM-DALAMNYA
Atas meninggalnya
Bapak JONNY PARABUNA HUTAHAEAN (Ama Chintya Melati).
Kiranya Tuhan menyertai dan menguatkan keluarga yang ditinggalkan.